୨ କରନ୍ତିୟ 13:14 - New Testament in Pengo Parja Language

¹⁴ ମା ମାପୃ ଯୀଶୁ ଖ୍ରୀଷ୍ଟ ଦୟା, ଈଶ୍ୱର ଲାଡ୍, ଆରେ ପବିତ୍ର ଆତ୍ମା ମି ୱିଜାଦେର୍ ହୁଦାଙ୍ଗ୍ ମାହାଆଜି ମାନେତ୍।

୨ କରନ୍ତିୟ 13:14 ပူးပေါင်းရင်းမြစ်များ

ମାତିଉ 6:13

ଆରେ ମାଙ୍ଗେଙ୍ଗ୍ ଶୟତାନ ପରିକ୍ଷାତାକେ ତାତ୍‌ମା, ମାତର୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା। (ହେଲେକେ ନି ରାଜି, ସାକ୍ତି ଆରେ ନି ଜୟ୍-ଜୟ୍ ଯୁଗ୍ ଯୁଗ୍‌ତ ଆୟେତ୍। ଆମେନ୍।)’

ଜହନ୍‌ 4:10

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଈଶ୍ୱର ହିତି ଜିନିଷ୍ ବିଷୟରେ ପୁନ୍‌ୱାତାଇନା। ନିଙ୍ଗେଙ୍ଗ୍ ଏଜୁଙ୍ଗ୍ ଏନ୍ତିନି ମାନାୟ୍‌ତିଙ୍ଗ୍ ଏନେଙ୍ଗ୍ ପୁନୁୟେ। ଏନେଙ୍ଗ୍ ଯଦି ଇ ୱିଜୁବେଣ୍ ପୁଚାଇମା, ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ଏନ୍ତାତାଇମା। ଆରେ ଆନେଙ୍ଗ୍ ନିଙ୍ଗେଙ୍ଗ୍ ଜିବୁନ୍ ଏଜୁଙ୍ଗ୍ ହିତ୍‌ତାଙ୍ଗ୍‌ମା।”

ଜହନ୍‌ 4:14

ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”

ଜହନ୍‌ 7:38

ଦରମ୍ ସାସ୍ତର୍‌ତାକେ ଲେକାଆତି ଲେକେ, ଇମ୍‌ଣାକାନ୍ ନାବେ ପାର୍ତିକିନାନ୍ ତା ଗରବ୍‌ତାଙ୍ଗ୍ ଜିବୁନ୍ ହିଦ୍‌ନି ଏଜୁଙ୍ଗ୍ ହନିକ୍।”

ପକ୍ୟାତାକା 15:11

ଲାଗିଙ୍ଗ୍ ଆସେଙ୍ଗ୍ ଏଲେଙ୍ଗ୍ କିନାକା ହାର୍ ଆକାୟ୍। ହେୱାର୍ ଇନେସ୍ ମାପୃ ଯୀଶୁ ଦୟାତାଙ୍ଗ୍ ରକ୍ଷା ପାୟାଆନାପ୍ ଇଞ୍ଜି ପାର୍ତି କିତାର୍, ଆପେଙ୍ଗ୍ ପା ହେଲେକେ ପାୟାଆତାପ୍‌ନା, ମଶା ଲେକିକିତି ସାସ୍ତର୍ ନିୟମ୍‌ତିଙ୍ଗ୍ ମାନିକିତିସ୍ ଆସେଙ୍ଗ୍ ରକ୍ଷା ପାୟାଆଉସ୍‌।”

ରୋମିୟ 1:7

ଆନେଙ୍ଗ୍ ଇ ଚିଟି ରୋମ ସହରନି ମାନାୟାର୍ କାଜିଙ୍ଗ୍ ଲେକିକିନାଙ୍ଗା, ଈଶ୍ୱର ମିଙ୍ଗେଙ୍ଗ୍ ବେସି ଲାଡ୍ କିଦ୍‌ନାନା ଆରେ ମିଙ୍ଗେଙ୍ଗ୍ ତା ଜାର୍ ଲକ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା। ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।

ରୋମିୟ 16:20

ଲାଗିଙ୍ଗ୍ ଶାନ୍ତି ହିଦ୍‌ନି ଈଶ୍ୱର ବେଗି ଶୟତାନ ସାକ୍ତିତିଙ୍ଗ୍ ବିନାସ୍ କିଜି ମି ତାରେନ୍ ତାହିୱାନାତ୍, ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା କିଦେନ୍।

ରୋମିୟ 16:23

ନା ହୁଦାଙ୍ଗ୍ ମାନି ପାର୍ତିକିନି ଟଣ୍ଡେନ୍ ଗାୟସ୍ ମିଙ୍ଗେଙ୍ଗ୍ ଜୁୱାର୍ କିଦ୍‌ନାନା। ମଣ୍ଡ୍‌ଲିନି ୱିଜାର୍ ପାର୍ତିକିନି ଟଣ୍ଡାର୍ ତା ଇଞ୍ଜ ପାର୍ତାନା କିନି କାଜିଙ୍ଗ୍ ରୁଣ୍ଡା ଆନାପା। ଆରେ ଇ ସହର୍‌ନି ଏରାଷ୍ଟ ଟଣ୍ଡେନ୍ ଇନେର୍ ଡାବୁଙ୍ଗ୍ ବିଷୟରେ ଦେକାଶୁଣା କିନାନା, ଆରେ କ୍ୱାର୍ତ୍ତପା ମିଙ୍ଗେଙ୍ଗ୍ ଜୁୱାର୍ କିଦ୍‌ନାନା।

ରୋମିୟ 16:27

ଯୀଶୁ ଖ୍ରୀଷ୍ଟ କାଜିଙ୍ଗ୍ ରକାନ୍ ବୁଦି ମାନି ଈଶ୍ୱରତି ଗୌରବ ଆୟେତ୍। ଆମେନ୍।

ରୋମିୟ 5:5

ଏଚେପାଦ୍ନା ଆସେଙ୍ଗ୍ ଈଶ୍ୱରତିଙ୍ଗ୍ ଆହା କିନାସ୍ ମାଙ୍ଗେଙ୍ଗ୍ ଇମ୍‌ଣି ମାନାୟ୍ ପା ଲାଜ୍ କିଦ୍‌ଦେଙ୍ଗ୍ ଆଡ଼୍‌ଦୁନ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା ଆରେ ହେୱାନ୍ ତା ଲାଡ୍‌ତିଙ୍ଗ୍ ମା ଗରବ୍ ବିତ୍ରେ ହିତ୍‌ତାନ୍‌ନା।

ରୋମିୟ 8:9

ମାତର୍ ମିଙ୍ଗେଙ୍ଗ୍ ପାପ୍ କାମାୟ୍ କିନି ଇଚା କଣ୍ଟ୍ରୁଲ୍ କିଦୁତା, ଇନେସ୍‌କି ଯଦି ମି ବିତ୍ରେ ମାନି ଈଶ୍ୱରତି ପବିତ୍ର ଆତ୍ମା କଣ୍ଟ୍ରୁଲ୍ କିନାତା। ଆରେ ଏପେଙ୍ଗ୍ ମାନ୍ତ ଇଟାଟ୍ ଯେ, ଇମ୍‌ଣି ମାନାୟାର୍ ବିତ୍ରେ ଖ୍ରୀଷ୍ଟ ଆତ୍ମା ମାନୁତା, ହେୱାର୍ ସତ୍ ଖ୍ରୀଷ୍ଟାନ୍ ଆକାୟ୍।

୧ କରନ୍ତିୟ 12:13

ଲାଗିଙ୍ଗ୍ ଆସେଙ୍ଗ୍ ଯିହୁଦି ଆଜି ମାଚିସ୍ କି, ବିନ୍‌ଜାତି ଆଜି ମାଚିସ୍ କି, ଚାକର୍ ଆଜି ମାଚିସ୍ କି, ଆରେ ଚାକର୍ ଆୱାଦାଙ୍ଗ୍ ମାଚିସ୍ ପା ଆସେଙ୍ଗ୍ ୱିଜାକାସ୍ ର ଆତ୍ମା କାଜିଙ୍ଗ୍ ଡୁବନ୍ ଅଜି ଈଶ୍ୱର ଗାଗାଡ଼୍‌ତାକେ ଏକ୍ ଆତାପ୍‌ନା, ଆରେ ଆପେଙ୍ଗ୍ ହେ ଆତ୍ମାତିଙ୍ଗ୍ ନେ ପାୟାଆତାପ୍‌ନା।

୧ କରନ୍ତିୟ 14:16

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ମି ଆତ୍ମା ହୁଦାଙ୍ଗ୍ ନେ ଜୟ୍-ଜୟ୍ କିନାଦେର୍, ଆରେ ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ହିନି ଦନ୍ଯବାଦ୍ ପାର୍ତାନାତିଙ୍ଗ୍ ମାନାୟାର୍ ବୁଜା ଆଉର୍, ଲାଗିଙ୍ଗ୍ ହେୱାର୍ ମିହୁଦାଙ୍ଗ୍ ଈଶ୍ୱରତିଙ୍ଗ୍ ଜୟ୍-ଜୟ୍ ଆରେ ଦନ୍ଯବାଦ୍ କିଦେଙ୍ଗ୍ ଆଡୁର୍। ଇନେସ୍‌କି ହେୱାର୍ ଏପେଙ୍ଗ୍ ୱେଚ୍‌ଚି ବିଷୟତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

୧ କରନ୍ତିୟ 16:23

ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା କିଦେନ୍।

୧ କରନ୍ତିୟ 3:16

ଏପେଙ୍ଗ୍ ପୁଚାଦେର୍‌ନା ଯେ, ଏପେଙ୍ଗ୍ ଈଶ୍ୱର ମାନି ମନ୍ଦିର୍‌, ଆରେ ପବିତ୍ର ଆତ୍ମା ମି ବିତ୍ରେ ମାନାତା।

୧ କରନ୍ତିୟ 6:19

ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ମି ଗାଗାଡ଼୍ ପବିତ୍ର ଆତ୍ମାନି ମନ୍ଦିର୍‌ ଆରେ ହେୱାନ୍ ମି ବିତ୍ରେ ମାନାନା। ଇନେରିଙ୍ଗ୍ ଈଶ୍ୱର ମି ବିତ୍ରେ ମାଞ୍ଜେଙ୍ଗ୍ ହିତ୍‌ତାନ୍‌ନା। ଇନେସ୍‌କି ଏପେଙ୍ଗ୍ ଈଶ୍ୱରନି ଲକ୍ ଆତାଦେର୍‌ନା,

୨ କରନ୍ତିୟ 8:9

ଏପେଙ୍ଗ୍ ପୁଚାଦେର୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ନିଜେ ଇଚା କିଜି ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେୱାନ୍ ଗରିବ୍ ଆତି କାଜିଙ୍ଗ୍ ଆସେଙ୍ଗ୍ ହାଉକାର୍ ଆୟା ଆନାତ୍, ଲାଗିଙ୍ଗ୍ ହେୱାର୍ ହାଉକାର୍ ମାଚିସ୍ ପା ହେୱାନ୍ ମା କାଜିଙ୍ଗ୍ ଗରିବ୍ ଆଜି ମାଚାନ୍।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଏପିସିୟ 2:18

ଲାଗିଙ୍ଗ୍ ଖ୍ରୀଷ୍ଟ କାଜିଙ୍ଗ୍, ଆସେଙ୍ଗ୍ ତା ପବିତ୍ର ଆତ୍ମାତାଙ୍ଗ୍ ଆବା ଈଶ୍ୱର ଲାଗାୟ୍ ହାନି କାଜିଙ୍ଗ୍ ହାଜି ଗାଟା ଆତାପ୍‌ନା।

ଏପିସିୟ 2:22

ଏ ବିନ୍‌ଜାତିନି ମାନାୟ୍ କାଦେର୍ ଏପେଙ୍ଗ୍ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍, ଈଶ୍ୱରତି ପବିତ୍ର ଆତ୍ମା ବାହାକିନି ଇଲ୍ ଲେକେ ଏପେଙ୍ଗ୍ ଆତାଦେର୍‌ନା।

ଏପିସିୟ 5:9

ଇନେସ୍‌କି ଅଜଡ଼୍‌ନି ପାଡ଼୍‌ ଆନାତା, ହାର୍ କାମାୟ୍, ଦରମ୍ କାମାୟ୍ କିନାକା, ଆରେ ସତ୍ ବ୍ୟବହାର୍ କିୟାଟ୍।

ଏପିସିୟ 6:23

ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ପାର୍ତିକିନି ଟଣ୍ଡାରିଙ୍ଗ୍ ଶାନ୍ତି ଆୟେତ୍‌, ଖ୍ରୀଷ୍ଟତାକେ ପାର୍ତିତାଙ୍ଗ୍ ଆରେ ଜାର୍-ଜାର୍ ଲାଡ୍‌ତାକେ ମାଞ୍ଜେଙ୍ଗ୍ ସାଇଜ କିୟାଟ୍।

ପିଲିପିୟ 2:1

ଏପେଙ୍ଗ୍ ଯଦି ଖ୍ରୀଷ୍ଟ ହୁଦାଙ୍ଗ୍ ମାହାଆଜି ଏକ୍ ଆତାଦେର୍‌ନା, ଲାଗିଙ୍ଗ୍ ଏପେଙ୍ଗ୍ ସାସ୍ ପାୟାଆନାଦେର୍। ଖ୍ରୀଷ୍ଟ ମିଙ୍ଗେଙ୍ଗ୍ ଲାଡ୍ କିଦ୍‌ନାନା ଲାଗିଙ୍ଗ୍ ଏପେଙ୍ଗ୍ ଶାନ୍ତି ପାୟାଆନାଦେର୍, ଈଶ୍ୱର ଆତ୍ମା ମା ହୁଦାଙ୍ଗ୍ ମାହାଆଜି ମାନାତା, ଆରେ ଖ୍ରୀଷ୍ଟ ମାଙ୍ଗେଙ୍ଗ୍ ଦୟା ଆରେ ଦରମ୍ କିଦ୍‌ନାନା।

୧ ଯୋହନ 1:3

ଆପେଙ୍ଗ୍ ଇମ୍‌ଣାକା ହୁଡ଼୍‌ତାପ୍‌ନା ଆରେ ୱେଚାପ୍‌ନା ହେଦାଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା, ଲାଗିଙ୍ଗ୍ ଏପେଙ୍ଗ୍ ମା ହୁଦାଙ୍ଗ୍ ମାହାଆଦ୍ନାଦେର୍। ଆରେ ଆପେଙ୍ଗ୍ ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ହୁଦାଙ୍ଗ୍ ମାହାଆତାପ୍‌ନା।

୧ ଯୋହନ 3:16

ଖ୍ରୀଷ୍ଟ ମା କାଜିଙ୍ଗ୍ ତା ଯିବୁନ୍ ହିତିଲେ ଆସେଙ୍ଗ୍ ଲାଡ୍ କିନାକା ପୁଚାସ୍‌। ଆରେ ଜାର୍ ଟଣ୍ଡାର୍ କାଜିଙ୍ଗ୍ ପା ଜାର୍ ଜିବୁନ୍ ପା ହିନି ଦର୍‌କାର୍।

୧ ଯୋହନ 3:24

ଇମ୍‌ଣି ମାନାୟ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିନାନ୍। ହେୱାନ୍ ଈଶ୍ୱର ହୁଦାଙ୍ଗ୍ ମାହାଆଜି ମାନାନ୍, ଆରେ ଈଶ୍ୱର ତା ହୁଦାଙ୍ଗ୍ ମାହାଆଜି ମାନାନ୍। ଇନେସ୍‌କି ପବିତ୍ର ଆତ୍ମା ମା ବିତ୍ରେ ମାନାତ୍।

ଜିହୁଦା 1:21

ମା ମାପୃ ଯୀଶୁ ଖ୍ରୀଷ୍ଟ ତା ଦୟାତାଙ୍ଗ୍ ୱିଜ୍‌ୱି ଜିବୁନ୍ ହିଦ୍‌ନାନ୍ ଇଞ୍ଜି ଏପେଙ୍ଗ୍ କାତାଦେର୍‌ନା, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଲାଡ୍ କିତ୍‌ତାନ୍‌ନା ଇଞ୍ଜି ପୁନ୍‌ଞ୍ଜି, ଏପେଙ୍ଗ୍ ହାର୍‌ଦାଙ୍ଗ୍ ଜିବୁନ୍ କାଟିକିୟାଟ୍।