୧ ଥେସଲନୀକିୟ 1:6 - New Testament in Pengo Parja Language

⁶ ଆରେ ବେସି ଦୁଃକ୍ କଷ୍ଟ ପାୟାଆଜି ମାଚିସ୍ ପା, ଏପେଙ୍ଗ୍ ପବିତ୍ର ଆତ୍ମା ହିତ୍‌ତି ହାର୍ଦିକାବୁର୍ ୱାରିୟା ଆଜି ଆସ୍ତାଦେର୍। ଆପେଙ୍ଗ୍ ଆରେ ମାପୃ କିତିଲେକେ ଏପେଙ୍ଗ୍ କିତାଦେର୍।

ସତ୍‌ ବଚନ୍‌ ପୁନି ନିୟମ୍‌

⁶ ଆରେ ଏପେଙ୍ଗ୍‌ ବେସି କସ୍ଟ ବଗି କିନି ବିତ୍ରେ ପୁଇପୁୟା ଜିବୁନ୍‌ତାଂ ପାୟାତି ଦୁକ୍‌କିନାକା ଲାହାଙ୍ଗ୍‌ ହେ ନେକ୍ରିକାବୁର୍‌ ମାନି କିଜ଼ି ମାଙ୍ଗେଙ୍ଗ୍‌ ଆରି ମାପ୍ରୁତି ପାଚେହାନାକା ଆଜ଼ି ମାଚାଦେର୍‌,

୧ ଥେସଲନୀକିୟ 1:6 ပူးပေါင်းရင်းမြစ်များ

ମାତିଉ 16:24

ହେପାଦ୍ନା ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନେର୍ ପା ନା ପାଚେ ୱାଜି ଚେଲା ଆନାନ୍, ଲାଗିଙ୍ଗ୍ ହେୱାନ୍ ଜାର୍ ସୁକ୍ ପିସ୍ତି ଆରେ ଜାର୍ କୃଶ ଆସ୍ତି ନା ପାଚେ ୱାଡ।

ଜହନ୍‌ 8:12

ପାଚେ ଯୀଶୁ ଆରେରଗ ହିକ୍ଷାହିଜି ୱେଚ୍‌ଚାନ୍, “ଆନେଙ୍ଗ୍ ପୁର୍ତିନି ଅଜଡ଼୍, ନା ପାଚେ ଇମ୍‌ଣାକାନ୍ ୱାନାନ୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତ ତାଙ୍ଗୁନ୍। ମାତର୍ ହେୱାନ୍ ଜିବୁନ୍‌ହିନି ଅଜଡ଼୍ ପାୟା ଆନାନ୍।”

ପକ୍ୟାତାକା 13:52

ମାତର୍ ଆନ୍ତିୟକିଆ ସହର୍‌ତାକେ ମାନି ପାର୍ତିକିନି ଚେଲାହିର୍ ୱାରିତାଙ୍ଗ୍ ଆରେ ପବିତ୍ର ଆତ୍ମାତାଙ୍ଗ୍ ପୁରା ଆଦେଙ୍ଗ୍ ଲାଗାତାର୍।

ପକ୍ୟାତାକା 5:41

ବାଚିକିତି ଚେଲାହିର୍ ହେ ବିଚାର୍‌କିନି ମିଟିଙ୍ଗ୍ ଇଞ୍ଜାଙ୍ଗ୍ ୱାରିଆଜି ହାଚାର୍। ଇନେସ୍‌କି ଯୀଶୁ ତର୍‌ କାଜିଙ୍ଗ୍ ଦୁକ୍‌କଷ୍ଟ ପାୟାଆନି ଜଗ୍ଯ ଇଞ୍ଜି ହେୱାର୍ ପୁନ୍‌ଞ୍ଜି ମାଚାର୍।

ପକ୍ୟାତାକା 9:31

ଲାଗିଙ୍ଗ୍ ଯିହୁଦା ଜିଲ୍ଲା, ଗାଲିଲୀ ଜିଲ୍ଲା ଆରେ ଶମିରଣିୟ ଜିଲ୍ଲାତାକେ ମାନି ମଣ୍ଡ୍‌ଲିନି ମାନାୟାର୍ ଶାନ୍ତିଆଜି ବାହାକିତାର୍। ଇନେସ୍‌କି ହେୱାରିଙ୍ଗ୍ ଇନେର୍ ପା ଦୁକ୍‌କଷ୍ଟ ହିୱାଦାଙ୍ଗ୍ ମାଚାର୍। ଆରେ ପବିତ୍ର ଆତ୍ମା ହେୱାରିଙ୍ଗ୍ ସାଇଜ ଆରେ ଶାସ୍ ହିଜିମାଚାତ୍‌, ଆରେ ବେସି ମାନାୟାର୍ ଯୀଶୁତାକେ ପାର୍ତି କିଦେଙ୍ଗ୍ ଲାଗାତାର୍।

ରୋମିୟ 15:13

ଲାଗିଙ୍ଗ୍ ଆହା ହିଦ୍‌ନି ଈଶ୍ୱରତିଙ୍ଗ୍ ପାର୍ତାନା କିନାଙ୍ଗା ଯେ, ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱାରି କିଦେନ୍, ଆରେ ମିଙ୍ଗେଙ୍ଗ୍ ଶାନ୍ତି ହିଦେନ୍। ଏପେଙ୍ଗ୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆଦିକ୍ ତାଙ୍ଗେଙ୍ଗ୍ ଆହାକିନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାଇଜ କିଦେନ୍।

୧ କରନ୍ତିୟ 11:1

ଆନେଙ୍ଗ୍ ଇନେସ୍ ଖ୍ରୀଷ୍ଟଙ୍ଗ୍ ହୁଡ଼୍‌ଜି ହିକାଆତାଙ୍ଗ୍‌ନା ହେଲେକେ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଜି ହିକାଆଡ।

୧ କରନ୍ତିୟ 11:2

ଏ ସାଙ୍ଗ କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗା। ଆନେଙ୍ଗ୍ ହିତ୍‌ତି ୱିଜୁ ଖ୍ରୀଷ୍ଟାନ୍ ହିକ୍ଷାତିଙ୍ଗ୍ ମାନି କିନାଦେରା, ଆରେ ନାଙ୍ଗେଙ୍ଗ୍ ଏପେଙ୍ଗ୍ ୱିଜୁଦିନ୍ ଏତ୍ କିଦ୍‍ନାଦେରା।

୧ କରନ୍ତିୟ 4:16

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ଆନେଙ୍ଗ୍ ଇନେସ୍ କିନାଙ୍ଗା ହେଲେକେ ଏପେଙ୍ଗ୍ ପା କିୟାଟ୍।

୨ କରନ୍ତିୟ 6:10

ଆପେଙ୍ଗ୍ ବେସି ଦୁଃକ୍‌ତ ମାନାପ୍, ମାତର୍ ଆପେଙ୍ଗ୍ ୱିଜୁଦିନ୍ ୱାରି କିନାପା। ଆପେଙ୍ଗ୍ ଗରିବ୍, ମାତର୍ ଆପେଙ୍ଗ୍ ପବିତ୍ର ଆତ୍ମାନି ଦନ୍ ଜେକନିକାରିଙ୍ଗ୍ ହିନାପା। ଆପେଙ୍ଗ୍ ଆର୍ଜା ଆୱାତାପ୍‌ନା ମାତର୍ ମା ତାକେ ୱିଜୁ ଜିନିଷ୍ ମାନାତ୍।

୨ କରନ୍ତିୟ 8:5

ଆପେଙ୍ଗ୍ ହେୱାର୍‌ତାକେ ଆହା କିଜି ମାଚାପ୍, ମାତର୍ ହେୱାର୍ ମା ଆହାତାଙ୍ଗ୍ ଆଦିକ୍ ଡାବୁଙ୍ଗ୍ ହିଜି ସାଇଜ କିଜି ମାନ୍‌ଞ୍ଚାର୍। ଇନେସ୍‌କି ହେୱାର୍ ପାର୍ତୁମ୍ ମା ମାପୃ ଯୀଶୁଙ୍ଗ୍ ୱାରିକିନି କାଜିଙ୍ଗ୍ ତାପାଚେ ମାଙ୍ଗେଙ୍ଗ୍ ୱାରି କିଦ୍‌ନି କାଜିଙ୍ଗ୍ କିଜି ମାଚାର୍। ଇନେସ୍ ଈଶ୍ୱର ହେୱାର୍ କିଏର୍ ଇଞ୍ଜି ଇଚା କିଜି ମାଚାନ୍।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଏପିସିୟ 5:1

ଏପେଙ୍ଗ୍ ଈଶ୍ୱର ହିମ୍‌ଣା କାଦେର୍ ଆରେ ହେୱାନ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍। ଲାଗିଙ୍ଗ୍ ଏପେଙ୍ଗ୍ ହେୱାନ୍ ଲେକେ ଆଦେଙ୍ଗ୍ ଉପାୟ୍ କିୟାଟ୍।

ପିଲିପିୟ 3:17

ଏ ନା ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ୱିଜାକାଦେର୍ ମାହାଆଜି ନା ଲେକେ ବ୍ୟବହାର୍ କିୟାଟ୍। ଆରେ ଇମ୍‌ଣାକାର୍ ନା ବ୍ୟବହାର୍‌ତିଙ୍ଗ୍ ମାନି କିନାରା ହେୱାର୍ ଲେକେ ଆଦେଙ୍ଗ୍ ମାନ୍‌ଦିୟାନ୍ ହିୟାଟ୍।

୨ ଥେସଲନୀକିୟ 1:4

ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚିସ୍ ପା, ସାସ୍ ଆଜି ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାଦେରା। ହେଦାଙ୍ଗ୍ କାଜିଙ୍ଗ୍ ଈଶ୍ୱରତିଙ୍ଗ୍ ପାର୍ତିକିନି ମଣ୍ଡ୍‌ଲିନି ମାନାୟାର୍ ଆଗେ ମି ବିଷୟରେ ଆପେଙ୍ଗ୍ ସାର୍‌ଦା ଆଜି ୱେଚ୍‌ନାପା।

୨ ଥେସଲନୀକିୟ 3:7

ଏପେଙ୍ଗ୍ ପୁଚାଦେର୍‌ନା ଯେ, ଇଲେକେ ବ୍ଯବହାର୍ କିନି ଦର୍‌କାର୍, ଇନେସ୍‌ଲେକେ ଆପେଙ୍ଗ୍ କିଜି ମାଚାପ୍। ଆପେଙ୍ଗ୍ ଏଚେକାଡ଼୍‌ଦ ମିତାକେ ମାଚାପ୍ ଆଡ଼୍‌ସାୟ୍ ଆୱାଦାଙ୍ଗ୍ କାମାୟ୍ କିଜି ମାଚାପ୍।

୨ ଥେସଲନୀକିୟ 3:9

ଆପେଙ୍ଗ୍ କଷ୍ଟ କିନାପା, ଆରେ ମା ଆଦିକାର୍ ମାନାତ୍ ଯେ, ଏପେଙ୍ଗ୍ ମାଙ୍ଗେଙ୍ଗ୍ ସାଇଜ କିଦାଟ୍ ଇଞ୍ଜି ଇଞ୍ଜେଙ୍ଗ୍ ଆଡ଼୍‌ଦାନାପ୍, ମାତର୍ ଆପେଙ୍ଗ୍ ହେଲେକେ କିୱାତାପ୍‌ନା। ଇନେସ୍‌କି ଆପେଙ୍ଗ୍ ଇଚା କିଜି ମାଚାପ୍ ଯେ, ଆପେଙ୍ଗ୍ ଇନେସ୍‌ଲେକେ କିଜି ମାଚାପ୍ ହେଲେକେ ଏପେଙ୍ଗ୍ ପା କିୟାଟ୍।

୨ ତିମଥି 4:2

ଈଶ୍ୱର କାତା ଶୁଣାୟ୍ କିୟାଟ୍, ସମୟ୍‌ତ କି ଅସମୟତ ପା କାତା ଶୁଣାୟ୍ କିଦେଙ୍ଗ୍ ରେଡି ଆଡ। ଏପେଙ୍ଗ୍ ପୁରା ଶାନ୍ତି ଆରେ ମାନ୍‌ଦିୟାନ୍ କିଜି ମାନାୟାରିଙ୍ଗ୍ ବୁଲ୍ କିନିହିଙ୍ଗ୍ ଟିକ୍ କିୟିକିୟାଟ୍, ପାପ୍ କାମାୟ୍ କିନିହିଙ୍ଗ୍ ରିସା ଆରେ ହେୱାରିଙ୍ଗ୍ ହାର୍ଦି ହିକ୍ଷାହିଜି ସାହାସ୍ ହିୟାଟ୍।

ଏବ୍ରି 10:34

ଜଇଲ୍ ଇଞ୍ଜ ମାନି ମାନାୟାର୍ କଷ୍ଟ ହୁଦାଙ୍ଗ୍ ଏପେଙ୍ଗ୍ ମାହାଆଜି କଷ୍ଟ ପାୟାଆତାଦେର୍। ମି ଦନ୍‌ସମ୍ଫତି ମାନାୟାର୍ ଚର୍‌କିଜି ଅନିହିଙ୍ଗ୍, ଏପେଙ୍ଗ୍ ଇଦାଙ୍ଗ୍‌ତିଙ୍ଗ୍ ୱାରିତାଙ୍ଗ୍ ଆସ୍ତାଦେର୍। ଇନେସ୍‌କି ଈଶ୍ୱର ପାର୍ମାଣ୍‌କିତି ସମ୍ଫତି ବେସି ହାର୍ ଆରେ ୱିଜୁଦିନ୍ ମାନ୍‌ଗାନାତ୍ ଇଞ୍ଜି ଏପେଙ୍ଗ୍ ପୁଚାଦେର୍‌ନା।

୧ ପିତର 1:6

ଏପେଙ୍ଗ୍ ଯଦି ଅଲପ୍‌ଦିନ୍ କାଜିଙ୍ଗ୍ ବିନ୍-ବିନ୍ ଦୁକ୍‌କଷ୍ଟ ପାୟାଆଜି ଦୁକ୍ ଆତିସ୍‌ପା, ଇ ୱିଜୁ ଜିନିଷ୍ କାଜିଙ୍ଗ୍ ୱାରିୟାଆନି ଦର୍‌କାର୍।

୧ ପିତର 1:8

ଏପେଙ୍ଗ୍ ଯୀଶୁଙ୍ଗ୍ ଇନାୱେଡ଼ାଙ୍ଗ୍ ପା ହୁଡ଼୍‌ୱାତାଦେର୍‌ନା, ମାତର୍ ନଙ୍ଗୟ୍ ପାତେକ୍ ହେୱାନିଙ୍ଗ୍ ଲାଡ୍ କିନାଦେରା। ଏପେଙ୍ଗ୍ ନଙ୍ଗୟ୍ ଯୀଶୁଙ୍ଗ୍ ହୁଡ଼୍‌ୱାତାଦେର୍‌ନା ମାତର୍ ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା। ଲାଗିଙ୍ଗ୍ ଏପେଙ୍ଗ୍ ବେସି ୱାରିୟା ଆନାଦେରା ହେଦାଙ୍ଗ୍ କାତା ୱେଚ୍‌ଚି ବୁଜାୟ୍ କିୟି ଆଉତ୍।

୧ ପିତର 3:13

ଏପେଙ୍ଗ୍ ବେସି ଇଚାତାଙ୍ଗ୍ ହାର୍ କାମାୟ୍ କିତିସ୍ ଇନେର୍ ପା ମିଦି ଲସ୍ କିଦୁର୍।

୩ ଯୋହନ 1:11

ଏ ନା ଲାଡ୍‌ନି ସାଙ୍ଗ କାଦେର୍, କରାପ୍ ମାନାୟାର୍ କାମାୟ୍‌ତିଙ୍ଗ୍ ଏପେଙ୍ଗ୍ ହିକାଆମାଟ୍, ମାତର୍ ହାର୍ଦି କାମାୟ୍ କିନାକାର୍ କାମାୟ୍ ହିକାଆଡ। ଇମ୍‌ଣି ମାନାୟ୍ ହାର୍ କାମାୟ୍ କିନାନ୍ ହେୱାନ୍ ଈଶ୍ୱର ମେହି ଇଞ୍ଜି ପୁନ୍ୟା ଆନାତ୍, ଆରେ ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍ ତା କରାପ୍ କାମାୟ୍‌ତିଙ୍ଗ୍ ହୁଡ଼୍‌ଜି ପୁନିୟା ଆନାତ୍‌ ଯେ, ହେୱାନ୍ ଈଶ୍ୱରତିଙ୍ଗ୍ ପୁନ୍‌ୱାତାନ୍‌ନା।