୨ କରନ୍ତିୟ 12:7 - New Testament in Pengo Parja Language

⁷ ମାତର୍ ଈଶ୍ୱର ନାଙ୍ଗେଙ୍ଗ୍ ଚଚ୍‌ଚି ମାନ୍‌ଞ୍ଚି ଚାନିଆଆନି ବିଷୟରେ ଚଞ୍ଜିଆ ଆନି ଦର୍‌କାର୍ ଆକାୟ୍। ଇନେସ୍‌କି ଶୟତାନନି ଡାଣ୍ଡାସି ନା ଗାଗାଡ଼୍‌ତାକେ ର ୱାଡ଼ି କଷ୍ଟ ପାୟା ଆଦେଙ୍ଗ୍ ହିତ୍‌ତାନ୍‌ନା ଆରେ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବାଟ୍‌ପାଣ୍ ଆଦେଙ୍ଗ୍ ଆଡୁଙ୍ଗା।

ସତ୍‌ ବଚନ୍‌ ପୁନି ନିୟମ୍‌

⁷ ଲାଗିଂ ଆନ୍‌ ଇନେସ୍‌ ଆଦିକ୍‌ ଗରବ୍‌ ଆଉଙ୍ଗ୍‌, ଇଦାଂ କାଜିଂ ନାଙ୍ଗେଙ୍ଗ୍ କସ୍ଟ କିଦେଙ୍ଗ୍‌ ନା ଗାଗାଡ଼୍‌ତ ସୟ୍‌ତାନ୍‌ ଦୁତ୍‌ ଲାକେ ଦୁକ୍‌ ହିଦ୍ୟାତାତ୍, ଆଁ ଇନେସ୍‌ ଆନ୍‌ ଆଦିକ୍‌ ଗରବ୍‌ ଆଉଙ୍ଗ୍‌, ଇଦାଂ କାଜିଂ ହେଦାଂ ହିଦ୍‍ଆତାତ୍ ।

୨ କରନ୍ତିୟ 12:7 ပူးပေါင်းရင်းမြစ်များ

ମାତିଉ 26:67

ତାପାଚେ ହେବେ ମାଚି ମାନାୟାର୍ ଯୀଶୁଙ୍ଗ୍ ମୁମ୍‌ଦ ଚୁପ୍‌ଜି ହେୱାନିଙ୍ଗ୍ ବିଧା ଇଡ଼୍‌ତାର୍। କେତ୍‌ଜାଣ୍ ଚାପ୍ଡ଼ା ହୁଦାଙ୍ଗ୍ ଇଡ଼୍‌ତାର୍।

ମାତିଉ 4:10

ହେବେ ଯୀଶୁ ତାଙ୍ଗେଙ୍ଗ୍ ୱେଚ୍‌ଚାନ୍, “ନାବେତାଙ୍ଗ୍ ଦେହା ଆ ଶୟତାନ, ‘ଲାଗିଙ୍ଗ୍ ଈଶ୍ୱର ସାସ୍ତର୍‌ତାକେ ଲେକା ମାନାତ୍, ଏପେଙ୍ଗ୍ ଜାର୍ ମାପୃତିଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାଦେର୍, ଆରେ ହେୱାନିଙ୍ଗ୍‌ନେ ହେବା କିନାଦେର୍।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:16

ଇ କଗ୍‌ଲେଙ୍ଗ୍ ଆନେଙ୍ଗ୍ ହାର୍ କିତାଙ୍ଗ୍ ହେଦେଲ୍ ମା ଅବ୍ରାହାମ୍‌ ଲାତ୍ରାନି ଗାଡ଼୍‌ଚେ ମାଚାତ୍। ଶୟତାନ ହେଦେଲିଙ୍ଗ୍ ଅଟ୍‌ର ବାର୍ହୁ ଆତାତ୍ ହଇରାଣ୍ କିଜି ମାଚାତ୍। ଲାଗିଙ୍ଗ୍ ଇନେସ୍ କିଜି ଜମ୍‌ନିଦିନ୍‌ ନାଞ୍ଜିଙ୍ଗ୍ ହେଦେଲ୍ ହାର୍ ଆନାତ୍?”

୧ କରନ୍ତିୟ 4:11

ଆପେଙ୍ଗ୍ ନଙ୍ଗୟ୍ ପାତେକ୍ ନାସ୍‌କି, ଏସ୍‌କି ମାନାପା ଆରେ ମାଙ୍ଗେଙ୍ଗ୍ ଉସ୍‌ପେଦେଙ୍ଗ୍ ଜବର୍ ହେନ୍ଦ୍ରାପାଟା ହିଲେକ୍। ଆପେଙ୍ଗ୍ ମାନାୟାର୍ କେଇଦ ମାଟ୍ ତିନାପା, ଆରେ ମାଙ୍ଗେଙ୍ଗ୍ ମାଞ୍ଜେଙ୍ଗ୍ ଜାର୍ ଇଲ୍ ପା ହିଲୁତ୍।

୧ କରନ୍ତିୟ 5:5

ଇଲେକେ ମାନାୟ୍‌ତିଙ୍ଗ୍ ଏପେଙ୍ଗ୍ ମଣ୍ଡ୍‌ଲିତାଙ୍ଗ୍ ହପାଟ୍‌। ଆରେ ଶୟତାନ ତାଙ୍ଗେଙ୍ଗ୍ କଣ୍ଟ୍ରୁଲ୍ କିନି କାଜିଙ୍ଗ୍ ପିସ୍ତି ହିୟାଟ୍। ଲାଗିଙ୍ଗ୍ ହେୱାନ୍ ତା ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିନାନ୍, ଆରେ ମାପୃ ଯୀଶୁ ଆରେରଗ ପୁର୍ତିତାକେ ୱାନିହିଙ୍ଗ୍ ହେୱାନ୍ ରକ୍ଷା ପାୟା ଆନାନ୍।

୨ କରନ୍ତିୟ 10:10

ଇନେସ୍‌କି କେତ୍‌ଜାଣ୍ ଇନାରା, ତା ଚିଟି ୱିଜୁ ତା ଆଦେସ୍ ଆରେ ନନାକା ଲେକେ, ମାତର୍ ହେୱାନ୍ ବେସି ଦୁର୍‌ବଲ୍ ଆରେ କାତା ୱିଜୁ ବେକାର୍।

୨ କରନ୍ତିୟ 10:5

ଆସେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ପୁନ୍‌ୱି ବାଟ୍‌ପାଣିୟାର୍‌ ଜିକାଟାଣା ଆନି ବିଷୟତିଙ୍ଗ୍ ଆପେଙ୍ଗ୍ ନଷ୍ଟ କିନାପା। ଆପେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ହେୱାର୍ ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାପା, ଆରେ ଆପେଙ୍ଗ୍ ଖ୍ରୀଷ୍ଟଙ୍ଗ୍ ମାନି କିଦେଙ୍ଗ୍ ହିକ୍ଷା ହିନାପା।

୨ କରନ୍ତିୟ 11:20

ମାନାୟାର୍ ଏଚେପାଦ୍ନା ମିଙ୍ଗେଙ୍ଗ୍ ଚାକର୍ କିଦ୍‌ଦେଙ୍ଗ୍ ଉପାୟ୍ କିନାର୍ ଏପେଙ୍ଗ୍ ରାଜି ଆନାଦେରା। ହେୱାର୍ ମିବେ ମାନି ୱିଜୁ ଜିନିଷ୍‌ତିଙ୍ଗ୍ ଅନିହିଙ୍ଗ୍, ହେୱାର୍ ମିଙ୍ଗେଙ୍ଗ୍ ତା କାମାୟ୍ କାଜିଙ୍ଗ୍ ବ୍ୟବହାର୍ କିଦ୍‌ନିହିଙ୍ଗ୍, ହେୱାର୍ ୱିଜୁ ଜିନିଷ୍‌ତିଙ୍ଗ୍ କଣ୍ଟ୍ରୁଲ୍ କିନିହିଙ୍ଗ୍ ଆରେ ହେୱାର୍ ମି ମୁମ୍‌ଦ ଚାପ୍ଡ଼ା ଇଡ଼୍‌ଦିନିହିଙ୍ଗ୍ ମାନିକିଜି ମାନାଟ୍।

୨ କରନ୍ତିୟ 12:1

ଆନେଙ୍ଗ୍ ଜାର୍ କାଜିଙ୍ଗ୍ ବାଟ୍‌ପାଣ୍ ଆନାକା ହାର୍ ଆକାୟ୍, ଇନେସ୍‌କି ନାଙ୍ଗେଙ୍ଗ୍ ମାପୃ ଚଞ୍ଜିଆଆଜି ମାନ୍‌ଞ୍ଚାତ୍‌ ଆରେ ନା ବିଷୟରେ ୱେଚ୍‌ଚି ମାନ୍‌ଞ୍ଚାନ୍।

ଗାଲାତିୟ 4:13

ଏପେଙ୍ଗ୍ ମାନ୍ତ ବାବିକିଜି ମାନ୍‌ଙ୍ଗାନାଦେର୍, ଏଚେପାଦ୍ନା ଆନେଙ୍ଗ୍ ପାର୍ତୁମ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ୱାଜି ମାଚାଙ୍ଗ୍, ହେପାଦ୍ନା ନା ଗାଗାଡ଼୍ ହାର୍ ହିଲାତାତ୍।

୧ ତିମତି 3:6

ହେୱାନ୍ ନୁଆଁରେ ପାର୍ତିକିନାକାନ୍ ଆୱାଦାଙ୍ଗ୍ ମାନ୍‌ଗାନାନ୍, ନଇଲେ ହେୱାନ୍ ବାଟ୍‌ପାଣିଆ ଆନାନ୍ ପାଚେ ଶୟତାନ୍ ଇନେସ୍ ବାଟ୍‌ପାଣିଆ ଆଜି ଦଣ୍ଡ୍ ପାୟାଆଜି ମାଚାତ୍ ହେୱାନ୍ ପା ହେଲେକେ ଦଣ୍ଡ୍ ପାୟା ଆନାନ୍।