୧ ତିମତି 1:7 - New Testament in Pengo Parja Language

⁷ ହେୱାର୍ ପଣ୍ଡିତ୍‌ ଆଦେଙ୍ଗ୍ ଇଚାକିନାର୍। ମାତର୍ ହେୱାର୍ ଇନାକା ଜେକନିକାରିଙ୍ଗ୍ ହିକାଇ କିଦେଙ୍ଗ୍ ଇଚାକିନାର୍ ଆରେ ଜବର୍‌ଦସ୍ତିରେ ଟିକ୍ ଇଞ୍ଜି ୱେଚ୍‌ନାର୍ ହେଦାଙ୍ଗ୍ ନିଜେ ହେୱାରିଙ୍ଗ୍ ଜାଣା ଆକାୟ୍।

ସତ୍‌ ବଚନ୍‌ ପୁନି ନିୟମ୍‌

⁷ ହେୱାର୍‌ ବିଦିତ ଗୁରୁ ଆଦେଙ୍ଗ୍‌ ଇଚା କିତାର୍‌, ମାତର୍‌ ଇମ୍‌ଣି ବିସ୍ରେ ଆଟ୍‌ୱା ହିକ୍ୟା ହିନାର୍‌, ହେଦାଂ ନିଜେ ବୁଜାଆଉର୍‌ ।

୧ ତିମତି 1:7 ပူးပေါင်းရင်းမြစ်များ

ମାତିଉ 15:14

ହେୱାରିଙ୍ଗ୍ ଚିନ୍ତା କିମାଟ୍, ହେୱାର୍ କାଣାଲଗାଙ୍ଗ୍ କାଣା ହାଜି ଚଚ୍‍ନାନ୍। ଆରେ ଇନାୱେଡ଼ାଙ୍ଗ୍ ର କାଣାମାନାୟ୍ ଆରେ ର କାଣା ମାନାୟ୍‌ତିଙ୍ଗ୍ ହାଜି ଚଚ୍‍ନାନ୍, ଲାଗିଙ୍ଗ୍ ରିକାର୍ ପା କଡ଼ିତାକେ ଆର୍‌ନାର୍।”

ମାତିଉ 21:27

ଲାଗିଙ୍ଗ୍ ହେୱାର୍ ଯୀଶୁଙ୍ଗ୍ ୱେଚ୍‌ଚାର୍,” “ମାନାୟ୍‌ତିଙ୍ଗ୍ ଡୁବନ୍ ହିଦେଙ୍ଗ୍ ଯୋହନତିଙ୍ଗ୍ ଇନେର୍ ପକ୍ତାତାର୍‌ନା ଆପେଙ୍ଗ୍ ପୁନୁପ୍।” ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଲାଗିଙ୍ଗ୍ ଆନେଙ୍ଗ୍ ଇମ୍‌ଣି ଆଦିକାର୍‌ତାଙ୍ଗ୍ ଇୱିଜୁ କାମାୟ୍ କିନାଙ୍ଗା, ହେଦାଙ୍ଗ୍ ଆନେଙ୍ଗ୍ ପା ମିଙ୍ଗେଙ୍ଗ୍ ୱେଚ୍‍ଚୁଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:46

ଆରେ ତିନ୍‌ଦିନ୍ ପାଚେ ଯୀଶୁଙ୍ଗ୍ ଈଶ୍ୱର ମାନି ମନ୍ଦିର୍‌ ହାକ୍‌ଡ଼ିତ ଗାଟାଆତାର୍। ହେପାଦ୍ନା ହେୱାନ୍ ଯିହୁଦିର୍ ପଣ୍ଡିତାର୍ କାତା ୱେନ୍‌ଞ୍ଜି କୁଚ୍‌ଚି ମାଚାନ୍ ଆରେ ହେୱାରିଙ୍ଗ୍ ପ୍ରଶ୍ନ ୱେନ୍‌ବିସ୍ ମାଚାନ୍।

ପକ୍ୟାତାକା 15:1

କେତ୍‌ଜାଣ୍ ପାର୍ତିକିନି ମାନାୟାର୍ ଯିହୁଦା ଜିଲ୍ଲାତାଙ୍ଗ୍ ୱାଜି ଆନ୍ତିୟକିଆ ସହର୍‌ତାକେ ଟଣ୍ଡାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାର୍, “ମୋଶା ଲେକିକିତି ସାସ୍ତର୍‌ନି ବିଦିତାଙ୍ଗ୍ ଏପେଙ୍ଗ୍ ସୁନତ କିୱିତିସ୍, ଏପେଙ୍ଗ୍ ରକ୍ଷା ପାୟା ଆଉଦେର୍।”

ରୋମିୟ 1:22

ହେୱାର୍ ଜାର୍-ଜାର୍‌ନେ ବୁଦି କାଟାକାପ୍ ଇଞ୍ଜି ବାବିକିତାର୍ ଆରେ ମୁର୍କ ଆତାର୍।

ଗାଲାତିୟ 3:2

ଲାଗିଙ୍ଗ୍ ଆନେଙ୍ଗ୍ ରଞ୍ଜାଙ୍ଗ୍ ମିଙ୍ଗେଙ୍ଗ୍ ପଶ୍ନ ୱେନ୍‌ବାଆଦ୍‌ଦେଙ୍ଗ୍ ଇଚା କିନାଙ୍ଗା: ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିଜି କି ଏପେଙ୍ଗ୍ ପବିତ୍ର ଆତ୍ମା ପାୟାଆଜି ମାଚାଦେର୍? ଇଦାଙ୍ଗ୍ ଆକାୟ୍! ମାତର୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିତି କାଜିଙ୍ଗ୍ ଏପେଙ୍ଗ୍ ପବିତ୍ର ଆତ୍ମା ପାୟାଆତାଦେର୍।

ଗାଲାତିୟ 3:5

ଆନେଙ୍ଗ୍ ଆରେରଗ ମିଙ୍ଗେଙ୍ଗ୍ ପଶ୍ନ ୱେନ୍‌ବାଆଦ୍‌ନାଙ୍ଗ୍, ଏପେଙ୍ଗ୍ ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିତି କାଜିଙ୍ଗ୍ କି ଈଶ୍ୱର ମିଙ୍ଗେଙ୍ଗ୍ ପବିତ୍ର ଆତ୍ମା ହିଜିମାନ୍‌ଞ୍ଚାନ୍ ଆରେ ମିବେ ଚାନିଆଆନି କାମାୟ୍ କିନାନ୍? ଇଦାଙ୍ଗ୍ ଆକାୟ୍! ମାତର୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିତି କାଜିଙ୍ଗ୍ ଇଦାଙ୍ଗ୍ ଆତାତ୍‌ନା।

ଗାଲାତିୟ 4:21

ଏପେଙ୍ଗ୍ ମୋଶା ଲେକିକିତି ନିୟମ୍ ସାସ୍ତର୍ ତାରେନ୍ ମାଞ୍ଜେଙ୍ଗ୍ ଇଚା କିନାଦେରା ଯେ, ନାଙ୍ଗେଙ୍ଗ୍ ୱେଚ୍‌ଚାଟ୍ ତ, ମୋଶା ଲେକିକିତି ନିୟମ୍ ସାସ୍ତର୍ ହାତ୍‌ପା ଇନାକା ୱେଚ୍‌ନାତା?

୧ ତିମତି 6:4

ଇ ଲେକେ ବୁଲ୍ ହିକ୍ଷାହିନି ମାନାୟ୍ ବାଟ୍‌ପାଣିଆ ଆରେ ଇନାକା ପା ପୁନ୍‌ୱାଦାଙ୍ଗ୍ ମାନ୍‌ଗାନାନ୍, ଇ ଲେଗ୍‌ଦି ମାନାୟ୍ ଜୁକ୍ତି କିନାର୍ ଆରେ ର କାତାତିଙ୍ଗ୍ ଆଜି ମାଡ୍‌ଗଲ୍ ଆଦେଙ୍ଗ୍ ଇଚାକିନାର୍। ଇଦାଙ୍ଗ୍ କାଜିଙ୍ଗ୍ ଆକାର୍, ଜାର୍-ଜାର୍‌ବିତ୍ରେ ମାଡ୍‌ଗଲ୍, ଜେକନିକାରିଙ୍ଗ୍ ଅପ୍‌ମାନ୍ କିନାକା ଆରେ ବେକାରେ ନିନ୍ଦାକିନାକା ଗଟାଆନାତ୍,

୨ ତିମଥି 3:7

ଇ କଗ୍‍ଲେକ୍ ୱିଜୁଦିନ୍ ବିନ୍-ବିନ୍ ହିକ୍ଷା ହିକାଆନିକ୍, ମାତର୍ ହେୱେକ୍ ଇନାୱେଡ଼ାଙ୍ଗ୍ ପା ଯୀଶୁ ଖ୍ରୀଷ୍ଟ ବିଷୟରେ ସତ୍ ହିକ୍ଷା ପୁଞ୍ଜେଙ୍ଗ୍ ଆଡୁକ୍।

ଜାକ୍‌ବ 3:1

ଏ ନା ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ମଣ୍ଡ୍‌ଲିତାକେ ୱିଜାକାଦେର୍ ମାଷ୍ଟେର୍ ଆମାଟ୍। ଇନେସ୍‌କି ପୁଚାଦେର୍‌ନା ଯେ, ଈଶ୍ୱର ମାଷ୍ଟେରାରିଙ୍ଗ୍ ବେସି ଷ୍ଟିଟ୍‌କିଜି ବିଚାର୍ କିନାନ୍।

୨ ପିତର 2:12

ମାତର୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ରାନ୍‍ତି ପଶୁ ଲେକେ। ଇ ପଶୁ ଚିନ୍ତା କିଦେଙ୍ଗ୍ ଆଡୁକ୍, ଶିକାର୍ କିନାକା ନେ ହେୱେକ୍ ଚିନ୍ତା କିଜି ମାନିକ୍। ଇ ମାନାୟାର୍ ମାନ୍ ବିତ୍ରେ ଇମ୍‌ଣି ଚିନ୍ତା ୱାନାତ୍, ହେୱାଙ୍ଗ୍ ହେୱାର୍ କିନାର୍, ଆରେ ହେୱାର୍ ଇନାକା ବୁଜା ଆଉର୍, ହେ ବିଷୟତିଙ୍ଗ୍ ହେୱାର୍ ବିରଦ୍ କିଜି ନିନ୍ଦା କାତା ୱେଚ୍‌ନାର୍। ହେୱାର୍ ହାତ୍‌ପା ନଷ୍ଟ ଆନାର୍।