୨ କରନ୍ତିୟ 13:10 - New Testament in Pengo Parja Language

¹⁰ ଆନେଙ୍ଗ୍ ଇ ଚିଟି ମିତାକେ ୱାୱି ଆଗେ ମି କାଜିଙ୍ଗ୍ ଲେକିକିନାଙ୍ଗା, ଆନେଙ୍ଗ୍ ଆହା କିନାଙ୍ଗା ଯେ ଏଚେପାଦ୍ନା ଆନେଙ୍ଗ୍ ମିତାକେ ୱାନାଙ୍ଗ୍ ମାପୃ ନାଙ୍ଗେଙ୍ଗ୍ ହିତ୍‌ତି ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଦଣ୍ଡ୍ ହିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ବିନାସ୍ କିଦ୍‌ଦେଙ୍ଗ୍ ଇଚା କିଉଙ୍ଗା, ମାତର୍ ହେ ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ଆଦିକ୍ ପାର୍ତିକିୟାଟ୍ ଇଞ୍ଜି ଆନେଙ୍ଗ୍ ସାଇଜ କିଦ୍‌ଦେଙ୍ଗ୍ ଇଚା କିନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

¹⁰ ଇଦାଂ କାଜିଂ ମାନ୍‌ୱାଦାଂ ଆନ୍‌ ଇ ସବୁ ଲେକି କିନାଙ୍ଗା, ଇନେସ୍‌ ଏକିସ୍‌, ମାପ୍ରୁ ନାଙ୍ଗେଙ୍ଗ୍‌ ଇମ୍‌ଣି ଆଦିକାର୍‌ ବାଙ୍ଗାୟ୍‌ କିନି କାଜିଂ ହିଦ୍‌ୱାଦାଂ ଗାଡ଼ି କିନି କାଜିଂ ହିତ୍‌ନ୍ନା, ହେ ଆଦିକାର୍‌ ଇସାବ୍ରେ ବେସି ବେବାର୍‌ କିଦେଙ୍ଗ୍‌ ନାଙ୍ଗ୍‌ ଆଉତ୍‌ ।

୨ କରନ୍ତିୟ 13:10 ပူးပေါင်းရင်းမြစ်များ

୧ କରନ୍ତିୟ 4:21

ଏପେଙ୍ଗ୍ ଯଦି ନଙ୍ଗୟ୍ ପାତେକ୍ ହେଲେକେ କରାପ୍ କାମାୟ୍ କିନାଦେରା, ଲାଗିଙ୍ଗ୍ ଆନେଙ୍ଗ୍ ବାରମ୍-ବାରମ୍ କେତ୍‌ତାନାଙ୍ଗ୍‌। ମାତର୍ ଏପେଙ୍ଗ୍ ଯଦି ହେଲେକେ କରାପ୍ କାମାୟ୍ କିନାକା ବନ୍ଦ୍ କିତାଦେର୍‌ନା, ଲାଗିଙ୍ଗ୍ ଆନେଙ୍ଗ୍ ଦରମ୍‌ଆଜି ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗ୍।

୧ କରନ୍ତିୟ 5:4

ନଙ୍ଗୟ୍ ଏପେଙ୍ଗ୍ ଇଲେକେ କିନି ଦର୍‌କାର୍। ଏଚେପାଦ୍ନା ଏପେଙ୍ଗ୍ ପାର୍ତି କିନାକାଦେର୍ ରବେ ରୁଣ୍ଡା ଆନାଦେର୍, ମା ମାପୃ ଯୀଶୁ ଖ୍ରୀଷ୍ଟ ହାତ୍‌ପା ମିଙ୍ଗେଙ୍ଗ୍ ଅଦିକାର୍ ହିତ୍‌ତାନ୍‌ନା ଇଞ୍ଜି ପୁନି ଦର୍‌କାର୍। ଆରେ ହେଦାଙ୍ଗ୍ ନା ମାନ୍ତ ହେ ବାହାତାକେ ମାଚିଲେକେ ଆନାତ୍‌। ଆରେ ମା ମାପୃ ଯୀଶୁ ଖ୍ରୀଷ୍ଟନି ଶାକ୍ତିତାଙ୍ଗ୍,

୨ କରନ୍ତିୟ 10:2

କେତ୍‌ଜାଣ୍ ଇଞ୍ଜ୍‌ନାରା ଯେ, ଆସେଙ୍ଗ୍ ଇ ପୁର୍ତିନି ମାନାୟାର୍ ବ୍ୟବହାର୍ କିତିଲେକେ ବ୍ୟବହାର୍ କିନାସା। ଲାଗିଙ୍ଗ୍ ଏଚେପାଦ୍ନା ଆନେଙ୍ଗ୍ ମିତାକେ ୱାନ୍‌ଙ୍ଗ୍‌, ଆନେଙ୍ଗ୍ ହେୱାର୍ ହୁଦାଙ୍ଗ୍ ସାସ୍ ଆଜି ବେଣ୍ କିନାଙ୍ଗ୍। ମାତର୍ ଆନେଙ୍ଗ୍ ଇଚା କିନାଙ୍ଗା ଯେ ହେୱାର୍ କାତାତିଙ୍ଗ୍ ୱେନ୍‌ମାଟ୍, ଲାଗିଙ୍ଗ୍ ଏଚେପାଦ୍ନା ଆନେଙ୍ଗ୍ ମିତାକେ ୱାନାଙ୍ଗ୍ ହେୱାର୍ ହୁଦାଙ୍ଗ୍ ବ୍ୟବହାର୍ କିଦେଙ୍ଗ୍ ଇଚା କିତିଲେକେ କିୟାଆଉତ୍।

୨ କରନ୍ତିୟ 10:4

ଇନେସ୍‌କି ଇ ପୁର୍ତିନି ମାନାୟାର୍ ଯୁଜ୍ କିନିହିଙ୍ଗ୍ ଇମ୍‌ଣି ଅସ୍ତର୍ ଶସ୍ତର୍ ବ୍ୟବହାର୍ କିନାର୍ ତାବେତାଙ୍ଗ୍ ମା ଅସ୍ତର୍ ଶସ୍ତର୍ ଅଲ୍‌ଗା। ଆସେଙ୍ଗ୍ ଈଶ୍ୱରତି ଶାକ୍ତିମାନି ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଶୟତାନନି ୱିଜୁ ଶାକ୍ତିତିଙ୍ଗ୍ ନଷ୍ଟ କିନାସ୍।

୨ କରନ୍ତିୟ 10:8

ମାପୃ ନାଙ୍ଗେଙ୍ଗ୍ ହିତ୍‌ତି ଅଦିକାର୍ କାଜିଙ୍ଗ୍ ବାଟ୍‌ପାଣ୍ ଆନାନା ଇଞ୍ଜି ଇଞ୍ଜେଙ୍ଗ୍ ଆଡ୍‌ନାଦେର୍। ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିନାକା ବନ୍ଦ୍ କିନି କାଜିଙ୍ଗ୍ ଆକାୟ୍, ମାତର୍ ଏପେଙ୍ଗ୍ ତାଙ୍ଗେଙ୍ଗ୍ ଆଦିକ୍ ପାର୍ତିକିନି କାଜିଙ୍ଗ୍ ନାଙ୍ଗେଙ୍ଗ୍ ଇ ଆଦିକାର୍ ହିତ୍‌ତାନ୍‌ନା। ଆରେ ଆନେଙ୍ଗ୍ ମି ପାର୍ତିତିଙ୍ଗ୍ ନଷ୍ଟ କିଜି ଲାଜ୍ ପାୟା ଆଦେଙ୍ଗ୍ ଇଚା କିଉଙ୍ଗା।

୨ କରନ୍ତିୟ 13:8

ଇନେସ୍ ଆପେଙ୍ଗ୍ ସତ୍‌ତିଙ୍ଗ୍ ବିରଦ୍ କିଦେଙ୍ଗ୍ ଆଡୁପ୍‌, ମାତର୍ ଆପେଙ୍ଗ୍ ୱିଜୁଦିନ୍ ସତ୍ କାମାୟ୍ ନେ କିନାପା।

୨ କରନ୍ତିୟ 2:3

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇନେସ୍ କିଜି ମାଚାଙ୍ଗ୍ ହେଲେକେ ଆନେଙ୍ଗ୍ ନା ସେସ୍ ଚିଟିତାକେ ଲେକିକିତାଙ୍ଗ୍‌ନା। ଏଚେପାଦ୍ନା ଆନେଙ୍ଗ୍ ମିତାକେ ୱାନାଙ୍ଗ୍, ନାଙ୍ଗେଙ୍ଗ୍ ସାର୍‌ଦା କିଦ୍‌ନି ମାନାୟାର୍ କାଜିଙ୍ଗ୍ ଆନେଙ୍ଗ୍ ଦୁଃକ୍ ଆଉଙ୍ଗ୍ ଆରେ ଆନେଙ୍ଗ୍ ମିଙ୍ଗେଙ୍ଗ୍ ପୁରାପୁରି ବାବ୍‌ରେ ପାର୍ତି କିନାଙ୍ଗା। ଏପେଙ୍ଗ୍ ପା ନା ହୁଦାଙ୍ଗ୍ ମାହାଆଜି ୱାରିୟା ଆନାଦେର୍।

୨ କରନ୍ତିୟ 6:6

ଆପେଙ୍ଗ୍ ଜାର୍‌ତିଙ୍ଗ୍ ପବିତ୍ର କିତାପ୍, ଆପେଙ୍ଗ୍ ୱିଜୁ ବିଷୟରେ ବୁଜାଆତାପ୍, ଆପେଙ୍ଗ୍ ସାସ୍ ଆତାପ୍, ଆପେଙ୍ଗ୍ ମାନାୟାରିଙ୍ଗ୍ ଦୟା କିତାପ୍। ଆରେ ଆପେଙ୍ଗ୍ ମାନାୟାରିଙ୍ଗ୍ ହାତ୍‌ପା ଲାଡ୍ କିତାପ୍ ଆରେ ଆପେଙ୍ଗ୍ ପବିତ୍ର ଆତ୍ମାତିଙ୍ଗ୍ ସାଇଜ କିଦେତ୍ ଇଞ୍ଜି ଆହା କିତାପ୍।

ତୀତସ 1:13

କ୍ରୀତି ଦୀପ୍‌ତାକେ ମାନି ମାନାୟାର୍ ବିଷୟରେ ୱେଚ୍‌ଚିମାଚି ଇ କାତା ସତ୍। ଲାଗିଙ୍ଗ୍ ହେୱାର୍ ଇନେସ୍ ଯୀଶୁ ଖ୍ରୀଷ୍ଟନି ସତ୍ ହିକ୍ଷାତିଙ୍ଗ୍ ପାର୍ତିକିନାର୍।