୨ କରନ୍ତିୟ 6:14 - New Testament in Pengo Parja Language

¹⁴ ହାର୍ ଆରେ ଅଦରମ୍‌ ରବେ ମାହାଆଜି ମାନୁକ୍, ଅଜଡ଼୍ ଆରେ ମାଜ୍‌ଗା ରବେ ମାନୁକ୍, ହେ ଲେକେ ଏପେଙ୍ଗ୍ ପାର୍ତିକିୱି ମାନାୟାର୍ ହୁଦାଙ୍ଗ୍ ହାମାନ୍ ଆକାୟ୍। ଲାଗିଙ୍ଗ୍ ଏପେଙ୍ଗ୍ ହେୱାର୍ ଦଳ୍ ହୁଦାଙ୍ଗ୍ ମାହା ଆମାଟ୍।

ସତ୍‌ ବଚନ୍‌ ପୁନି ନିୟମ୍‌

¹⁴ ପାର୍ତି କିୱାକାର୍‌ ଲାହାଙ୍ଗ୍‌ ସମାନ୍‌ ଆୱି ଲାକେ ଜାଚାୟ୍‌ କିୟାମାଟ୍‌, ଇନେକିଦେଂକି ଦାର୍ମି ଆରି ଅଦାର୍ମି ବିତ୍ରେ ଇନାକା ମେହାଣ୍‌ ? ନଲେ ମାଜ୍‌ଗା ଲାହାଂ ଅଜଡ଼୍‌ ଇନାକା ମେହାଣ୍‌ ?

୨ କରନ୍ତିୟ 6:14 ပူးပေါင်းရင်းမြစ်များ

ଜହନ୍‌ 7:7

ପୁର୍ତିନି ମାନାୟାର୍ ମିଙ୍ଗେଙ୍ଗ୍ ଗିଣ୍ କିଦେଙ୍ଗ୍ ଆଡ଼୍‌ଦୁର୍। ମାତର୍ ନାଙ୍ଗେଙ୍ଗ୍ ପୁର୍ତିନି ମାନାୟାର୍ ଗିଣ୍ କିଦ୍‌ନାର୍, ଇନେସ୍‌କି ଆନେଙ୍ଗ୍ ପୁର୍ତିନି ମାନାୟାରିଙ୍ଗ୍ ପାପ୍ କାମାୟ୍ କିନାଦେରା ଇଞ୍ଜି ୱେଚ୍‌ନାଙ୍ଗା।

ପକ୍ୟାତାକା 4:23

ପିତର ଆରେ ଯୋହନ ଯିହୁଦି ନେତାର୍ ମିଟିଙ୍ଗ୍ ଇଞ୍ଜାଙ୍ଗ୍ ହସି ତା ହାଙ୍ଗ୍‌ଦାକାର୍‌ତାକେ ହାଚାର୍। ଆରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରିର୍ ଆରେ ପ୍ରାଚିନ୍‌ ହେୱାରିଙ୍ଗ୍ ଇନା-ଇନାକା ୱେଚ୍‌ଚି ମାଚାର୍, ହେ ୱିଜୁ ତା ହାଙ୍ଗ୍‌ଦାକାରିଙ୍ଗ୍ ୱେଚ୍‌ଚାର୍।

୧ କରନ୍ତିୟ 10:21

ଏପେଙ୍ଗ୍ ପ୍ରବୁବଜ୍ ଆରେ ଶୟତାନନି ବେଦିତାଙ୍ଗ୍ କାଦି ଚିଞ୍ଜେଙ୍ଗ୍ ଆଡୁଦେର୍। ହେଲେକେ ଏପେଙ୍ଗ୍ ମାପୃ ଆରେ ଶୟତାନନି ଟେବୁଲ୍‌ତାଙ୍ଗ୍ ଅଙ୍ଗୁର୍ ରାସ୍ ଉଣ୍ଡେଙ୍ଗ୍ ଆଡୁଦେର୍।

୧ କରନ୍ତିୟ 15:33

ଲାଗିଙ୍ଗ୍ ଇଲେକେ ବେଣ୍ ୱେଚ୍‌ନି ମାନାୟାର୍ କାତା ୱେନ୍‌ଞ୍ଜି ଜାର୍‌ତିଙ୍ଗ୍‌ ଟକାୟ୍ କିୟାଆମାଟ୍, ଇନେସ୍‌କି “କରାପ୍ ମାନାୟ୍ ହୁଦାଙ୍ଗ୍ ମାହାଆତିସ୍ କରାପ୍ ବ୍ଯବହାର୍ କିୟିଆନାତ୍।”

୧ କରନ୍ତିୟ 5:9

ଆନେଙ୍ଗ୍ ମିଙ୍ଗେଙ୍ଗ୍ ଦାରି କାମାୟ୍ କିନି ମାନାୟାର୍ ହୁଦାଙ୍ଗ୍ ମାହା ଆୱେଦେଙ୍ଗ୍, ଆନେଙ୍ଗ୍ ପାର୍ତୁମ୍ ଲେକିକିତି ଚିଟିତାକେ ପା ଲେକିକିଜି ମାଚାଙ୍ଗ୍।

୧ କରନ୍ତିୟ 6:6

ମାତର୍ ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ଯେ, ହେୱାର୍ ଜାର୍ ପାର୍ତିନି ଟଣ୍ଡାର୍ ବିରଦ୍‌ତାକେ ବିଚାର୍‌କିନି ବାହାତାକେ ବିଚାର୍ କିଦେଙ୍ଗ୍ ଅନାଦେରା, ଆରେ ବିନ୍‌ଜାତିର୍ ବିଚାର୍‌କିନି ମାନାୟ୍ ତାଙ୍ଗେଙ୍ଗ୍ ବିଚାର୍ କିନାନା।

୧ କରନ୍ତିୟ 7:39

ଯଦି ର କଗ୍‌ଲେ ବିବା ଆତାତ୍‌ନା, ହେଦେଲ୍ ତା ଡକ୍ରାହି ଜିବୁନ୍ ମାନି ପାତେକ୍ ତା ହୁଦାଙ୍ଗ୍ ମାଞ୍ଜେଙ୍ଗ୍ ଆନାତ୍। ଆରେ ଯଦି ତା ଡକ୍ରାହି ହାଃନାନ୍, ଲାଗିଙ୍ଗ୍ ହେଦେଲ୍ ମାନ୍ କିତାକାନିଙ୍ଗ୍ ଆରେ ର ଆଣ୍ଡ୍ରେନିଙ୍ଗ୍ ବିବା ଆଦେଙ୍ଗ୍ ଆଡ୍‌ନାତ୍, ଯଦି ହେ ଆଣ୍ଡ୍ରେନ୍ ଖ୍ରୀଷ୍ଟାନ୍ ଆତାନ୍‌ନା।

ପିଲିପିୟ 2:15

ଲାଗିଙ୍ଗ୍ ଇନେର୍ ପା ମିଙ୍ଗେଙ୍ଗ୍ ଦସି ଇଞ୍ଜି ୱେଚ୍‌ଚେଙ୍ଗ୍ ଆଡ଼୍‌ଦୁର୍, ଆରେ ଏପେଙ୍ଗ୍ ଦରମ୍ ମାନାୟ୍ ଆନାଦେର୍। କରାପ୍ ମାନାୟାର୍ ବିତ୍ରେ ମାନ୍‌ଞ୍ଜି ପା ଏପେଙ୍ଗ୍ ଇନାକା କରାପ୍ କାମାୟ୍ କିୱାଦାଙ୍ଗ୍ ଏପେଙ୍ଗ୍ ଈଶ୍ୱର ହିମ୍‌ଣାଙ୍ଗ୍ ଲେକେ ଆଜି ମାନାଟ୍। ଏପେଙ୍ଗ୍ ଜିବୁନ୍ ହିଦ୍‌ନି କାତାତିଙ୍ଗ୍ ଆସ୍ତି ବାଦାଡ଼୍‌ନି ହୁକା ଲେକେ ଆଜି ହେୱାର୍ ବିତ୍ରେ ଅଜଡ଼୍ ଆଡ।

ଜାକ୍‌ବ 4:4

ଏପେଙ୍ଗ୍ ଈଶ୍ୱରତାକେ ବିସ୍‌ବାସ୍ ହିଲ୍‌ୱିତି ମାନାୟ୍ କାଦେର୍, ଇନେସ୍‌କି ପୁର୍ତିନି ବିଷୟତିଙ୍ଗ୍ ସାଙ୍ଗ ଆତିସ୍ ଈଶ୍ୱରତିଙ୍ଗ୍ ଶତ୍ରୁ ଆନାଦେର୍, ଇଦାଙ୍ଗ୍ ମିଙ୍ଗେଙ୍ଗ୍ ଇନାକା ଜାଣା ଆକାୟ୍ କି? ଲାଗିଙ୍ଗ୍ ଇମ୍‌ଣାକାନ୍ ପୁର୍ତିନି ବିଷୟତିଙ୍ଗ୍ ସାଙ୍ଗ ଆଦେଙ୍ଗ୍ ଇଚାକିନାନ୍, ହେୱାନ୍ ନିଜେ ଈଶ୍ୱରତିଙ୍ଗ୍ ଶତ୍ରୁ ଆନାନ୍।