୧ ଯୋହନ 2:24 - New Testament in Pengo Parja Language

²⁴ ଏପେଙ୍ଗ୍ ଏଚେପାଦ୍ନା ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିତାଦେର୍, ହେପାଦ୍ନା ଏପେଙ୍ଗ୍ ସତ୍ ହାର୍ଦିକାବୁର୍‌ତିଙ୍ଗ୍ ୱେନ୍‌ଞ୍ଜି ମାଚାଦେର୍। ଆରେ ଯଦି ଏପେଙ୍ଗ୍ ନଙ୍ଗୟ୍ ପାତେକ୍ ପାର୍ତି କିନାଦେରା, ଲାଗିଙ୍ଗ୍ ଏପେଙ୍ଗ୍ ଆବା ଈଶ୍ୱର ଆରେ ତା ମେହି ଯୀଶୁ ହୁଦାଙ୍ଗ୍ ମାହାଆଜି ମାନାଦେରା।

ସତ୍‌ ବଚନ୍‌ ପୁନି ନିୟମ୍‌

²⁴ ଏପେଙ୍ଗ୍ ଆଗେ ତାଙ୍ଗ୍ ଇନାକା ୱେଚାଦେର୍ଣ୍ଣା. ହେଦାଂ ମି ତାକେ ମାନେତ୍‌ । ଏପେଙ୍ଗ୍‌ ଆଗେ ତାଙ୍ଗ୍ ଇନାକା ୱେଚାଦେର୍ଣ୍ଣା, ହେଦାଂ ଜଦି ମି ତାକେ ମାନାତ୍‌, ତା ଆତିସ୍‌ ଏପେଙ୍ଗ୍‌ ପା ମାଜ଼ି ଆରି ଆବାତି ତାକେ ମାନ୍‍ଙ୍ଗାନାଦେର୍‌ ।

୧ ଯୋହନ 2:24 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:44

ଯୀଶୁ ଇନା ଇନାକା କାମାୟ୍ କିଜି ମାଚାନ୍ ମାନାୟାର୍ ହେଦାଙ୍ଗ୍ ହୁଡ଼୍‌ଜି କାବାଆଜି ମାଚାର୍। ହେପାଦ୍ନା ହେୱାନ୍ ଜାର୍ ଚେଲାହିରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାନାଙ୍ଗ୍, ହେଦାଙ୍ଗ୍ ବାଣା ଆମାଟ୍। ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ର ମାନାୟ୍ ଶାତ୍ରୁ କେଇଦ ଆହିକିନାନ୍।”

ଜହନ୍‌ 14:23

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଲାଗିଙ୍ଗ୍ ହେୱାନ୍ ନା ଆଦେସ୍‌ତିଙ୍ଗ୍ ମାନି କିନାନ୍। ଆରେ ନା ଆବା ଈଶ୍ୱର ହେୱାନିଙ୍ଗ୍ ଲାଡ୍ କିନାନ୍। ନା ଆବା ଈଶ୍ୱର ଆରେ ଆନେଙ୍ଗ୍ ହେ ମାନାୟ୍‌ତାକେ ୱାନାପ୍ ଆରେ ତା ହୁଦାଙ୍ଗ୍ ମାନ୍‌ଗାନାପ୍।

ଜହନ୍‌ 15:7

ନାବେ ମାନାଟ୍ ଆରେ ନା ହିକ୍ଷାତିଙ୍ଗ୍ ମାନି କିୟାଟ୍। ଏପେଙ୍ଗ୍ ଯଦି ଏଲେଙ୍ଗ୍ କିନାଦେର୍, ଲାଗିଙ୍ଗ୍ ଇନାକା ଇଚା କିନାଦେର୍ ହେଦାଙ୍ଗ୍ ଏନାଟ୍ ହେଦାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିଦ୍‌ନାଙ୍ଗ୍।

ଜହନ୍‌ 6:56

ଇମ୍‌ଣାକାନ୍ ଯଦି ନା ଗାଗାଡ଼୍‌ନି ଜେଇ ତିନାନ୍ ଆରେ ନା ନେତେର୍ ଉଣାନ୍, ଲାଗିଙ୍ଗ୍ ହେୱାନ୍ ନା ବିତ୍ରେ ମାନ୍‌ଗାନାନ୍ ଆରେ ଆନେଙ୍ଗ୍ ତା ବିତ୍ରେ ମାନ୍‌ଗାନାଙ୍ଗ୍।

ଜହନ୍‌ 8:25

ଯିହୁଦି ନେତାର୍ ହେୱାନିଙ୍ଗ୍ ୱେନ୍‌ବାତାର୍, “ଏନେଙ୍ଗ୍ ଇନେର୍, ମାଙ୍ଗେଙ୍ଗ୍ ୱେଚ୍‌ଚା।” ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନା ବିଷୟରେ ପାର୍ତୁମ୍‌ତାଙ୍ଗ୍ ୱେଚ୍‌ନାଙ୍ଗା, ଆନେଙ୍ଗ୍ ହେୱାନ୍।

ପିଲିପିୟ 4:15

ଏ ଫିଲୀପିୟନି ମାନାୟ୍ କାଦେର୍, ଏପେଙ୍ଗ୍ ପୁଚାଦେର୍‌ନା ଯେ, ଆନେଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦ୍‌ନି ଆରମ୍ ଦିନ୍‌ତାଙ୍ଗ୍, ଏପେଙ୍ଗ୍ ନେ ନାଙ୍ଗେଙ୍ଗ୍ ଡାବୁଙ୍ଗ୍ ହିଜି ସାଇଜ କିତ୍‌ତାଦେର୍‌ନା। ଏଚେପାଦ୍ନା ମି ମାକଦନିଆ ଜିଲ୍ଲାତିଙ୍ଗ୍ ପିସ୍ତି ହାଲ୍‌ଜି ମାଚାଙ୍ଗ୍। ମାତର୍ ଇମ୍‌ଣି ମଣ୍ଡ୍‌ଲି ପା ଦିୟାନିୟା କିଦ୍‌ୱାତାର୍।

କଲସିୟ 3:16

ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ୱିଜୁଦିନ୍ ଚିନ୍ତା କିୟାଟ୍, ତା ପୁରା ଜ୍ଞାନ୍‌ତାଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହିକାଇ କିବା ଆଡ ଆରେ ଜାଗ୍ରତ୍ କିବା ଆଡ। ଗିତସଙ୍ଗିତାନି କେର୍‌କଣ୍, ଈଶ୍ୱର ଭଜନ୍ କେର୍‌କଣ୍ କେର୍‌ଜି, ଖ୍ରୀଷ୍ଟାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

ଏବ୍ରି 2:1

ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଇମ୍‌ଣି ସତ୍ କାତା ୱେଚାସ୍‌ନା ହେଦାଙ୍ଗ୍‌ତିଙ୍ଗ୍ ଆସେଙ୍ଗ୍ ଆଦିକ୍ ମାନ୍‌ଦିୟାନ୍ ହିନି ଦର୍‌କାର୍, ନଇଲେ ଆସେଙ୍ଗ୍ ହାଜି ବାଣା ଆୟିଆନାତ୍।

ଏବ୍ରି 3:14

ଇନେସ୍‌କି ଆଗେତାଙ୍ଗ୍ ମା ପାର୍ତି ଇନେସ୍ ଈଶ୍ୱର ଜପି ମାଚାତ୍, ହେଲେକେ ପାର୍ତି ଯଦି ଆସେଙ୍ଗ୍ ଜିଜି ମାନି ପାତେକ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍, ଲାଗିଙ୍ଗ୍ ଖ୍ରୀଷ୍ଟନି ୱିଜୁ ବିଷୟନି ବାଗ୍ ପାୟାଆନାସ୍।

୧ ଯୋହନ 1:3

ଆପେଙ୍ଗ୍ ଇମ୍‌ଣାକା ହୁଡ଼୍‌ତାପ୍‌ନା ଆରେ ୱେଚାପ୍‌ନା ହେଦାଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା, ଲାଗିଙ୍ଗ୍ ଏପେଙ୍ଗ୍ ମା ହୁଦାଙ୍ଗ୍ ମାହାଆଦ୍ନାଦେର୍। ଆରେ ଆପେଙ୍ଗ୍ ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ହୁଦାଙ୍ଗ୍ ମାହାଆତାପ୍‌ନା।

୧ ଯୋହନ 1:7

ମାତର୍ ଈଶ୍ୱର ଇନେସ୍ ଅଜଡ଼୍‌ତାକେ ମାନାନା, ହେଲେକେ ଯଦି ଆପେଙ୍ଗ୍ ଅଜଡ଼୍‌ତାକେ ମାନାପ୍। ଲାଗିଙ୍ଗ୍ ଆପେଙ୍ଗ୍ ମାହାଆଜି ମାନାପ୍, ଆରେ ତା ମେହି ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ମା ୱିଜୁ ପାପ୍‌ତିଙ୍ଗ୍ ନୁସ୍ତାନ୍‌ନା।

୧ ଯୋହନ 2:7

ଏ ଲାଡ୍‌ନି ସାଙ୍ଗ କାଦେର୍, ଆନେଙ୍ଗ୍ ମି କାଜିଙ୍ଗ୍ ପୁନି ଆଦେସ୍ ଲେକିକିୱାତାଙ୍ଗ୍‌ନା, ମାତର୍ ପାନି ଆଦେସ୍ ଇମ୍‌ଣାକା କି ଆଗେତାଙ୍ଗ୍ ଏପେଙ୍ଗ୍ ପାୟା ଆତାଦେର୍‌ନା। ଏଚେପାଦ୍ନା ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିଜି ମାଚାଦେର୍, ହେପାଦ୍ନା ଏପେଙ୍ଗ୍ ଇଲେକେ ଆଦେସ୍ ପାୟାଆଜି ମାଚାଦେର୍, “ଏପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିୟାଟ୍।”

୧ ଯୋହନ 3:24

ଇମ୍‌ଣି ମାନାୟ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିନାନ୍। ହେୱାନ୍ ଈଶ୍ୱର ହୁଦାଙ୍ଗ୍ ମାହାଆଜି ମାନାନ୍, ଆରେ ଈଶ୍ୱର ତା ହୁଦାଙ୍ଗ୍ ମାହାଆଜି ମାନାନ୍। ଇନେସ୍‌କି ପବିତ୍ର ଆତ୍ମା ମା ବିତ୍ରେ ମାନାତ୍।

୧ ଯୋହନ 4:13

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ମା ଲାହାଙ୍ଗ୍ ମାନାନ୍, ଆରେ ଆସେଙ୍ଗ୍ ତା ଲାହାଙ୍ଗ୍ ମାନାସ୍, ଇନେସ୍‌କି ହେୱାନ୍ ମା ତାକେ ମାଞ୍ଜେଙ୍ଗ୍ ତା ପବିତ୍ର ଆତ୍ମା ହିତ୍‌ତାନ୍‌ନା।

୧ ଯୋହନ 4:15

ଇମ୍‌ଣି ମାନାୟ୍ ଯୀଶୁଙ୍ଗ୍ ଈଶ୍ୱର ମେହି ଇଞ୍ଜି ୱେଚ୍‌ନାନ୍, ଈଶ୍ୱର ତାବେ ମାନାନ୍। ଆରେ ହେୱାନ୍ ଈଶ୍ୱରତାକେ ମାନାନ୍।

୧ ଯୋହନ 4:16

ଆପେଙ୍ଗ୍ ପୁଚାପ୍‌ନା, ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନାନା, ଆରେ ଆପେଙ୍ଗ୍ ତାଙ୍ଗେଙ୍ଗ୍ ଆହା କିନାପା। ଇନେର୍ ଲାଡ୍ କିନାନା, ହେୱାନ୍ ଈଶ୍ୱର ଲାହାଙ୍ଗ୍ ମାନ୍‌ଙ୍ଗାନାନ୍ ଆରେ ଈଶ୍ୱର ତା ଲାହାଙ୍ଗ୍ ମାନ୍‌ଙ୍ଗାନାନ୍‌। ଇନେସ୍‌କି ଈଶ୍ୱରନେ ଲାଡ୍।

୨ ଯୋହନ 1:2

ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗା, ଆରେ ହେ ସତ୍ ମା ଗରବ୍‌ତାକେ ମାଞ୍ଜେଙ୍ଗ୍ ହିତ୍‌ତାନ୍‌ନା, ଲାଗିଙ୍ଗ୍ ଆପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାପା। ଆରେ ହେ ସତ୍ ମା ଗରବ୍‌ତାକେ ୱିଜୁଦିନ୍ କାଜିଙ୍ଗ୍ ମାନ୍‌ଙ୍ଗାନାତ୍।

୨ ଯୋହନ 1:9

ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ହିକ୍ଷାତିଙ୍ଗ୍ ଆରେ ତା ହିକ୍ଷାତିଙ୍ଗ୍ ମାହାୟ୍ କିନାନ୍, ଆରେ ଖ୍ରୀଷ୍ଟ ହିକ୍ଷାତିଙ୍ଗ୍ ପାର୍ତି କିଉନ୍। ଲାଗିଙ୍ଗ୍ ହେୱାନ୍ ଈଶ୍ୱରତିଙ୍ଗ୍ ମାହା ବିଡ଼ା ଆଜି ମାନୁନା। ମାତର୍ ଇମ୍‌ଣି ମାନାୟ୍ ହେ ହିକ୍ଷାତିଙ୍ଗ୍ ପାର୍ତିକିନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଆରେ ତା ମେହି ଯୀଶୁଙ୍ଗ୍ ମାହାଆଜି ମାନାନ୍।

୩ ଯୋହନ 1:3

ଆନେଙ୍ଗ୍ ବେସି ୱାରିୟା ଆତାଙ୍ଗ୍, ହେପାଦ୍ନା କେତ୍‌ଜାଣ୍ ଟଣ୍ଡାର୍ ୱାଜି ନାଙ୍ଗେଙ୍ଗ୍ ୱେଚ୍‌ଚାତାର୍, ଏନେଙ୍ଗ୍ ଈଶ୍ୱର କାତା ମାନିକିଜି ସତ୍ ଯିବୁନ୍ କାଟି କିନାୟା।

ହତ୍‌ତି 3:11

ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାଞ୍ଜାଟ୍, ଆରେ ଇନେର୍ ପା ମି ପୁରଷ୍କାର୍‌ନି ମୁକୁଟ୍ ଜେଲ୍‌ଜି ଅଦେଙ୍ଗ୍ ଆଡୁର୍।

ହତ୍‌ତି 3:3

ଲାଗିଙ୍ଗ୍ ଏପେଙ୍ଗ୍ ଆଗେ ୱେଚାକା ଏତୁକିୟାଟ୍ ଆରେ ପାର୍ତୁମ୍ ପାର୍ତି କିତିଲେକେ ପାର୍ତିକିୟାଟ୍। ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାନ୍‌ବାଦ୍‌ଲାୟ୍ କିଜି ନାବେ ୱାଡ, ଯଦି ଏପେଙ୍ଗ୍ ହେଲେକେ କିଉଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ତିପ୍‌କୁ ୱାନାଙ୍ଗ୍ ଇନେସ୍ ର ଚରେନ୍ ତିପ୍‌କୁ ଚର୍‌କିଦେଙ୍ଗ୍ ୱାନାନ୍।