୧ ଯୋହନ 2:8 - New Testament in Pengo Parja Language

⁸ ଆତିସ୍‌ପା ଆନେଙ୍ଗ୍ ପୁନି ଆଦେସ୍ ମିତାକେ ଲେକିକିନାଙ୍ଗା, ଇଦାଙ୍ଗ୍ ଖ୍ରୀଷ୍ଟତାକେ ଆରେ ମିତାକେ ସତ୍ ଇଞ୍ଜି ପୁନ୍ୟା ଆନାତା। ଇନେସ୍‌କି ମାଜ୍‌ଗାଲେକେ କରାପ୍ କାମାୟ୍‌ତିଙ୍ଗ୍ ଗୁଚାୟ୍ କିତାନ୍‌ନା, ଆରେ ଅଜଡ଼୍‌ଲେକେ ଈଶ୍ୱରତି ସତ୍‌ତିଙ୍ଗ୍ ମାନାୟାର୍ ହୁଡ଼୍‌ନାରା।

ସତ୍‌ ବଚନ୍‌ ପୁନି ନିୟମ୍‌

⁸ ମାତର୍‌ ଇଦିଲିଂ ର ପୁନି ବଲ୍‌ ଲାକେ ଇବେ ଆନ୍‌ ଲେକିକିନାଙ୍ଗା, ଇଦାଂ ତା ତାକେ ଆରି ମି ତାକେ ହାତ୍‌ପା ଇଞ୍ଜି ହନାତ୍‌ । ଇନେକିଦେଂକି ମାଜ୍‌ଗା ଗୁଚାଆନାତା ଆରି ହାତ୍‍ପା ଅଜଡ଼୍‌ ହତାତେ ।

୧ ଯୋହନ 2:8 ပူးပေါင်းရင်းမြစ်များ

ମାତିଉ 4:16

ୱେନାଟ୍। ଇମ୍‌ଣାକାର୍ ମାଜ୍‌ଗାତାକେ ମାଚାର୍, ହେୱାରିଙ୍ଗ୍ ମାପୃ ଅଜଡ଼୍ ଚଚ୍‌ଚାନ୍। ଇମ୍‌ଣାକାର୍ ଦୁଗେର୍ ଲେକେ ମାଜ୍‌ଗା ଦେସ୍‌ତ ମାଚାର୍, ହେୱାର୍ ଜପି ଅଜଡ଼୍ ପଡ଼୍‌ତାତ୍‌।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:79

ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍ ମାଜ୍‌ଗାତ ମାନି ମାନାୟ୍, ଆରେ ହାଃଦେଙ୍ଗ୍ ପାଣ୍ଡ୍ରାଆନି ମାନାୟାରିଙ୍ଗ୍ ହେୱାନ୍ ର ଅଜଡ଼୍‌ଲେକେ ଆନାନ୍। ହେୱାନ୍ ମାଙ୍ଗେଙ୍ଗ୍ ଶାନ୍ତିତାଙ୍ଗ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍‌ନାନ୍।”

ଜହନ୍‌ 1:9

ହେ ସତ୍ ଅଜଡ଼୍ ପୁର୍ତିତାକେ ୱାଜି ମାଚାତ୍। ଆରେ ହେ ଅଜଡ଼୍ ମାନାୟ୍‌ତିଙ୍ଗ୍ ଅଜଡ଼୍ ହିଦ୍‌ନାନ୍।

ଜହନ୍‌ 12:35

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମି ଲାଗାୟ୍ ଆରେ ଅଲପ୍‌ଦିନ୍ ଅଜଡ଼୍ ମାନ୍‌ଗାନାତ୍। ଲାଗିଙ୍ଗ୍ ଅଜଡ଼୍ ମି ଲାଗାୟ୍ ମାନି ପାତେକ୍ ତାଙ୍ଗାଟ୍। ଲାଗିଙ୍ଗ୍ ମାଜ୍‌ଗା ମିଙ୍ଗେଙ୍ଗ୍ ଆସ୍ତେଦେଙ୍ଗ୍ ଆଡ଼୍‌ଦୁତ୍। ମାଜ୍‌ଗାତାକେ ତାଙ୍ଗ୍‌ନାକାନ୍ ଇମେନିପଣ୍ ହାନାନା ପୁଞ୍ଜେଙ୍ଗ୍ ଆଡୁନ୍।

ଜହନ୍‌ 12:46

ଆନେଙ୍ଗ୍ ଅଜଡ଼୍‌ଲେକେ ପୁର୍ତିତାକେ ୱାତାଙ୍ଗ୍‌ନା। ଇନେର୍ ନାଙ୍ଗେଙ୍ଗ୍ ପାର୍ତି କିଦ୍‌ନାର୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତାକେ ମାନୁନ୍।

ଜହନ୍‌ 13:34

ଆନେଙ୍ଗ୍ ମିଙ୍ଗେଙ୍ଗ୍ ପୁନି ଆଦେସ୍ ହିଦ୍‌ନାଙ୍ଗା। ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍। ଆନେଙ୍ଗ୍ ମିଙ୍ଗେଙ୍ଗ୍ ଇନେସ୍‌କିଜି ଲାଡ୍ କିଦ୍‌ନାଙ୍ଗା, ଏପେଙ୍ଗ୍ ପା ଜାର୍-ଜାର୍‌ତିଙ୍ଗ୍ ହେଲେକେ ଲାଡ୍‌କିନି କାତା।

ଜହନ୍‌ 8:12

ପାଚେ ଯୀଶୁ ଆରେରଗ ହିକ୍ଷାହିଜି ୱେଚ୍‌ଚାନ୍, “ଆନେଙ୍ଗ୍ ପୁର୍ତିନି ଅଜଡ଼୍, ନା ପାଚେ ଇମ୍‌ଣାକାନ୍ ୱାନାନ୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତ ତାଙ୍ଗୁନ୍। ମାତର୍ ହେୱାନ୍ ଜିବୁନ୍‌ହିନି ଅଜଡ଼୍ ପାୟା ଆନାନ୍।”

ପକ୍ୟାତାକା 17:30

ଆଗେନି ଇ ଅବୁଜାନି କାମାୟ୍‌ତିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଦିୟାନ୍ କିୱାଦାଙ୍ଗ୍ ମାଚାନ୍। ମାତର୍ ନଙ୍ଗୟ୍ ହେୱାନ୍ ୱିଜୁ ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଆଦେସ୍ ହିତାନ୍‌ନା।

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ରୋମିୟ 13:12

ଆସେଙ୍ଗ୍ କରାପ୍ ପୁର୍ତିତାକେ ଜିନି ଦିନ୍ ର ରାତି ସେସ୍ ଆନିଲେକେ ସେସ୍ ଆନାତ୍‌ଦେ, ଆରେ ଖ୍ରୀଷ୍ଟ ଆରେରଗ ପୁର୍ତିତାକେ ୱାନିଦିନ୍ ଇକାୱାତାତେ। ଲାଗିଙ୍ଗ୍ ଆସେଙ୍ଗ୍ ମାଜାଗାତାକେ କିନି ୱିଜୁ କରାପ୍ କାମାୟ୍ ବନ୍ଦ୍ କିନି ଦର୍‌କାର୍, ଆରେ ର ସେନା ୱେଡ଼ାଲିଙ୍ଗ୍ ତା ଯୁଜ୍ କିନିହିଙ୍ଗ୍ ତା ଗାଗାଡ଼୍‌ତାକେ ଉସ୍‌ପାନାନ୍ ହେଲେକେ ଆସେଙ୍ଗ୍ କରାପ୍ କାମାୟ୍‌ତିଙ୍ଗ୍ ବନ୍ଦ୍ କିନି କାଜିଙ୍ଗ୍ ହାର୍ କାମାୟ୍ କିନି ଦର୍‌କାର୍।

୨ କରନ୍ତିୟ 8:9

ଏପେଙ୍ଗ୍ ପୁଚାଦେର୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ନିଜେ ଇଚା କିଜି ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେୱାନ୍ ଗରିବ୍ ଆତି କାଜିଙ୍ଗ୍ ଆସେଙ୍ଗ୍ ହାଉକାର୍ ଆୟା ଆନାତ୍, ଲାଗିଙ୍ଗ୍ ହେୱାର୍ ହାଉକାର୍ ମାଚିସ୍ ପା ହେୱାନ୍ ମା କାଜିଙ୍ଗ୍ ଗରିବ୍ ଆଜି ମାଚାନ୍।

ଏପିସିୟ 5:8

ଇନେସ୍‌କି ଏପେଙ୍ଗ୍ ଆଗେ ମାଜ୍‌ଗାତାକେ ମାଚାଦେର୍, ମାତର୍ ନଙ୍ଗୟ୍ ମାପୃତାକେ ରବେ ଆତି କାଜିଙ୍ଗ୍ ଅଜଡ଼୍‌ତାକେ ମାନାଦେର୍। ଲାଗିଙ୍ଗ୍ ଅଜଡ଼୍‌ନି ହିମ୍‌ଣାଙ୍ଗ୍ ଲେକେ ବ୍ଯବହାର୍ କିୟାଟ୍।

୨ ତିମଥି 1:10

ମାତର୍ ନଙ୍ଗୟ୍ ମାଙ୍ଗେଙ୍ଗ୍ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ୱାତାନ୍‌ନା ଆରେ ତା ଦୟା ଚଚ୍‌ଚାତାନ୍‌ନା। ହେୱାନ୍ ହାଃନି ଶାକ୍ତିତିଙ୍ଗ୍ ଆରାଇ କିତାନ୍‌ନା। ଆରେ ହାର୍ଦିକାବୁର୍ କାଜିଙ୍ଗ୍ ୱିଜ୍‌ୱି ଜିବୁନ୍‌ତାକେ ହାନି ହାଜି ମାନାତ୍ ଇଞ୍ଜି ଚଚ୍‌ଚାତାନ୍‌ନା।

୧ ପିତର 1:21

ଖ୍ରୀଷ୍ଟ ମିଙ୍ଗେଙ୍ଗ୍ ଇନାକା କିତି କାଜିଙ୍ଗ୍ ଏପେଙ୍ଗ୍ ନଙ୍ଗୟ୍ ଈଶ୍ୱରତିଙ୍ଗ୍ ପାର୍ତିକିନାରା, ଆରେ ଈଶ୍ୱର ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍‌ତି କାଜିଙ୍ଗ୍ ଆପେଙ୍ଗ୍ ତାଙ୍ଗେଙ୍ଗ୍ ପାର୍ତି ଆରେ ଆହା କିଜି ତାଙ୍ଗେଙ୍ଗ୍ ଗୌରବ କିନାପା।

୧ ଯୋହନ 3:23

ଈଶ୍ୱର ମାଙ୍ଗେଙ୍ଗ୍ ଇ ଆଦେସ୍ ହିତ୍‌ତାନ୍‌ନା ଯେ, ତା ମେହି ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି ଦର୍‌କାର୍, ଆରେ ହେୱାନ୍ ହିତ୍‌ତି ଆଦେସ୍ ଅନୁସାରେ ଜାର୍-ଜାର୍‌ବିତ୍ରେ ଲାଡ୍ କିୟାଆନାତ୍।

୧ ଯୋହନ 4:11

ଏ ନା ଲାଡ୍‌ନି ସାଙ୍ଗ କାଦେର୍, ଈଶ୍ୱର ମାଙ୍ଗେଙ୍ଗ୍ ଇଲେକେ ଲାଡ୍ କିତ୍‌ତାନ୍। ଲାଗିଙ୍ଗ୍ ଆସେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍।

୧ ଯୋହନ 4:21

ଆରେ ଈଶ୍ୱର ନିଜେ ଇ ଆଦେସ୍ ହିତ୍‌ତାନ୍‌ନା, ଇନେର୍ ଈଶ୍ୱରତିଙ୍ଗ୍ ଲାଡ୍ କିନାନା ହେୱାନ୍ ତା ଟଣ୍ଡାହିଙ୍ଗ୍ ପା ଲାଡ୍ କିନାନ୍।