୧ ଯୋହନ 2:25 - New Testament in Pengo Parja Language

²⁵ ଆରେ ଈଶ୍ୱର ମାଙ୍ଗେଙ୍ଗ୍ ହିତ୍‌ତି ପାର୍ମାଣ୍ ନେ ୱିଜ୍‌ୱି ଜିବୁନ୍।

ସତ୍‌ ବଚନ୍‌ ପୁନି ନିୟମ୍‌

²⁵ ଆରେ ହେୱେନ୍ ମାଙ୍ଗେଙ୍ଗ୍ ଇନାକା ପାର୍ମାଣ୍‌ କିତ୍‍ତାନ୍‌ନା, ହେଦାଂ ୱିଜ଼୍‌ୱି ଜିବୁନ୍‌ ।

୧ ଯୋହନ 2:25 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:30

ହେୱାନ୍ ଇ ଯୁଗ୍‌ତ ବେସି ପାୟା ଆନାନ୍। ଆରେ ପାଚେନି କାଡ଼୍‌ଦ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଈଶ୍ୱର ହୁଦାଙ୍ଗ୍ ୱିଜ୍‌ୱିଦିନ୍ ପାତେକ୍ ମାନ୍‌ଗାନାନ୍।”

ଜହନ୍‌ 10:28

ଆନେଙ୍ଗ୍ ନା ମେଣ୍ଢାକାଙ୍ଗ୍ ୱିଜ୍‌ୱି ଜିବୁନ୍ ହିନାଙ୍ଗ୍। ହେୱେକ୍ ଇନାୱେଡ଼ାଙ୍ଗ୍ ପା ହାଃଉକ୍‌, ହେୱାରିଙ୍ଗ୍ କେଇଦାଙ୍ଗ୍ ଇନେର୍ ପା ନାବେତାଙ୍ଗ୍ କିସ୍ତି ଅଦେଙ୍ଗ୍ ଆଡୁର୍।

ଜହନ୍‌ 12:50

ଆନେଙ୍ଗ୍ ପୁନାଙ୍ଗ୍, ନା ଆବା ଈଶ୍ୱର ଇନାକା ଆଦେସ୍ ହିଦ୍‌ନାନ୍, ହେ ଆଦେସ୍‌ତାଙ୍ଗ୍ ୱିଜ୍‌ୱି ଜିବୁନ୍ ୱାନାତ୍। ଲାଗିଙ୍ଗ୍ ଆନେଙ୍ଗ୍ ଇନାକା ୱେଚ୍‌ତାଙ୍ଗ୍‌ନା, ହେଦାଙ୍ଗ୍ ୱେଚ୍‌ନି କାଜିଙ୍ଗ୍ ନାଙ୍ଗେଙ୍ଗ୍ ନା ଆବା ଈଶ୍ୱର ୱେଚ୍‌ଚାତାନ୍‌ନା।”

ଜହନ୍‌ 3:15

ଇଦାଙ୍ଗ୍ କାଜିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତାକେ, ପାର୍ତିକିନି ୱିଜାକାର୍ ୱିଜ୍‌ୱି ଜିବୁନ୍ ପାୟାଆନାର୍‌।

ଜହନ୍‌ 5:39

ଏପେଙ୍ଗ୍ ଦରମ୍ ସାସ୍ତର୍‌ତିଙ୍ଗ୍ ପିଡ଼ି କିନାଦେରା, ଆରେ ହେବେ ନେ ୱିଜ୍‌ୱି ଜିବୁନ୍ ପାୟାଆନାପ୍ ଇଞ୍ଜି ମାନ୍ତ ବାବିକିନାଦେରା। ମାତର୍ ହେ ଦରମ୍ ସାସ୍ତର୍ ନା ବିଷୟରେ ସାକି ହିଦ୍‌ନାତା।

ଜହନ୍‌ 6:27

ନଷ୍ଟ ଆନି କାଦିତିଙ୍ଗ୍ ଏପେଙ୍ଗ୍ କଷ୍ଟ କିମାଟ୍। ମାତର୍ ଇମ୍‌ଣି କାଦି ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ କାଜିଙ୍ଗ୍ ମାନ୍‌ଗାନାତ୍, ହେ କାଦି କାଜିଙ୍ଗ୍ କଷ୍ଟ କିୟାଟ୍। ହେ କାଦି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହିଦ୍‌ନାନ୍। ଇନେସ୍‌କି ଆବା ଈଶ୍ୱର ନାଙ୍ଗେଙ୍ଗ୍ ହେ ଆଦିକାର୍ ହିତ୍‌ତାନ୍‌ନା।”

ଜହନ୍‌ 6:40

ୱିଜାକାର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ହୁଡ଼୍‌ନାର୍, ଆରେ ହେୱାନ୍‌ତାକେ ପାର୍ତିକିନାର୍। ଆରେ ହେୱାର୍ ଇନେସ୍‌କି ୱିଜ୍‌ୱି ଜିବୁନ୍ ପାୟାଆନାର୍‌। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।”

ଜହନ୍‌ 6:47

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ‘ଇମ୍‌ଣାକାନ୍ ପାର୍ତିକିନାନ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍।

ଜହନ୍‌ 6:54

ଯଦି ଇମ୍‌ଣାକାନ୍ ନା ଗାଗାଡ଼୍‌ନି ଜେଇ ତିନାନ୍ ଆରେ ନା ନେତେର୍ ଉଣାନ୍, ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ହାଃତିତାଙ୍ଗ୍ ଜିବୁନ୍ କିନାଙ୍ଗ୍।

ଜହନ୍‌ 6:68

ଶିମୋନ ପିତର ହେୱାନିଙ୍ଗ୍ ୱେଚ୍‌ଚାନ୍, “ମାପୃ, ଆପେଙ୍ଗ୍ ଇନେର୍‌ତାକେ ହାନାପ୍? ନିବେ ତ ୱିଜ୍‌ୱି ଜିବୁନ୍ ମାନାତ୍।

ରୋମିୟ 2:7

ମାତର୍ ଇମ୍‌ଣାକାର୍ ସାସ୍ ଆଜି ହାର୍ କାମାୟ୍ କିନାର୍, ଗୌରବ, ସନ୍‌ମାନ୍ ଆରେ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ୱିଜୁଦିନ୍ ଦାହ୍‌ନାର୍, ଈଶ୍ୱର ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।

ରୋମିୟ 5:21

ଲାଗିଙ୍ଗ୍ ପାପ୍ ଇନେସ୍‌ଲେକେ ମାନାୟାରିଙ୍ଗ୍ ସାସନ୍ କିଜି ମାଚାତ୍ ଆରେ ହେୱାର୍ ହାଃତାର୍, ହେଲେକେ ଈଶ୍ୱର ଦୟା ସାସନ୍ କିନାତ୍ ଆରେ ଈଶ୍ୱର ଆଗେ ୱିଜାକାର୍‌ ଦରମ୍ ମାନାୟ୍ ଆତାର୍। ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜାକାର୍ ୱିଜ୍‌ୱି ଜିବୁନ୍ ପାୟାଆନାର୍‌।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

ଗାଲାତିୟ 6:8

ଇନେସ୍‌କି ଇମ୍‌ଣାକାନ୍ ଜାର୍ ଗାଗାଡ଼୍ ଇଚାତାଙ୍ଗ୍ ୱାରି କିଦେଙ୍ଗ୍ ନେ ଇଚାକିନାନ୍, ହେୱାନ୍ ଗାଗାଡ଼୍‌ତାଙ୍ଗ୍ ନଷ୍ଟ ବିଷୟ ଆରେ ହାଃନାନ୍। ମାତର୍ ଇମ୍‌ଣାକାନ୍ ପବିତ୍ର ଆତ୍ମାତିଙ୍ଗ୍ ନେ ୱାରି କିୟିକିଦେଙ୍ଗ୍ ଇଚାକିନାନ୍, ହେୱାନ୍ ଆତ୍ମାତାଙ୍ଗ୍ ୱିଜ୍‌ୱି ଜିବୁନ୍ ପାୟା ଆନାନ୍।

୧ ତିମତି 1:16

ଜେକନିକାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ୱିଜ୍‌ୱି ଜିବୁନ୍ ପାୟାଆନାର୍‌, ହେଦାଙ୍ଗ୍ ହେୱାର୍ ଲାଗାୟ୍ ଚଚ୍‌ନି କାଜିଙ୍ଗ୍ ଈଶ୍ୱର କାସି ମାନ୍‌ଞ୍ଜି ସାସ୍ ଆସ୍ତି ଦୟା କିତ୍‌ତାନ୍‌ନା।

୧ ତିମତି 6:12

ଯୁଜ୍ କିଦେଙ୍ଗ୍ ହାଚି ସେନା ଇନେସ୍ ଯୁଜ୍‌ତିଙ୍ଗ୍ ପିହୁନ୍, ହେଲେକେ ଏନେଙ୍ଗ୍ ପା ଈଶ୍ୱରତିଙ୍ଗ୍ ପାର୍ତି କିନାକା ପିହ୍‌ମା ଆରେ ହେୱାନିଙ୍ଗ୍ ମାନିକିଜି ମାନା। ଆରେ ୱିଜ୍‌ୱି ଜିବୁନ୍‌ତିଙ୍ଗ୍ ଆରାଇ କିମା, ଇଦାଙ୍ଗ୍ କାଜିଙ୍ଗ୍ ଈଶ୍ୱର ନିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଆରେ ବେସିହେନି ମାନାୟାର୍ ମୁମ୍‌ଦ ଯୀଶୁତାକେ ପାର୍ତି କିନାଙ୍ଗା ଇଞ୍ଜି ସାହାସ୍‌ତାଙ୍ଗ୍ ୱେଚ୍‌ଚାଇନା।

୧ ତିମତି 6:19

ଇଲେକେ କିତିସ୍ ହେୱାର୍ ବାକି ଜିବୁନ୍ କାଜିଙ୍ଗ୍ ହାତ୍‌ପା ମୁଡ଼୍‌ଦନ୍ ଜାର୍-ଜାର୍ କାଜିଙ୍ଗ୍ ରୁଣ୍ଡାଇ କିନାର୍, ହେଲେକେ ସତ୍ ଜିବୁନ୍ ପାୟାଆନାର୍‌।

ତୀତସ 1:2

ଇ ଲେକେ ଆତିସ୍ ହେୱାର୍ ଈଶ୍ୱର ହୁଦାଙ୍ଗ୍ ୱିଜ୍‌ୱି ଜିବୁନ୍ ମାଞ୍ଜେଙ୍ଗ୍ ଆହା କିତାର୍‌ନା। ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ ୱେଚୁନ୍, ହେୱାନ୍ ପୁର୍ତିତିଙ୍ଗ୍ ରହ୍‌ନି ଆଗେ ଇଦାଙ୍ଗ୍ ପାର୍ମାଣ୍ କିତାନ୍‌ନା ଯେ ତା ମାନାୟାର୍ ୱିଜ୍‌ୱି ଜିବୁନ୍ ପାତେକ୍ ମାନ୍‌ଗାନାର୍।

ତୀତସ 3:7

ଈଶ୍ୱର ଇଦାଙ୍ଗ୍ ୱେଚ୍‌ଚାତାନ୍‌ନା, ଇନେସ୍ ଆସେଙ୍ଗ୍ ତା ଦୟାତାଙ୍ଗ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାପ୍‌, ଆରେ ପୁରା ଆହାତାଙ୍ଗ୍ ୱିଜ୍‌ୱି ଜିବୁନ୍‌ନି ଆଦିକାର୍ ଆଦେଙ୍ଗ୍ ଆଡ୍‌ନାପ୍।

୧ ଯୋହନ 1:2

ହେୱାନ୍ ଜିବୁନ୍ ହିଦ୍‌ନି ମାନାୟ୍ ପୁର୍ତିତାକେ ୱାତାନ୍। ଆପେଙ୍ଗ୍ ହେୱାନିଙ୍ଗ୍ ହୁଡ଼୍‌ତାପ୍‌ନା, ଆରେ ତା ବିଷୟରେ ଆପେଙ୍ଗ୍ ସାକି ହିଦ୍‌ନାପା। ଆପେଙ୍ଗ୍ ତା ବିଷୟରେ ୱେଚ୍‌ଚାନାପା ଯେ, ହେୱାନ୍‌ନେ ୱିଜ୍‌ୱି ଜିବୁନ୍। ହେୱାନ୍ ଆବା ଈଶ୍ୱର ହୁଦାଙ୍ଗ୍ ଆଗେତାଙ୍ଗ୍ ମାଚାନ୍, ଆରେ ହେୱାନ୍ ପୁର୍ତିତାକେ ୱାତାନ୍।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।

ଜିହୁଦା 1:21

ମା ମାପୃ ଯୀଶୁ ଖ୍ରୀଷ୍ଟ ତା ଦୟାତାଙ୍ଗ୍ ୱିଜ୍‌ୱି ଜିବୁନ୍ ହିଦ୍‌ନାନ୍ ଇଞ୍ଜି ଏପେଙ୍ଗ୍ କାତାଦେର୍‌ନା, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଲାଡ୍ କିତ୍‌ତାନ୍‌ନା ଇଞ୍ଜି ପୁନ୍‌ଞ୍ଜି, ଏପେଙ୍ଗ୍ ହାର୍‌ଦାଙ୍ଗ୍ ଜିବୁନ୍ କାଟିକିୟାଟ୍।