୧ ତିମତି 6:16 - New Testament in Pengo Parja Language

¹⁶ ହେୱାନ୍ ରକାନ୍ ଇନାୱେଡ଼ାଙ୍ଗ୍ ପା ହାଃଉନ୍, ଆରେ ହେୱାନ୍ ବେସି ଅଜଡ଼୍‌ତାକେ ମାନାନ୍ ଆରେ ତା ଲାଗାୟ୍ ଇନେର୍ ପା ହାଞ୍ଜେଙ୍ଗ୍ ଆଡୁର୍। ହେୱାନିଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା କି ହୁଡ଼୍‌ଦେଙ୍ଗ୍ ଆଡୁର୍, ମାନାୟାର୍ ହେୱାନିଙ୍ଗ୍ ସନ୍‌ମାନ୍ ହିନାର୍, ଆରେ ହେୱାନ୍ ୱିଜୁଦିନ୍ ଶାକ୍ତି ମାନ୍‌ଗାନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁶ ଇନେର୍‌ ରୱାନ୍‌ ମତର୍‌ ହାୱାକାନ୍‌ ଆରି ହାଞ୍ଜେଙ୍ଗ୍‌ ଅଜଡ଼୍‌ତ ବାହାକିନାକାନ୍‌, ଇନେନିଙ୍ଗ୍‌ ଇମ୍‌ଣି ମୟେତ୍‌ପୁର୍‌ ଇନାୱାଡ଼ାଙ୍ଗ୍‌ ହୁଡ଼୍‌ୱାତାନ୍ନା, କି ହୁଡ଼୍‌ଦେଙ୍ଗ୍‌ ଆଡୁତ୍‌, ହେୱାନ୍‌ ସମାନ୍‌ ୱାଡ଼ାଙ୍ଗ୍‌ ହେଦାଂ ଚଚ୍‌ନାନ୍; ୱିଜ଼୍‌ୱିକାଡ଼୍‌ ପାତେକ୍‌ ହେୱାନ୍ତି ମାନିନି ଆରି ସାକ୍ତିକାଟାକାନ୍‌ ହୱେତ୍ । ଆମେନ୍‌ ।

୧ ତିମତି 6:16 ပူးပေါင်းရင်းမြစ်များ

ଜହନ୍‌ 1:18

ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା। ମାତର୍ ଈଶ୍ୱର ଲାଗାୟ୍ ମାନି ରକାନ୍ ଇଞ୍ଜି ମେହି ଯୀଶୁ ନେ ତା ବିଷୟରେ ୱେଚ୍‌ଚାନ୍‌ନା।

ଜହନ୍‌ 14:9

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ପିଲିପ, ମିହୁଦାଙ୍ଗ୍ ବେସି ଦିନ୍‌ତାଙ୍ଗ୍ ମାନାଙ୍ଗା। ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ପୁଞ୍ଜ୍‌ନି କାତା। ନାଙ୍ଗେଙ୍ଗ୍ ଇନେର୍ ହୁଡ଼୍‌ଦାତାର୍‌ନା, ହେୱାନ୍ ଆବା ଈଶ୍ୱରତିଙ୍ଗ୍ ପା ହୁଡ଼୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ଇଞ୍ଜ୍‌ନାଦେରା, ‘ମାଙ୍ଗେଙ୍ଗ୍ ଆବା ଈଶ୍ୱରତିଙ୍ଗ୍ ଚଚ୍‌ଚା ଇଞ୍ଜି?’

ଜହନ୍‌ 6:46

ଇନେର୍ ପା ଆବା ଈଶ୍ୱରତିଙ୍ଗ୍ ହୁଡ଼୍‌ୱାତାର୍‌ନା। ମାତର୍ ଆନେଙ୍ଗ୍ ଈଶ୍ୱରତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନେ ଆବାଙ୍ଗ୍ ହୁଡ଼୍‌ତାଙ୍ଗ୍‌ନା।

ଜହନ୍‌ 8:58

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଅବ୍ରାହାମ୍‌ ଜନମ୍ ଆୱିତି ଆଗେ ଆନେଙ୍ଗ୍ ମାନାଙ୍ଗ୍।”

ଏପିସିୟ 3:21

ଯୁଗ୍ ଯୁଗ୍‌ତ ଆକଦାଦିର୍‌ତାକେ ମଣ୍ଡ୍‌ଲି ଆରେ ଯୀଶୁ ଖ୍ରୀଷ୍ଟତାଙ୍ଗ୍ ହେୱାନିଙ୍ଗ୍ ଗୌରବ ଆୟେତ୍। ଆମେନ୍।

ପିଲିପିୟ 4:20

ମା ଆବା ଈଶ୍ୱରତିଙ୍ଗ୍ ୱିଜୁଦିନ୍ ଗୌରବ ଆୟେତ୍। ଆମେନ୍।

କଲସିୟ 1:15

ଆପେଙ୍ଗ୍ ଇନାୱେଡ଼ାଙ୍ଗ୍ ଈଶ୍ୱରତିଙ୍ଗ୍ ହୁଡ଼୍‌ୱାତାପ୍‌ନା, ମାତର୍ ଏଚେପାଦ୍ନା ତା ମେହି ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ଇନେସ୍ ଚଞ୍ଜ୍‌ନାନା ହେଦାଙ୍ଗ୍ ବୁଜା ଆଦେଙ୍ଗ୍ ମାଙ୍ଗେଙ୍ଗ୍ ସାଇଜ କିତ୍‌ତାନ୍। ଇନେସ୍‌କି ହେୱାନ୍ ଈଶ୍ୱରଲେକେ ମାଚାନ୍। ଈଶ୍ୱର ଉବ୍‌ଜାଇ କିତି ଆଗେ ହେୱାନ୍ ମାଚାନ୍ ଆରେ ୱିଜୁ ଉବ୍‌ଜାଇ କିଜି ଜିନିଷ୍ ଜପି ଗାଜା ଆଦିକାରି ମାଚାନ୍।

୧ ତିମତି 1:17

ଇମ୍‌ଣି ରାଜା ୱିଜ୍‌ୱି ଜିବୁନ୍ ପାତେକ୍ ସାସନ୍ କିନାନ୍, ହେୱାନ୍ ୱିଜୁଦିନ୍ ମାନ୍‌ଗାନାନ୍ ଆରେ ଇନେର୍ ପା ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍, ହେୱାନ୍ ନେ ରକାନ୍ ସତ୍ ଈଶ୍ୱର। ହେୱାନିଙ୍ଗ୍ ସନ୍‌ମାନ୍ ଆରେ ଗୌରବ ଆୟେତ୍। ଆମେନ୍।

ଏବ୍ରି 13:8

ଯୀଶୁ ଖ୍ରୀଷ୍ଟ ୱିଗା, ନେଞ୍ଜେଙ୍ଗ୍ ଆରେ ୱିଜ୍‌ୱିଦିନ୍ ପାତେକ୍ ହାମାନ୍ ମାନ୍‌ଗାନାନ୍।

ଜାକ୍‌ବ 1:17

ଇନେସ୍‌କି ମା ଆବା ଈଶ୍ୱର ୱିଜୁ ପର୍‌କାର୍ ହାର୍ଦି ବର୍‌ଦାନ୍, ଆରେ ଟିକ୍‌ଟାକ୍ ବର୍‌ଦାନ୍ ହିଦ୍‌ନାନ୍। ହେୱାନ୍ ବାଦାଡ଼୍‌ନି ହୁକାଙ୍ଗ୍, ୱେଡ଼ା ଆରେ ଲେଞ୍ଜ୍‌ତିଙ୍ଗ୍ ରସ୍ତାନ୍‌ନା। ହେୱାନ୍ ଇନାୱେଡ଼ାଙ୍ଗ୍ ପା ଡ଼ିଗା ଲେକେ ବାଦ୍‌ଲା ଆଉନ୍, ୱିଜୁଦିନ୍ ହାମାନ୍ ମାନ୍‌ଗାନାନ୍।

୧ ଯୋହନ 1:5

ଆପେଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ଇମ୍‌ଣି କାତା ୱେଚାପ୍‌ନା। ହେଦାଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା। ଅଜଡ଼୍‌ଲେକେ ଆବା ଈଶ୍ୱର ହାର୍ ଆରେ କିଲେର୍। ଲାଗିଙ୍ଗ୍ ତାବେ ମାଜ୍‌ଗାଲେକେ ଇନା କରାପ୍ ଜିନିଷ୍ ହିଲେତ୍।

୧ ଯୋହନ 1:7

ମାତର୍ ଈଶ୍ୱର ଇନେସ୍ ଅଜଡ଼୍‌ତାକେ ମାନାନା, ହେଲେକେ ଯଦି ଆପେଙ୍ଗ୍ ଅଜଡ଼୍‌ତାକେ ମାନାପ୍। ଲାଗିଙ୍ଗ୍ ଆପେଙ୍ଗ୍ ମାହାଆଜି ମାନାପ୍, ଆରେ ତା ମେହି ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ମା ୱିଜୁ ପାପ୍‌ତିଙ୍ଗ୍ ନୁସ୍ତାନ୍‌ନା।

୧ ଯୋହନ 4:12

ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ପା ଇନେର୍ ହୁଡ଼୍‌ୱାତାର୍‌ନା। ମାତର୍ ଯଦି ଆସେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାସ୍, ଲାଗିଙ୍ଗ୍ ଈଶ୍ୱର ମା ଲାହାଙ୍ଗ୍ ମାନାନ୍, ଆରେ ତା ଲାଡ୍ ମା ବିତ୍ରେ ପୁରା ଆତାତ୍‌ନା।

ହତ୍‌ତି 1:6

ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ର କୁଟମ୍‌ନି ମାନାୟାର୍ ଆଜି ତା ଲାତ୍ରାହି ଈଶ୍ୱରତିଙ୍ଗ୍ ହେବା କିନି ପୁଜାରି ଆତାସ୍‌ନା ହେୱାନ୍ ସନ୍‌ମାନ୍ ଆରେ ଶାକ୍ତି ୱିଜୁଦିନ୍ ପାୟା ଆଏନ୍। ଆମେନ୍।

ହତ୍‌ତି 1:8

ମା ମାପୃ ଈଶ୍ୱର ଇଲେକେ ୱେଚ୍‌ନାନା, “ଆନେଙ୍ଗ୍ ଆଲ୍‌ପା ଆରେ ଅମେଗା,” ଇ ଅର୍ତ ଆନେଙ୍ଗ୍ ଇ ୱିଜୁ ବିଷୟତିଙ୍ଗ୍ ଆରମ୍ କିତାଙ୍ଗ୍ ଆରେ ଆନେଙ୍ଗ୍ ୱିଜୁ ବିଷୟତିଙ୍ଗ୍ ସେସ୍ କିଦେଙ୍ଗ୍ ଆଡ୍‌ନାଙ୍ଗ୍। “ଆନେଙ୍ଗ୍ ନେ ୱିଜୁ ଶାକ୍ତିମାନି ଈଶ୍ୱରତଙ୍ଗ୍ ଇନେର୍ ଆଗେ ମାଚାନ୍, ନଙ୍ଗୟ୍ ମାନାନ୍ ଆରେ ପାଚେ ମାନାନ୍।”

ହତ୍‌ତି 21:3

ଆରେ ସରଗ୍‌ନି ସିଙ୍ଗାସନତାଙ୍ଗ୍ ରକାନ୍ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, “ହୁଡ଼ା, ଈଶ୍ୱର ମନ୍ଦିର୍‌ ତା ମାନାୟାର୍‌ତାକେ ୱାନାନା, ହେୱାନ୍ ହେୱାର୍ ହୁଦାଙ୍ଗ୍ ମାନାନ୍ ଆରେ ହେୱାର୍ ତା ଲକ୍ ଆନାର୍। ଈଶ୍ୱର ନିଜେ ହେୱାର୍ ହୁଦାଙ୍ଗ୍ ମାନାନ୍।

ହତ୍‌ତି 22:5

ହେ ସହର୍‌ତାକେ ଇନାୱେଡ଼ାଙ୍ଗ୍ ପା ମାଜ୍‌ଗା ହିଲାତାତ୍ ଆରେ ହେବେନି ମାନାୟାରିଙ୍ଗ୍ ବଇଟା କି ୱେଡ଼ା ଅଜଡ଼୍ କିଦେଙ୍ଗ୍ ଦର୍‌କାର୍ ଆୱାଦାଙ୍ଗ୍ ମାଚାତ୍, ଇନେସ୍‌କି ମାପୃ ଈଶ୍ୱରତି ନେ ହେୱାରିଙ୍ଗ୍ ଅଜଡ଼୍ କିଜି ମାଚାତ୍। ଆରେ ହେୱାର୍ ରାଜା ଲେକେ ସାସନ୍ କିଜି ମାଚାର୍।

ହତ୍‌ତି 4:11

“ମା ମାପୃ, ଈଶ୍ୱର, ଏନେଙ୍ଗ୍ ଜୟ୍-ଜୟ୍ ପାୟାଆନି ଦର୍‌କାର୍। ଏନେଙ୍ଗ୍ ସନ୍‌ମାନ୍ ପାୟାଆନି ଦର୍‌କାର୍ ଆରେ ନିଙ୍ଗେଙ୍ଗ୍ ଶାକ୍ତି ମାଚି କାଜିଙ୍ଗ୍ ୱିଜୁ ଜିନିଷ୍ ଉବ୍‌ଜାଇ କିତାୟ୍‍ନା। ଏନେଙ୍ଗ୍ ଇଚାକିତି କାଜିଙ୍ଗ୍ ହେ ୱିଜୁ ଜିନିଷ୍‌ତିଙ୍ଗ୍ ଉବ୍‌ଜା ଆତାତ୍‌ନା ଆରେ ମାନାତା।”

ହତ୍‌ତି 7:12

ହେୱାର୍ ୱେଚ୍‌ଚି ମାଚାର୍, “ଏ ମା ଈଶ୍ୱର ଏନେଙ୍ଗ୍ ୱିଜୁଦିନ୍ ପୁଜା, ଦନ୍ଯବାଦ୍, ସନ୍‌ମାନ୍ ପାୟାଆନି ଯଗ୍ୟ ମାନାତ୍। ଆପେଙ୍ଗ୍ ହାର୍ କିଜି ପୁଚାପ୍‌ନା। ନିଙ୍ଗେଙ୍ଗ୍ ନେ ଜ୍ଞାନ୍ ମାନାତ୍, ଏନେଙ୍ଗ୍‍ନେ ୱିଜୁତାଙ୍ଗ୍ ଶାକ୍ତିମାନି ଲକ୍ ଆରେ ଏନେଙ୍ଗ୍‍ନେ ୱିଜୁଦିନ୍ ୱିଜୁ ଜିନିଷ୍ କିଦେଙ୍ଗ୍ ଆଡ୍‌ନାୟ୍! ଆମେନ୍।”