୨ କରନ୍ତିୟ 12:1 - New Testament in Pengo Parja Language

¹ ଆନେଙ୍ଗ୍ ଜାର୍ କାଜିଙ୍ଗ୍ ବାଟ୍‌ପାଣ୍ ଆନାକା ହାର୍ ଆକାୟ୍, ଇନେସ୍‌କି ନାଙ୍ଗେଙ୍ଗ୍ ମାପୃ ଚଞ୍ଜିଆଆଜି ମାନ୍‌ଞ୍ଚାତ୍‌ ଆରେ ନା ବିଷୟରେ ୱେଚ୍‌ଚି ମାନ୍‌ଞ୍ଚାନ୍।

ସତ୍‌ ବଚନ୍‌ ପୁନି ନିୟମ୍‌

¹ ଆତିସ୍‌ପା ଗରବ୍‌ କିନାକା ନେକ୍ରାକା ଆକାୟ୍‌, ଆତିସ୍‌ପା ଲାଗିଂ ନାଙ୍ଗେଙ୍ଗ୍ ଗରବ୍‌ କିଦେଙ୍ଗ୍‌ ଲାଗ୍‌ତାନାତା; ଆନ୍‌ ମାପ୍ରୁତିଙ୍ଗ୍‌ “ହୁଡ଼୍‌ଦେଂ” ଆରେ ଚଞ୍ଜ୍‌ୟା ଆନି ବିସ୍ରେ ଇନାଙ୍ଗ୍‌ ।

୨ କରନ୍ତିୟ 12:1 ပူးပေါင်းရင်းမြစ်များ

ଜହନ୍‌ 16:7

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଆନେଙ୍ଗ୍ ଇବେତାଙ୍ଗ୍ ହାନାକା ମି କାଜିଙ୍ଗ୍ ହାର୍। ଇନେସ୍‌କି ଆନେଙ୍ଗ୍ ହାଚି ପାଚେ ଆନେଙ୍ଗ୍ ହେ ସାଇଜ କିଦ୍‌ନାକାନିଙ୍ଗ୍ ପକ୍ତାନାଙ୍ଗ୍। ମାତର୍ ଆନେଙ୍ଗ୍ ଯଦି ହାଲୁଙ୍ଗ୍, ଲାଗିଙ୍ଗ୍ ସାଇଜ କିଦ୍‌ନାକାନ୍ ୱାଉନ୍।

ଜହନ୍‌ 18:14

କୟାପା ଯିହୁଦିରିଙ୍ଗ୍ ୱେଚ୍‌ଚି ମାଚାନ୍, “ୱିଜୁ ମାନାୟାରିଙ୍ଗ୍ ହାର୍ କାଜିଙ୍ଗ୍ ରକାନ୍ ହାଃନାକା ହାର୍।”

ପକ୍ୟାତାକା 18:9

ରଦିନ୍ ମିକାଲିଙ୍ଗ୍ ମାପୃ ପାଉଲତିଙ୍ଗ୍ କେଚ୍‌କଣ୍‌ତାକେ ୱେଚ୍‌ଚାନ୍, “ପାଣ୍ଡ୍ରାଆମା, ମାତର୍ ଚିମ୍ରା ଆୱାଦାଙ୍ଗ୍ ନା କାତା ୱେଚ୍‌ଚି ହାଲା, ଇନେସ୍‌କି ଆପେଙ୍ଗ୍ ନି ହୁଦାଙ୍ଗ୍ ମାନାପ୍।

ପକ୍ୟାତାକା 23:11

ହେ ଦିନ୍ ମିକାଲିଙ୍ଗ୍ ମାପୃ ପାଉଲ ଲାଗାୟ୍ ନିଲ୍‌ଚି ୱେଚ୍‌ଚାନ୍, “ପାଣ୍ଡ୍ରାଆମା! ଇନେସ୍‌କି ଏନେଙ୍ଗ୍ ଯିରୁଶାଲାମ ସହର୍‌ତାକେ ନା ବିଷୟରେ ମାନାୟାରିଙ୍ଗ୍ ୱେଚ୍‌ଚାଇନା, ହେଲେକେ ରୋମ ଦେସ୍‌ତାକେ ପା ନା ବିଷୟରେ ୱେଚ୍‌ନାକା ଆନାତ୍।”

୧ କରନ୍ତିୟ 10:23

ମି ବିତ୍ରେତାଙ୍ଗ୍ କେତ୍‌ଜାଣ୍ ୱେଚ୍‌ନାର୍ ଆପେଙ୍ଗ୍ ୱିଜୁ ଜିନିଷ୍ କିଦେଙ୍ଗ୍ ଇନେର୍ ମୁନା କିଦୁର୍, ହେଦାଙ୍ଗ୍ ସତ୍ ମାତର୍ କେତେକ୍ ଜିନିଷ୍ ମାନାତ୍ ମାଙ୍ଗେଙ୍ଗ୍ ଈଶ୍ୱରତିଙ୍ଗ୍ ପାର୍ତି କିନାକା ଦୁର୍‌ବଲ୍ କିଦ୍‌ନାତ୍।

୧ କରନ୍ତିୟ 14:6

ଲାଗିଙ୍ଗ୍ ଏ ଟଣ୍ଡାର୍‌କାଦେର୍ ଆନେଙ୍ଗ୍ ମିତାକେ ୱାତିହିଙ୍ଗ୍, ବିନ୍-ବିନ୍ ବାଷାତାଙ୍ଗ୍ କାତା ୱେଚ୍‌ଚିତିସ୍, ମି ପାର୍ତି ବାଡା ଆଦେଙ୍ଗ୍ ସାଇଜ ଆଦୁତ୍। ମାତର୍ ଆନେଙ୍ଗ୍ ଈଶ୍ୱରତାଙ୍ଗ୍ ପାୟାଆତି କାତା, ଜ୍ଞାନ୍, ଈଶ୍ୱରତାଙ୍ଗ୍ ୱେଚି କାତା ହିକାଆନି ବିଷୟରେ ୱେଚ୍‌ୱିତିସ୍ ନେ ମି ପାର୍ତି ବାଡା ଆଦେଙ୍ଗ୍ ସାଇଜ ଆନାତ୍‌।

୧ କରନ୍ତିୟ 6:12

କେତ୍‌ଜାଣ୍ ମାନାୟାର୍ ଇନାର୍, “ଆନେଙ୍ଗ୍ ୱିଜୁ କିଦେଙ୍ଗ୍ ଆଡ୍‌ନାଙ୍ଗ୍ ଆରେ ନାଙ୍ଗେଙ୍ଗ୍ ଇନେର୍ ପା ମୁନା କିଦ୍‌ଦେଙ୍ଗ୍ ଆଡ଼୍‌ଦୁର୍,” ହେଦାଙ୍ଗ୍ ସତ୍, ମାତର୍ ଆନେଙ୍ଗ୍ କିନାଙ୍ଗା ଯେ, “ମି କାଜିଙ୍ଗ୍ କେତେକ୍ ଜିନିଷ୍ ହାର୍ ଆକାୟ୍।” ନାଙ୍ଗେଙ୍ଗ୍ ୱିଜୁ ଜିନିଷ୍ କିଦେଙ୍ଗ୍ ଅନୁମତି ଗାଟା ଆତ୍‌ତାତ୍‌ନା, ମାତର୍ ଆନେଙ୍ଗ୍ ହେ ଜିନିଷ୍‌ନି ଚାକର୍ ଆନାକା ଟିକ୍ ଆକାୟ୍।

୨ କରନ୍ତିୟ 12:11

ଆନେଙ୍ଗ୍ ବକ୍‌ୱା ଲେକେ ବ୍ୟବହାର୍ କିନାଙ୍ଗା, ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ହେଲେକେ କିଦେଙ୍ଗ୍ ବାଦ୍ୟ କିତ୍‌ତାଦେର୍। ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ହାର୍ ଇଞ୍ଜି ଇଞ୍ଜ୍‌ନାକା ମାଚାତ୍, ଲାଗିଙ୍ଗ୍ ଆନେଙ୍ଗ୍ ବେକାର୍ ଆଜି ମାଚିସ୍ ପା, ଆନେଙ୍ଗ୍ ଗାଜା ବାଚିକିତି ଚେଲାର୍‌ତାଙ୍ଗ୍ ହିରୁକାଙ୍ଗ୍ ଆକାୟ୍।

୨ କରନ୍ତିୟ 12:5

ଲାଗିଙ୍ଗ୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍, ମାତର୍ ଆନେଙ୍ଗ୍ ହେଲେକେ କିଉଙ୍ଗ୍। ଆନେଙ୍ଗ୍ ୱାରା ଇ ବିଷୟରେ ୱେଚ୍‌ନାଙ୍ଗ୍ ଇମ୍‌ଣାକା ମାନାୟାର୍ ନାଙ୍ଗେଙ୍ଗ୍ ଦୁର୍‌ବଲ୍ ଇଞ୍ଜି ବାବିକିନାରା।

୨ କରନ୍ତିୟ 12:7

ମାତର୍ ଈଶ୍ୱର ନାଙ୍ଗେଙ୍ଗ୍ ଚଚ୍‌ଚି ମାନ୍‌ଞ୍ଚି ଚାନିଆଆନି ବିଷୟରେ ଚଞ୍ଜିଆ ଆନି ଦର୍‌କାର୍ ଆକାୟ୍। ଇନେସ୍‌କି ଶୟତାନନି ଡାଣ୍ଡାସି ନା ଗାଗାଡ଼୍‌ତାକେ ର ୱାଡ଼ି କଷ୍ଟ ପାୟା ଆଦେଙ୍ଗ୍ ହିତ୍‌ତାନ୍‌ନା ଆରେ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବାଟ୍‌ପାଣ୍ ଆଦେଙ୍ଗ୍ ଆଡୁଙ୍ଗା।

୨ କରନ୍ତିୟ 12:9

ଆରେ, ହେୱାନ୍ ନାଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାନ୍ ନା ଦୟାନି କାଜିଙ୍ଗ୍ ଜତେଷ୍ଟ, ଇନେସ୍‌କି ଏନେଙ୍ଗ୍ ଦୁର୍‌ବଲ୍ ମାଚିସ୍ ନେ ନା ଶାକ୍ତି ନିତାକେ ପୁରାଆନାତ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନା ଦୁର୍‌ବଲ୍ କାଜିଙ୍ଗ୍ ବାଟ୍‌ପାଣ୍ ଆନାଙ୍ଗା, ଲାଗିଙ୍ଗ୍ ଖ୍ରୀଷ୍ଟ ଶାକ୍ତି ନା ଜପି ମାନ୍‌ଗାନାତ୍।

୨ କରନ୍ତିୟ 8:10

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ର ହିକ୍ଷା ହିଦ୍‌ନାଙ୍ଗା ଯେ, ଏପେଙ୍ଗ୍ ଇମ୍‌ଣି ହାର୍ କାମାୟ୍ ର ବରଷ୍ ଆଗେ ଆରମ୍ କିଜି ମାଚାଦେର୍ ହେଦାଙ୍ଗ୍ ପୁରାୟ୍ କିୟାଟ୍। ହାଚି ବରଷ୍ ଏପେଙ୍ଗ୍ ପାର୍ତୁମ୍ ସାଇଜ କିଜି ମାଚାଦେର୍, ଆରେ ପା ଏପେଙ୍ଗ୍ ନେ ପାର୍ତୁମ୍ ଇ କାମାୟ୍‌ତିଙ୍ଗ୍ ଆରମ୍ କିଜି ମାଚାଦେର୍।

ଗାଲାତିୟ 1:12

ଇନେସ୍‌କି ଆନେଙ୍ଗ୍ ହେଦାଙ୍ଗ୍ ପଣ୍ଡିତାର୍‌ତାଙ୍ଗ୍ ପାୟା ଆୱାତାଙ୍ଗ୍‌ନା କି ହିକାଆୱାତାଙ୍ଗ୍‌ନା, ମାତର୍ ଯୀଶୁ ଖ୍ରୀଷ୍ଟ ନିଜେ ହେଦାଙ୍ଗ୍ ନାବେ ଚଚ୍‌ଚାତାନ୍‌ନା।

ଗାଲାତିୟ 2:2

ଈଶ୍ୱର ନାଙ୍ଗେଙ୍ଗ୍ ହାନି କାଜିଙ୍ଗ୍ ୱେଚ୍‌ଚିତିଲେ ଆନେଙ୍ଗ୍ ହେବେ ହାଚାଙ୍ଗ୍। ଆରେ ହେବେ ମାନି ମଣ୍ଡ୍‌ଲିନି ଦେକାଶୁଣା କିନି ନେତାରିଙ୍ଗ୍ ଆନେଙ୍ଗ୍ ଇନେର୍ ପୁଞ୍ଜ୍‌ୱି ଲେକେକିଜି ମାହା ଆତାଙ୍ଗ୍, ଆରେ ବିନ୍‌ଜାତିନି ମାନାୟାର୍ ଲାଗାୟ୍ ଆନେଙ୍ଗ୍ ଶୁଣାୟ୍ କିଜିମାଚି ହାର୍ଦିକାବୁର୍‌ତିଙ୍ଗ୍ ହେୱାରିଙ୍ଗ୍ ବୁଜାଇ କିତାଙ୍ଗ୍। ନା ୱିଜୁ କଷ୍ଟ କିତାକା ଇନେସ୍ ପଲିଆ ଆଉତ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ ହୁଦାଙ୍ଗ୍ ମାହାଆଜି ରାଜି ଆତାଙ୍ଗ୍।

ଏପିସିୟ 3:3

ଈଶ୍ୱର ନାଙ୍ଗେଙ୍ଗ୍ ତା ଡ଼ୁକ୍‌ତି ଜଜ୍‌ନା ୱେଚ୍‌ଚାତାନ୍‌ନା, ଇମ୍‌ଣି ବିଷୟରେ ଆନେଙ୍ଗ୍ ମିଙ୍ଗେଙ୍ଗ୍ ଆଗେତାଙ୍ଗ୍ ଅଲପ୍ ଲେକିକିତାଙ୍ଗ୍‌ନା।

୧ ଥେସଲନୀକିୟ 4:15

ଆପେଙ୍ଗ୍ ମାପୃ ଯୀଶୁ ୱେଚ୍‌ଚିଲେକେ ମିଙ୍ଗେଙ୍ଗ୍ ୱେଚ୍‌ଚାନାପା ଯେ, ମାପୃ ଯୀଶୁ ପୁର୍ତିତାକେ ଆରେରଗ ୱାନି ପାତେକ୍ ଆସେଙ୍ଗ୍ ଏଚେଜାଣ୍ ଜିବୁନ୍ ମାନ୍‌ଗାନାସ୍। ଆସେଙ୍ଗ୍ ମାପୃ ଯୀଶୁଙ୍ଗ୍ ଆଗେ ମାହା ଆଦେଙ୍ଗ୍ ଆଡୁସ୍, ମାତର୍ ମାପୃ ଯୀଶୁଙ୍ଗ୍ ପାର୍ତି କିଜି ହାଃତି ମାନାୟାର୍ ଆରେରଗ ଜିବୁନ୍‌ଆଜି ଆଗେ ମାହାଆନାର୍।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।