୨ କରନ୍ତିୟ 4:14 - New Testament in Pengo Parja Language

¹⁴ ଆପେଙ୍ଗ୍ ପୁଚାପ୍‌ନା ଯେ, ଈଶ୍ୱର ଆରେରଗ ମା ମାପୃ ଯୀଶୁଙ୍ଗ୍ ହାଃତିତାଙ୍ଗ୍ ଜିବୁନ୍ କିତାନ୍‌ନା। ଆରେ ମାଙ୍ଗେଙ୍ଗ୍ ପା ହେୱାନ୍ ଆରେରଗ ଜିବୁନ୍ କିଦ୍‌ନାନ୍ ଇନେସ୍‌କି ଆସେଙ୍ଗ୍ ଯୀଶୁ ଲକ୍ ଆତାସ୍‌ନା, ଆରେ ତା ହୁଦାଙ୍ଗ୍ ମାଞ୍ଜେଙ୍ଗ୍ ମାଙ୍ଗେଙ୍ଗ୍ ଆରେ ମିଙ୍ଗେଙ୍ଗ୍ ତା ଲାଗାୟ୍ ତାହିୱାଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଇନାକିଦେଂକି ଆପ୍‌ ପୁନାସ୍‌ ମାପ୍ରୁ ଜିସୁଙ୍ଗ୍‌ ଇନେର୍‌ ନିକ୍‌ତାର୍‌ ହେୱାନ୍‌ ମାଙ୍ଗେଙ୍ଗ୍‌ ପା ଜିସୁତି ଲାହାଙ୍ଗ୍‌ ନିକ୍‌ତାନାନ୍ ଆରି ତା ମୁମ୍‌ଦ ନି ଲାହାଙ୍ଗ୍‌ ମାନ୍‌ଗାନାନ୍‌ ।

୨ କରନ୍ତିୟ 4:14 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:36

ଏପେଙ୍ଗ୍ ପାର୍ତାନା କିଜି ୱିଜୁଦିନ୍ ଜାଗ୍ରତ୍ ମାନାଟ୍। ଲାଗିଙ୍ଗ୍ ଏପେଙ୍ଗ୍ ୱାନି ଦୁକ୍‌ନି ସମୟ୍‌ତିଙ୍ଗ୍ ରକ୍ଷା ପାୟାଆନାଦେର୍। ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ମୁମ୍‌ଦ ସାସ୍ ଆସ୍ତି ନିଲ୍‌ତେଙ୍ଗ୍ ଆଡ୍‌ନାଦେର୍।”

ପକ୍ୟାତାକା 2:24

ମାତର୍ ଈଶ୍ୱର ଯୀଶୁଙ୍ଗ୍ ହାଃନିତାଙ୍ଗ୍ ରକ୍ଷା କିଜି ହେୱାନିଙ୍ଗ୍ ଆରେରଗ ଜିବୁନ୍ କିତାନ୍‌ନା। ଇନେସ୍‌କି ହାଃନି ଶାକ୍ତି ହେୱାନିଙ୍ଗ୍ ଆସ୍ତେଙ୍ଗ୍ ଆଡ୍‌ୱାତାତ୍।

ପକ୍ୟାତାକା 2:32

ଇ ଯୀଶୁଙ୍ଗ୍ ନେ ଈଶ୍ୱର ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍‌ନା, ହେ ବିଷୟରେ ଆସେଙ୍ଗ୍ ୱିଜାକାସ୍ ସାକି।

ରୋମିୟ 8:11

ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେ ପବିତ୍ର ଆତ୍ମା ମି ବିତ୍ରେ ମାନାତା। ହେୱାନ୍ ଇନେସ୍ କିଜି ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେଲେକେ ମି ବିତ୍ରେ ମାନି ଆତ୍ମା, ମି ହାଃନି ଗାଗାଡ଼୍‌ତିଙ୍ଗ୍ ଆରେରଗ ଜିବୁନ୍ କିଦ୍‌ନାତ୍।

୧ କରନ୍ତିୟ 6:14

ଈଶ୍ୱର ତା ଶାକ୍ତି ହୁଦାଙ୍ଗ୍ ମା ଗାଗାଡ଼୍‌ତିଙ୍ଗ୍ ହାଃତିତାଙ୍ଗ୍ ଆରେରଗ ନିକ୍ତାନାନ୍‌, ଇନେସ୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍ତାନ୍।

୨ କରନ୍ତିୟ 11:2

ଈଶ୍ୱର ଚିନ୍ତା କିତିଲେକେ ଆନେଙ୍ଗ୍ ମି କାଜିଙ୍ଗ୍ ଚିନ୍ତା କିନାଙ୍ଗା। ଆନେଙ୍ଗ୍ ମିଙ୍ଗେଙ୍ଗ୍ ଖ୍ରୀଷ୍ଟଙ୍ଗ୍‌ନେ ହିଦ୍‌ଦେଙ୍ଗ୍ ପାର୍ମାଣ୍ କିତାଙ୍ଗ୍‌ନା ହେଦାଙ୍ଗ୍ ଇଲେକେ ଯେ, ର ଆବା ତା ବେଣ୍ଡିଆ ଗାଡ଼୍‌ଚେଙ୍ଗ୍ ବିବା ଆନିହିଙ୍ଗ୍ ତା ଡକ୍ରାହିଙ୍ଗ୍ ସର୍‌ପି କିନାନ୍।

ଏପିସିୟ 5:27

ଆରେ ହେୱାନ୍ ଇନେସ୍ ମଣ୍ଡ୍‌ଲିତିଙ୍ଗ୍ ପବିତ୍ର ଆରେ ବିନା ଦସ୍‌ନି ର ଗୌରବନି ମଣ୍ଡ୍‌ଲି ଲେକେ ଜାର୍‌ତାକେ ଚଚ୍‌ଚେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ମଣ୍ଡ୍‌ଲିତିଙ୍ଗ୍ ଚିନ୍ କିୱାଦାଙ୍ଗ୍ ଆରେ ଇନେସ୍ ଲେଗ୍‌ଦି ଦସ୍‌ତାକେ ମାନ୍‌ୱି କାଜିଙ୍ଗ୍ ଖ୍ରୀଷ୍ଟ ଇଦାଙ୍ଗ୍ କିତାନ୍‌ନା।

କଲସିୟ 1:22

ମାତର୍ ଖ୍ରୀଷ୍ଟ ମାନାୟ୍ ରୁପ୍ ଆଜି କୃଶକାଟ୍‌ତାକେ ହାଃତି କାଜିଙ୍ଗ୍ ଈଶ୍ୱର ମା ହୁଦାଙ୍ଗ୍ ମାହାଆତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଏଚେକାଡ଼୍‌ଦ ଈଶ୍ୱର ମୁମ୍‌ଦ ନିଲ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ପବିତ୍ର ଆରେ ମି ବିରଦ୍‌ତାକେ ଇନେର୍‌ପା ନିନ୍ଦା ବେଣ୍ ୱେଚ୍‌ଚି ଦସି କିଦ୍‌ଦେଙ୍ଗ୍ ଆଡ଼୍‌ଦୁର୍।

କଲସିୟ 1:28

ଲାଗିଙ୍ଗ୍ ଆପେଙ୍ଗ୍ ଖ୍ରୀଷ୍ଟ ବିଷୟରେ ୱିଜାକାରିଙ୍ଗ୍ ୱେଚ୍‌ନାପା, ଆରେ ଈଶ୍ୱର ହିଜି ମାନ୍‌ଞ୍ଚି ଜ୍ଞାନ୍‌ତାଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିଜି ହିକ୍ଷା ହିନାପା। ଇନେସ୍‌କି ଆପେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ଟିକ୍ ବାବ୍‌ରେ ମାହାଆଜି ମାନାର୍ ଇଞ୍ଜି ଈଶ୍ୱର ମୁମ୍‌ଦ ନିଲି କିଦେଙ୍ଗ୍ ଆପେଙ୍ଗ୍ ଇ ଲେକେ କିନାପା।

୧ ଥେସଲନୀକିୟ 4:14

ଆସେଙ୍ଗ୍ ଯଦି, ମାପୃ ଯୀଶୁଙ୍ଗ୍ ଈଶ୍ୱର ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍‌ନା ଇଞ୍ଜି ପାର୍ତି କିନାସା। ଲାଗିଙ୍ଗ୍ ଏଚେପାଦ୍ନା ଯୀଶୁ ଆରେରଗ ପୁର୍ତିତାକେ ୱାନାନ୍, ହେପାଦ୍ନା ଯୀଶୁଙ୍ଗ୍ ପାର୍ତି କିଜି ହାଃତି ମାନାୟାରିଙ୍ଗ୍ ଈଶ୍ୱର ଆରେରଗ ଜିବୁନ୍ ହିନାନ୍।

ଜାକ୍‌ବ 5:15

ପାର୍ତିତାଙ୍ଗ୍ ପାର୍ତାନା କିତିସ୍ ହେ ବେମାର୍ ମାନାୟ୍ ହାର୍ ଆନାନ୍। ଇନେସ୍‌କି ମାପୃ ହେୱାନିଙ୍ଗ୍ ହାର୍‌କିନାନ୍‌, ଆରେ ଯଦି ହେୱାନ୍ ପାପ୍ କିଜିମାଚିସ୍, ଈଶ୍ୱର ହେୱାନିଙ୍ଗ୍ କେମା କିନାନ୍।

ଜିହୁଦା 1:24

ଈଶ୍ୱର ନେ ମିଙ୍ଗେଙ୍ଗ୍ ଉଜ୍‌ଦି ଗୁର୍‌ନିତାଙ୍ଗ୍‌ ଉଦାର୍ କିଦ୍‌ଦେଙ୍ଗ୍ ଆଡ୍‌ନାନ୍। ଆରେ ତା ଗୌରବନି ମୁମ୍‌ଦ ନିଲି କିଦ୍‌ଦେଙ୍ଗ୍ ଏଚେପାଦ୍ନା ହେୱାନ୍ ମିଙ୍ଗେଙ୍ଗ୍ ତାସିୱାଦ୍‌ନାନ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ପାପ୍‌ନି ଦସ୍ ହିଲ୍‌ୱି ମାନାୟ୍ ଲେକେ ଆରେ ୱାରି ହିଦ୍‌ଦେଙ୍ଗ୍ ଆଡ଼୍‌ଦାନାନ୍। ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଉବ୍‌ଜାଣ୍ ଆତି ଆରମ୍‌ତାଙ୍ଗ୍ ଗୌରବ, ଜୟ୍-ଜୟ୍ କିନାକା, ଶାକ୍ତି ଆରେ ଆଦିକାର୍ ହେୱାନ୍‌ତି, ଆରେ ନଙ୍ଗୟ୍ ପା ହେୱାନ୍‌ତି, ଆରେ ୱିଜ୍‌ୱିଦିନ୍ କାଜିଙ୍ଗ୍ ହେୱାନ୍‌ତି ମାନ୍‌ଗାନାତ୍। ଆମେନ୍।