୨ କରନ୍ତିୟ 11:10 - New Testament in Pengo Parja Language

¹⁰ ଆରେ ଏପେଙ୍ଗ୍ ପୁଚାଦେର୍‌ନା ଯେ, ଖ୍ରୀଷ୍ଟତି ସତ୍ ନା ବିତ୍ରେ ମାନାତା, ଲାଗିଙ୍ଗ୍ ଆନେଙ୍ଗ୍ ଇ ବିଷୟରେ ବାଟ୍‌ପାଣ୍ ଆନାକା, ଆକାୟା ସହର୍ ନିକାର୍ ଇନେର୍ ପା ନାଙ୍ଗେଙ୍ଗ୍ ବନ୍ଦ୍ କିଦ୍‌ଦେଙ୍ଗ୍ ଆଡ଼୍‌ଦୁର୍।

ସତ୍‌ ବଚନ୍‌ ପୁନି ନିୟମ୍‌

¹⁰ ନା ତାକେ ମାନି କ୍ରିସ୍ଟତି ହାତ୍‌ପାତିଂ ସାକି ମାନିକିଜ଼ି ଆନ୍‌ ଇନାଙ୍ଗା ଜେ, ଆକାୟାନି ନିପ ନାଦାଂ ଇ ଗରବ୍‌ ଇନେର୍‌ ବାଙ୍ଗାୟ୍‌ କିଦେଂ ଆଡୁର୍‌ । ଇନେକିଦେଂ ?

୨ କରନ୍ତିୟ 11:10 ပူးပေါင်းရင်းမြစ်များ

ପକ୍ୟାତାକା 18:12

ମାତର୍ ଗାଲ୍ଲିୟନ୍ ଆକାୟା ଜିଲ୍ଲାନି ରାଜା ମାନିହିଙ୍ଗ୍ ଯିହୁଦିର୍ ଏକ୍ ଆଜି ପାଉଲତିଙ୍ଗ୍ ଆସ୍ତାର୍। ଆରେ ହେୱାନିଙ୍ଗ୍ ବିଚାର୍‌କିନି ବାହାତାକେ ଅସାହାଚାର୍।

ପକ୍ୟାତାକା 18:27

ଆପଲ ଆକାୟା ଜିଲ୍ଲାତାକେ ହାଞ୍ଜେଙ୍ଗ୍ ଇଚା କିତାନ୍, ଲାଗିଙ୍ଗ୍ ଏପିସ ସହର୍‌ତାକେ ମାନି ପାର୍ତିକିନି ଚେଲାହିର୍ ରାଜି ଆତାର୍। ଆରେ ହେୱାର୍ ଆପଲତିଙ୍ଗ୍ କୁକାଟ୍ ଇଞ୍ଜି ହେବେ ମାନି ପାର୍ତିକିନି ଟଣ୍ଡାର୍ ଲାଗାୟ୍ ଚିଟି ଲେକିକିତାର୍‌। ହେୱାନ୍ ହେବେ ଏକିତି ପାଚେ ଈଶ୍ୱର ଦୟାତାଙ୍ଗ୍ ହେବେ ମାନି ପାର୍ତି କିନାକାରିଙ୍ଗ୍ ବେସି ସାଇଜ କିତାନ୍।

ରୋମିୟ 1:9

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଈଶ୍ୱରତିଙ୍ଗ୍ ୱିଜୁଦିନ୍ ନାଣା ୱେଡ଼ା ପାର୍ତାନା କିନାଙ୍ଗା ଯେ, ଯଦି ହେୱାନ୍ ଇଚା କିଦ୍‌ନାନ୍ ଲାଗିଙ୍ଗ୍ ମିଙ୍ଗେଙ୍ଗ୍ ଗିଟାଆଦେଙ୍ଗ୍ ରଦିନ୍ ୱାନାଙ୍ଗ୍।

ରୋମିୟ 16:5

ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା ଯେ, ଇଞ୍ଜ କିନି ମଣ୍ଡ୍‌ଲିନି ପାର୍ତିକିନି ଟଣ୍ଡାରିଙ୍ଗ୍ ନା ଜୁୱାର୍ ଜଣାୟ୍ କିୟା। ଆରେ ନା ଲାଡ୍‌ନି ସାଙ୍ଗ ଏପାଇନେତଙ୍ଗ୍ ପା ନା ଜୁୱାର୍ ଜଣାୟ୍ କିୟାଟ୍, ହେୱାନ୍ ନେ ଏସିଆ ଦେସ୍‌ନି ପାର୍ତୁମ୍ ଖ୍ରୀଷ୍ଟାନ୍ ଆଜି ମାଚାନ୍।

ରୋମିୟ 9:1

ନଙ୍ଗୟ୍ ଯଦି ମାଙ୍ଗେଙ୍ଗ୍ ଈଶ୍ୱର ଲାଡ୍‌ତାଙ୍ଗ୍ ଇନାକା ବିନେ କିଦ୍‌ଦେଙ୍ଗ୍ ଆଡ଼୍‌ଦୁତା, ଲାଗିଙ୍ଗ୍ ନା ଯିହୁଦି ମାନାୟାର୍ ଈଶ୍ୱରତାଙ୍ଗ୍ ଇନାକିଦେଙ୍ଗ୍ ଅଲ୍‌ଗା ଆତାର୍। ଆନେଙ୍ଗ୍ ହେୱାର୍ କାଜିଙ୍ଗ୍ ବେସି ଦୁଃକ୍ ଆନାଙ୍ଗା, ଆରେ ପା ନା ଗରବ୍‌ତାକେ ହେୱାର୍ କାଜିଙ୍ଗ୍ ୱିଜୁଦିନ୍ ବେସି କଷ୍ଟ ଆନାତା। ଯଦି ନା ନିଜର୍ ଲଗାଙ୍ଗ୍ ଉଦାର୍ କିନି କାଜିଙ୍ଗ୍ ଖ୍ରୀଷ୍ଟତାଙ୍ଗ୍ ଅଲ୍‌ଗା ଆୟା ଆନାତ୍‌, ଲାଗିଙ୍ଗ୍ ଆନେଙ୍ଗ୍ ହେଦିଲିଙ୍ଗ୍ ପା ରାଜି। ଆନେଙ୍ଗ୍ ସାକି ଲେକେ ଖ୍ରୀଷ୍ଟ ହୁଦାଙ୍ଗ୍ ସତ୍ ୱେଚ୍‌ନାଙ୍ଗା। ପବିତ୍ର ଆତ୍ମା ଆରେ ନାମାନ୍ ପା ସାକି ହିନାତା ଯେ, ଇଦାଙ୍ଗ୍ ମିଚ୍ ଆକାୟ୍।

୧ କରନ୍ତିୟ 16:15

ଏ ଟଣ୍ଡାର୍‌କାଦେର୍, ଏପେଙ୍ଗ୍ ପୁଚାଦେର୍‌ନା ଯେ, ଆକାୟା ସହର୍‌ନି ସ୍ତିପାନ ଆରେ ତା କୁଟୁମ୍‌ନି ପାର୍ତୁମ୍ ପାର୍ତି କିତାର୍ ଆରେ ହେୱାର୍ ଈଶ୍ୱର ମାନାୟାରିଙ୍ଗ୍ ହେବା କିଦେଙ୍ଗ୍ ଜିବୁନ୍ କାଟିକିନାରା।

୨ କରନ୍ତିୟ 1:1

ପାଉଲ ଆରେ ମା ପାର୍ତିକିନି ଟଣ୍ଡେନ୍ ତିମତି କରନ୍ତିୟ ସହର୍ ଈଶ୍ୱର ମଣ୍ଡ୍‌ଲିନି ପାର୍ତିକିନି ଟଣ୍ଡାର୍ କାଜିଙ୍ଗ୍, ଆରେ ଆକାୟା ସହର୍‌ନି ୱିଜୁ ପାର୍ତିକିନି ଟଣ୍ଡାର୍ କାଜିଙ୍ଗ୍ ଇ ଚିଟି ଲେକିକିନାପା। ଯୀଶୁ ଖ୍ରୀଷ୍ଟନି ବାଚିକିତି ଚେଲା ଆନି କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

୨ କରନ୍ତିୟ 1:23

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା ଆରେ ଈଶ୍ୱର ହେଦାଙ୍ଗ୍ ସାକି ମାନାନ୍। ଆନେଙ୍ଗ୍ ମି କରାପ୍ କାମାୟ୍ କାଜିଙ୍ଗ୍ ମିଙ୍ଗେଙ୍ଗ୍ ଦମ୍‌କାଇ କିଦ୍‌ଦେଙ୍ଗ୍ ମାନ୍ କିୱାଦାଙ୍ଗ୍ ମାଚାଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ କରନ୍ତିୟ ସହର୍‌ତାକେ ଆରେରଗ ଲେଉଟା ଆଜି ୱାୱାତାଙ୍ଗ୍।

୨ କରନ୍ତିୟ 10:15

ଆସେଙ୍ଗ୍ ଜେକନିକାର୍ କିତି କାମାୟ୍‌ତିଙ୍ଗ୍ ବାଟ୍‌ପାଣ୍ ଆଉପା, ମାତର୍ ତା ବାଦୁଲ୍‌ରେ ଆପେଙ୍ଗ୍ ଆହା କିନାପା ଯେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍ ପାର୍ତିକିୟାଟ୍। ଆରେ ଆପେଙ୍ଗ୍ ମି ବିତ୍ରେ କିତି କାମାୟ୍ ଆଦିକ୍ ବାଡା ଆନାତ୍।

୨ କରନ୍ତିୟ 11:12

ଲାଗିଙ୍ଗ୍ ଆନେଙ୍ଗ୍ ହେ ମିଚ୍ ଚେଲାରିଙ୍ଗ୍ ବନ୍ଦ୍ କିଦେଙ୍ଗ୍ ଆଡ୍‌ନାଙ୍ଗ୍, ଇମ୍‌ଣାକାର୍ ମା ହୁଦାଙ୍ଗ୍ ହାମାନ୍ ଇଞ୍ଜି ଜାର୍‌ତିଙ୍ଗ୍ ବାବିକିନାର୍। ହେୱାର୍ ହାତ୍‌ପା ବାଟ୍‌ପାଣ୍ ଆନି କାଜିଙ୍ଗ୍ ଉପାୟ୍ ଦାହ୍‌ନାରା, ଲାଗିଙ୍ଗ୍ ହେୱାର୍ ମା ହୁଦାଙ୍ଗ୍ ହାମାନ୍ ଇଞ୍ଜି ଚଚ୍‌ଚେଙ୍ଗ୍ ଆଡ୍‌ନାର୍।

୨ କରନ୍ତିୟ 11:31

ମା ମାପୃ ଯୀଶୁ ଖ୍ରୀଷ୍ଟ ଲାତ୍ରାହି, ଈଶ୍ୱର ୱିଜୁଦିନ୍ ଜୟ୍-ଜୟ୍ ପାୟା ଆନାନ୍ ହେୱାନ୍ ପୁଚାନ୍‌ନା ଯେ ଆନେଙ୍ଗ୍ ମିଚ୍ ୱେଚୁଙ୍ଗା।

୨ କରନ୍ତିୟ 12:19

ଏପେଙ୍ଗ୍ ବାବିକିଜି ମାନାଦେର୍ ଯେ, ମା ବିରୁଦ୍‌ତାକେ ୱେଚ୍‌ଚି ମାନି ୱିଜୁ ବିଷୟତିଙ୍ଗ୍ ବନ୍ଦ୍ କିଦେଙ୍ଗ୍ ଇ ୱିଜୁ ଲେକିକିନାଙ୍ଗା, ହେଲେକେ ଆକାୟ୍, ମାତର୍ ଆପେଙ୍ଗ୍ ଖ୍ରୀଷ୍ଟତାକେ ଚାକର୍ ଆଜିମାଚି କାଜିଙ୍ଗ୍ ଇ ୱିଜୁ ୱେଚ୍‌ଚାନାପା। ଇ ୱିଜୁ ଜିନିଷ୍ ମି ଲାବ୍ କାଜିଙ୍ଗ୍ କିନାପା, ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ ଈଶ୍ୱର ମାଙ୍ଗେଙ୍ଗ୍ ୱେଞ୍ଜ୍‌ନାନା।

୨ କରନ୍ତିୟ 9:2

ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା ଏପେଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କେତେକ୍ ତେର୍-ତେର୍ ଆନାଦେରା। ଆରେ ଏପେଙ୍ଗ୍ ଆକାୟା ସହର୍‌ନି ପାର୍ତିକିନି ମାନାୟାର୍ ର ବାର୍ହୁ ଆଗେ ଦାନ୍ ହିଜି ସାଇଜ କିନି ବିଷୟରେ ଆନେଙ୍ଗ୍ ନା ମାକଦନିଆ ସହର୍‌ନି ସାଙ୍ଗର୍ ଆଗେ ବାଟ୍‌ପାଣ୍ ଆଜି ୱେଚ୍‌ନାଙ୍ଗା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତେର୍-ତେର୍ ଆଜି ସାଇଜ କିନାକା ହୁଡ଼୍‌ଜି, ବେସିହେନି ମାନାୟାର୍ ସାଇଜ କିତାର୍।

ଗାଲାତିୟ 1:20

ଈଶ୍ୱର ସାକି ମାନାନ୍ ଆନେଙ୍ଗ୍ ଇମ୍‌ଣି ୱିଜୁ ବିଷୟ ମିଙ୍ଗେଙ୍ଗ୍ ଲେକିକିଦ୍‌ନାଙ୍ଗା ହେଦାଙ୍ଗ୍ ୱିଜୁ ସତ୍।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

୧ ଥେସଲନୀକିୟ 2:10

ହେଦାଙ୍ଗ୍ ଈଶ୍ୱର ଆରେ ଏପେଙ୍ଗ୍ ସାକି ମାନାଦେର୍, ଆପେଙ୍ଗ୍ ଈଶ୍ୱର ଇଚା ଆନୁସାରେ ପବିତ୍ର, ଦରମ୍ ଆରେ ୱିଜୁ ସତ୍ କାମାୟ୍ କିଜି ମାଚାପ୍।

୧ ଥେସଲନୀକିୟ 2:5

ଏପେଙ୍ଗ୍ ପା ପୁଚାଦେର୍‌ନା ଯେ, ଆପେଙ୍ଗ୍ ମିଙ୍ଗେଙ୍ଗ୍ ସାର୍‌ଦା କିଦ୍‌ଦେଙ୍ଗ୍ ହାର୍ ଇଞ୍ଜି ୱେଚ୍‌ଚାୱାତାପ୍‌ନା। ଆରେ ଆପେଙ୍ଗ୍ ମିବେତାଙ୍ଗ୍ ଡାବୁଙ୍ଗ୍ ପାୟାଆନି ଆହା କାଜିଙ୍ଗ୍ ଜାର୍‌ତିଙ୍ଗ୍ ଚଞ୍ଜ୍‌ଜିୟା ଆୱାତାପ୍‌ନା, ହେଦାଙ୍ଗ୍ ଈଶ୍ୱର ସାକି ମାନାତ୍।

୧ ତିମତି 2:7

ଇଦାଙ୍ଗ୍‌ କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ରକାନ୍ ଶୁଣାୟ୍ କିନାକାନ୍, ରକାନ୍ ବାଚିକିତି ଚେଲା, ସତ୍ ଆରେ ପାର୍ତିକିନି ବିଷୟରେ ବିନ୍‌ଜାତିନି ମାନାୟାରିଙ୍ଗ୍ ହିକାଇ କିନି କାଜିଙ୍ଗ୍ ର ମାଷ୍ଟେର୍ ଲେକେ ନାଙ୍ଗେଙ୍ଗ୍ ବାଚି କିତ୍‌ତାନ୍‌ନା। ଆନେଙ୍ଗ୍ ଇଦାଙ୍ଗ୍ ମିଚ୍ ଆକାୟ୍ ସତ୍ ୱେଚ୍‌ଚାନାଙ୍ଗା।