୧ ପିତର 5:7 - New Testament in Pengo Parja Language

⁷ ଏପେଙ୍ଗ୍ ଈଶ୍ୱରତିଙ୍ଗ୍ ମି ୱିଜୁ ଚିନ୍ତାତିଙ୍ଗ୍ ୱେଚାଟ୍, ଇନେସ୍‌କି ମି କାଜିଙ୍ଗ୍ ଈଶ୍ୱର ଚିନ୍ତା କିନାନା।

ସତ୍‌ ବଚନ୍‌ ପୁନି ନିୟମ୍‌

⁷ ମିଦାଂ ୱିଜ଼ୁ ଚିତାନି କାଉଡ଼ି ଇସ୍ୱର୍‌ତି ଜପି ତୁହିୟାଟ୍, ଇନେକିଦେଂକି ହେୱାନ୍ ମି କାଜିଂ ଚିତା କିନାନ୍‌ ।

୧ ପିତର 5:7 ပူးပေါင်းရင်းမြစ်များ

ମାତିଉ 6:27

ମି ବିତ୍ରେ ଇନେର୍ ଇଲେକେ ମାନାର୍, ଇନେର୍ ଇଦାଙ୍ଗ୍ କାଜିଙ୍ଗ୍ ଚିନ୍ତା କିଜି-କିଜି ବେସି ଜିଦେଙ୍ଗ୍ ଆଡ୍‌ନାଦେର୍?

ମାତିଉ 6:28

ଆରେ ମି ହେନ୍ଦ୍ରା କାଜିଙ୍ଗ୍ ଇନା ଚିନ୍ତା କିନାଦେରା? ବାଡ଼୍‍ଦି ପୁଇକୁକାଙ୍ଗ୍ ହୁଡ଼୍‌ଜି ହିକାଆଡୁ, ହେ ୱିଜୁ ଇନେସ୍ କିଜି ଡିନିକ୍, ହେ ୱିଜୁ କଷ୍ଟ କିଉକ୍, କି ନୁଲ୍ ଡ଼ଚୁକ୍।

ମାତିଉ 6:31

ଲାଗିଙ୍ଗ୍ ଇନାକା ତିନାଙ୍ଗ୍ କି ଇନାକା ଉଣାଙ୍ଗ୍ ହେ ବିଷୟରେ ଅଲପ୍‌ପା ଚିନ୍ତା କିମାଟ୍।

ମାର୍କ 4:38

ହେପାଦ୍ନା ଯୀଶୁ ଡଙ୍ଗା ପାଚେନି ମୁଣ୍ଡିତ କାପ୍‌ଡ଼ା ଡ଼ାପ୍‍ଚି ହୁନ୍‍ଜି ମାଚାନ୍, ଚେଲାହିର୍ ଯୀଶୁଙ୍ଗ୍ ନିକ୍‌ଚି ୱେଚ୍‌ଚାର୍, “ଏ ଗୁରୁ, ଡଙ୍ଗା ମୁଞ୍ଜ୍‌ନାତ୍‌ଦେ, ନିଙ୍ଗେଙ୍ଗ୍ ଇନାକା ଅଲପ୍‌ପା ଚିନ୍ତା ଆକାଇ?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:22

ଯୀଶୁ ଆରେରଗ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ଏପେଙ୍ଗ୍ ଇନାକା ତିନ୍‌ଞ୍ଜି ଜିନାଦେର୍, ହେଦାଙ୍ଗ୍ କାଜିଙ୍ଗ୍ ଚିନ୍ତା କିମାଟ୍। ଗାଗାଡ଼୍‌ତିଙ୍ଗ୍ ଡ଼ୁକ୍‌ତେଙ୍ଗ୍ ଇନାକା ଉସ୍‌ପାନାଙ୍ଗ୍ ଇଞ୍ଜି ହେ ବିଷୟରେ ଚିନ୍ତା କିମାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:26

ଲାଗିଙ୍ଗ୍ ଏପେଙ୍ଗ୍ ଯଦି ଇ ହିରୁ କାମାୟ୍ କିଦେଙ୍ଗ୍ ଆଡୁଦେରା, ଲାଗିଙ୍ଗ୍ ଜେକନି ଗାଜା କାମାୟ୍‌ତିଙ୍ଗ୍ ଇନେକିଦେଙ୍ଗ୍ ଚିନ୍ତା କିନାଦେରା?

ଜହନ୍‌ 10:13

ହେୱାନ୍ ହଲିଆ କାଜିଙ୍ଗ୍ ମେଣ୍ଢାକାଙ୍ଗ୍ ପିସ୍ତି ହାନାନ୍, ଆରେ ହେୱାନ୍ ମେଣ୍ଢାକାଙ୍ଗ୍ ଇନସ୍ତା କିଉନ୍।

ପିଲିପିୟ 4:6

ଏପେଙ୍ଗ୍ ଇନା ବିଷୟରେ ପା ଚିନ୍ତା କିମାଟ୍। ମାତର୍ ୱିଜୁ ବିଷୟରେ ଈଶ୍ୱରତାକେ ପାର୍ତାନା କିୟାଟ୍। ଆରେ ମିଙ୍ଗେଙ୍ଗ୍ ଇନାକା ଦର୍‌କାର୍ ହେୱାନିଙ୍ଗ୍ ଗୁୱାରି ଆରେ ଦନ୍ଯବାଦ୍ ହିଜି ଏନାଟ୍।