୧ ଥେସଲନୀକିୟ 4:8 - New Testament in Pengo Parja Language

⁸ ଲାଗିଙ୍ଗ୍ ଇମ୍‌ଣି ମାନାୟ୍, ଇ ହିକ୍ଷାତିଙ୍ଗ୍ ଆହୁନ୍, ହେୱାନ୍ ମାନାୟାର୍ ହିକ୍ଷାତିଙ୍ଗ୍ ଆହ୍‌ନାନା, ଲାଗିଙ୍ଗ୍ ହେୱାନ୍ ପବିତ୍ର ଆତ୍ମା ହିଦ୍‌ନି ଈଶ୍ୱରତିଙ୍ଗ୍ ଆହୁନ୍।

ସତ୍‌ ବଚନ୍‌ ପୁନି ନିୟମ୍‌

⁸ ଲାଗିଂ, ଇନେନ୍‌ ଇଦାଂ ଇଟୁୱାତାନ୍‍, ହେୱାନ୍‌ ମାନାୟ୍‍ତିଂ ଇଟ୍‌ତାନ୍‌, ମତର୍‌ ଇମ୍‌ଣି ଇସ୍ୱର୍‌ ମି ୱାସ୍କିତ ଜାର୍‌ ପୁଇପୁୟା ଜିବୁନ୍‌ ହିତ୍‍ତାନ୍ନା, ହେୱାନିଂ ଇଟୁନ୍‌ ।

୧ ଥେସଲନୀକିୟ 4:8 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:16

“ଏଚେପାଦ୍ନା ଇମ୍‌ଣାକାନ୍ ମି କାତାତିଙ୍ଗ୍ ୱେନାନ୍, ହେୱାନ୍ ହାତ୍‌ପା ନା କାତାତିଙ୍ଗ୍ ପା ୱେନାନ୍। ହେପାଦ୍ନା ରକାନ୍ ମିଙ୍ଗେଙ୍ଗ୍ ଆସ୍ତେଙ୍ଗ୍ ମୁନା କିଦ୍‌ନାନ୍, ହେୱାନ୍ ନାଙ୍ଗେଙ୍ଗ୍ ପା ଆସ୍ତେଦେଙ୍ଗ୍ ମୁନା କିନାନ୍। ଆରେ ଏଚେପାଦ୍ନା ନାଙ୍ଗେଙ୍ଗ୍ ମୁନା କିଦ୍‌ନାନ୍, ହେୱାନ୍ ହାତ୍‌ପା ନାଙ୍ଗେଙ୍ଗ୍ ପକ୍ତିତି ଈଶ୍ୱରତିଙ୍ଗ୍ ଆସ୍ତେଙ୍ଗ୍ ମୁନା କିନାନ୍।”

ଜହନ୍‌ 12:48

ଇନେର୍ ନା ହିକ୍ଷାତିଙ୍ଗ୍ ୱେନୁନ୍ ଆରେ ମାନିକିଉନ୍, ହେୱାରିଙ୍ଗ୍ ବିଚାର୍ କିଦେଙ୍ଗ୍ ରକାନ୍ ମାନାନ୍। ଆନେଙ୍ଗ୍ ଇମ୍‌ଣି କାତା ୱିଜୁ ୱେଚ୍‌ଚାଙ୍ଗ୍‌ନା ହେ କାତା ସେସ୍‌ଦିନ୍‌ତ ବିଚାର୍ ଆନାତ୍।

ପକ୍ୟାତାକା 13:41

‘ଏ ନିନ୍ଦାକିନି ମାନାୟ୍ କାଦେର୍, ଏପେଙ୍ଗ୍ ହୁଡ଼୍‌ଜି, ଚାନିଆ ଆଜି ନଷ୍ଟ ଆନାଦେରା, ଲାଗିଙ୍ଗ୍ ଆପେଙ୍ଗ୍ ମି ସମୟ୍‌ତ ର କାମାୟ୍ କିନାପା, ଯଦି ଇନେର୍ ହେ କାମାୟ୍ ବିଷୟରେ ମିଙ୍ଗେଙ୍ଗ୍ ୱେଚ୍‌ଚିତିସ୍ ପା, ଏପେଙ୍ଗ୍ ହେଦାଙ୍ଗ୍‌ତିଙ୍ଗ୍ ପାର୍ତି କିଉଦେର୍।’”

ରୋମିୟ 5:5

ଏଚେପାଦ୍ନା ଆସେଙ୍ଗ୍ ଈଶ୍ୱରତିଙ୍ଗ୍ ଆହା କିନାସ୍ ମାଙ୍ଗେଙ୍ଗ୍ ଇମ୍‌ଣି ମାନାୟ୍ ପା ଲାଜ୍ କିଦ୍‌ଦେଙ୍ଗ୍ ଆଡ଼୍‌ଦୁନ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା ଆରେ ହେୱାନ୍ ତା ଲାଡ୍‌ତିଙ୍ଗ୍ ମା ଗରବ୍ ବିତ୍ରେ ହିତ୍‌ତାନ୍‌ନା।

୧ କରନ୍ତିୟ 2:10

ମାତର୍ ଆପେଙ୍ଗ୍ ଇ ୱିଜୁ ବିଷୟ ପୁଞ୍ଜେଙ୍ଗ୍ ଆଡ୍‌ନାପା, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ତା ଆତ୍ମା ସାଇଜତାଙ୍ଗ୍ ପୁନି କିଦ୍‌ନାନା। ପବିତ୍ର ଆତ୍ମା ୱିଜୁ ଜିନିଷ୍‌ତିଙ୍ଗ୍ ଦାହ୍‌ନାତା ଆରେ ଈଶ୍ୱରତି ଡ଼ୁକ୍‌ତି ବିଷୟତିଙ୍ଗ୍ ପା ମାଙ୍ଗେଙ୍ଗ୍ ଚଚ୍‌ଚାନାତା।

୧ କରନ୍ତିୟ 7:40

ମାତର୍ ହେ କଗ୍‌ଲେ କାଜିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ, ହେଦେଲ୍ ବିବା ଆୱାଦାଙ୍ଗ୍ ୱାଟା ମାନାକା ବେସି ହାର୍, ଆରେ ଆନେଙ୍ଗ୍ ବାବିକିନାଙ୍ଗା ଯେ ଆନେଙ୍ଗ୍ ଇ ଉପାୟ୍ ଈଶ୍ୱରତି ପବିତ୍ର ଆତ୍ମାତାଙ୍ଗ୍ ୱେଚ୍‌ନାଙ୍ଗା।

୨ କରନ୍ତିୟ 1:22

ହେୱାନ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଆରେ ହେୱାନ୍ ତା ପବିତ୍ର ଆତ୍ମା ମା ଗରବ୍‌ତାକେ ଗେରେଣ୍ଟିଲେକେ ଦାନ୍ ହିତ୍‌ତାନ୍‌ନା।

ଗାଲାତିୟ 4:6

ଆରେ ଆସେଙ୍ଗ୍ ତା ହିମ୍‌ଣା ଆତି କାଜିଙ୍ଗ୍, ଈଶ୍ୱର ତା ହିମ୍‌ଣାନି ଆତ୍ମାତିଙ୍ଗ୍ ମା ଗରବ୍ ବିତ୍ରେ ପକ୍ତାତାନ୍‌ନା। ହେ ଆତ୍ମା ଆବା ପିତା ଇଞ୍ଜି କୁକ୍‍ତେଙ୍ଗ୍ ମାଙ୍ଗେଙ୍ଗ୍ ସାହାସ୍ ହିଦ୍‌ନାତା।

୧ ପିତର 1:12

ମାତର୍ ଈଶ୍ୱର ଇ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ୱେଚ୍‌ଚାନ୍, ଇ ହାର୍ଦିକାବୁର୍ ମି କାଜିଙ୍ଗ୍ ଆକାୟ୍ ମାତର୍ ମାନାୟାର୍ କାଜିଙ୍ଗ୍। ଆରେ ହେ ହାର୍ଦିକାବୁର୍ ଯୀଶୁ ଖ୍ରୀଷ୍ଟ ବିଷୟ ଇମ୍‌ଣାକା ଏପେଙ୍ଗ୍ ନଙ୍ଗୟ୍ ୱେଚାଦେର୍‌ନା। ଈଶ୍ୱର ତା ପବିତ୍ର ଆତ୍ମା ସରଗ୍‌ତାଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ୱେଚ୍‌ନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ପକ୍ତାତାନ୍‌ନା। ହେଦାଙ୍ଗ୍ ୱିଜୁ ଚାନିଆଆନି ବିଷୟ ଯେ, ଇୱିଜୁ ଗଟାଆନି ବିଷୟ ସରଗ୍‌ନି ଦୁତ୍‌କୁ ପା ହୁଡ଼୍‌ନିକା।

୨ ପିତର 1:21

ଇନେସ୍‌କି ଭବିଷ୍ଯତବକ୍ତାର୍ ଇମ୍‌ଣି କାତା ୱେଚ୍‌ଚାର୍ ହେଦାଙ୍ଗ୍ ତା ଜାର୍ ଇଚାତାଙ୍ଗ୍ ୱେଚ୍‌ୱାତାର୍‌ନା, ମାତର୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱର ଇଚାକିତି କାତାତିଙ୍ଗ୍ ହେୱାର୍ ୱେଚ୍‌ଚାର୍।

୧ ଯୋହନ 3:24

ଇମ୍‌ଣି ମାନାୟ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିନାନ୍। ହେୱାନ୍ ଈଶ୍ୱର ହୁଦାଙ୍ଗ୍ ମାହାଆଜି ମାନାନ୍, ଆରେ ଈଶ୍ୱର ତା ହୁଦାଙ୍ଗ୍ ମାହାଆଜି ମାନାନ୍। ଇନେସ୍‌କି ପବିତ୍ର ଆତ୍ମା ମା ବିତ୍ରେ ମାନାତ୍।

ଜିହୁଦା 1:8

ଇ ୱିଜୁ ବିଷୟରେ ଇ ବୁଲ୍ ହିକ୍ଷାହିନି ମାଷ୍ଟେରାର୍ ପୁଚିସ୍ ପା, ହେୱାର୍ ଦାରି କାମାୟ୍ ଲେକ କରାପ୍ କାମାୟ୍ କିଜି ଜାର୍ ଗାଗାଡ଼୍‌ତିଙ୍ଗ୍ କରାପ୍ କିଦେଙ୍ଗ୍। ହେୱାର୍ ଜପି ଇନେର୍ ଆଦିକାର୍ ହିଲ୍‌ୱି କାଜିଙ୍ଗ୍, ଆରେ ଗୌରବନି ଦୁତ୍‌କୁ ବିଷୟରେ ନିନ୍ଦା କାତା ୱେଚ୍‌ନି କାଜିଙ୍ଗ୍ ଈଶ୍ୱର କେଚ୍‌କଣ୍‌ତାକେ ୱେଚ୍‌ଚାତାନ୍‌ନା ଇଞ୍ଜି ୱେଚ୍‌ନାର୍।