୨ କରନ୍ତିୟ 3:17 - New Testament in Pengo Parja Language

¹⁷ ନଙ୍ଗୟ୍ ମାପୃ ନେ ଆତ୍ମା, ଆରେ ହେ ମାପୃ ଆତ୍ମା ମାଙ୍ଗେଙ୍ଗ୍ ପାନି ପାର୍ମାଣ୍‌ତାଙ୍ଗ୍ ମୁକ୍ତି ହିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁷ ମାପ୍ରୁ ଜିବୁନ୍‌ ଆନାନ୍‌; ଆରେ ଇମେତାକେ ମାପ୍ରୁତି ଜିବୁନ୍‌ ହେବେ ଜାର୍‌ ମାନ୍‌ ।

୨ କରନ୍ତିୟ 3:17 ပူးပေါင်းရင်းမြစ်များ

ଜହନ୍‌ 6:63

ଗାଗାଡ଼୍ ମାନାୟ୍‌ତିଙ୍ଗ୍ ଜିବୁନ୍ କିଦୁତ୍। ମାତର୍ ଈଶ୍ୱରଆତ୍ମା ଜିବୁନ୍ ହିଦ୍‌ନାତ୍। ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାତାଙ୍ଗ୍ ହେଦାଙ୍ଗ୍ ଆତ୍ମା, ଲାଗିଙ୍ଗ୍ ଇୱିଜୁ ବିଷୟ ଜିବୁନ୍ ହିଦ୍‌ନାତ୍।

ଜହନ୍‌ 8:32

ଏପେଙ୍ଗ୍ ସତ୍‌ତିଙ୍ଗ୍ ପୁନାଦେର୍ ଆରେ ହେ ସତ୍ ମିଙ୍ଗେଙ୍ଗ୍ ରକ୍ଷା କିଦ୍‌ନାତ୍।”

ରୋମିୟ 8:2

ଇନେସ୍‌କି ପବିତ୍ର ଆତ୍ମା ମାଙ୍ଗେଙ୍ଗ୍ ଜିବୁନ୍ ହିଦ୍‌ନାତ୍ ହେଦାଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ୱାନାତ୍, ଆରେ ପାପ୍‌ନି ଶାକ୍ତିତାଙ୍ଗ୍ ଆରେ ମାରାଣ୍‌ତାଙ୍ଗ୍ ମୁକ୍ତି କିଦ୍‌ନାତ୍।

୧ କରନ୍ତିୟ 15:45

ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ପାର୍ତୁମ୍ ମାନାୟ୍ ଆଦମ ଜିବୁନ୍ ମାନାକାନ୍ ଆତାନ୍, ମାତର୍ ସେସ୍ ଆଦମ ଖ୍ରୀଷ୍ଟ ଜିବୁନ୍ ହିଦ୍‌ନି ଆତ୍ମା ଆତାନ୍‌ନା।”

୨ କରନ୍ତିୟ 3:18

ଆପେଙ୍ଗ୍ ୱିଜାକାପ୍ ଦାର୍‌ପାଣ୍ ଲେକେ ମାପୃ ମୁମ୍‌ଦ ପାର୍‌ଦା ହିଲ୍‌ୱି ଗୌରବ ଲେକେ ଚଞ୍ଜ୍‌ନାଦେର୍। ଈଶ୍ୱର ମାଙ୍ଗେଙ୍ଗ୍ ତା ଲେକେ ଆନି କାଜିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ବାଡାୟ୍‌ କିନାନା, ହେଦାଙ୍ଗ୍ ମାପୃ ପବିତ୍ର ଆତ୍ମା କିନାନା।

୨ କରନ୍ତିୟ 3:6

ଈଶ୍ୱର ତା ପୁନି ନିୟମ୍‌ନି ସାସ୍ତର୍ ହେବା କିନାକାର୍ ମାଙ୍ଗେଙ୍ଗ୍ କିତ୍‌ତାନ୍‌ନା। ଚିଟି ଲେକେ ଇ ପୁନି ନିୟମ୍ ଆକାୟ୍, ମାତର୍ ପବିତ୍ର ଆତ୍ମାକାଙ୍ଗ୍ ଇ ପୁନି ନିୟମ୍ ଲେକାଆତାତ୍‌ନା। ପାନି ନିୟମ୍ ମାରାଣ୍ ତାସିୱାନାତ୍, ମାତର୍ ପବିତ୍ର ଆତ୍ମା ଜିବୁନ୍ ହିଦ୍‌ନାତ୍।

ଗାଲାତିୟ 4:6

ଆରେ ଆସେଙ୍ଗ୍ ତା ହିମ୍‌ଣା ଆତି କାଜିଙ୍ଗ୍, ଈଶ୍ୱର ତା ହିମ୍‌ଣାନି ଆତ୍ମାତିଙ୍ଗ୍ ମା ଗରବ୍ ବିତ୍ରେ ପକ୍ତାତାନ୍‌ନା। ହେ ଆତ୍ମା ଆବା ପିତା ଇଞ୍ଜି କୁକ୍‍ତେଙ୍ଗ୍ ମାଙ୍ଗେଙ୍ଗ୍ ସାହାସ୍ ହିଦ୍‌ନାତା।

ଗାଲାତିୟ 5:1

ଖ୍ରୀଷ୍ଟ ମାଙ୍ଗେଙ୍ଗ୍ ମୋଶା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ଆରେ ନିୟମ୍ ସାସ୍ତର୍‌ନି ଦାସ୍ ଆଜି ମାଞ୍ଜେଙ୍ଗ୍ ଉପାୟ୍ କିୱାଦାଙ୍ଗ୍, ସ୍ୱାଦିନ୍ ଆଜି ମାନାଟ୍।

ଗାଲାତିୟ 5:13

ଇନେସ୍‌କି ଏ ଟଣ୍ଡାର୍‌କାଦେର୍, ଈଶ୍ୱର ମିଙ୍ଗେଙ୍ଗ୍ ସ୍ୱାଦିନ୍ ଆଜି ମାନି କାଜିଙ୍ଗ୍ କୁକ୍ତାତାନ୍‌ନା। ଲାଗିଙ୍ଗ୍ ମି ଗାଗାଡ଼୍‌ନି ଇଚାତାଙ୍ଗ୍ ପୁରା କିଦେଙ୍ଗ୍ ମି ସ୍ୱାଦିନ୍‌ତିଙ୍ଗ୍ ବ୍ୟବହାର୍ କିମାଟ୍, ମାତର୍ ଲାଡ୍‌ତାଙ୍ଗ୍ ଜାର୍-ଜାର୍‌ତିଙ୍ଗ୍ ହେବା କିନି କାଜିଙ୍ଗ୍ ବ୍ଯବହାର୍ କିୟାଟ୍।

୨ ତିମଥି 1:7

ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପାଣ୍ଡ୍ରାଆନି ଆତ୍ମା ହିଦ୍‌ୱାତାନ୍‌ନା, ମାତର୍ ଶାକ୍ତି, ଜେକନିକାନିଙ୍ଗ୍ ଲାଡ୍ କିନାକା ଆରେ ଜାର୍‌ତିଙ୍ଗ୍ କଣ୍ଟ୍ରୁଲ୍ କିନି କାଜିଙ୍ଗ୍ ଆତ୍ମା ହିତ୍‌ତାନ୍‌ନା।