୨ କରନ୍ତିୟ 11:15 - New Testament in Pengo Parja Language

¹⁵ ଲାଗିଙ୍ଗ୍ ହେଦାଙ୍ଗ୍ ଇନା ଚାନିଆଆନି ବିଷୟ ଆକାୟ୍, ଇନେସ୍‌କି ଶୟ୍‌ତାନ୍ ଚାକରାର୍ ପା ଦରମ୍‌ନି ଚାକର୍ ଆତାପ୍‌ନା ଇଞ୍ଜି ୱେଚ୍‌ନାର୍। ମାତର୍ ହେୱାର୍ କରାପ୍ କାମାୟ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁵ ଲାଗିଂ, ଜଦି ତାଦାଂ ହେବା କିନିକିକ୍‍ ପା ଦାର୍ମିନି ହେବା କିନାକାର୍ତି ବେସି ଆହ୍‍ନିକ୍, ୱାଟିଙ୍ଗ୍‌ ହେଦାଂ ଗାଜା ବିସ୍ରେ ଆକାୟ୍‌; ହେୱାର୍‌ତି ସେସ୍‌ ଦସା ହେୱାର୍‌ତି କାମାୟ୍‌ ଇସାପ୍ରେ ଗିଟାନାତ୍ ।

୨ କରନ୍ତିୟ 11:15 ပူးပေါင်းရင်းမြစ်များ

ପକ୍ୟାତାକା 13:10

“ଏନେଙ୍ଗ୍ ଶୟତାନ୍ ଲେକେ ୱିଜୁ ହାର୍ଦି କାମାୟ୍‌ତିଙ୍ଗ୍ ବିରଦ୍ କିନାଇ। ଏନେଙ୍ଗ୍ ସବୁୱେଡ଼ାଙ୍ଗ୍ ମିଚ୍ କାତା ୱେଚ୍‌ନାୟା, ଆରେ ହେୱାରିଙ୍ଗ୍ ଏନେଙ୍ଗ୍ ବୁଲ୍ କାମାୟ୍ କିୟିକିନାୟା। ମାପୃ ବିଷୟରେ ଇନାକା ସତ୍ ମାନାତ୍ ହେଦାଙ୍ଗ୍ ସତ୍ ଆକାୟ୍ ଇଞ୍ଜି ୱେଚ୍‌ଚେଙ୍ଗ୍ ଉପାୟ୍ କିନାଇ।

ରୋମିୟ 2:6

ହେୱାନ୍ ୱିଜୁ ମାନାୟାର୍ ଜାର୍-ଜାର୍ କାମାୟ୍ କିତି ଅନୁସାରେ ପୁରଷ୍କାର୍ ହିନାନ୍‌,

ରୋମିୟ 3:8

ଆରେ କେତେକ୍ ମାନାୟ୍ ଇଲେକେ ଆପେଙ୍ଗ୍ କିନାପା ଇଞ୍ଜି ୱେଚ୍‌ନାରା ଯେ, ୱାଡ ଆସେଙ୍ଗ୍ କରାପ୍ କାମାୟ୍ କିନାସ୍, ଲାଗିଙ୍ଗ୍ ହାର୍ ପାଡ଼୍‌ ଗାଟାଆଦ୍‍ନାତ୍। ଇଲେକେ ଇମ୍‌ଣି ମାନାୟ୍ ନା ବିଷୟତିଙ୍ଗ୍ ଏଲେଙ୍ଗ୍ ଇଞ୍ଜି ୱେଚ୍‌ନାନ୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

୧ କରନ୍ତିୟ 9:11

ମାର୍‌କୁ ରୁଜ୍‌ନି ମାନାୟାର୍‌ଲେକେ ଈଶ୍ୱରତି ହାର୍ଦିକାବୁର୍ ଆପେଙ୍ଗ୍ ମିଙ୍ଗେଙ୍ଗ୍ ଶୁଣାୟ୍ କିଜି ମାନ୍‌ଚାପ୍‌, ହେଦାଙ୍ଗ୍ କାଜିଙ୍ଗ୍ ମାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍‌ତିଙ୍ଗ୍ ପାୟା ଆଦେଙ୍ଗ୍ ଏପେଙ୍ଗ୍ ସାଇଜ କିଦ୍‌ନି ଦର୍‌କାର୍।

୨ କରନ୍ତିୟ 11:13

ଇଲେଗ୍‌ଦି ମାନାୟାର୍ ହାତ୍‌ପା ବାଚିକିତି ଚେଲା ହିଲୁର୍। ହେୱାର୍ ଜାର୍‌ତିଙ୍ଗ୍ ଖ୍ରୀଷ୍ଟର୍ ବାଚିକିତି ଚେଲାଇଞ୍ଜି ୱେଚ୍‌ନାରା, ଆରେ ହେୱାର୍ ମାନାୟାରିଙ୍ଗ୍ ଟକାୟ୍ କିନାରା।

୨ କରନ୍ତିୟ 11:23

ଯଦି ହେୱାର୍ ଖ୍ରୀଷ୍ଟଙ୍ଗ୍ ହେବା କିନାପା ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ରକାଙ୍ଗ୍ ପାଗଲ୍ ମାନାୟ୍ ୱେଚ୍‌ଚିଲେକେ ଆନେଙ୍ଗ୍ ହେୱାର୍‌ତାଙ୍ଗ୍ ବେସି ବାଟ୍‌ପାଣ୍ ଆଜି ୱେଚ୍‌ଚାଙ୍ଗ୍‌ମା। ଇନେସ୍‌କି ଆନେଙ୍ଗ୍ ଖ୍ରୀଷ୍ଟଙ୍ଗ୍ ହେବାକିନି କାଜିଙ୍ଗ୍ ବେସି କଷ୍ଟ କାମାୟ୍ କିତାଙ୍ଗ୍‌ନା। ହେ କାମାୟ୍ କାଜିଙ୍ଗ୍ କେତେହଟ୍ ଜଇଲ୍ ଇଞ୍ଜ ହାଲ୍‌ଜି ମାଚାଙ୍ଗ୍। ମାନାୟାର୍ ନାଙ୍ଗେଙ୍ଗ୍ କେତ୍‌ହଟ୍ ଟ୍ରାକ୍ତାତାର୍‌ନା ଆରେ ମାନାୟାର୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିଜି ମାଚାର୍।

୨ କରନ୍ତିୟ 3:9

ଯଦି ହେ ଦସି କିଦ୍‌ନି ପାନି ପାର୍ମାଣ୍ ଗୌରବ ମାଚାତ୍, ଲାଗିଙ୍ଗ୍ ହେୱାନ୍‌ତାଙ୍ଗ୍ ଇ ପୁନି ପାର୍ମାଣ୍ ଇମ୍‌ଣାକା ଈଶ୍ୱର ମୁମ୍‌ଦ ଦରମ୍ ମାନାୟ୍ କିଦ୍‌ନାନ୍ ହେଦାଙ୍ଗ୍ ଆଦିକ୍ ଗୌରବ ମାନାତ୍।

ଏପିସିୟ 6:12

ଇନେସ୍‌କି ମା ଯୁଜ୍ ନେତେର୍ ଜେଇ ଇ ପୁର୍ତିନି ମାନାୟାର୍ କାଜିଙ୍ଗ୍ ଆକାୟ୍, ମାତର୍ ମାଜ୍‌ଗା ଜଗତ୍‌ନି ଶାକ୍ତି, ଆଦିକାର୍ ଆରେ ସାସନ୍ କିନାକାର୍ ବିରଦ୍‌ତାକେ ଆରେ ବାଦାଡ଼୍‌ନି କରାପ୍ ଆତ୍ମା ବିରଦ୍ କାଜିଙ୍ଗ୍।

ପିଲିପିୟ 3:19

ଈଶ୍ୱର ହେୱାରିଙ୍ଗ୍ ନଷ୍ଟ କିନାନ୍। ଇନେସ୍‌କି ହେୱାର୍ ତା ଗାଗାଡ଼୍‌ନି ଇଚାତାଙ୍ଗ୍ ଈଶ୍ୱର ଇଞ୍ଜି ମାନିକିନାର୍। ଆରେ ହେୱାର୍ ଅପ୍‌ମାନ୍ ବିଷୟତିଙ୍ଗ୍ ହାର୍ଦି ବିଷୟ ଇଞ୍ଜି ବାବିକିନାର୍। ଆରେ ହେୱାର୍ ପୁର୍ତିନି ବିଷୟ ନେ ବାବିକିନାର୍।

୨ ପିତର 2:3

ଇ ମାଷ୍ଟେରାର୍ ବେସି ଲବ୍ରାର୍। ହେୱାର୍ ମିବେତାଙ୍ଗ୍ ଡାବୁଙ୍ଗ୍ ଲାବ୍ ପାୟାଆନି କାଜିଙ୍ଗ୍, ହେୱାର୍ ମାନ୍‌ତାଙ୍ଗ୍ ରସ୍ତି କାତା ୱେଚ୍‌ଚି ମିଙ୍ଗେଙ୍ଗ୍ ଟକାୟ୍ କିଦ୍‌ନାର୍। ଲାଗିଙ୍ଗ୍ ଈଶ୍ୱର ବେସି ବାହ୍‌ରୁ ଆଗେ ହେୱାରିଙ୍ଗ୍ ଦଣ୍ଡ୍ ହିନାନ୍ ଇଞ୍ଜି ଇଚା କିତାନ୍‌ନା, ଆରେ ହେୱାନ୍ ଇଦାଙ୍ଗ୍ କିନି କାଜିଙ୍ଗ୍ ରେଡି ଆତାନ୍‌ନା। ହେୱାନ୍ ହେୱାରିଙ୍ଗ୍ ହାତ୍‌ପା ନଷ୍ଟ କିନାନ୍।

ଜିହୁଦା 1:4

ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍‌ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍‌ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍‌ରୁ ଆଗେ ସାସ୍ତର୍‌ତାକେ ୱେଚ୍‌ଚାନ୍‌ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍‌ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍‌ଡ଼ାୟ୍ କିତାର୍‌ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।

ହତ୍‌ତି 13:14

ହେ ପାର୍ତୁମ୍ ପଶୁନି ବାଦୁଲ୍‌ତାଙ୍ଗ୍ ଦୁଇ ନମ୍ବର୍ ପଶୁତିଙ୍ଗ୍ ଚାନିଆ କାମାୟ୍ କିନି ଅଦିକାର୍ ଈଶ୍ୱର ହିଜିମାଚାନ୍। ହେ ପଶୁ ଚାନିଆଆନି କାମାୟ୍ କିଜି ପୁର୍ତିନି ୱିଜାର୍ ମାନାୟାରିଙ୍ଗ୍ ଟକାୟ୍ କିଜି ମାଚାତ୍। ହେ ପଶୁ ମାନାୟାରିଙ୍ଗ୍ ପାର୍ତୁମ୍ ପଶୁନି ମୁର୍ତି ରସ୍ତେଙ୍ଗ୍ ଆଦେସ୍ ହିତାନ୍, ଇମ୍‌ଣି ପାର୍ତୁମ୍ ପଶୁ କାଣ୍ଡାତାଙ୍ଗ୍ ହାଃଜି ମାଚାତ୍ ମାତର୍ ଆରେରଗ ଜିବୁନ୍ ଆତାତ୍‌ନା।

ହତ୍‌ତି 13:2

ହେ ପଶୁ ଚିତା ବୁର୍‌କା ଲେକେ ଚନ୍‌ଞ୍ଜି ମାଚାତ୍, ମାତର୍ ତାଙ୍ଗେଙ୍ଗ୍ ବାଲୁଲେକେ ପାନାଙ୍ଗ୍ ମାଚିକ୍ ଆରେ ତା ୱେଇ ସିଂହ ବୁର୍‌କା ଲେକେ ମାଚାତ୍। ହେ ପଶୁତିଙ୍ଗ୍ ହେ ଗାଜା ରାଚ୍ ଶୟତାନ୍ ତା ଜାର୍ ଶାକ୍ତିତିଙ୍ଗ୍, ତା ସିଙ୍ଗାସନ୍‌ତିଙ୍ଗ୍, ଆରେ ଗାଜା ଅଦିକାର୍ ହେ ପୁଶୁତିଙ୍ଗ୍‌ ହିତାତ୍।

ହତ୍‌ତି 9:11

ପାତାଳ୍‌ନି ଦୁତ୍ ହେୱାର୍ ରାଜା ମାଚାତ୍, ଏବ୍ରୀ ବାଷାତାଙ୍ଗ୍ ତା ତର୍‌ ଆବାଦାନ୍ ମାଚାତ୍, ଆରେ ଗ୍ରୀକ୍ ବାଷାତାଙ୍ଗ୍ ତା ତର୍‌ ଅପଲ୍ଲିୟୋନ୍ ମାଚାତ୍, ତା ଅର୍ତ ବିନାସ୍ କିନି ମାନାୟ୍।