୨ କରନ୍ତିୟ 1:24 - New Testament in Pengo Parja Language

²⁴ ମାତର୍ ତା ଅର୍ତ ଇଦାଙ୍ଗ୍ ଆକାୟ୍ ଯେ, ଆପେଙ୍ଗ୍ ମିଙ୍ଗେଙ୍ଗ୍ ସାସନ୍ କିଦ୍‌ନାପା ଆରେ ଆପେଙ୍ଗ୍ ୱେଚ୍‌ଚିତି କାତାତିଙ୍ଗ୍ ପାର୍ତି କିନାଦେର୍। ମାତର୍ ଆପେଙ୍ଗ୍ ମିହୁଦାଙ୍ଗ୍ ମାହାଆଜି ଏପେଙ୍ଗ୍ ୱାରିୟାଆନି କାଜିଙ୍ଗ୍ କାମାୟ୍ କିନାପା। ଇନେସ୍‌କି ଏପେଙ୍ଗ୍ ପାର୍ତିକିତି କାଜିଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ତିର୍‌ଆଜି ନିଲ୍‌ତାଦେର୍‌ନା।

ସତ୍‌ ବଚନ୍‌ ପୁନି ନିୟମ୍‌

²⁴ ଏପେଙ୍ଗ୍‌ ଇମ୍‌ଣି କାତାତ ପାର୍ତି ଜପି ଜେ, ମାଦାଂ ମାନାତ୍‌, ହେଦାଂ ଆକାୟ୍‌, ଇଚିସ୍‌ ମି ୱାରି କାଜିଂ ମି ହାଙ୍ଗ୍‌ଦାକାର୍‌ ଆନାପ୍‌; ଲାଗିଂ ପାର୍ତିତ ଏପେଙ୍ଗ୍‌ ତିର୍‌ ଆଜ଼ି ମାନାଦେରା ।

୨ କରନ୍ତିୟ 1:24 ပူးပေါင်းရင်းမြစ်များ

ମାତିଉ 24:49

ଲାଗିଙ୍ଗ୍ ହେ ବାନ୍ୟା ହଲିଆହି ଜେକନି ହଲିଆରିଙ୍ଗ୍ ମାଡ୍ ଇଡ଼୍‌ଦେଙ୍ଗ୍ ଆରମ୍ କିନାନ୍। ଆରେ ଜାର୍ ତିନି ଉଣିତାକେ ନେ ମାନ୍‌ଗାନାନ୍ ଆରେ କାଲିଙ୍ଗ୍ ଉଣ୍‌ଜି ମାତ୍‌ଲି ଆନାନ୍।

ରୋମିୟ 1:12

ଲାଗିଙ୍ଗ୍, ଆନେଙ୍ଗ୍ ମିଙ୍ଗେଙ୍ଗ୍ ସାସ୍ ହିଦ୍‌ନାଙ୍ଗ୍ ଆରେ ଏପେଙ୍ଗ୍ ନାଙ୍ଗେଙ୍ଗ୍ ସାସ୍ ହିଦ୍‌ନାଦେର୍। ଇନେସ୍‌କି ଏପେଙ୍ଗ୍ ନା ପାର୍ତିତିଙ୍ଗ୍ ପୁଚାଦେର୍‌ନା, ଆରେ ଆନେଙ୍ଗ୍ ମି ପାର୍ତିତିଙ୍ଗ୍ ପୁଚାଙ୍ଗ୍‌ନା। ଲାଗିଙ୍ଗ୍ ମା ପାର୍ତି ଆଦିକ୍ ବାଡା ଆନାତ୍ ହେଲେକେ ଆସେଙ୍ଗ୍ ଜାର୍-ଜାର୍‌ବିତ୍ରେ ସାସ୍ କିବା ଆୟା ଆନାତ୍।

ରୋମିୟ 11:20

ହେୱାର୍ ଈଶ୍ୱରତିଙ୍ଗ୍ ପାର୍ତି କିୱିତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ତାବେତାଙ୍ଗ୍ କାଦ୍‌ଦି ତୁହିହିତାନ୍। ଆରେ ଏପେଙ୍ଗ୍ ତାଙ୍ଗେଙ୍ଗ୍ ପାର୍ତିକିତି କାଜିଙ୍ଗ୍ ଏପେଙ୍ଗ୍ ହେୱାର୍ ବାହା ପାୟାଆତାଦେର୍, ଲାଗିଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ଗାଜାକାଙ୍ଗ୍ ଇଞ୍ଜି ବାବିକିମାଟ୍, ମାତର୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ରୋମିୟ 5:2

ଆପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତିକିତି କାଜିଙ୍ଗ୍, ଈଶ୍ୱର ମାଙ୍ଗେଙ୍ଗ୍ ଦୟା ପାୟା ଆଦେଙ୍ଗ୍ ଅଦିକାର୍ ହିତ୍‌ତାନ୍‌ନା। ଆରେ ପୁରା ପାର୍ତି ହୁଦାଙ୍ଗ୍ ଆରେ ୱାରିୟା ଆଜି ତା ଗୌରବ ପାୟା ଆଦେଙ୍ଗ୍ ଆହାକିଜି କାନାପା।

୧ କରନ୍ତିୟ 15:1

ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି ହାର୍ଦିକାବୁର୍ ଆଗେ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍ ହେ ବିଷୟରେ ମିଙ୍ଗେଙ୍ଗ୍ ମନେ ପକାୟ୍ କିଦେଙ୍ଗ୍ ଇଚା କିନାଙ୍ଗା। ଏପେଙ୍ଗ୍ ହେ ହାର୍ଦିକାବୁର୍‌ତିଙ୍ଗ୍ ଆସ୍ତି ମାଚାଦେର୍, ଆରେ ନଙ୍ଗୟ୍ ପାତେକ୍ ହେ ହାର୍ଦିକାବୁର୍‌ତିଙ୍ଗ୍ ପାର୍ତି କିଜି ମାନାଟ୍।

୧ କରନ୍ତିୟ 3:5

ପାଉଲ ଆରେ ଆପୋଲ ଈଶ୍ୱରନି ଦାସ୍। ମା କାଜିଙ୍ଗ୍ ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିତାଦେର୍। ମାପୃ ମାଙ୍ଗେଙ୍ଗ୍ ଅଲ୍‌ଗା-ଅଲ୍‌ଗା କାମାୟ୍ ହିତ୍‌ତାନ୍‌ନା।

୨ କରନ୍ତିୟ 11:20

ମାନାୟାର୍ ଏଚେପାଦ୍ନା ମିଙ୍ଗେଙ୍ଗ୍ ଚାକର୍ କିଦ୍‌ଦେଙ୍ଗ୍ ଉପାୟ୍ କିନାର୍ ଏପେଙ୍ଗ୍ ରାଜି ଆନାଦେରା। ହେୱାର୍ ମିବେ ମାନି ୱିଜୁ ଜିନିଷ୍‌ତିଙ୍ଗ୍ ଅନିହିଙ୍ଗ୍, ହେୱାର୍ ମିଙ୍ଗେଙ୍ଗ୍ ତା କାମାୟ୍ କାଜିଙ୍ଗ୍ ବ୍ୟବହାର୍ କିଦ୍‌ନିହିଙ୍ଗ୍, ହେୱାର୍ ୱିଜୁ ଜିନିଷ୍‌ତିଙ୍ଗ୍ କଣ୍ଟ୍ରୁଲ୍ କିନିହିଙ୍ଗ୍ ଆରେ ହେୱାର୍ ମି ମୁମ୍‌ଦ ଚାପ୍ଡ଼ା ଇଡ଼୍‌ଦିନିହିଙ୍ଗ୍ ମାନିକିଜି ମାନାଟ୍।

୨ କରନ୍ତିୟ 4:5

ଆପେଙ୍ଗ୍ ଜାର୍ ବିଷୟରେ ଶୁଣାୟ୍ କିଉପା। ମାତର୍ ଆପେଙ୍ଗ୍ ଯୀଶୁ ଖ୍ରୀଷ୍ଟ ନେ ମାପୃ ଇଞ୍ଜି ଶୁଣାୟ୍ କିନାପା। ଆପେଙ୍ଗ୍ ଜାର୍ ବିଷୟରେ ଇଦାଙ୍ଗ୍ କାଜିଙ୍ଗ୍ କିନାଙ୍ଗା ଯେ, ହେୱାନ୍ ମା କାଜିଙ୍ଗ୍ ଇନାକା କିତାନ୍‌ନା, ହେଦାଙ୍ଗ୍ ଆପେଙ୍ଗ୍ ମି ଚାକର୍ ଆତାପ୍‌ନା।

୨ କରନ୍ତିୟ 5:7

ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହୁଡ଼୍‌ଜି ଜିବୁନ୍ କାଟି କିଉସା ମାତର୍ ତାଙ୍ଗେଙ୍ଗ୍ ପାର୍ତି କିଜି ଜିବୁନ୍ କାଟି କିନାସା।

୧ ପିତର 5:3

ଈଶ୍ୱର ମିଙ୍ଗେଙ୍ଗ୍ ହିତ୍‌ତି ମାନାୟାରିଙ୍ଗ୍ ସାସନ୍ କିମାଟ୍, ମାତର୍ ହାର୍ କାମାୟ୍ କିୟାଟ୍ ହେୱାର୍ ମିଙ୍ଗେଙ୍ଗ୍ ହୁଡ଼୍‌ଜି ହିକାଆନାର୍।