୧ ଯୋହନ 2:3 - New Testament in Pengo Parja Language

³ ଯଦି ଆସେଙ୍ଗ୍ ତା ଆଦେସ୍‌ତିଙ୍ଗ୍ ମାନି କିନାସ୍, ଲାଗିଙ୍ଗ୍ ଆସେଙ୍ଗ୍ ନିଜେତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାସ୍ ଯେ, ଆପେଙ୍ଗ୍ ହେୱାନ୍‌ତାକେ ହାର୍ ରୱାଣ୍ ଇଡ଼୍‌ତାସ୍‌ନା।

ସତ୍‌ ବଚନ୍‌ ପୁନି ନିୟମ୍‌

³ ଜଦି ଆସେଙ୍ଗ୍‌ ତା ବଲ୍‌ ମାନି କିନାସ୍‌, ତେବେ ହେବେଣ୍ଡାଂ ପୁନାସ୍‌ ଜେ, ଆସେଙ୍ଗ୍‌ ତାଙ୍ଗେଙ୍ଗ୍ ପୁଚାସ୍‌ନା ।

୧ ଯୋହନ 2:3 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:46

ଯୀଶୁ ଆରେରଗ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ମାପୃ-ମାପୃ ଇଞ୍ଜି କୁକ୍ତାନାଦେରା? ମାତର୍ ଆନେଙ୍ଗ୍ ଇନାକା ୱେଚ୍‌ଚାନାଙ୍ଗା, ଏପେଙ୍ଗ୍ ତ ହେଦାଙ୍ଗ୍‌ତିଙ୍ଗ୍ ମାନି କିଉଦେରା।

ଜହନ୍‌ 14:15

ନାଙ୍ଗେଙ୍ଗ୍ ଯଦି ଏପେଙ୍ଗ୍ ଲାଡ୍ କିଦ୍‌ନାଦେର୍, ଲାଗିଙ୍ଗ୍ ନା ଆଦେସ୍‌ତାଙ୍ଗ୍ ଏପେଙ୍ଗ୍ କାମାୟ୍ କିନାଦେର୍।

ଜହନ୍‌ 15:10

ଆନେଙ୍ଗ୍ ନା ଆବା ଈଶ୍ୱର ଆଦେସ୍‌ତିଙ୍ଗ୍ ମାନିକିନାଙ୍ଗା ଆରେ ଆନେଙ୍ଗ୍ ତା ଲାଡ୍‌ତାକେ ତିର୍‌ଆଜି ମାନାଙ୍ଗା। ହେଲେକେ ଏପେଙ୍ଗ୍ ଯଦି ନା ଆଦେସ୍‌ତିଙ୍ଗ୍ ମାନିକିନାଦେର୍, ଲାଗିଙ୍ଗ୍ ଏପେଙ୍ଗ୍ ନା ଲାଡ୍‌ତାକେ ତିର୍‌ଆଜି ମାନାଦେର୍।

ଜହନ୍‌ 15:14

ଏପେଙ୍ଗ୍ ଆନେଙ୍ଗ୍ ୱେଚ୍‌ଚିତି ଲେକେ କାମାୟ୍ କିୟାଟ୍, ଲାଗିଙ୍ଗ୍ ଏପେଙ୍ଗ୍ ନା ସାଙ୍ଗ ଆନାଦେର୍।

ଜହନ୍‌ 17:3

ଏନେଙ୍ଗ୍ ରକାୟ୍ ସତ୍ ଈଶ୍ୱର, ନିଙ୍ଗେଙ୍ଗ୍ ଆରେ ଏନେଙ୍ଗ୍ ପକ୍ତିତି ଯୀଶୁ ଖ୍ରୀଷ୍ଟଙ୍ଗ୍ ପୁନାକା ନେ ୱିଜ୍‌ୱି ଜିବୁନ୍।

୨ କରନ୍ତିୟ 4:6

ଇନେସ୍‌କି ଈଶ୍ୱର ଆଗେ ୱେଚ୍‌ଚି ମାଚାନ୍, “ମାଜ୍‌ଗାତାକେ ଅଜଡ଼୍ ଆଏତ୍” ଆରେ ଇଲେକେ କିଜି ହେୱାନ୍ ତା ଗୌରବ ବୁଜାୟ୍ କିଜି ମାଚାତ୍ ଯେ, ହେ ଅଜଡ଼୍‌ଲେକେ ତା ଗୌରବ ଯୀଶୁ ଖ୍ରୀଷ୍ଟ ମୁମ୍‌ଦ ଚନ୍‌ଞ୍ଜି ମାଚାତ୍।

ଏବ୍ରି 5:9

ଇଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ପୁରାପୁରି ଟିକ୍ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଯଗ୍ୟ କିତାନ୍, ଆରେ ହେୱାନ୍‌ତାକେ ପାର୍ତିକିନି ମାନାୟାରିଙ୍ଗ୍ ହେୱାନ୍ ଯୁଗ୍-ଯୁଗ୍ କାଜିଙ୍ଗ୍ ଉଦାର୍ କିନାନ୍।

୧ ଯୋହନ 2:13

ଏ ଆବାର୍‌କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଖ୍ରୀଷ୍ଟ ଆଗେତାଙ୍ଗ୍ ମାନାନ୍, ଆରେ ଏପେଙ୍ଗ୍ ହେୱାନିଙ୍ଗ୍ ପୁଚାଦେର୍‌ନା। ଏ ଦାଙ୍ଗ୍‌ଣା ହିମ୍‌ଣା କାଦେର୍ ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଆବା ଈଶ୍ୱର ଶୟତାନ୍‌ତିଙ୍ଗ୍ ଆରାୟ୍ କିଦେଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିତ୍‌ତାନ୍‌ନା।

୧ ଯୋହନ 3:14

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ହାଃତି ମାନାୟ୍ ଲେକେ ଆକାୟ୍, ମାତର୍ ଆପେଙ୍ଗ୍ ୱିଜ୍‌ୱି ଜିବୁନ୍ ପାୟା ଆତାକାପ୍, ଇନେସ୍‌କି ଆପେଙ୍ଗ୍ ମା ଟଣ୍ଡାରିଙ୍ଗ୍ ଲାଡ୍ କିନାପା। ମାତର୍ ଇମ୍‌ଣି ମାନାୟ୍ ଜାର୍ ଟଣ୍ଡେନିଙ୍ଗ୍ ଲାଡ୍ କିଉନ୍ ହେୱାନ୍ ହାଃତି ମାନାୟ୍ ଲେକେ।

୧ ଯୋହନ 3:19

ଇଲେକେ ଆସେଙ୍ଗ୍ ଜେକନିକାରିଙ୍ଗ୍ ଲାଡ୍ କିନାସ୍, ଲାଗିଙ୍ଗ୍ ଆସେଙ୍ଗ୍ ଈଶ୍ୱର ମେହିକାସ୍ ଇଞ୍ଜି ପୁନାସ୍,

୧ ଯୋହନ 3:6

ଇମ୍‌ଣି ମାନାୟ୍ ଖ୍ରୀଷ୍ଟତାକେ ମାନାନ୍, ହେୱାନ୍ ପାପ୍ କିଉନ୍। ମାତର୍ ଇମ୍‌ଣି ମାନାୟ୍ ପାପ୍ କିଜି ମାନାନ୍, ହେୱାନ୍ ତାଙ୍ଗେଙ୍ଗ୍ ପୁନୁନେ କି ବୁଜାଆୱାତାନ୍‌ନା।

୧ ଯୋହନ 4:13

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ମା ଲାହାଙ୍ଗ୍ ମାନାନ୍, ଆରେ ଆସେଙ୍ଗ୍ ତା ଲାହାଙ୍ଗ୍ ମାନାସ୍, ଇନେସ୍‌କି ହେୱାନ୍ ମା ତାକେ ମାଞ୍ଜେଙ୍ଗ୍ ତା ପବିତ୍ର ଆତ୍ମା ହିତ୍‌ତାନ୍‌ନା।

୧ ଯୋହନ 4:7

ଏ ନା ଲାଡ୍‌ନି ସାଙ୍ଗ କାଦେର୍, ଆସେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍, ଇନେସ୍‌କି ଈଶ୍ୱରତାଙ୍ଗ୍ ହେ ଲାଡ୍ ୱାନାତ୍। ଆରେ ଇମ୍‌ଣି ମାନାୟ୍ ଜାର୍-ଜାର୍‌ବିତ୍ରେ ଲାଡ୍ କିନାନା, ହେୱାନ୍ ଈଶ୍ୱର ମେହିଙ୍ଗ୍ ଆରେ ଈଶ୍ୱରତିଙ୍ଗ୍ ପୁଚାନ୍‌ନା।

୧ ଯୋହନ 5:19

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ଈଶ୍ୱର ମେହିକାପ୍, ମାତର୍ ଶୟତାନ୍ ଇ ପୁର୍ତିନି ମାନାୟାରିଙ୍ଗ୍ ତା ଅଦିନ୍‌ରେ ଇଡ଼୍‌ତାତ୍‌ନା।

୧ ଯୋହନ 5:2

ଆସେଙ୍ଗ୍ ଯଦି ଈଶ୍ୱରତିଙ୍ଗ୍ ଲାଡ୍ କିନାସା, ଆରେ ତା ଆଦେସ୍‌ତିଙ୍ଗ୍ ମାନି କିନାସା। ଲାଗିଙ୍ଗ୍ ଆସେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାସ୍ ଯେ, ଆସେଙ୍ଗ୍ ଈଶ୍ୱର ମେହିରିଙ୍ଗ୍ ପା ଲାଡ୍ କିନାସା।

୧ ଯୋହନ 5:3

ଈଶ୍ୱରତିଙ୍ଗ୍ ଲାଡ୍‌କିନି ଅର୍ତ, ତା ଆଦେସ୍‌ତିଙ୍ଗ୍ ମାନିକିନାକା, ଆରେ ତା ଆଦେସ୍ ୱିଜୁ କଷ୍ଟ ଆକାୟ୍।

ହତ୍‌ତି 12:17

ତାପାଚେ ହେ ଗାଜା ରାଚ୍ ହେ କଗ୍‌ଲେଙ୍ଗ୍ ବେସି ରିସାଆତାତ୍, ଆରେ ତା ମେହିର୍ ବିରୁଦ୍‌ତାକେ, ଇନେର୍ ଈଶ୍ୱର ଆଦେସ୍‌ତିଙ୍ଗ୍ ମାନିକିଜି ମାଚାର୍ ଆରେ ଆପେଙ୍ଗ୍ ଯୀଶୁର୍ ଲକ୍ ଇଞ୍ଜି ୱେଚ୍‌ଚି ମାଚାର୍ ହେୱାର୍ ହୁଦାଙ୍ଗ୍ ଯୁଜ୍ କିଦେଙ୍ଗ୍ ଆରମ୍ କିତାତ୍।

ହତ୍‌ତି 14:12

ହେଦାଙ୍ଗ୍ କାଜିଙ୍ଗ୍ ଈଶ୍ୱର ୱିଜୁ ମାନାୟାରିଙ୍ଗ୍ ଇଲେକେ ଦୁଃକ୍ କଷ୍ଟ ୱାତିସ୍ ପା ସାସ୍ ଆଜି ମାନି ଦର୍‌କାର୍। ଈଶ୍ୱର ହେୱାରିଙ୍ଗ୍ ଇମ୍‌ଣି ଆଦେସ୍ ହିତିସ୍ ପା ହେ ଆଦେସ୍‌ତିଙ୍ଗ୍ ମାନିକିନି ଦର୍‌କାର୍ ଆରେ ଯୀଶୁଙ୍ଗ୍ ପାର୍ତି କିନାକା ବନ୍ଦ୍ କିୱି ଦର୍‌କାର୍।”

ହତ୍‌ତି 22:14

ଆରେ ଇମ୍‌ଣି ମାନାୟାର୍ ତା ହେନ୍ଦ୍ରାଙ୍ଗ୍ ମେଣ୍ଢା ଇନେର୍‌କି ଯୀଶୁ ନେତେର୍‌ତାକେ ନେ ନୁଜ୍‌ଦି ଡ଼ିଚ୍‌ଚାର୍‌ନା। ତା ଅର୍ତ ଇମ୍‌ଣି ମାନାୟାର୍ ତା ପାପ୍ ୱିଜୁ ନୁସ୍ତାର୍‌ନା, ଈଶ୍ୱର ହେୱାରିଙ୍ଗ୍ ଆଶ୍ରିବାଦ୍ କିତାନ୍‌ନା। ହେୱାର୍ ସହର୍‌ନି ଗେଟ୍‌ତିଙ୍ଗ୍ ହାଞ୍ଜେଙ୍ଗ୍ ଆଡ୍‌ନାର୍ ଆରେ ଜିବୁନ୍‌ହିନି ମାର୍‌ତାଙ୍ଗ୍ ପାଡ଼୍‌ତିଙ୍ଗ୍‌ ଚିଞ୍ଜେଙ୍ଗ୍ ଆଡ୍‌ନାର୍।