୨ କରନ୍ତିୟ 12:21 - New Testament in Pengo Parja Language

²¹ ମିତାକେ ୱାଦେଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା, ଈଶ୍ୱର ନାଙ୍ଗେଙ୍ଗ୍ ମି କାଜିଙ୍ଗ୍ ଦରମ୍ କିଦେତ୍। ନଇଲେ ଆନେଙ୍ଗ୍ ଦୁଃକ୍ ଆନାଙ୍ଗ୍, ଇନେସ୍‌କି ମିବେତାଙ୍ଗ୍ ବେସିହେନି ମାନାୟାର୍ ଇ ୱିଜୁ ପାପ୍, ଆରେ ପବିତ୍ର ଆୱାତାର୍‌ନା। ଆରେ ଦାରି କାମାୟ୍ କିନି ଇଚାତାଙ୍ଗ୍ ମାନ୍‌ବାଦ୍‌ଲାୟ୍ କିୱାତାଦେର୍‍ନା।

ସତ୍‌ ବଚନ୍‌ ପୁନି ନିୟମ୍‌

²¹ ଏଚେକାଡ଼୍‌ଦ ଆନ୍‌ ଆରେ ରଗ ଏକାୱାତିସ୍‌ ନା ଇସ୍ୱର୍‌ ମି ବିସ୍ରେ ନାଙ୍ଗେଙ୍ଗ୍‌ ଆରେ ରଗ ବାଚି କିଦ୍‌ନାନ୍‌, ଆରେ, ଇମ୍‌ଣାକାର୍‌ ଆଗେ ପାପ୍‌ କିତାର୍ଣ୍ଣା, ଆରେ ଜାର୍‌ ଜାର୍‌ କିତି ବିଟାଡ଼୍‌, ଦାରି ଆରି ଲାଡ଼୍‌ସା କାଜିଂ ମାନ୍‌ବାଦ୍‌ଲାୟ୍‌ କିୱାତାର୍ଣ୍ଣା, ଏପେଙ୍ଗ୍‌ ହେନି ମାନାୟାର୍‌ କାଜିଂ ଆନ୍‌ ଆଡ଼୍‌ବାନାଙ୍ଗା ।

୨ କରନ୍ତିୟ 12:21 ပူးပေါင်းရင်းမြစ်များ

ରୋମିୟ 13:13

ଆସେଙ୍ଗ୍ ଦରମ୍ ଆରେ ସତ୍ ଆଜି ୱିଜୁ କାମାୟ୍ କିନି ଦର୍‌କାର୍, ଲାଗିଙ୍ଗ୍ ୱିଜାର୍ ମାନାୟ୍ ମା ବ୍ୟବହାର୍‌ତିଙ୍ଗ୍ ହାର୍ ଇଞ୍ଜି ଇଞ୍ଜ୍‌ନାର୍। ଆସେଙ୍ଗ୍ କାଲିଙ୍ଗ୍ ଉଣି ଦଳ୍‌ତାଙ୍ଗ୍ କି ଦାରି କାମାୟ୍ କିନାକାର୍‌ତାଙ୍ଗ୍, କି ଜେକନି କଗ୍‍ଲେକ୍ ହୁଦାଙ୍ଗ୍ ମାନାକା କି ଗଣ୍ଡ୍‍ଗଲ୍ କିନି ଦଳ୍‌ତାକେ ମାନାକା ଆରେ ଆକାର୍ ଆନି ମାନାୟାର୍ ହୁଦାଙ୍ଗ୍ ମାହା ଆମାଟ୍।

୧ କରନ୍ତିୟ 5:1

ଆନେଙ୍ଗ୍ ମି ବିଷୟରେ ମାନାୟାର୍‌ତାଙ୍ଗ୍ ୱେଚାଙ୍ଗ୍ ଯେ, ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ଦାରି କାମାୟ୍ କିନାରା, ଇଲେକେ କରାପ୍ କାମାୟ୍ ବିନ୍‌ଜାତିନି ମାନାୟାର୍ ପା କିଉର୍। ଆନେଙ୍ଗ୍ ୱେଚାଙ୍ଗ୍ ମି ମଣ୍ଡ୍‌ଲିତାକେ ଇଲେକେ ର ମାନାୟ୍ ମାନାନ୍ ଯେ, ହେୱାନ୍ ତା ଅଚୁତେହି ହୁଦାଙ୍ଗ୍ ଦାରି କାମାୟ୍ କିନାନା।

୨ କରନ୍ତିୟ 10:6

ଏପେଙ୍ଗ୍ ଏଚେପାଦ୍ନା ଖ୍ରୀଷ୍ଟ କାତାତିଙ୍ଗ୍ ପୁରାପୁରି ମାନିକିନାଦେର୍, ତାପାଚେ ଆପେଙ୍ଗ୍ ଏଚେଜାଣ୍ ଖ୍ରୀଷ୍ଟଙ୍ଗ୍ ପୁନ୍‌ୱାତାର୍‌ନା ହେୱାରିଙ୍ଗ୍ ଦଣ୍ଡ୍ ହିନାପା।

୨ କରନ୍ତିୟ 12:7

ମାତର୍ ଈଶ୍ୱର ନାଙ୍ଗେଙ୍ଗ୍ ଚଚ୍‌ଚି ମାନ୍‌ଞ୍ଚି ଚାନିଆଆନି ବିଷୟରେ ଚଞ୍ଜିଆ ଆନି ଦର୍‌କାର୍ ଆକାୟ୍। ଇନେସ୍‌କି ଶୟତାନନି ଡାଣ୍ଡାସି ନା ଗାଗାଡ଼୍‌ତାକେ ର ୱାଡ଼ି କଷ୍ଟ ପାୟା ଆଦେଙ୍ଗ୍ ହିତ୍‌ତାନ୍‌ନା ଆରେ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବାଟ୍‌ପାଣ୍ ଆଦେଙ୍ଗ୍ ଆଡୁଙ୍ଗା।

୨ କରନ୍ତିୟ 8:24

ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଲାଡ୍ କିୟାଟ୍, ଆରେ ୱିଜୁ ମଣ୍ଡ୍‌ଲିନି ପାର୍ତିକିନି ମାନାୟାରିଙ୍ଗ୍ ପୁନି କିୟାଟ୍ ଯେ, ଆପେଙ୍ଗ୍ ମି ବିଷୟରେ ହେୱାର୍ ମୁମ୍‌ଦ ବାଟ୍‌ପାଣ୍ ଆଜି ୱେଚ୍‌ନାକା ମିଚ୍ ଆକାୟ୍।

ଗାଲାତିୟ 5:19

ଏପେଙ୍ଗ୍ ଗାଗାଡ଼୍‌ନି ଇଚାନି କାମାୟ୍ ୱିଜୁ କିଲେର୍ କିଜି ପୁଚାଦେର୍‌ନା କି ଦାରି କାମାୟ୍, କରାପ୍ ଚିନ୍ତା।

କଲସିୟ 3:5

ଲାଗିଙ୍ଗ୍ ପୁର୍ତିନି ପାପ୍‌ନି ୱିଜୁ ଗୁଣ୍‌ତିଙ୍ଗ୍ ପିହାଟ୍, ଇଦାଙ୍ଗ୍‌ନି ଅର୍ତ ଇୱିଜୁ ଗୁଣ୍, ଦାରି କାମାୟ୍, କରାପ୍ କାମାୟ୍, ଅପ୍‌ମାନ୍‌ନି କାମାୟ୍, ମାନ୍ ବିତ୍ରେ ଦାରି ଚିନ୍ତା କିନାକା, କରାପ୍ ଚିନ୍ତା, ଲବ୍ରା ଆନାକା। ରଞ୍ଜାଙ୍ଗ୍ ମୁର୍ତିତିଙ୍ଗ୍ ପୁଜା କିତିଲେକେ।

ଏବ୍ରି 13:4

ଏପେଙ୍ଗ୍ ବିବାଆନି ଜିବୁନ୍‌ତିଙ୍ଗ୍ ସନ୍‌ମାନ୍ କିୟାଟ୍, ଆରେ ଏପେଙ୍ଗ୍ ବିବାଆତି ଜିବୁନ୍‌ତାକେ ଜାର୍-ଜାର୍ ପବିତ୍ର ଆଜି ମାନାଟ୍। ଇମ୍‌ଣାକାର୍ ଦାରୁଲା ଆରେ ଜେକନି ମାନାୟାରିଙ୍ଗ୍ ଆଦିକ୍ ଇଚା ଆନାର୍, ହେୱାରିଙ୍ଗ୍ ଈଶ୍ୱର ବିଚାର୍ କିନାନ୍।

୨ ପିତର 2:18

ଇ ମାଷ୍ଟେରାର୍ ଏଚେପାଦ୍ନା ହିକ୍ଷା ହିନାର୍, ହେୱାର୍ ମୁଲ୍ୟ ହିଲାକା ଆରେ ନିଜେ ଗାଜାକାଙ୍ଗ୍ ଇଞ୍ଜି ଚଚିୟାଆନି କାତା ୱେଚ୍‌ନାର୍। ଅପ୍‌ମାନ୍ ପାୟାଆନି କାମାୟ୍ ହେୱାର୍ ଗାଗାଡ଼୍ ଇଚା କିତିସ୍ ହେଦାଙ୍ଗ୍ କିଦେଙ୍ଗ୍ ଆଡ୍‌ନାର୍ ଇଞ୍ଜି ହେୱାର୍ ମାନାୟାରିଙ୍ଗ୍ ୱେଚ୍‌ନାର୍। ଇମ୍‌ଣାକାର୍ ଇଲେକେ କରାପ୍ ଜିବୁନ୍‌ତାଙ୍ଗ୍ ହସି ନୁଆଁରେ ଖ୍ରୀଷ୍ଟାନ୍ ଆତାର୍‌ନା, ହେୱାରିଙ୍ଗ୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ଟକାୟ୍ କିଜି ପାପ୍ କାମାୟ୍ କିୟିକିନାର୍।

ଜିହୁଦା 1:23

ଜେକନିକାରିଙ୍ଗ୍ ନାଣିନି ଦଣ୍ଡ୍‌ତାଙ୍ଗ୍ ହେଦାପ୍ରେ ଉନ୍‌ନ୍ଦି ଅତିଲେକେ ଉଦାର୍ କିୟାଟ୍। ଇଲେକେ କେତେକ୍ ମାନାୟ୍ ମାନାର୍, ହେୱାରିଙ୍ଗ୍ ଏପେଙ୍ଗ୍ ଦୟାକିନି ଦର୍‌କାର୍, ମାତର୍ ହେୱାର୍‌ତାଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍। ହେୱାର୍ ପାପ୍‌ନି କାମାୟ୍ ତା ହେନ୍ଦ୍ରାତିଙ୍ଗ୍ ତୁକେର୍ କିତାତ୍‌ନା, ଏପେଙ୍ଗ୍ ହେ ପାପ୍‌ନି ହେନ୍ଦ୍ରାତିଙ୍ଗ୍ ଗିଣ୍ କିୟାଟ୍।

ଜିହୁଦା 1:7

ହେଲେକେ ସଦୋମ ଆରେ ଗମୋରା ସହର୍ ଆରେ ହେ ଲାଗାୟ୍‌ନି ସହର୍‌କୁ ବିଷୟରେ ବାବିକିଜି ହୁଡ଼ାଟ୍, ହେ ସହର୍‌ନି ମାନାୟାର୍ ଦାରି ଆରେ ଅପ୍‌ମାନ୍ ଲେକେ ବେସି କରାପ୍ କାମାୟ୍ କିଜି ମାଚାର୍। ଲାଗିଙ୍ଗ୍ ଈଶ୍ୱର ହେ ମାନାୟାରିଙ୍ଗ୍ ନାଣି ହୁଦାଙ୍ଗ୍ ନଷ୍ଟ କିତାନ୍। କରାପ୍ ମାନାୟାର୍ କାଜିଙ୍ଗ୍ ଇଦାଙ୍ଗ୍ ରଞ୍ଜାଙ୍ଗ୍ ଜାଗ୍ରତ୍‌ନି ବେଣ୍ ଯେ ହେୱାର୍ ପା ୱିଜୁଦିନ୍ କାଚାଆନି ନାଣିତାକେ ଦଣ୍ଡ୍ ପାୟାଆନାର୍‌।

ହତ୍‌ତି 21:8

ମାତର୍ ଇମ୍‌ଣାକାର୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାର୍‌ନା, ମାନାୟାରିଙ୍ଗ୍ ଟକାୟ୍ କିନାରା। ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍, କରାପ୍ କାମାୟ୍ କିନାର୍, ମାନାୟାରିଙ୍ଗ୍ ମାର୍ନେ ଅହ୍‌ନାର୍। ଦାରି କାମାୟ୍ କିନାର୍, ଯାଦୁ ମନ୍ତର୍ କିନାରା, ମୁର୍ତି ପୁଜା କିନାରା ଆରେ ମିଚ୍ ୱେଚ୍‌ନାରା। ହେୱାରିଙ୍ଗ୍ ଆନେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସି ହିନାଙ୍ଗ୍ ଇଦାଙ୍ଗ୍ ନେ ଦୁଇ ନମ୍ବର୍ ମାରାଣ୍।”

ହତ୍‌ତି 22:15

ମାତର୍ ନିକୁଡ଼୍‌ଲେକେ ଇମ୍‌ଣି ମାନାୟାର୍ କରାପ୍ କାମାୟ୍ କିନାର୍, ଯାଦୁ ମନ୍ତର୍ କିନାର୍, ଦାରି କାମାୟ୍ କିନାର୍, ମାନାୟାରିଙ୍ଗ୍ ଅହ୍‌ନାର୍, ମୁର୍ତି ପୁଜାକିଜି ମାନାର୍ ଆରେ ମିଚ୍ ୱେଚ୍‌ନି ମାନାୟାର୍ ସହର୍ ବାର୍ତ ମାନାର୍।

ହତ୍‌ତି 22:20

ଯୀଶୁ ନିଜେ ଇ ୱିଜୁ ବିଷୟ କାଜିଙ୍ଗ୍ ସାକି ହିଜି ୱେଚ୍‌ନାନା, “ଆଁ, ଆନେଙ୍ଗ୍ ବେଗି ୱାନାଙ୍ଗା। ଆନେଙ୍ଗ୍ ଯୋହନ ଉତର୍ ହିତାଙ୍ଗ୍, ଆମେନ୍! ମାପୃ ଯୀଶୁ ଏନେଙ୍ଗ୍ ବେଗି ୱା।”