୨ କରନ୍ତିୟ 11:6 - New Testament in Pengo Parja Language

⁶ ଆନେଙ୍ଗ୍ ହେୱାର୍ ଲେକେ ଚାଲାକି ହୁଦାଙ୍ଗ୍ ମିଚ୍ ହିକ୍ଷା ମିଙ୍ଗେଙ୍ଗ୍ ହିଦୁଙ୍ଗା, ମାତର୍ ନାଙ୍ଗେଙ୍ଗ୍ ବୁଦି ମାନାତ୍। ଆନେଙ୍ଗ୍ ମିଙ୍ଗେଙ୍ଗ୍ କେତେହଟ୍ ଇ ବିଷୟରେ କିଲେର୍ କିଜି ପୁନି କିଜି ମାନ୍‌ଞ୍ଚାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

⁶ ମତର୍‌ ଆତିସ୍‌ପା ଆନ୍‌ କାତା ଇଞ୍ଜେଙ୍ଗ୍‌ ଆଡୁଙ୍ଗ୍‌, ଆତିସ୍‌ପା ଗିୟାନ୍ତ ପାଚେ ଆକାୟ୍‌; ହାତ୍‌ପାତ ଆସେଙ୍ଗ୍‌ ୱିଜ଼ୁ ବାନିତ ୱିଜ଼ୁ ବିସ୍ରେ ମି କାଜିଂ ଇଦାଂ ହପ୍ତାପ୍ ।

୨ କରନ୍ତିୟ 11:6 ပူးပေါင်းရင်းမြစ်များ

୧ କରନ୍ତିୟ 1:17

ଇନେସ୍‌କି ଖ୍ରୀଷ୍ଟ ନାଙ୍ଗେଙ୍ଗ୍ ଡୁବନ୍ ହିଦେଙ୍ଗ୍ ପକ୍ତାୱାତାନ୍‌ନା, ମାତର୍ ହାର୍ଦିକାବୁର୍ ୱେଚ୍‌ଚେଙ୍ଗ୍ ପକ୍ତାତାନ୍‌ନା। ଆନେଙ୍ଗ୍ ନା ଜ୍ଞାନ୍ ଅନୁସାରେ ହାର୍ଦିକାବୁର୍ ଶୁଣାୟ୍ କିଉଙ୍ଗା, ଯଦି ହେଲେକେ କିତାଙ୍ଗ୍‌ମା ମାନାୟାର୍ ନା ଜ୍ଞାନ୍‌ତିଙ୍ଗ୍ ପାର୍ତି କିତାର୍‌ମା, ଆରେ ହେୱାର୍ ଖ୍ରୀଷ୍ଟ କୃଶକାଟ୍‌ତାକେ ହାଃତି ଶାକ୍ତିତିଙ୍ଗ୍ ପୁନ୍‌ୱାତାର୍‌ମା।

୧ କରନ୍ତିୟ 1:21

ହେଦାଙ୍ଗ୍ କାଜିଙ୍ଗ୍ ଈଶ୍ୱର ତା ଜ୍ଞାନ୍‌ତାଙ୍ଗ୍ ପୁଞ୍ଜେଙ୍ଗ୍ ଆଡ଼୍‌ତାନ୍ ଯେ, ପୁର୍ତିନି ମାନାୟାର୍ ଜାର୍ ବୁଦିତାଙ୍ଗ୍ ଈଶ୍ୱରତିଙ୍ଗ୍ ଦାସ୍ତେଙ୍ଗ୍ ଆଡୁର୍। ଏଚେଜାଣ୍ ମା ହାର୍ଦିକାବୁର୍‌ତିଙ୍ଗ୍ ୱେନ୍‌ଞ୍ଜି ପାର୍ତି କିତାର୍, ଲାଗିଙ୍ଗ୍ ହେୱାର୍ ମା ବକୁୱା ଇଞ୍ଜି ବାବିକିଜି ଶୁଣାୟ୍ କିନି କାତା ୱେନ୍‌ଞ୍ଜି ପାର୍ତିକିନି ମାନାୟାରିଙ୍ଗ୍ ଉଦାର୍ କିତାନ୍।

୧ କରନ୍ତିୟ 12:8

ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ବୁଦିନି କାତା ୱେଚ୍‌ଚେଙ୍ଗ୍ ହିତାନ୍‌ନା, ଆରେ ହେ ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ଜେକନିକାନିଙ୍ଗ୍ ଜ୍ଞାନ୍‌ନି କାତା ୱେଚ୍‌ନି କାଜିଙ୍ଗ୍ ଶାକ୍ତି ହିନାନ୍।

୧ କରନ୍ତିୟ 2:13

ଆରେ ଆପେଙ୍ଗ୍ ଇ ୱିଜୁ ବିଷୟ ଜେକନିକାରିଙ୍ଗ୍ ୱେଚ୍‌ନାପା, ଆପେଙ୍ଗ୍ ଇ ୱିଜୁ ବିଷୟ ୱେଚ୍‌ନି କାଜିଙ୍ଗ୍ ପୁର୍ତିନି ମାନାୟାର୍ ବୁଦିତାଙ୍ଗ୍ ୱେଚ୍‌ଚି କାତାଲେକେ ୱେଚ୍‌ଚୁପା। ମାତର୍ ମାଙ୍ଗେଙ୍ଗ୍ ପବିତ୍ର ଆତ୍ମା ଇମ୍‌ଣି କାତା ୱେଚ୍‌ଚେଙ୍ଗ୍ ହିତ୍‌ତାନ୍‌ନା, ଆରେ ଆପେଙ୍ଗ୍ ହେ ଆତ୍ମା ସାଇଜତାଙ୍ଗ୍ ସତ୍ ବିଷୟତିଙ୍ଗ୍ ବୁଜାୟ୍ କିନାପା।

୨ କରନ୍ତିୟ 10:10

ଇନେସ୍‌କି କେତ୍‌ଜାଣ୍ ଇନାରା, ତା ଚିଟି ୱିଜୁ ତା ଆଦେସ୍ ଆରେ ନନାକା ଲେକେ, ମାତର୍ ହେୱାନ୍ ବେସି ଦୁର୍‌ବଲ୍ ଆରେ କାତା ୱିଜୁ ବେକାର୍।

୨ କରନ୍ତିୟ 12:12

ଆନେଙ୍ଗ୍ ଏଚେପାଦ୍ନା ମିତାକେ ମାଚାଙ୍ଗ୍, ଈଶ୍ୱର ନାଙ୍ଗେଙ୍ଗ୍ ମିତାକେ ପକ୍ତାତାନ୍‌ନା ଆରେ ଆନେଙ୍ଗ୍ ହାତ୍‌ପା ରକାଙ୍ଗ୍ ଈଶ୍ୱର ବାଚିକିତି ଚେଲାଇଞ୍ଜି ୱେଚ୍‌ଚି ମାଚାଙ୍ଗ୍। ଇନେସ୍‌କି ଆନେଙ୍ଗ୍ ସାସ୍ ଆଜି ବେସି ଚାନିଆଆନି ଚିନ୍, ଚାନିଆଆନି କାମାୟ୍ ଆରେ ଶାକ୍ତିନି କାମାୟ୍ ୱିଜୁ ମିତାକେ କିଜି ମାଚାଙ୍ଗ୍।

୨ କରନ୍ତିୟ 4:2

ଆପେଙ୍ଗ୍ ୱିଜୁ ଲାଜାଆନି କାମାୟ୍ ଆରେ ମାନାୟାର୍‌ତାଙ୍ଗ୍ ଡ଼ୁକ୍‌ଚି କିନି କାମାୟ୍ କିଉସା। ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଉପାୟ୍ କିଉପା, ଆରେ ଆପେଙ୍ଗ୍ ଈଶ୍ୱର କାତାତିଙ୍ଗ୍ ଚାଲାକି କିଜି ୱେଚ୍‌ଚୁପା। ଆପେଙ୍ଗ୍ ଈଶ୍ୱର ମୁମ୍‌ଦ ସତ୍ ୱେଚ୍‌ନାପା ଆରେ ୱିଜୁ ଦରମ୍ ମାନାୟାର୍ ପୁଚାର୍‌ନା ଯେ ଆପେଙ୍ଗ୍ ସତ୍ ୱେଚ୍‌ନାପା।

୨ କରନ୍ତିୟ 5:11

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା ଯେ, ଏପେଙ୍ଗ୍ ଆପେଙ୍ଗ୍ ୱେଚ୍‌ଚିତି ସତ୍‌ତିଙ୍ଗ୍ ପାର୍ତିକିୟାଟ୍। ଈଶ୍ୱର ମା ବିଷୟରେ ହାର୍ କିଜି ପୁଚାନ୍‌ନା ଆରେ ଆନେଙ୍ଗ୍ ଆହା କିନାଙ୍ଗା ଯେ, ଏପେଙ୍ଗ୍ ପା ଇ ବିଷୟରେ ପୁନ୍‌ଞ୍ଜି ମାନାଦେର୍।

୨ କରନ୍ତିୟ 6:6

ଆପେଙ୍ଗ୍ ଜାର୍‌ତିଙ୍ଗ୍ ପବିତ୍ର କିତାପ୍, ଆପେଙ୍ଗ୍ ୱିଜୁ ବିଷୟରେ ବୁଜାଆତାପ୍, ଆପେଙ୍ଗ୍ ସାସ୍ ଆତାପ୍, ଆପେଙ୍ଗ୍ ମାନାୟାରିଙ୍ଗ୍ ଦୟା କିତାପ୍। ଆରେ ଆପେଙ୍ଗ୍ ମାନାୟାରିଙ୍ଗ୍ ହାତ୍‌ପା ଲାଡ୍ କିତାପ୍ ଆରେ ଆପେଙ୍ଗ୍ ପବିତ୍ର ଆତ୍ମାତିଙ୍ଗ୍ ସାଇଜ କିଦେତ୍ ଇଞ୍ଜି ଆହା କିତାପ୍।

୨ କରନ୍ତିୟ 7:2

ଏ ଟଣ୍ଡାର୍‌କାଦେର୍ ଆପେଙ୍ଗ୍ ଇଚା କିନାପା ଯେ, ଏପେଙ୍ଗ୍ ମାଙ୍ଗେଙ୍ଗ୍ ମି ଗରବ୍‌ତାଙ୍ଗ୍ ଲାଡ୍ କିଦାଟ୍। ଆପେଙ୍ଗ୍ ଇନେରିଙ୍ଗ୍ ପା ଅନ୍ୟାୟ୍ କିୱାତାପ୍‌ନା, ଇନେରିଙ୍ଗ୍ ନଷ୍ଟ କିୱାତାପ୍‌ନା କି ଇନେର୍‌ତି ଲସ୍ କିୱାତାପ୍‌ନା।

ଏପିସିୟ 3:4

ହେଦାଙ୍ଗ୍ ଏପେଙ୍ଗ୍ ପଡ଼ିକିତିସ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଯେ ଆନେଙ୍ଗ୍ ଇନେସ୍ ଖ୍ରୀଷ୍ଟତି ଡ଼ୁକ୍‌ତି ବିଷୟରେ ପୁଞ୍ଜେଙ୍ଗ୍ ଆଡ଼୍‌ତାଙ୍ଗ୍‌ନା।