୨ କରନ୍ତିୟ 1:20 - New Testament in Pengo Parja Language

²⁰ ଇନେସ୍‌କି ଈଶ୍ୱରତି ୱିଜୁ ପାର୍ମାଣ୍ ଖ୍ରୀଷ୍ଟତାକେ ପୁରା ଆତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଗୌରବ ହିତିହିଙ୍ଗ୍ “ଆମେନ୍” ଇଞ୍ଜି ଇନାପା।

ସତ୍‌ ବଚନ୍‌ ପୁନି ନିୟମ୍‌

²⁰ ଲାଗିଂ ଇସ୍ୱର୍ତି ଏଚେକ୍‌ ପାର୍ମାଣ୍‌, ହେୱାନ୍‌ ୱିଜ଼ାର୍‌ତି “ଆଁ” ତାତାକେ ମାନାତ୍‌; ଇଦାଂ କାଜିଂ ପା ତା ହୁକେ ଇସ୍ୱର୍ତି ଜାଜ୍‌ମାଲ୍‌ ହିସାବେ ଆପ୍‌ “ଆମେନ୍‌” ଇଞ୍ଜି ମାନାପ୍‌ ।

୨ କରନ୍ତିୟ 1:20 ပူးပေါင်းရင်းမြစ်များ

ମାତିଉ 6:13

ଆରେ ମାଙ୍ଗେଙ୍ଗ୍ ଶୟତାନ ପରିକ୍ଷାତାକେ ତାତ୍‌ମା, ମାତର୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା। (ହେଲେକେ ନି ରାଜି, ସାକ୍ତି ଆରେ ନି ଜୟ୍-ଜୟ୍ ଯୁଗ୍ ଯୁଗ୍‌ତ ଆୟେତ୍। ଆମେନ୍।)’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:14

“ସରଗ୍‌ତାକେ ମାନି ଈଶ୍ୱରତିଙ୍ଗ୍ ଜୟ୍-ଜୟ୍‌ ଆୟେତ୍, ଆରେ ଇ ପୁର୍ତିତାକେ ଇମ୍‌ଣି ମାନାୟାରିଙ୍ଗ୍ ଈଶ୍ୱର ଦୟା କିନାନ୍ ହେୱାରିଙ୍ଗ୍ ଶାନ୍ତି ଆୟେତ୍।”

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 3:5

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ରକାନ୍ ଏଜୁଙ୍ଗ୍ ଆରେ ଆତ୍ମାତାଙ୍ଗ୍ ଜନମ୍ ଆୱିତିସ୍‌, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍।

ରୋମିୟ 11:36

ଇନେସ୍‌କି ୱିଜୁ ଜିନିଷ୍ ଈଶ୍ୱରତାଙ୍ଗ୍ ୱାନାତ୍। ହେୱାନ୍ ୱିଜୁ ଜିନିଷ୍ ରସ୍ତାନ୍‌ନା ଆରେ ହେ ୱିଜୁ ଜିନିଷ୍ ତାଦାଙ୍ଗ୍। ହେୱାନ୍ ୱିଜୁଦିନ୍ ସନ୍‌ମାନ୍ ପାୟାଆନି ଦର୍‌କାର୍। ଆମେନ୍।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

୧ କରନ୍ତିୟ 14:16

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ମି ଆତ୍ମା ହୁଦାଙ୍ଗ୍ ନେ ଜୟ୍-ଜୟ୍ କିନାଦେର୍, ଆରେ ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ହିନି ଦନ୍ଯବାଦ୍ ପାର୍ତାନାତିଙ୍ଗ୍ ମାନାୟାର୍ ବୁଜା ଆଉର୍, ଲାଗିଙ୍ଗ୍ ହେୱାର୍ ମିହୁଦାଙ୍ଗ୍ ଈଶ୍ୱରତିଙ୍ଗ୍ ଜୟ୍-ଜୟ୍ ଆରେ ଦନ୍ଯବାଦ୍ କିଦେଙ୍ଗ୍ ଆଡୁର୍। ଇନେସ୍‌କି ହେୱାର୍ ଏପେଙ୍ଗ୍ ୱେଚ୍‌ଚି ବିଷୟତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

୨ କରନ୍ତିୟ 4:15

ଆପେଙ୍ଗ୍ ଇ ୱିଜୁ ଦୁଃକ୍ କଷ୍ଟ ମି ଲାବ୍ କାଜିଙ୍ଗ୍ ପାୟାଆନାପା। ଲାଗିଙ୍ଗ୍ ଈଶ୍ୱର ବେସି ଦୟା କିଦ୍‌ନାନ୍ ଇଞ୍ଜି ଆଦିକ୍‌ତାଙ୍ଗ୍ ଆଦିକ୍ ମାନାୟାର୍ ପୁନାର୍ ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାର୍, ଆରେ ପା ହେୱାର୍ ଈଶ୍ୱରତିଙ୍ଗ୍ ଆଦିକ୍ ଜୟ୍-ଜୟ୍ କିନାର୍ ଆରେ ହେୱାନ୍ ହେୱାର୍‌ତାଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ପାୟା ଆନାନ୍।

୨ କରନ୍ତିୟ 4:6

ଇନେସ୍‌କି ଈଶ୍ୱର ଆଗେ ୱେଚ୍‌ଚି ମାଚାନ୍, “ମାଜ୍‌ଗାତାକେ ଅଜଡ଼୍ ଆଏତ୍” ଆରେ ଇଲେକେ କିଜି ହେୱାନ୍ ତା ଗୌରବ ବୁଜାୟ୍ କିଜି ମାଚାତ୍ ଯେ, ହେ ଅଜଡ଼୍‌ଲେକେ ତା ଗୌରବ ଯୀଶୁ ଖ୍ରୀଷ୍ଟ ମୁମ୍‌ଦ ଚନ୍‌ଞ୍ଜି ମାଚାତ୍।

ଗାଲାତିୟ 3:22

ମାତର୍ ଦରମ୍ ସାସ୍ତର୍ ୱେଚ୍‌ଚାନାତା ଯେ, ଆସେଙ୍ଗ୍ ୱିଜାକାସ୍ ପାପ୍ ଶାକ୍ତିତାଙ୍ଗ୍ ବନ୍ଦି ଆତାସ୍‌ନା। ଲାଗିଙ୍ଗ୍ ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର କିଜିମାଚି ସ୍ୱାଦିନ୍‌ନି ପାର୍ମାଣ୍‌ତିଙ୍ଗ୍ ପାୟାଆତାସ୍।

ଏପିସିୟ 1:6

ଲାଗିଙ୍ଗ୍ ତା ଇ ବେସି ଦୟା କାଜିଙ୍ଗ୍ ଆସେଙ୍ଗ୍ ହେୱାନିଙ୍ଗ୍ ଜୟ୍-ଜୟ୍ କିନାସ୍। ତା ଲାଡ୍‌ନି ମାଜି କିଜିମାଚି କାମାୟ୍ କାଜିଙ୍ଗ୍ ହେୱାନ୍ ଇ ବେସି ଦୟା ହିତ୍‌ତାନ୍‌ନା।

ଏପିସିୟ 2:7

ତା ଦୟା ଯେ କେତେକ୍‌ ଗାଜା, ହେଦାଙ୍ଗ୍ ଜେକନିକାର୍‌ତାକେ ଆଗେ ୱାନି ଦିନ୍‌ତ ପୁନିକିଦେଙ୍ଗ୍ ଈଶ୍ୱର ଇଦାଙ୍ଗ୍ କିତାନ୍‌ନା। ଆରେ ଯୀଶୁ ଖ୍ରୀଷ୍ଟ ଇନାକା ମା କାଜିଙ୍ଗ୍ କିତାନ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

କଲସିୟ 1:27

ଖ୍ରୀଷ୍ଟତି ଗୌରବନି ଦନ୍ ବିନ୍‌ଜାତିନି ମାନାୟାରିଙ୍ଗ୍ ପା ମାନାତ୍ ଇଞ୍ଜି ଈଶ୍ୱର ତା ମାନାୟାରିଙ୍ଗ୍ ପୁନିକିଦେଙ୍ଗ୍ ଇଚା କିତାନ୍। ଖ୍ରୀଷ୍ଟ ମି ବିତ୍ରେ ବାହା କିନାନ୍ ହେଦାଙ୍ଗ୍ ଆନାତା ଡ଼ୁଗ୍‌ତି ବିଷୟ। ତା ଗୌରବ ପାୟାଆନି କାଜିଙ୍ଗ୍ ଇଦାଙ୍ଗ୍ ମାଙ୍ଗେଙ୍ଗ୍ ଆହା ହିଦ୍‌ନାତ୍।

୨ ଥେସଲନୀକିୟ 1:10

ଏଚେପାଦ୍ନା ମାପୃ ଯୀଶୁ ତା ପବିତ୍ର ମାନାୟାର୍‌ତାଙ୍ଗ୍ ଗୌରବ ଆରେ ସନ୍‌ମାନ୍ ପାୟା ଆଦେଙ୍ଗ୍ ଆରେରଗ ପୁର୍ତିତାକେ ୱାନାନ୍। ଆରେ ହେୱାନ୍ ସନ୍‌ମାନ୍ ପାୟାଆନି ନାଞ୍ଜିଙ୍ଗ୍, ହେବେ ଏପେଙ୍ଗ୍ ପା ମାନାଦେର୍, ଇନେସ୍‌କି ଆପେଙ୍ଗ୍ ତା ବିଷୟରେ ୱେଚ୍‌ଚିତିଲେ ପାର୍ତି କିତାଦେର୍।

ଏବ୍ରି 11:13

ଈଶ୍ୱର ଇନାକା ପାର୍ମାଣ୍ କିଜି ମାଚାନ୍, ହେଦାଙ୍ଗ୍ ପାୟାଆୱାଦାଙ୍ଗ୍ ଇ ୱିଜୁ ପାର୍ତିକିନି ମାନାୟ୍ ହାଃତାର୍, ମାତର୍ ହେୱାର୍ ଈଶ୍ୱର ପାର୍ମାଣ୍‌ତିଙ୍ଗ୍ ଦେହାତାଙ୍ଗ୍ ହୁଡ଼୍‌ଜି ଆସ୍ତାର୍। ଲାଗିଙ୍ଗ୍ ହେୱାର୍ ଇ ପୁର୍ତିତାକେ ବିନେନି ଦେସ୍ତି ମାନାୟ୍ ଆରେ ଚିନ୍ କିୱିତି ମାନାୟ୍ ଲେକେ ଆଜି ମାଚାର୍।

ଏବ୍ରି 13:8

ଯୀଶୁ ଖ୍ରୀଷ୍ଟ ୱିଗା, ନେଞ୍ଜେଙ୍ଗ୍ ଆରେ ୱିଜ୍‌ୱିଦିନ୍ ପାତେକ୍ ହାମାନ୍ ମାନ୍‌ଗାନାନ୍।

ଏବ୍ରି 7:6

ଇ ମଲ୍‌କିଷେଦକ ଲେବି ଲାତ୍ରାନି ମାନାୟ୍ ହିଲାତାନ୍, ମାତର୍ ହେୱାନ୍ ଅବ୍ରାହାମତାଙ୍ଗ୍ ଦଶମାଂଶ ଆସ୍ତି ମାଚାନ୍। ଅବ୍ରାହାମ ଈଶ୍ୱରତି ପାର୍ମାଣ୍ ପାୟାଆଜି ମାଚିସ୍ ପା, ମଲ୍‌କିଷେଦକ ହେୱାନିଙ୍ଗ୍ ଆଶ୍ରିବାଦ୍ କିତାନ୍।

୧ ପିତର 1:12

ମାତର୍ ଈଶ୍ୱର ଇ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ୱେଚ୍‌ଚାନ୍, ଇ ହାର୍ଦିକାବୁର୍ ମି କାଜିଙ୍ଗ୍ ଆକାୟ୍ ମାତର୍ ମାନାୟାର୍ କାଜିଙ୍ଗ୍। ଆରେ ହେ ହାର୍ଦିକାବୁର୍ ଯୀଶୁ ଖ୍ରୀଷ୍ଟ ବିଷୟ ଇମ୍‌ଣାକା ଏପେଙ୍ଗ୍ ନଙ୍ଗୟ୍ ୱେଚାଦେର୍‌ନା। ଈଶ୍ୱର ତା ପବିତ୍ର ଆତ୍ମା ସରଗ୍‌ତାଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ୱେଚ୍‌ନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ପକ୍ତାତାନ୍‌ନା। ହେଦାଙ୍ଗ୍ ୱିଜୁ ଚାନିଆଆନି ବିଷୟ ଯେ, ଇୱିଜୁ ଗଟାଆନି ବିଷୟ ସରଗ୍‌ନି ଦୁତ୍‌କୁ ପା ହୁଡ଼୍‌ନିକା।

୧ ଯୋହନ 5:11

ଈଶ୍ୱର ଇ ଲେକେ ସାକି ହିତାନ୍‌ନା ଯେ, ଈଶ୍ୱର ମାଙ୍ଗେଙ୍ଗ୍ ୱିଜ୍‌ୱି ଜିବୁନ୍ ହିତ୍‌ତାନ୍‌ନା, ଆରେ ଇ ଜିବୁନ୍ ତା ମେହିତାକେ ମାନାତ୍।

ହତ୍‌ତି 3:14

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଲାଅଦିକୀଆ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍। ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେରିଙ୍ଗ୍ ଆମେନ୍ ଇନାର୍, ଇନେସ୍‌କି ଆନେଙ୍ଗ୍ ଦରମ୍ ଲକ୍ ଆରେ ଆନେଙ୍ଗ୍ ଈଶ୍ୱର ବିଷୟରେ ୱେଚ୍‌ନାକା ୱିଜୁ ସତ୍। ଆରେ ପା ଈଶ୍ୱର ନା କାଜିଙ୍ଗ୍ ପୁର୍ତିନି ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା।

ହତ୍‌ତି 7:12

ହେୱାର୍ ୱେଚ୍‌ଚି ମାଚାର୍, “ଏ ମା ଈଶ୍ୱର ଏନେଙ୍ଗ୍ ୱିଜୁଦିନ୍ ପୁଜା, ଦନ୍ଯବାଦ୍, ସନ୍‌ମାନ୍ ପାୟାଆନି ଯଗ୍ୟ ମାନାତ୍। ଆପେଙ୍ଗ୍ ହାର୍ କିଜି ପୁଚାପ୍‌ନା। ନିଙ୍ଗେଙ୍ଗ୍ ନେ ଜ୍ଞାନ୍ ମାନାତ୍, ଏନେଙ୍ଗ୍‍ନେ ୱିଜୁତାଙ୍ଗ୍ ଶାକ୍ତିମାନି ଲକ୍ ଆରେ ଏନେଙ୍ଗ୍‍ନେ ୱିଜୁଦିନ୍ ୱିଜୁ ଜିନିଷ୍ କିଦେଙ୍ଗ୍ ଆଡ୍‌ନାୟ୍! ଆମେନ୍।”