୧ ଥେସଲନୀକିୟ 5:8 - New Testament in Pengo Parja Language

⁸ ମାତର୍ ଆପେଙ୍ଗ୍ ଅଜଡ଼୍‌ନି ମାନାୟ୍ ଆଦେଙ୍ଗ୍ ଜାର୍‌ତିଙ୍ଗ୍ କଣ୍ଟ୍ରୁଲ୍ ଆଜି ମାନି ଦର୍‌କାର୍। ଇନେସ୍‌କି ର ସେନା ତା ଉଦାର୍ କାଜିଙ୍ଗ୍ ପିତାଡ଼୍ ଆଙ୍ଗି ରସ୍ତି ଜପି ଉସ୍‌ପାନାନ୍, ହେଲେକେ ଏପେଙ୍ଗ୍ ପାର୍ତି ଆରେ ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍। ଆରେ ସେନା ଜାର୍ କାପ୍‌ଡ଼ାତିଙ୍ଗ୍ ରକ୍ଷା କିନି କାଜିଙ୍ଗ୍ ପିତାଡ଼୍‌ତାଙ୍ଗ୍ ରସ୍ତି ହେଲ୍‌ମେଟ୍ ଆହା ଇଡ଼୍‌ଜି ତୁଜ୍‌ନାନ୍, ହେଲେକେ ଈଶ୍ୱର ମାଙ୍ଗେଙ୍ଗ୍ ୱିଜୁ ଦିନ୍‌ତି ଦଣ୍ଡ୍‌ତାଙ୍ଗ୍ ରକ୍ଷା କିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

⁸ ମତର୍‌ ୱାଡ, ଆସେଙ୍ଗ୍‌ ୱେଡ଼ାନି ହିମ୍‌ଣାଂ ଆତିଲେ ପାର୍ତି କିନାକାର୍‌ ଆରି ଜିଉନନି ଲାକେ ମୁକ୍‌ଡ଼ାନାକା ଟପ୍ରି ଆର୍ପିସ୍‌ ଆରି ମୁକ୍‌ଡ଼ାତି ବାର୍ସି ଲାକେ କାପ୍‌ଡ଼ା ଆତିୟାର୍‌ କାପ୍‌ଡ଼ାତ ହିଜ଼ି ଜାଗ୍ରତ୍‌ ମାନାସ୍‌ ।

୧ ଥେସଲନୀକିୟ 5:8 ပူးပေါင်းရင်းမြစ်များ

୧ କରନ୍ତିୟ 13:13

ଲାଗିଙ୍ଗ୍ ଇ ତିନ୍‌ଗଟା ଜିନିଷ୍ ଆସେଙ୍ଗ୍ କିନି ଦର୍‌କାର୍। ଈଶ୍ୱରତିଙ୍ଗ୍ ପାର୍ତି କିନାକା, ତା ପାର୍ମାଣ୍‌ତିଙ୍ଗ୍ ଆହା ଇଡ଼୍‍ତାକା ଆରେ ଜେକନିକାରିଙ୍ଗ୍ ଲାଡ୍ କିନାକା। ଇ ତିନ୍‌ଗଟା ଜିନିଷ୍ ବିତ୍ରେତାଙ୍ଗ୍ ଜେକନିକାରିଙ୍ଗ୍ ଲାଡ୍ କିନାକା ଗାଜା ବିଷୟ।

୨ କରନ୍ତିୟ 6:7

ଆପେଙ୍ଗ୍ ଈଶ୍ୱର ଶାକ୍ତିତାଙ୍ଗ୍ ସତ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିତାପ୍। ଆରେ ର ସେନା ଯୁଜ୍‌ତାକେ ଅସ୍ତର୍ ସସ୍ତର୍ ବ୍ୟବହାର୍ କିନାନ୍, ହେଲେକେ ଆପେଙ୍ଗ୍ ଦରମ୍‌ଆଜି ଜିବୁନ୍ କାଟିକିଜି ମା ବିରଦ୍‌ନି ମାନାୟାରିଙ୍ଗ୍ ଆରାୟ୍ କିତାପ୍।

ଗାଲାତିୟ 5:5

ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ହିଜି ମାନ୍‌ଞ୍ଚି ପାର୍ମାଣ୍‌ତାଙ୍ଗ୍ ଦରମ୍ ମାନାୟ୍ ଆନି କାଜିଙ୍ଗ୍, ଆପେଙ୍ଗ୍ ଖ୍ରୀଷ୍ଟତାକେ ପାର୍ତି କିଜି ଆରେ ପବିତ୍ର ଆତ୍ମା ସାଇଜତାଙ୍ଗ୍ ବେସି ଆହାକିଜି କାନାପା।

ଏପିସିୟ 6:11

ଏପେଙ୍ଗ୍ ଇନେସ୍ ଶୟତାନନି ୱିଜୁ ଚାତୁର୍ ବିରୁଦ୍‌ତାକେ ନିଲ୍‌ତେଙ୍ଗ୍ ଆଡ୍‌ନାଦେର୍। ଇଦାଙ୍ଗ୍ କାଜିଙ୍ଗ୍ ସେନା ଇନେସ୍ ନାଲି କାଣ୍ଡାଙ୍ଗ୍ ଆସ୍ତି ରେଡି ଆଜି ମାନାନ୍ ହେଲେକେ ଈଶ୍ୱର ହିତ୍‌ତି ୱିଜୁ ନାଲି କାଣ୍ଡାକାଙ୍ଗ୍ ଉସ୍‌ପିସ୍ ଜାଗ୍ରତ୍ ଆଜି ମାନାଟ୍।

ଏପିସିୟ 6:23

ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ପାର୍ତିକିନି ଟଣ୍ଡାରିଙ୍ଗ୍ ଶାନ୍ତି ଆୟେତ୍‌, ଖ୍ରୀଷ୍ଟତାକେ ପାର୍ତିତାଙ୍ଗ୍ ଆରେ ଜାର୍-ଜାର୍ ଲାଡ୍‌ତାକେ ମାଞ୍ଜେଙ୍ଗ୍ ସାଇଜ କିୟାଟ୍।

୧ ଥେସଲନୀକିୟ 5:5

ଏପେଙ୍ଗ୍ ୱିଜାଦେର୍ ଅଜଡ଼୍ ଆରେ ୱେଡ଼ାନି ମାନାୟ୍ କାଦେର୍, ଆରେ ଏପେଙ୍ଗ୍ କାମାୟ୍ ୱେଡ଼ାଲିଙ୍ଗ୍ କିନାଦେରା, ମାତର୍ ଏପେଙ୍ଗ୍ ନାଣା କି ମାଜ୍‌ଗାନି ମାନାୟ୍ କାଦେର୍ ଆକାୟ୍।

୨ ଥେସଲନୀକିୟ 2:16

ଆସେଙ୍ଗ୍ ପାର୍ତାନା କିନାସା ଯେ, ମା ମାପୃ ଯୀଶୁ ଖ୍ରୀଷ୍ଟ, ଆରେ ମା ଆବା ଈଶ୍ୱର ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ଆରେ ହେୱାର୍ ମାଙ୍ଗେଙ୍ଗ୍ ଦୟାକିଜି ୱିଜ୍‌ୱିଦିନ୍‌ନି ସାସ୍, ଆରେ ହାର୍ ଆହା ହିଦେନ୍।

ଏବ୍ରି 6:19

ଲଙ୍ଗର୍ ଇନେସ୍ ଡଙ୍ଗାତିଙ୍ଗ୍ ଷ୍ଟ୍ରଙ୍ଗ୍ ଆରେ ମଜ୍‌ବୁତ୍ କିଜି ଆସ୍ତି ମାନାତ୍, ହେଲେକେ ଇ ଆହା ମା ଜିବୁନ୍‌ତିଙ୍ଗ୍ ଷ୍ଟ୍ରଙ୍ଗ୍ ଆରେ ମଜ୍‌ବୁତ୍ କିଜି ଆସ୍ତି ମାଞ୍ଜ୍‌ନାତ୍। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଯୀଶୁତାକେ ମା ଆହା ଇଡ଼୍‌ତାସ୍‌ନା। ପବିତ୍ର ପୁଟ୍ କୁଡ଼ିଆନି ପାର୍‌ଦା ଆନି ମାନି ଈଶ୍ୱରତି ବେସି ପବିତ୍ର ବାହାତାକେ ଯୀଶୁ ହାଚାନ୍‌ନା।

୧ ପିତର 1:13

ହେଦାଙ୍ଗ୍ କାଜିଙ୍ଗ୍ ମାନାୟାର୍ କାମାୟ୍ କିନିହିଙ୍ଗ୍ ମେଙ୍ଗାକାଙ୍ଗ୍ ତୁୱାଲ୍ ଗାଚିଆ ଆନିଲେକେ ମି ମାନ୍‌ତିଙ୍ଗ୍ କିଲେର୍ ଆରେ ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍। ଆରେ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଦୟାକିଜି ହିଦ୍‌ନି ଉଦାର୍‌ତିଙ୍ଗ୍ ପାୟାଆନି କାଜିଙ୍ଗ୍ ଆହା କିଜି ମାନାଟ୍।

୧ ପିତର 2:9

ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍, ଈଶ୍ୱର ମିଙ୍ଗେଙ୍ଗ୍ ତା ଲକ୍ ଆଦେଙ୍ଗ୍ ବାଚି କିତ୍‌ତାନ୍‌ନା। ହେୱାନ୍ ମିଙ୍ଗେଙ୍ଗ୍ ରାଜା ଈଶ୍ୱର ହେବା କିଦେଙ୍ଗ୍ ପୁଜାରି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ଜାର୍ ଦନ୍‌ଲେକେ ତା ହେବା କିଦେଙ୍ଗ୍ ବାଚି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ମାଜ୍‌ଗା ଲେଗ୍‌ଦି ପାପ୍‌ତାଙ୍ଗ୍ ବିନେ କିତାନ୍‌ନା ଆରେ ଚାନିଆଆନି କାମାୟ୍‌ତିଙ୍ଗ୍ ଶୁଣାୟ୍ କିଦେଙ୍ଗ୍ ତା ଚାନିଆଆନି ଅଜଡ଼୍‌ତାକେ ତାହି ୱାତ୍‌ତାନ୍‌ନା।

୧ ଯୋହନ 1:7

ମାତର୍ ଈଶ୍ୱର ଇନେସ୍ ଅଜଡ଼୍‌ତାକେ ମାନାନା, ହେଲେକେ ଯଦି ଆପେଙ୍ଗ୍ ଅଜଡ଼୍‌ତାକେ ମାନାପ୍। ଲାଗିଙ୍ଗ୍ ଆପେଙ୍ଗ୍ ମାହାଆଜି ମାନାପ୍, ଆରେ ତା ମେହି ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ମା ୱିଜୁ ପାପ୍‌ତିଙ୍ଗ୍ ନୁସ୍ତାନ୍‌ନା।