୧ ଥେସଲନୀକିୟ 4:17 - New Testament in Pengo Parja Language

¹⁷ ତାପାଚେ ଆସେଙ୍ଗ୍ ଏଚେଜାଣ୍ ଜିବୁନ୍ ମାନ୍‌ଗାନାସ୍, ମାପୃ ଯୀଶୁଙ୍ଗ୍ ମାହା ଆଦେଙ୍ଗ୍ ଆସେଙ୍ଗ୍ ହେୱାର୍ ହୁଦାଙ୍ଗ୍ ବାଦାଡ଼ାତାଙ୍ଗ୍ ବାଦାଡ଼୍‌ଜପି ହାନାସ୍, ଆରେ ଆସେଙ୍ଗ୍ ମାପୃ ଯୀଶୁ ହୁଦାଙ୍ଗ୍ ମାହାଆଜି ୱିଜୁଦିନ୍ କାଜିଙ୍ଗ୍ ମାନାସ୍।

ସତ୍‌ ବଚନ୍‌ ପୁନି ନିୟମ୍‌

¹⁷ ପାଚେ ଆସେଙ୍ଗ୍‌ ଏଚେକ୍‌ ମାନାୟ୍‌ ଜିଜ଼ି ମାନ୍‌ଞ୍ଜି ବାକି ମାନାସ୍, ମାପ୍ରୁତି ଲାହାଙ୍ଗ୍‌ ବେଟ୍‌ ଆଦେଂ କାଜିଂ ଆସେଙ୍ଗ୍‌ ହେୱାର୍‌ତି ହୁକେ ବାଦାଡ଼୍‍ତ ୱାରି ପୁର୍ତିତ ଜୁଦ୍‍ନାସ୍; ଇ ଲାକେ ଆସେଙ୍ଗ୍‌ ନିତ୍ରେ ମାପ୍ରୁତି ଲାହାଙ୍ଗ୍‌ ମାନାସ୍ ।

୧ ଥେସଲନୀକିୟ 4:17 ပူးပေါင်းရင်းမြစ်များ

ମାତିଉ 26:64

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆଁ, ଆନେଙ୍ଗ୍ ଈଶ୍ୱର ମେହି ଖ୍ରୀଷ୍ଟ। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ ଏପେଙ୍ଗ୍ ହାତ୍‌ପା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱିଜୁତାଙ୍ଗ୍ ଶାକ୍ତିକାଟି ଈଶ୍ୱର ତିନିବାଗାଙ୍ଗ୍ କୁଚ୍‍ଚାକା ଆରେ ସରଗ୍‌ନି ବାଦାଡ଼୍‌ତାଙ୍ଗ୍ ୱାନାକା ହୁଡ଼୍‌ନାଦେର୍।”

ମାର୍କ 14:62

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ତ ହେୱାନ୍। ଆରେ ଏପେଙ୍ଗ୍ ନାଙ୍ଗେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱିଜୁତାଙ୍ଗ୍ ଶାକ୍ତିକାଟି ଈଶ୍ୱର ତିନିବାଗାଙ୍ଗ୍ କୁଚ୍‍ଚାକା ଆରେ ସରଗ୍‌ନି ବାଦାଡ଼୍‌ତାଙ୍ଗ୍ ୱାନାକା ହୁଡ଼୍‌ନାଦେର୍।”

ଜହନ୍‌ 12:26

ଇନେର୍ ନାଙ୍ଗେଙ୍ଗ୍ ହେବା କିଦ୍‌ନାର୍ ଲାଗିଙ୍ଗ୍ ହେୱାନ୍ ନା ପାଚେ ୱାଏନ୍‌। ଆରେ ଆନେଙ୍ଗ୍ ଇମେତାକେ ମାନ୍‌ଗାନାଙ୍ଗ୍, ହେବେ ନାଙ୍ଗେଙ୍ଗ୍ ହେବା କିଦ୍‌ନାକାର୍ ପା ନା ହୁଦାଙ୍ଗ୍ ମାନ୍‌ଗାନାର୍। ଇମ୍‌ଣାକାର୍ ନାଙ୍ଗେଙ୍ଗ୍ ହେବା କିଦ୍‌ନାର୍, ଲାଗିଙ୍ଗ୍ ନା ଆବା ଈଶ୍ୱର ହେୱାରିଙ୍ଗ୍ ସନ୍‌ମାନ୍ ହିନାନ୍।

ଜହନ୍‌ 14:3

ଆନେଙ୍ଗ୍ ହାଲ୍‌ଜି ମି କାଜିଙ୍ଗ୍ ବାହା ରସ୍ତି ପାଚେ ଆରେ ୱାନାଙ୍ଗ୍। ତାପାଚେ ମିଙ୍ଗେଙ୍ଗ୍ ନା ହୁଦାଙ୍ଗ୍ ଅସାହାଞ୍ଜ୍‌ନାଙ୍ଗ୍। ଆନେଙ୍ଗ୍ ଇମେତାକେ ମାନ୍‌ଗାନାଙ୍ଗ୍ ଏପେଙ୍ଗ୍ ପା ହେବେ ନା ହୁଦାଙ୍ଗ୍ ମାଞ୍ଜେଙ୍ଗ୍ ଆଡ୍‌ନାଦେର୍।

ଜହନ୍‌ 17:24

ଏ ଆବା ଈଶ୍ୱର, ଏନେଙ୍ଗ୍ ନାଙ୍ଗେଙ୍ଗ୍ ଇମ୍‌ଣି ମାନାୟାରିଙ୍ଗ୍ ହିତ୍‌ତାଇନା, ଆନେଙ୍ଗ୍ ଇଚା କିନାଙ୍ଗ୍, ଆନେଙ୍ଗ୍ ମାନି ୱିଜୁ ବାହାତାକେ ହେୱାର୍ ନା ହୁଦାଙ୍ଗ୍ ମାନେର୍। ଆନେଙ୍ଗ୍ ଇଚା କିନାଙ୍ଗ୍, ହେୱାର୍ ନା ଅଜଡ଼୍ ହୁଡ଼େର୍। ଇ ଅଜଡ଼୍ ଏନେଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା, ଇନେସ୍‌କି ଏନେଙ୍ଗ୍ ପୁର୍ତି ରହ୍‌ୱିତି ଆଗେ ନାଙ୍ଗେଙ୍ଗ୍ ଲାଡ୍ କିତ୍‌ତାୟ୍।

ପକ୍ୟାତାକା 1:9

ହେୱାନ୍ ୱିଜୁବେଣ୍ ତା ଚେଲାହିରିଙ୍ଗ୍ ୱେଚ୍‌ଚାନ୍। ତାପାଚେ ହେୱାର୍ ହୁଡ଼ୁ-ହୁଡ଼ୁ ଈଶ୍ୱର ହେୱାନିଙ୍ଗ୍ ସରଗ୍‌ତାକେ ଅତାନ୍। ହେୱାନ୍ ବାଦାଡ଼୍ ବିତ୍ରେ ହାଚିଲେ ହେୱାର୍ ଆରେ ହୁଡ଼୍‌ୱାତାର୍‌ଦେ।

ପକ୍ୟାତାକା 8:39

ହେୱାର୍ ଏଜୁଙ୍ଗ୍‌ତାଙ୍ଗ୍ ନିଙ୍ଗ୍‌ଞ୍ଜି ୱାନିହିଙ୍ଗ୍, ପବିତ୍ର ଆତ୍ମା ପିଲିପତିଙ୍ଗ୍ ହେଦାପ୍ରେ ଅସିହାଚାତ୍‌। ଆରେ ହେ ଅପିସର୍ ପିଲିପତିଙ୍ଗ୍ ହୁଡ଼୍‌ୱାତାନ୍, ମାତର୍ ଈଶ୍ୱର ହେୱାନିଙ୍ଗ୍ ରକ୍ଷା କିତ୍‌ତାନ୍‌ନା ଇଞ୍ଜି ପୁନ୍‌ଞ୍ଜି ହେୱାନ୍ ୱାରିଆଜି ତା ଦେସ୍‌ତ ହାଚାନ୍।

୧ କରନ୍ତିୟ 15:52

ହେଦାଙ୍ଗ୍ କାଣ୍‌କୁ ମିଟ୍‌କା ଇଡ଼୍‌ତିଲେକେ ହଟାତ୍ ୱାନାତ୍, ଏଚେପାଦ୍ନା ସେସ୍ ମରିନି ସବଦ୍ ଆନାତ୍ ହେପାଦ୍ନା ଏଚେଜାଣ୍ ଖ୍ରୀଷ୍ଟଙ୍ଗ୍ ପାର୍ତି କିଜି ହାଃତାର୍‌ନା ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଆରେରଗ ଜିବୁନ୍ କିନାନ୍। ଆରେ ଆସେଙ୍ଗ୍ ଏଚେଜାଣ୍ ଜିବୁନ୍ ମାନାସ୍, ହେୱାନ୍ ମା ଗାଗାଡ଼୍‌ନି ରୁପ୍‌ତିଙ୍ଗ୍ ବାଦ୍‌ଲାୟ୍ କିନାନ୍।

୨ କରନ୍ତିୟ 5:8

ଆଁ, ଆସେଙ୍ଗ୍ ହାର୍ କିଜି ପୁଚାପ୍‌ନା, ଏଚେପାଦ୍ନା ଆସେଙ୍ଗ୍ ଇ ପୁର୍ତିନି ଗାଗାଡ଼୍‌ତିଙ୍ଗ୍ ପିହ୍‌ନାସ୍, ତା ଅର୍ତ ଆସେଙ୍ଗ୍ ହାଃନାସ୍, ହେପାଦ୍ନା ଆସେଙ୍ଗ୍ ଈଶ୍ୱର ହିଦ୍‌ନି ପୁନି ଗାଗାଡ଼୍‌ତାଙ୍ଗ୍ ମାପୃ ହୁଦାଙ୍ଗ୍ ମାନାସ୍।

ପିଲିପିୟ 1:23

ଆନେଙ୍ଗ୍ ରିଣ୍ଡାଙ୍ଗ୍ ବିତ୍ରେ ଇନାକା ରଞ୍ଜାଙ୍ଗ୍‌ତିଙ୍ଗ୍ ବାଚିକିନାଙ୍ଗ୍ ହେଦାଙ୍ଗ୍ ପୁଞ୍ଜେଙ୍ଗ୍ ଆଡୁଙ୍ଗା, ଆନେଙ୍ଗ୍ ହାଃଜି ଖ୍ରୀଷ୍ଟ ହୁଦାଙ୍ଗ୍ ମାଞ୍ଜେଙ୍ଗ୍ ଇଚା କିନାଙ୍ଗା। ଇନେସ୍‌କି ଇଦାଙ୍ଗ୍ ୱିଜୁତାଙ୍ଗ୍ ବେସି ହାର୍।

୧ ଥେସଲନୀକିୟ 3:13

ଆପେଙ୍ଗ୍ ପାର୍ତାନା କିନାପା ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ତା ସାଦୁ ମାନାୟାର୍ ହୁଦାଙ୍ଗ୍ ୱାନାନ୍, ଆରେ ଆସେଙ୍ଗ୍ ଈଶ୍ୱର ମୁମ୍‌ଦ ନିଲ୍‌ତିହିଙ୍ଗ୍‌, ଖ୍ରୀଷ୍ଟ ମାଙ୍ଗେଙ୍ଗ୍ ସାସ୍, ପବିତ୍ର ଆରେ ଦସ୍ ହିଲି ମାନାୟ୍ କିଦ୍‌ନାନ୍।

୧ ଥେସଲନୀକିୟ 4:15

ଆପେଙ୍ଗ୍ ମାପୃ ଯୀଶୁ ୱେଚ୍‌ଚିଲେକେ ମିଙ୍ଗେଙ୍ଗ୍ ୱେଚ୍‌ଚାନାପା ଯେ, ମାପୃ ଯୀଶୁ ପୁର୍ତିତାକେ ଆରେରଗ ୱାନି ପାତେକ୍ ଆସେଙ୍ଗ୍ ଏଚେଜାଣ୍ ଜିବୁନ୍ ମାନ୍‌ଗାନାସ୍। ଆସେଙ୍ଗ୍ ମାପୃ ଯୀଶୁଙ୍ଗ୍ ଆଗେ ମାହା ଆଦେଙ୍ଗ୍ ଆଡୁସ୍, ମାତର୍ ମାପୃ ଯୀଶୁଙ୍ଗ୍ ପାର୍ତି କିଜି ହାଃତି ମାନାୟାର୍ ଆରେରଗ ଜିବୁନ୍‌ଆଜି ଆଗେ ମାହାଆନାର୍।

୧ ଥେସଲନୀକିୟ 4:18

ଲାଗିଙ୍ଗ୍ ଇ ୱିଜୁ କାତା ୱେଚ୍‌ଚି ଜାର୍-ଜାର୍‌ବିତ୍ରେ ଏପେଙ୍ଗ୍ ସାସ୍ ଆଜି ମାନାଟ୍।

୧ ଥେସଲନୀକିୟ 5:10

ହେୱାନ୍ ମା କାଜିଙ୍ଗ୍ ହାଃତାନ୍। ହେୱାନ୍ ଏଚେପାଦ୍ନା ଆରେରଗ ୱାତିସ୍, ଆସେଙ୍ଗ୍ ଜିବୁନ୍ ମାଚିସ୍ କି ହାଃଜି ମାଚିସ୍ ପା, ତା ଲାହାଙ୍ଗ୍ ୱିଜୁଦିନ୍ ଜିବୁନ୍‌ଆଜି ମାନାସ୍।

୨ ପିତର 3:13

ମାତର୍ ଆସେଙ୍ଗ୍ ଈଶ୍ୱରକିତି ପାର୍ମାଣ୍ ଅନ୍‌ସାରେ ରଞ୍ଜାଙ୍ଗ୍ ପୁନି ସରଗ୍ ଆରେ ପୁନି ପୁର୍ତିତିଙ୍ଗ୍ କାତାସ୍‌ନା। ଆପ୍‌କା ଦରମ୍ ମାନାୟ୍ ହେବେ ମାନ୍‌ଗାନାର୍।

ହତ୍‌ତି 1:7

ହୁଡ଼ାଟ୍ ହେୱାନ୍ ସରଗ୍‌ତାଙ୍ଗ୍ ବାଦାଡ଼୍ ହୁଦାଙ୍ଗ୍ ମାହାଆଜି ୱାନାନ୍। ଆରେ ୱିଜାକାର୍ ହେୱାନିଙ୍ଗ୍ ହୁଡ଼୍‌ନାର୍, ଆରେ ପା ତାଙ୍ଗେଙ୍ଗ୍ ବାଲା ହୁଦାଙ୍ଗ୍ କୁନ୍ତାକାର୍ ହୁଡ଼୍‌ନାର୍। ଆରେ ଇ ପୁର୍ତିନି ୱିଜୁ ଦେସ୍‌ନି ମାନାୟାର୍ ତା କାଜିଙ୍ଗ୍ ଆଡ଼୍‌ବାନାର୍। ଆମେନ୍।

ହତ୍‌ତି 11:12

ତାପାଚେ ହେୱାରିଙ୍ଗ୍ ସରଗ୍‌ତାଙ୍ଗ୍ ର ଗାଜାକାଟ୍ କିଜି ହିର୍‌ବାତାନ୍, “ଇବେ ନିଙ୍ଗ୍‌ଞ୍ଜି ୱାଡ” ଆରେ ହେୱାର୍ ବାଦାଡ଼୍ ହୁଦାଙ୍ଗ୍ ସରଗ୍‌ତାକେ ହାଚାର୍, ହେୱାର୍ ସରଗ୍‌ତାକେ ହାନାକା ତା ସତୃର୍ ହୁଡ଼୍‌ତାର୍।

ହତ୍‌ତି 12:5

ଟିକ୍ ସମୟ୍ ୱେଡ଼ାଙ୍ଗ୍ ହେ କଗ୍‌ଲେ କାଡ଼୍‌ଦେଙ୍ଗ୍ ଜନମ୍ କିତାତ୍, ହେଦାପ୍ରେ ହେ କାଡ଼୍‌ଦେଙ୍ଗ୍ ଈଶ୍ୱର ଆରେ ତା ସିଙ୍ଗାସନ କଚଣ୍‌ତାକେ ଜେଲ୍‌ଜି ଅତାର୍, ଆରେ ହେ ରାଚ୍ ହେ ଜନମ୍ ଆତି କାଡ଼୍‌ଦେଙ୍ଗ୍ ଚିଞ୍ଜେଙ୍ଗ୍ ଆଡ୍‌ୱାତାତ୍। ହେ କାଡ଼୍‍ଦେ ୱିଜୁ ଆଦିକାର୍ ହୁଦାଙ୍ଗ୍ ପୁର୍ତିନି ୱିଜୁ ଜାତିନି ମାନାୟାରିଙ୍ଗ୍ ଲୱା ବେଡ୍‌ଗା ହୁଦାଙ୍ଗ୍ ସାସନ୍ କିନାନ୍।