୧ ଯୋହନ 3:20 - New Testament in Pengo Parja Language

²⁰ ଆରେ ମା ମାନ୍ ଏଚେପାଦ୍ନା ପାପ୍ କିତାୟ୍‍ନା ଇଞ୍ଜି ଦସ୍ କିଦ୍‌ନାତ୍। ହେପାଦ୍ନା ଆସେଙ୍ଗ୍ ଈଶ୍ୱରତାକେ ପାର୍ତାନା କିନି ଦର୍‌କାର୍। ଲାଗିଙ୍ଗ୍ ହେୱାନ୍ ମା ମାନ୍‌ତିଙ୍ଗ୍ ତିର୍ କିଦ୍‌ନାନ୍‌। ଇନେସ୍‌କି ଈଶ୍ୱର ମା ଗରବ୍‌ତାଙ୍ଗ୍ ଗାଜାକାନ୍, ଆରେ ହେୱାନ୍ ୱିଜୁ ପୁନାନା।

ସତ୍‌ ବଚନ୍‌ ପୁନି ନିୟମ୍‌

²⁰ ଆରେ ଇମ୍‌ଣି ବିସ୍ରେ ମା ମାନ୍ତ ମାଙ୍ଗ୍‌ ଦସି କିଦ୍‌ନାତ୍‌, ହେ ବିସ୍ରେ ତାକାଜିଂ ହେୱାନ୍ତି ମୁମ୍‌ଦ ଜାର୍‌ତି ଇଚାତ ସୁସ୍ତା କିଦେଙ୍ଗ୍‌ ଆଡ୍‌ନାସ୍‌; ଇନେକିଦେଂକି ଇସ୍ୱର୍‌ ମା ମାନ୍ତାଙ୍ଗ୍‌ ଗାଜା ଆରି ହେୱାନ୍ ୱିଜ଼େ ପୁନାନ୍‌ ।

୧ ଯୋହନ 3:20 ပူးပေါင်းရင်းမြစ်များ

ଜହନ୍‌ 21:17

ଆରେ ତିନ୍‌ହଟ୍ ହେୱାନ୍ ହେୱାନିଙ୍ଗ୍ ୱେନ୍‌ବାତାନ୍, “ଯୋହନ ମେହି ଶିମୋନ, ଏନେଙ୍ଗ୍ ନାଙ୍ଗେଙ୍ଗ୍ ଲାଡ୍ କିଦ୍‌ନାୟା କି?” ପିତର ଦୁକ୍ ଆତାନ୍, ଇନେସ୍‌କି ଯୀଶୁ ହେୱାନିଙ୍ଗ୍ ତିନ୍‌ହଟ୍ ହେ ବେଣ୍ ୱେନ୍‌ବାତାନ୍, “ନାଙ୍ଗେଙ୍ଗ୍ ଲାଡ୍ କିଦ୍‌ନାୟା କି?” ପିତର ୱେଚ୍‌ଚାନ୍, “ମାପୃ, ଏନେଙ୍ଗ୍ ୱିଜୁ ବିଷୟ ପୁଚାଇନା। ଆନେଙ୍ଗ୍ ନିଙ୍ଗେଙ୍ଗ୍ ଲାଡ୍ କିଦ୍‌ନାନ୍ ଇଞ୍ଜି ଏନେଙ୍ଗ୍ ପୁଚାଇନା।” ଯୀଶୁ ପିତରତିଙ୍ଗ୍ ୱେଚ୍‌ଚାନ୍, “ନା ମେଣ୍ଢାକାଙ୍ଗ୍ ଚିଚ୍‌ପା।

ଜହନ୍‌ 8:9

ଇମ୍‌ଣାକାର୍ ଯୀଶୁ ବେଣ୍ ୱେଚାର୍ ହେୱାର୍ ରକାର୍-ରକାର୍ ଆଜି ହାଞ୍ଜେଙ୍ଗ୍ ଲାଗାତାର୍। ପାର୍ତୁମ୍ ବୁଡ଼ାର୍‌ ହାଚାର୍, ଆରେ ଜେକନିକାର୍ ହାଚାର୍। ମାତର୍ ଯୀଶୁ ଆରେ ହେ କଗ୍‌ଲେ ନେ ହେବେ ମାଚାର୍।

ପକ୍ୟାତାକା 5:33

ଇବେଣ୍ ୱେନ୍‌ଞ୍ଜି ବିଚାର୍‌କିନି ମିଟିଙ୍ଗ୍ ନିକାର୍ ବେସି ରିସାଆତାର୍। ଆରେ ହେୱାରିଙ୍ଗ୍ ଅହ୍‌ନି କାଜିଙ୍ଗ୍ ଉପାୟ୍ କିତାର୍।

ରୋମିୟ 8:34

ଇନେର୍ ପା ମାଙ୍ଗେଙ୍ଗ୍ ଦସି କିତ୍‌ଦେଙ୍ଗ୍ ଆଡ଼୍‌ଦୁର୍, ଇନେସ୍‌କି ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତାନ୍‌ନା। ଆରେ ହେ ମାରାଣ୍‌ତାଙ୍ଗ୍ ମା କାଜିଙ୍ଗ୍ ଜିବୁନ୍ ଆତାନ୍‌ନା। ହେୱାନ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱରତାକେ ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ମାପଣ୍ଡାଙ୍ଗ୍ ଆଜି ଈଶ୍ୱରତିଙ୍ଗ୍ ଗୁୱାରି କିନାନା।

୧ କରନ୍ତିୟ 4:4

ଆନେଙ୍ଗ୍ ପୁଚାଙ୍ଗ୍‌ନା ଯେ, ଇନା ବୁଲ୍ କିୱାତାଙ୍ଗ୍‌ନା, ମାତର୍ ଆନେଙ୍ଗ୍ ହେଦାଙ୍ଗ୍ ୱେଚ୍‌ଚିସ୍ ଟିକ୍ ଆଉତ୍। ହେଦାଙ୍ଗ୍ ମାପୃ ନାଙ୍ଗେଙ୍ଗ୍ ପରିକ୍ଷା କିଜି ବିଚାର୍ କିଦ୍‌ନାନ୍‌।

ତୀତସ 3:11

ଇନେସ୍‌କି ଇଦାଙ୍ଗ୍ ଏପେଙ୍ଗ୍ ପୁନାଟ୍ ଯେ ଇଲେକେ ମାନାୟ୍ ପୁନ୍‌ଞ୍ଜିବୁଜାଆଜି ପା ହେୱାନ୍ ବୁଲ୍ ହାଜ୍‌ଦିଙ୍ଗ୍ ହାନାନା ଆରେ ପାପ୍ କାମାୟ୍ କିନାନା। ଲାଗିଙ୍ଗ୍ ହେୱାନ୍ ଜାର୍ କିତି ପାପ୍ କାମାୟ୍ ହେୱାନିଙ୍ଗ୍ ଦସି କିନାତା।

ଏବ୍ରି 4:13

ଈଶ୍ୱର କାଣ୍‍କୁକାଙ୍ଗ୍ ଇମ୍‌ଣି ମାନାୟ୍ ପା ଡ଼ୁଗ୍‌ୱାତାର୍‌ନା। ଇନେସ୍‌କି ତା କାଣ୍‍କୁକାଙ୍ଗ୍ ୱିଜୁ ବିଷୟ ଚଞ୍ଜି ଆନାତ୍। ଆରେ ତା ମୁମ୍‌ଦ ମାଙ୍ଗେଙ୍ଗ୍ ୱିଜୁ କାତା ୱେଚ୍‌ଚେଙ୍ଗ୍ ଆନାତ୍ ଇନାକା ମା ଜିବୁନ୍ ମାନିହିଙ୍ଗ୍ କିତାସ୍‌ନା।

ଏବ୍ରି 6:13

ଈଶ୍ୱର ଏଚେପାଦ୍ନା ଅବ୍ରାହାମ ଲାଗାୟ୍ ପାର୍ମାଣ୍ କିଜି ମାଚାନ୍। ଶପତ୍ କିଦେଙ୍ଗ୍ ଈଶ୍ୱର ହେୱାନ୍‌ତାଙ୍ଗ୍ ଆରେ ଗାଜା ତର୍‌ ଗାଟାଆୱିତି କାଜିଙ୍ଗ୍। ହେୱାନ୍ ତା ଜାର୍ ତର୍‍ଦାଙ୍ଗ୍ ଶପତ୍ କିଜି ୱେଚ୍‌ଚାନ୍,

୧ ଯୋହନ 3:19

ଇଲେକେ ଆସେଙ୍ଗ୍ ଜେକନିକାରିଙ୍ଗ୍ ଲାଡ୍ କିନାସ୍, ଲାଗିଙ୍ଗ୍ ଆସେଙ୍ଗ୍ ଈଶ୍ୱର ମେହିକାସ୍ ଇଞ୍ଜି ପୁନାସ୍,

୧ ଯୋହନ 3:21

ଏ ନା ଲାଡ୍‌ନି ସାଙ୍ଗ କାଦେର୍, ଏଚେକାଡ଼୍‌ଦ ମା ମାନ୍ ପାପ୍ କିତାୟ୍‍ନା ଇଞ୍ଜି ଦସ୍ ହିଦୁତ୍। ଲାଗିଙ୍ଗ୍ ଆସେଙ୍ଗ୍ ସାସ୍ ଆଜି ଈଶ୍ୱରତାକେ ୱାଦେଙ୍ଗ୍ ଆଡ୍‌ନାସ୍।

୧ ଯୋହନ 4:4

ଏ କାଡ଼୍‌ଦେର୍, ଏପେଙ୍ଗ୍ ଈଶ୍ୱର ମାନାୟ୍ କାଦେର୍, ଆରେ ଏପେଙ୍ଗ୍ ହେୱାର୍ ଈଶ୍ୱରତାଙ୍ଗ୍ ୱେନ୍‌ୱାଦାଙ୍ଗ୍ ମିଚ୍ ୱେଚ୍‌ନି ମାନାୟାର୍ କାତାତିଙ୍ଗ୍ ପାର୍ତି କିୱାତାଦେର୍‍ନା। ଇନେସ୍‌କି ମି ବିତ୍ରେ ପବିତ୍ର ଆତ୍ମା ମାନାତ୍, ଆରେ ହେ ପବିତ୍ର ଆତ୍ମା ନେ ପୁର୍ତିନି ଶୟତାନନି ଆତ୍ମାତାଙ୍ଗ୍ ପା ଗାଜା।

ହତ୍‌ତି 2:23

ଆନେଙ୍ଗ୍ ତା ହିକ୍ଷାତିଙ୍ଗ୍ ମାନି କିନାକାରିଙ୍ଗ୍ ମାର୍ନେ ଅହ୍‌ନାଙ୍ଗ୍, ଲାଗିଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ ପୁନାର୍ ଯେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜାର୍ ମାନ୍ତି ବାବ୍‌ନାତିଙ୍ଗ୍ ଆରେ ଚିନ୍ତାତିଙ୍ଗ୍ ପୁନି ମାନାୟ୍। ଆରେ ଆନେଙ୍ଗ୍ ମି ଜାର୍-ଜାର୍ କାମାୟ୍ ଅନୁସାରେ ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାଙ୍ଗ୍।