୨ କରନ୍ତିୟ 5:10 - New Testament in Pengo Parja Language

¹⁰ ଇନେସ୍‌କି ଆସେଙ୍ଗ୍ ବିଚାର୍ ଆନି କାଜିଙ୍ଗ୍ ଯୀଶୁ ଖ୍ରୀଷ୍ଟ ବିଚାର୍‌କିନି ବାହାତାକେ ନିଲ୍‌ୟା ଆନାତ୍, ଆସେଙ୍ଗ୍ ଇନାକା ମା ଗାଗାଡ଼୍‌ତାକେ କିଜି ମାନାସ୍ ହେୱାନ୍ ମାଙ୍ଗେଙ୍ଗ୍ ମା ହାର୍ ଆରେ କରାପ୍ କାମାୟ୍ କାଜିଙ୍ଗ୍ ପୁରଷ୍କାର୍ ହିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁰ ଇନାକିଦେଂକି ହାର୍‌ ଆଏତ୍‌ ନଲେ ବାନ୍ୟା ଆଏତ୍‌ ୱିଜ଼ାକାର୍‌ ପୁର୍ତିନି ଗାଗାଡ଼୍‌ ହୁକେ କିତି କାମାୟ୍‌ ଲାକେ ପାଡ଼୍‌ ପାୟାନି କାଜିଂ କ୍ରିସ୍ଟତି ବିଚାର୍‌ ମୁମ୍‌ଦ ମା ୱିଜ଼ାରିଂ ଚଞ୍ଜ୍‌ୟାନାକା ମାନାତ୍‌ ।

୨ କରନ୍ତିୟ 5:10 ပူးပေါင်းရင်းမြစ်များ

ମାତିଉ 16:27

ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜାର୍ ଆବା ଗୌରବ ହୁଦାଙ୍ଗ୍ ଜାର୍ ଦୁତ୍‌କୁ ହୁଦାଙ୍ଗ୍ ୱାନାନ୍। ଆରେ ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ତା କିତି କାମାୟ୍‌ତାଙ୍ଗ୍ ପାଡ଼୍‌ ହିଦ୍‌ନାନ୍।

ପକ୍ୟାତାକା 10:42

ଯୀଶୁଙ୍ଗ୍ ହାଃତାକାରିଙ୍ଗ୍ ଆରେ ଜିବୁନ୍ ମାନାକାରିଙ୍ଗ୍ ବିଚାର୍ କିଦେଙ୍ଗ୍ ଈଶ୍ୱର ବାଚି କିତାନ୍‌ନା। ଇ ବିଷୟରେ ୱିଜୁ ମାନାୟାରିଙ୍ଗ୍ ଶୁଣାୟ୍ କିଦେଙ୍ଗ୍, ଆରେ ସାକି ହିଦେଙ୍ଗ୍ ହେୱାନ୍ ମାଙ୍ଗେଙ୍ଗ୍ ଆଦେସ୍ ହିତ୍‌ତାନ୍‌ନା।

ପକ୍ୟାତାକା 17:31

ପୁର୍ତିନି ନ୍ୟାୟ୍‌ତିଙ୍ଗ୍ ବିଚାର୍ କିଦେଙ୍ଗ୍ ହେୱାନ୍ ରକାନିଙ୍ଗ୍ ବାଚି କିତାନ୍‌ନା, ଆରେ ଦିନ୍ ପା ରସ୍ତାନ୍‌ନା। ହେୱାନିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ୱିଜାକାର୍‌ତାକେ ସତ୍ ଇଞ୍ଜି ଚଚ୍‌ଚାନ୍‌ନା।”

ରୋମିୟ 2:16

ହେ ଦିନ୍ ଇଲେକେ ଗଟାଆନାତ୍ ଯେ, ନା ହାର୍ଦିକାବୁର୍ ଅନୁସାରେ ଈଶ୍ୱର ଯୀଶୁ ଖ୍ରୀଷ୍ଟ ହୁଦାଙ୍ଗ୍ ମାନାୟାର୍ ଡ଼ୁକ୍‌ତି ବିଷୟତିଙ୍ଗ୍ ବିଚାର୍ କିନାର୍, ହେ ନାଞ୍ଜିଙ୍ଗ୍ ଇ ୱିଜୁ ପୁନ୍ୟା ଆନାତ୍।

ରୋମିୟ 6:19

ଆନେଙ୍ଗ୍ ମିଙ୍ଗେଙ୍ଗ୍ ବୁଜାୟ୍ କିଦ୍‌ନି କାଜିଙ୍ଗ୍ ଚାକର୍ ଆରେ ମାଲିକ୍ କାତା ୱେଚ୍‌ଚାନାଙ୍ଗା, ଆଗେ ଏପେଙ୍ଗ୍ ଅଦରମ୍‌ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଦରମ୍‌ନି ଚାକର୍ ଆନି ଦର୍‌କାର୍, ଲାଗିଙ୍ଗ୍ ଏପେଙ୍ଗ୍ ପବିତ୍ର ମାନାୟ୍ ଆଦେଙ୍ଗ୍ ଆଡ୍‌ନାଦେର୍।

୧ କରନ୍ତିୟ 4:5

ହେଦାଙ୍ଗ୍ କାଜିଙ୍ଗ୍ ମାପୃ ଆରେରଗ ପୁର୍ତିତାକେ ୱାୱି ପାତେକ୍ ମାନାୟାରିଙ୍ଗ୍ ଏପେଙ୍ଗ୍ ବିଚାର୍ କିମାଟ୍, ଏଚେପାଦ୍ନା ମାପୃ ୱାନାନ୍‌ ହେୱାନ୍ ମାନାୟାର୍ ମାନ୍ତି କାତାତିଙ୍ଗ୍ ୱେଚ୍‌ନାନ୍, ଇମ୍‌ଣାକା ଇନେର୍ ପା ପୁନୁର୍। ହେୱାନ୍ ମାନାୟାର୍ ଗରବ୍ ବିତ୍ରେନି ଇଚାତାଙ୍ଗ୍ ପୁନିକିନାନ୍। ହେପାଦ୍ନା ଈଶ୍ୱର ୱିଜୁ ମାନାୟାରିଙ୍ଗ୍ ହେୱାର୍ ଅଦିକାର୍ ଅନୁସାରେ ସନ୍‌ମାନ୍ ହିନାନ୍।

୨ କରନ୍ତିୟ 7:3

ଆନେଙ୍ଗ୍ ମିଙ୍ଗେଙ୍ଗ୍ ଦସ୍ କିଦ୍‌ଦେଙ୍ଗ୍ ଇ ୱିଜୁ ବିଷୟରେ ୱେଚ୍‌ଚୁଙ୍ଗା, ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ଆଗେ ପା ୱେଚ୍‌ଚି ମାନ୍‌ଞ୍ଚାଙ୍ଗ୍ ଯେ, ଆସେଙ୍ଗ୍ ହାଃତିସ୍ କି ଜିବୁନ୍ ମାଚିସ୍ ପା ମାହାଆଜି ମାନାସ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ନା ଗରବ୍‌ତାଙ୍ଗ୍ ଲାଡ୍ କିଦ୍‌ନାଙ୍ଗା।

ଏପିସିୟ 6:8

ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଯେ ଦାସ୍ ଆୟେନ୍ କି ଦାସ୍ ଆୱାଦାଙ୍ଗ୍ କାମାୟ୍ କିନାକାନ୍, ଇନେର୍ ହାର୍ଦି କାମାୟ୍ କିନାନ୍, ହେୱାନ୍ ମାପୃତାଙ୍ଗ୍ ହେବେନି ପୁରଷ୍କାର୍ ଆୟାଆନାନ୍।

ଏବ୍ରି 9:27

ୱିଜାକାର୍ ମାନାୟ୍ ରଗ ନେ ହାଃନାର୍। ହାଃତି ପାଚେ, ଈଶ୍ୱର ୱିଜୁ ମାନାୟାରିଙ୍ଗ୍ ବିଚାର୍ କିନାନ୍।

୧ ପିତର 4:5

ମାତର୍ ରଦିନ୍ ୱାନାତ୍ ହେୱାର୍ ୱିଜାକାର୍ ଈଶ୍ୱର ମୁମ୍‌ଦ ନିଲ୍‌ନାର୍ ଆରେ ଈଶ୍ୱର ହେୱାରିଙ୍ଗ୍ ବିଚାର୍ କିନାନ୍। ଈଶ୍ୱର ହେୱାରିଙ୍ଗ୍ ରୱା-ରୱାରିଙ୍ଗ୍ ୱେନ୍‌ବାନାନ୍ ଏପେଙ୍ଗ୍ ପୁର୍ତିତାକେ ମାଚିହିଙ୍ଗ୍ ଇନା-ଇନା କାମାୟ୍ କିଜି ମାଚାଦେର୍। ଈଶ୍ୱର ୱିଜୁ ହାଃତାକାରିଙ୍ଗ୍ ଆରେ ଜିବୁନ୍ ମାନି ମାନାୟାରିଙ୍ଗ୍ ବିଚାର୍ କିନାନ୍।

ହତ୍‌ତି 2:23

ଆନେଙ୍ଗ୍ ତା ହିକ୍ଷାତିଙ୍ଗ୍ ମାନି କିନାକାରିଙ୍ଗ୍ ମାର୍ନେ ଅହ୍‌ନାଙ୍ଗ୍, ଲାଗିଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ ପୁନାର୍ ଯେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜାର୍ ମାନ୍ତି ବାବ୍‌ନାତିଙ୍ଗ୍ ଆରେ ଚିନ୍ତାତିଙ୍ଗ୍ ପୁନି ମାନାୟ୍। ଆରେ ଆନେଙ୍ଗ୍ ମି ଜାର୍-ଜାର୍ କାମାୟ୍ ଅନୁସାରେ ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାଙ୍ଗ୍।

ହତ୍‌ତି 22:12

“ତାପାଚେ ମାପୃ ଯୀଶୁ ୱେଚ୍‌ଚାନ୍‌, ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ୱିଜାର୍ ମାନାୟାର୍ କାମାୟ୍ ଅନୁସାରେ ଆନେଙ୍ଗ୍ ହେୱାରିଙ୍ଗ୍ ପୁରଷ୍କାର୍ ଆୱିତିସ୍ ଦଣ୍ଡ୍ ହିନାଙ୍ଗ୍।”