୨ କରନ୍ତିୟ 2:17 - New Testament in Pengo Parja Language

¹⁷ ଆରେ ଏପେଙ୍ଗ୍ ପୁଚାଦେର୍‌ନା ଯେ, ଆପେଙ୍ଗ୍ ହେୱାନ୍ ପନି ମାନାୟାର୍‌ଲେକେ ଆକାୟ୍। ଇମ୍‌ଣି ମାନାୟାର୍ ଡାବୁଙ୍ଗ୍ କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାରା, ମାତର୍ ମାଙ୍ଗେଙ୍ଗ୍ ପକ୍ତିତି ଈଶ୍ୱର ଚଚ୍‌ଚାନାନା ଇଞ୍ଜି ପୁନ୍‌ଞ୍ଜି ଆପେଙ୍ଗ୍ ଦରମ୍‌ଆଜି ଖ୍ରୀଷ୍ଟ ଅଦିକାର୍ ହୁଦାଙ୍ଗ୍ ଈଶ୍ୱରତି ହାର୍ଦିକାବୁର୍ ଶୁଣାୟ୍ କିନାପା।

ସତ୍‌ ବଚନ୍‌ ପୁନି ନିୟମ୍‌

¹⁷ ହେ ହେନି ମାନାୟାର୍‌ ଇନେସ୍‌ ଇସ୍ୱର୍ତି ବଚନ୍‌ ବାଡାୟ୍‌ କିତାର୍‌, ଆପ୍‌ତ ହେୱାର୍‌ ଲାକେ କିଉପା, ମତର୍‌ ସୁସାର୍‍ ବାବ୍ରେ ଇସ୍ୱର୍ତି ବଲ୍‌ ଲାକେ, ତା ସାକିତ ଆପ୍‌ କ୍ରିସ୍ଟତାକେ ସତ୍‌ନିକା ହୁଦାଂ ମାନ୍‌ଞ୍ଜି କାତା ଇନାପା ।

୨ କରନ୍ତିୟ 2:17 ပူးပေါင်းရင်းမြစ်များ

ମାତିଉ 24:24

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍‌କାଇ କିନାର୍।

ପକ୍ୟାତାକା 20:20

ଇ ବିଷୟତିଙ୍ଗ୍ ଏପେଙ୍ଗ୍ ପୁଚାଦେର୍‌ନା, ମି କାଜିଙ୍ଗ୍ ଇମ୍‌ଣି ବିଷୟ ହାର୍ ଆଦ୍‌ନାତ୍ ହେ ବିଷୟତିଙ୍ଗ୍ ଶୁଣାୟ୍ କିଦେଙ୍ଗ୍ ଆନେଙ୍ଗ୍ ପାଚ୍‌ଗୁଚା ଆୱାତାଙ୍ଗ୍‌ନା। ଆନେଙ୍ଗ୍ ୱିଜାକାର୍ ଆଗେ ଆରେ ଇଲ୍-ଇଲ୍ ବୁଲାଆଜି ହିକ୍ଷା ହିତ୍‌ତାଙ୍ଗ୍‌ନା।

ପକ୍ୟାତାକା 20:27

ଈଶ୍ୱର ମି କାଜିଙ୍ଗ୍ ଇମ୍‌ଣି ବିଷୟ ବାବି କିତ୍‌ତାନ୍‌ନା, ହେ ୱିଜୁ ବିଷୟ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାତାଙ୍ଗ୍‌ନା।

୧ କରନ୍ତିୟ 5:8

ଲାଗିଙ୍ଗ୍ ଏପେଙ୍ଗ୍ ଈଶ୍ୱର ତା ମାନାୟାର୍‌ଲେକେ ଆଜି ପବିତ୍ର ଆରେ ସତ୍ ଜିବୁନ୍ କାଟିକିନି ଦର୍‌କାର୍। ଇନେସ୍‌ଲେକେ ଯିହୁଦା ଜାତିନି ମାନାୟାର୍ ନିସ୍ତାର୍ ପାର୍ବୁ ମାନି କିନିହିଙ୍ଗ୍ ଇଞ୍ଜାକା ୱିଜୁ ସଡ଼ାକାର୍ ବାର୍ତ ତୁହିହିନାର୍, ଆରେ ସଡ଼ାକାର୍ ମାହାଆୱିତି ରୁଟି ହେୱାର୍ ତିନ୍‌ଞ୍ଜି ମାଚାର୍। ହେଲେକେ ଏପେଙ୍ଗ୍ ପାର୍ତିକିୱି ଆଗେ ଇମ୍‌ଣି ୱିଜୁ କରାପ୍ କାମାୟ୍ କିଜି ମାଚାଦେର୍ ହେଦାଙ୍ଗ୍ ବନ୍ଦ୍ କିନି ଦର୍‌କାର୍।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 1:18

ଈଶ୍ୱରତିଙ୍ଗ୍ ପାର୍ତି କିୟାଆନାତ୍, ଲାଗିଙ୍ଗ୍ ଆପେଙ୍ଗ୍ ମି ଲାଗେ ୱାନାପ୍ ଇଞ୍ଜି ୱେଚ୍‌ଚିତି ପାର୍ମାଣ୍‌ତିଙ୍ଗ୍ ପା ପାର୍ତିକିୟାଟ୍।

୨ କରନ୍ତିୟ 11:11

ଆନେଙ୍ଗ୍ ମିବେତାଙ୍ଗ୍ ଡାବୁଙ୍ଗ୍ ଅୱାତାଙ୍ଗ୍‌ନା, ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗା, ଆରେ ହେଦାଙ୍ଗ୍ ଈଶ୍ୱର ପୁଚାନ୍‌ନା।

୨ କରନ୍ତିୟ 12:19

ଏପେଙ୍ଗ୍ ବାବିକିଜି ମାନାଦେର୍ ଯେ, ମା ବିରୁଦ୍‌ତାକେ ୱେଚ୍‌ଚି ମାନି ୱିଜୁ ବିଷୟତିଙ୍ଗ୍ ବନ୍ଦ୍ କିଦେଙ୍ଗ୍ ଇ ୱିଜୁ ଲେକିକିନାଙ୍ଗା, ହେଲେକେ ଆକାୟ୍, ମାତର୍ ଆପେଙ୍ଗ୍ ଖ୍ରୀଷ୍ଟତାକେ ଚାକର୍ ଆଜିମାଚି କାଜିଙ୍ଗ୍ ଇ ୱିଜୁ ୱେଚ୍‌ଚାନାପା। ଇ ୱିଜୁ ଜିନିଷ୍ ମି ଲାବ୍ କାଜିଙ୍ଗ୍ କିନାପା, ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ ଈଶ୍ୱର ମାଙ୍ଗେଙ୍ଗ୍ ୱେଞ୍ଜ୍‌ନାନା।

୨ କରନ୍ତିୟ 4:2

ଆପେଙ୍ଗ୍ ୱିଜୁ ଲାଜାଆନି କାମାୟ୍ ଆରେ ମାନାୟାର୍‌ତାଙ୍ଗ୍ ଡ଼ୁକ୍‌ଚି କିନି କାମାୟ୍ କିଉସା। ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଉପାୟ୍ କିଉପା, ଆରେ ଆପେଙ୍ଗ୍ ଈଶ୍ୱର କାତାତିଙ୍ଗ୍ ଚାଲାକି କିଜି ୱେଚ୍‌ଚୁପା। ଆପେଙ୍ଗ୍ ଈଶ୍ୱର ମୁମ୍‌ଦ ସତ୍ ୱେଚ୍‌ନାପା ଆରେ ୱିଜୁ ଦରମ୍ ମାନାୟାର୍ ପୁଚାର୍‌ନା ଯେ ଆପେଙ୍ଗ୍ ସତ୍ ୱେଚ୍‌ନାପା।

୨ କରନ୍ତିୟ 6:7

ଆପେଙ୍ଗ୍ ଈଶ୍ୱର ଶାକ୍ତିତାଙ୍ଗ୍ ସତ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିତାପ୍। ଆରେ ର ସେନା ଯୁଜ୍‌ତାକେ ଅସ୍ତର୍ ସସ୍ତର୍ ବ୍ୟବହାର୍ କିନାନ୍, ହେଲେକେ ଆପେଙ୍ଗ୍ ଦରମ୍‌ଆଜି ଜିବୁନ୍ କାଟିକିଜି ମା ବିରଦ୍‌ନି ମାନାୟାରିଙ୍ଗ୍ ଆରାୟ୍ କିତାପ୍।

ଗାଲାତିୟ 1:6

ଆନେଙ୍ଗ୍ ଚାନିଆ ଆନାଙ୍ଗା ଯେ ଖ୍ରୀଷ୍ଟ ଦୟାତାଙ୍ଗ୍ ମିଙ୍ଗେଙ୍ଗ୍ ଈଶ୍ୱର ତା ମାନାୟ୍ କିଦ୍‌ନି କାଜିଙ୍ଗ୍ କୁକ୍ତାତାନ୍‌ନା। ମାତର୍ ହେୱାନ୍‌ତାଙ୍ଗ୍ ଏପେଙ୍ଗ୍ ଏଚେକ୍ ବେଗି ଜେକ ଆଜି ବିନ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିନାଦେରା।

୧ ଥେସଲନୀକିୟ 2:4

ଈଶ୍ୱର ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଟିକ୍ ମାନାୟ୍ ଇଞ୍ଜି ବାଚି କିତ୍‌ତାନ୍‌ନା। ହେଲେକେ ଆପେଙ୍ଗ୍ ଶୁଣାୟ୍ କିନାପା। ଆପେଙ୍ଗ୍ ମାନାୟାରିଙ୍ଗ୍ ସାର୍‌ଦା କିନି କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିଉପା, ମାତର୍ ମା ଈଶ୍ୱରତିଙ୍ଗ୍ ସାର୍‌ଦା କିନି କାଜିଙ୍ଗ୍ କିନାପା। ଇନେସ୍‌କି ହେୱାନ୍ ମା ଗରବ୍‌ନି ଇଚାତାଙ୍ଗ୍ ପରିକ୍ଷା କିଦ୍‌ନାନ୍।

ତୀତସ 1:11

ହେୱାରିଙ୍ଗ୍ ହିକ୍ଷାହିନି କାଜିଙ୍ଗ୍ ସୁଯଗ୍ ହିମାଟ୍। ଇନେସ୍‌କି ହେୱାର୍ ହିକ୍ଷା ହିୱି କାତା, ହେୱାର୍ ହେ ହିକ୍ଷା ହିନାର୍, ଆରେ ପୁରା ପରିବାର୍‌ନି ମାନାୟାରିଙ୍ଗ୍ ପାର୍ତିତିଙ୍ଗ୍ ବାଙ୍ଗାଇ କିନାର୍‌। ହେୱାର୍ ଡାବୁଙ୍ଗ୍ ପାୟାଆନି ଆହାତାଙ୍ଗ୍ ଇଦାଙ୍ଗ୍ କିନାର୍।

ଏବ୍ରି 11:27

ପାର୍ତି କାଜିଙ୍ଗ୍ ମୋଶା ମିସର ଦେସ୍ ପିସ୍ତି ହାଲ୍‌ଜି ମାଚାନ୍। ରାଜା ରିସା ଆଦ୍‌ନାନ୍ ଇଞ୍ଜି ହେୱାନ୍ ପାଣ୍ଡ୍ରା ଆୱାଦାଙ୍ଗ୍ ମାଚାନ୍। ହେୱାନ୍ ଆରେ ମିସର ଦେସ୍‌ତାକେ ଲେଉଟା ଆଜି ୱାୱାତାନ୍, ଇନେସ୍‌କି ଚଞ୍ଜି ଆଦ୍‌ୱି ଈଶ୍ୱର ହେୱାନ୍ ହୁଦାଙ୍ଗ୍ ମାନାନ୍ ଇଞ୍ଜି ହେୱାନ୍ ପୁଚାନ୍।

୧ ପିତର 4:11

ହେଦାଙ୍ଗ୍ ଇଲେକେ, ଯଦି ଈଶ୍ୱର ମିଙ୍ଗେଙ୍ଗ୍ ଶୁଣାୟ୍ କିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନି ଦର୍‌କାର୍। ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତି ୱିଜୁ ଶାକ୍ତିତାଙ୍ଗ୍ ହେଦାଙ୍ଗ୍ କିୟାଟ୍। ଆରେ ଏପେଙ୍ଗ୍ ୱିଜୁ ଜିନିଷ୍ କିତିସ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ଗୌରବ ପାୟା ଆନାନ୍, ଇନେସ୍‌କି ୱିଜୁ ଗୌରବ ଆରେ ଶାକ୍ତି ଈଶ୍ୱରତି ଇମ୍‌ଣାକା କି ୱିଜୁଦିନ୍ କାଜିଙ୍ଗ୍ ମାନ୍‌ଗାନାତ୍। ଆମେନ୍।

୧ ଯୋହନ 4:1

ଏ ନା ଲାଡ୍‌ନି ସାଙ୍ଗକାଦେର୍‌, ୱିଜାର୍ ମାନାୟ୍ ଆନେଙ୍ଗ୍ ପବିତ୍ର ଆତ୍ମାତାଙ୍ଗ୍‌ ପାୟାଆତାଙ୍ଗ୍‌ନା ଇଞ୍ଜି ୱେଚ୍‌ଚିନି ମାନାୟାର୍ କାତାତିଙ୍ଗ୍ ପାର୍ତି କିମାଟ୍। ମାତର୍ ହେୱାର୍ ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟାଆତାର୍ କି ଆକାୟ୍ ଏପେଙ୍ଗ୍ ପରିକ୍ଷା କିଜି ହୁଡ଼ାଟ୍। ଇନେସ୍‌କି ଇ ପୁର୍ତିତାକେ ମିଚ୍‌ୱା ଭବିଷ୍ଯତବକ୍ତାର୍‌ ମାନାର୍।

ଜିହୁଦା 1:4

ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍‌ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍‌ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍‌ରୁ ଆଗେ ସାସ୍ତର୍‌ତାକେ ୱେଚ୍‌ଚାନ୍‌ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍‌ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍‌ଡ଼ାୟ୍ କିତାର୍‌ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।

ହତ୍‌ତି 12:9

ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।

ହତ୍‌ତି 19:20

ହେ ଯୁଜ୍‌ତାକେ ପାର୍ତୁମ୍ ପଶୁ ଆରେ ହେ ଦୁଇ ନମ୍ବର୍ ପଶୁ, ଇନେର୍‌କି ମିଚ୍ ଭବିଷ୍ଯତବକ୍ତା। ଇନେର୍ ପାର୍ତୁମ୍ ପଶୁ ବାଦୁଲ୍‌ରେ ଚାନିଆ କାମାୟ୍ କିଜି ହେ ପଶୁ ଚିନ୍ ଅତି ମାନାୟାରିଙ୍ଗ୍ ଟକାୟ୍ କିଜି ମାଚାନ୍, ଆରେ ଇନେର୍ ତା ମୁର୍ତିତିଙ୍ଗ୍ ପୁଜାକିଜି ମାଚି ମାନାୟାରିଙ୍ଗ୍ ବନ୍ଦିକିତାର୍‌। ଆରେ ଇମ୍‌ଣି ମାନାୟାର୍ ହେ ପଶୁ ଚିନ୍ ଅତାକାର୍ ଆରେ ତା ୱିଜୁ ମିଚ୍ ୱେଚ୍‌ନି ଭବିଷ୍ଯତବକ୍ତାରିଙ୍ଗ୍ ଜିବୁନ୍-ଜିବୁନ୍ ବାସ୍ନା ମାନି ନାଣି କୁଣ୍ଡ୍‌ତାକେ ପକାୟ୍ କିତାର୍।

ହତ୍‌ତି 2:20

ମାତର୍ ଏପେଙ୍ଗ୍ ର ବୁଲ୍ କାମାୟ୍ କିନାକା ଆନେଙ୍ଗ୍ ହୁଡ଼୍‌ନାଙ୍ଗା। ଏପେଙ୍ଗ୍ ଯିଜେବଲ ତର୍‌ଦି କଗ୍‌ଲେ ମିଚ୍ ହିକ୍ଷାତିଙ୍ଗ୍ ଆହ୍‌ନାଦେରା ହେଦେଲ୍ ଜାର୍‌ତିଙ୍ଗ୍ ଭବିଷ୍ଯତବକ୍ତା ଇଞ୍ଜି ୱେଚ୍‌ନାତା। ମାତର୍ ନା ଲକ୍‌ବାକ୍ ମୁର୍ତିକାଙ୍ଗ୍ ହିତି କାଦି କିନାକା, ମୁର୍ତିକାଙ୍ଗ୍ ପୁଜା କିନାକା ଆରେ ଦାରି କାମାୟ୍ କିନି ପାପ୍ କାମାୟ୍ କିନାକା ହିକାୟ୍ କିନାତା।