୧ ପିତର 2:17 - New Testament in Pengo Parja Language

¹⁷ ଏପେଙ୍ଗ୍ ୱିଜାରିଙ୍ଗ୍ ସନ୍‌ମାନ୍ ହିୟାଟ୍, ଏପେଙ୍ଗ୍ ଖ୍ରୀଷ୍ଟାନ୍ ଟଣ୍ଡେନ୍, ତଣ୍‌ଦେଲିକାଙ୍ଗ୍ ଲାଡ୍ କିୟାଟ୍, ଏପେଙ୍ଗ୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ, ଏପେଙ୍ଗ୍ ସାସନ୍ କିନି ମାନାୟାର୍ କାତା ମାନି କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

¹⁷ ୱିଜ଼ାରିଂ ସମାନ୍‌ୱାରି କିୟାଟ୍‌, କ୍ରିସ୍ଟଙ୍ଗ୍‌ ପାର୍ତି କିନି ଟଣ୍ଡାରିଂ ଜିଉନୱାଟ୍, ଇସ୍ୱର୍‌ତିଂ ପାଣ୍ଡ୍ରା ଆଡୁ, ରାଜାଙ୍ଗ୍‌ ସମାନ୍‌ୱାରି କିୟାଟ୍‌ ।

୧ ପିତର 2:17 ပူးပေါင်းရင်းမြစ်များ

ମାତିଉ 22:21

ହେୱାର୍ ଯୀଶୁଙ୍ଗ୍ ୱେଚ୍‌ଚାର୍, “କାଇସର୍ ରୋମ୍‍ନି ରାଜାତି।” ହେବେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇମ୍‌ଣାକା କାଇସର୍ ରାଜାତି ହେଦାଙ୍ଗ୍ କାଇସର୍ ମହା ରାଜାଙ୍ଗ୍ ହିଆଟ୍। ଆରେ ଇମ୍‌ଣାକା ଈଶ୍ୱରତି ହେଦାଙ୍ଗ୍ ଈଶ୍ୱରତିଙ୍ଗ୍ ହିଆଟ୍।”

ଜହନ୍‌ 13:35

ଏପେଙ୍ଗ୍ ଯଦି ଜାର୍-ଜାର୍‌ତିଙ୍ଗ୍ ଲାଡ୍ କିନାଦେର୍, ଲାଗିଙ୍ଗ୍ ୱିଜାକାର୍ ପୁଞ୍ଜ୍‌ନାର୍ ଯେ, ଏପେଙ୍ଗ୍ ନା ଚେଲା କାଦେର୍।”

ରୋମିୟ 12:10

ଏପେଙ୍ଗ୍ ଜାର୍ କୁଟୁମ୍‌ନି ମାନାୟାରିଙ୍ଗ୍ ଲାଡ୍ କିନିଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍। ଆରେ ଜାର୍-ଜାର୍‌ତିଙ୍ଗ୍ ସନ୍‌ମାନ୍ ହିବାଆଡ।

ରୋମିୟ 13:7

ହେଦାଙ୍ଗ୍ କାଜିଙ୍ଗ୍ ୱିଜୁ ମାନାୟାରିଙ୍ଗ୍ ଏପେଙ୍ଗ୍ ହିୟାଟ୍ ହେୱାର୍ ଇମ୍‌ଣାକା ପାୟାଆନି ଅଦିକାର୍ ମାନାତ୍। ଇନେରିଙ୍ଗ୍ ସିସ୍ତୁ ହିନି କାତା ହେୱାନିଙ୍ଗ୍ ସିସ୍ତୁ ହିୟାଟ୍ ଇମ୍‌ଣାକାର୍ ମି କାଜିଙ୍ଗ୍ କାମାୟ୍ କିନାରା, ଆରେ ଇମ୍‌ଣି ମାନାୟାର୍ ସନ୍‌ମାନ୍ ପାୟାଆନି ଅଦିକାର୍ ମାନାତ୍ ହେୱାରିଙ୍ଗ୍ ସନ୍‌ମାନ୍ ହିୟାଟ୍।

୨ କରନ୍ତିୟ 7:1

ଏ ନା ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଈଶ୍ୱର ମାଙ୍ଗେଙ୍ଗ୍ ତା ହିମ୍‌ଣାୱାକ୍‌ଡ଼ା ଆଦେଙ୍ଗ୍ ପାର୍ମାଣ୍ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ କରାପ୍ କାମାୟ୍ ୱିଜୁ କିନାକା ବନ୍ଦ୍ କିନି ଦର୍‌କାର୍ ଇମ୍‌ଣାକା ମା ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ କରାପ୍ କିନାତା। ଆରେ ଆସେଙ୍ଗ୍ ଈଶ୍ୱରତିଙ୍ଗ୍ ସନ୍‌ମାନ୍ କିଜି ମାନି କାଜିଙ୍ଗ୍ ଆସେଙ୍ଗ୍ ଈଶ୍ୱର ଇଚା କିନିଲେକେ କାମାୟ୍ କିନି ଦର୍‌କାର୍।

ଏପିସିୟ 5:21

ଖ୍ରୀଷ୍ଟଙ୍ଗ୍ ସନ୍‌ମାନ୍ କିନି କାଜିଙ୍ଗ୍ ଜାର୍-ଜାର୍ ମାନା-ମାନି ଆଜି ମାନାଟ୍।

ପିଲିପିୟ 2:3

ଜାର୍ ବିଷୟରେ ନେ ବାବିକିମାଟ୍। ଆରେ ବାଟ୍‌ପାଣିଆ ଆଜି ନିଜେ ଗାଜା ଇଞ୍ଜି ଚଚିୟା ଆମାଟ୍, ମାତର୍ ଜେକନି ମାନାୟାରିଙ୍ଗ୍ ସନ୍‌ମାନ୍ କିଜି ନିଜେ ହିରୁ ଆଜି ମାନାଟ୍।

୧ ତିମତି 6:1

ଇମ୍‌ଣି ପାର୍ତିକିନି ଟଣ୍ଡାର୍ ଦାସ୍ ଆଜି ର ମାଲିକ୍ ତାରେନ୍ ମାନାରା, ହେୱାର୍ ତା ମାଲିକ୍‌ତିଙ୍ଗ୍ ୱିଜୁ କାମାୟ୍‌ତାକେ ସନ୍‌ମାନ୍ ହିନି ଦର୍‌କାର୍। ଲାଗିଙ୍ଗ୍ ଜେକନିକାର୍ ଈଶ୍ୱରତିଙ୍ଗ୍ ଆରେ ମା ହିକ୍ଷାତିଙ୍ଗ୍ ନିନ୍ଦା କିଦେଙ୍ଗ୍ ଆଡୁର୍।

ଏବ୍ରି 13:1

ପାର୍ତିକିନି ଟଣ୍ଡେନ୍ ତଣ୍‌ଦେକ୍‌ତି ଲାଡ୍ ଲେକେ ଏପେଙ୍ଗ୍ ଲାଡ୍‌ତାଙ୍ଗ୍ ମାନାଟ୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ପିତର 2:13

ହେଦାଙ୍ଗ୍ କାଜିଙ୍ଗ୍ ୱିଜୁ ସାସନ୍ କିନି ମାନାୟାର୍ କାତା ମାନିକିନି ଦର୍‌କାର୍, ଇନେସ୍‌କି ହେଦାଙ୍ଗ୍ ମାପୃ ଇଚା। ଏପେଙ୍ଗ୍ ୱିଜାକାରିଙ୍ଗ୍ ସାସନ୍ କିଦ୍‌ନି ରାଜାର୍ କାତା ମାନିକିନି ଦର୍‌କାର୍।

୧ ପିତର 5:5

ହେଲେକେ ଏ ଦାଙ୍ଗ୍‌ଣା ହିମ୍‌ଣା କାଦେର୍, ଏପେଙ୍ଗ୍ ମଣ୍ଡ୍‌ଲିନି ପ୍ରାଚିନାର୍ କାତା ମାନିକିଜି ମାନାଟ୍। ଏପେଙ୍ଗ୍ ଦରମ୍‌ଆଜି ଜାର୍-ଜାର୍‌ତିଙ୍ଗ୍ ହେବା କିବା ଆଡ, ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ଈଶ୍ୱର ବାଟ୍‌ପାଣ୍ ଆନି ମାନାୟାରିଙ୍ଗ୍ ବିରଦ୍ କିନାନ୍, ମାତର୍ ଦରମ୍ ମାନାୟାରିଙ୍ଗ୍ ଈଶ୍ୱର ଦୟା କିନାନ୍।”