୧ କରନ୍ତିୟ 9:3 - New Testament in Pengo Parja Language

³ ଆନେଙ୍ଗ୍ ବାଚିକିତି ଚେଲା ଅଦିକାର୍ ପାୟାଆତାଙ୍ଗ୍‌ନା ଇଞ୍ଜି ଇନେର୍ ପ୍ରଶ୍ନ ୱେନ୍‌ବାଆତ୍‌ତିସ୍ ଆନେଙ୍ଗ୍ ଇଲେକେ ୱେଚ୍‌ନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

³ ନା ବିଚାର୍‌ କିନାକାରିଂ ନା ଉତର୍‌ ଇଦାଂ ।

୧ କରନ୍ତିୟ 9:3 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:11

ମାନାୟାର୍ ମିଙ୍ଗେଙ୍ଗ୍ ଯଦି ବିରଦ୍ କିଜି ଯିହୁଦିର୍ ପାର୍ତାନା ଇଞ୍ଜ, ସାସନ୍ କିନି ମାନାୟାର୍‌ତାକେ, ଆରେ ଆଦିକାର୍ ପାୟାଆତି ମାନାୟାର୍ ଆଗେ ନିଲି କିଦ୍‌ନାର୍, ହେପାଦ୍ନା ଏପେଙ୍ଗ୍ ଇନେସ୍ ୱେଚ୍‌ନାଦେର୍, ଆରେ ମିଙ୍ଗେଙ୍ଗ୍ ୱେନ୍‌ବାଆତ୍‌ତିସ୍ ଏପେଙ୍ଗ୍ ଇନାକା ୱେଚ୍‌ନାଙ୍ଗ୍ ଇଞ୍ଜି ଚିନ୍ତା କିମାଟ୍।

ପକ୍ୟାତାକା 22:1

ପାଉଲ ହେୱାରିଙ୍ଗ୍ ୱେଚ୍‌ଚାନ୍, “ଏ ଟଣ୍ଡାର୍ ଆରେ ଆବା କାଦେର୍, ନାଙ୍ଗେଙ୍ଗ୍ ବିରଦ୍ କିଦ୍‌ନି ମାନାୟାର୍ ଆନେଙ୍ଗ୍ ନଙ୍ଗୟ୍ ଉତର୍ ହିଦ୍‌ନାଙ୍ଗା ଏପେଙ୍ଗ୍ ୱେନାଟ୍।”

ପକ୍ୟାତାକା 25:16

ଆନେଙ୍ଗ୍ ହେୱାରିଙ୍ଗ୍ ୱେଚ୍‌ଚାଙ୍ଗ୍, ଦସି ତା ବିରଦ୍ କିନି ମାନାୟାର୍ ଆଗେ ନିଲ୍‌ଚି ତା ବିଷୟରେ ୱେଚ୍‌ୱି ପାତେକ୍, ହେୱାନିଙ୍ଗ୍ ଦଣ୍ଡ୍ ହିନାକା ରୋମିୟ ସର୍‌କାର୍ ବିଦି ହିଲୁତ୍।

୧ କରନ୍ତିୟ 14:37

ଏପେଙ୍ଗ୍ ଯଦି ଜାର୍‌ତିଙ୍ଗ୍ ଭବିଷ୍ଯତବକ୍ତା ଇଞ୍ଜି ୱେଚ୍‌ନାଦେର୍, ଆରେ ପବିତ୍ର ଆତ୍ମା ଦାନ୍ ହିତ୍‌ତାନ୍‌ନା ବାବିକିନାଦେରା, ଲାଗିଙ୍ଗ୍ ଏପେଙ୍ଗ୍ ପୁନି ଦର୍‌କାର୍ ଯେ ଆନେଙ୍ଗ୍ ଇମ୍‌ଣି ୱିଜୁ ଆଦେସ୍ ୱେଚ୍‌ନାଙ୍ଗା ହେଦାଙ୍ଗ୍ ମାପୃତାଙ୍ଗ୍ ୱାତାତ୍‌ନା।

୧ କରନ୍ତିୟ 9:2

ଯଦି ଜେକନିକାର୍ ନାଙ୍ଗେଙ୍ଗ୍ ମାପୃ ଯୀଶୁ ବାଚି କିତ୍‌ତି ଚେଲାଇଞ୍ଜି ଆସ୍ତିୱିତିସ୍ ପା, ଏପେଙ୍ଗ୍ ନାଙ୍ଗେଙ୍ଗ୍ ଆସ୍ତାତାଦେର୍। ଇନେସ୍‌କି ଆନେଙ୍ଗ୍ ନେ ମିଙ୍ଗେଙ୍ଗ୍ ପାର୍ତୁମ୍ ହାର୍ଦିକାବୁର୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍। ଏପେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିଜି ମାନି କାଜିଙ୍ଗ୍ ଆନେଙ୍ଗ୍ ତା ବାଚିକିତି ଚେଲା ଆତାଙ୍ଗ୍‌ନା ଇଞ୍ଜି ଚଞ୍ଜିଆ ଆନାତା।

୧ କରନ୍ତିୟ 9:4

ଆନେଙ୍ଗ୍ ଆରେ ନା ହୁଦାଙ୍ଗ୍ ମାନି ବର୍ଣ୍ଣବା, ଆପେଙ୍ଗ୍ ମିଞ୍ଜ ମାନ୍‌ଞ୍ଜି କାଦି ପିଦି ଚିଞ୍ଜେଙ୍ଗ୍ ଅଦିକାର୍ ମାନାତ୍।

୨ କରନ୍ତିୟ 13:10

ଆନେଙ୍ଗ୍ ଇ ଚିଟି ମିତାକେ ୱାୱି ଆଗେ ମି କାଜିଙ୍ଗ୍ ଲେକିକିନାଙ୍ଗା, ଆନେଙ୍ଗ୍ ଆହା କିନାଙ୍ଗା ଯେ ଏଚେପାଦ୍ନା ଆନେଙ୍ଗ୍ ମିତାକେ ୱାନାଙ୍ଗ୍ ମାପୃ ନାଙ୍ଗେଙ୍ଗ୍ ହିତ୍‌ତି ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଦଣ୍ଡ୍ ହିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ବିନାସ୍ କିଦ୍‌ଦେଙ୍ଗ୍ ଇଚା କିଉଙ୍ଗା, ମାତର୍ ହେ ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ଆଦିକ୍ ପାର୍ତିକିୟାଟ୍ ଇଞ୍ଜି ଆନେଙ୍ଗ୍ ସାଇଜ କିଦ୍‌ଦେଙ୍ଗ୍ ଇଚା କିନାଙ୍ଗା।

୨ କରନ୍ତିୟ 13:3

ଆନେଙ୍ଗ୍ ମିଙ୍ଗେଙ୍ଗ୍ ପୁନି କିଦ୍‌ନାଙ୍ଗା ଯେ ଖ୍ରୀଷ୍ଟ ନା କାଜିଙ୍ଗ୍ ୱେଚ୍‌ଚାତାନ୍‌ନା। ଏଚେପାଦ୍ନା ଖ୍ରୀଷ୍ଟ ମିଙ୍ଗେଙ୍ଗ୍ ଟିକ୍ ମାନାୟ୍ ଆନି କାଜିଙ୍ଗ୍ ହିକ୍ଷା ହିଦ୍‌ନାନ୍, ହେୱାନ୍ ଦୁର୍‌ବଲ୍ ମାନାୟ୍ ଲେକେ ଆଉନ୍, ମାତର୍ ହେୱାନ୍ ତା ଶାକ୍ତି ହୁଦାଙ୍ଗ୍ ମିଙ୍ଗେଙ୍ଗ୍ ଟିକ୍ ମାନାୟ୍ ଆନି କାଜିଙ୍ଗ୍ ହିକ୍ଷା ହିଦ୍‌ନାନ୍।

୨ କରନ୍ତିୟ 13:5

ଏପେଙ୍ଗ୍ ହାତ୍‌ପା ଈଶ୍ୱରତିଙ୍ଗ୍ ପାର୍ତି କିନାଦେରା କି ଆକାୟ୍ ଇଞ୍ଜି ଏପେଙ୍ଗ୍ ଜାର୍‌ତିଙ୍ଗ୍ ପରିକ୍ଷା କିୟାଟ୍। ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ ଯୀଶୁ ଖ୍ରୀଷ୍ଟ ମି ବିତ୍ରେ ମାନାନ୍, ଆତିସ୍‌ପା କେତେକ୍ ମାନାୟାର୍ ମାନାର୍ ହେୱାର୍ ଈଶ୍ୱରତିଙ୍ଗ୍ ପାର୍ତି କିୱିଲେକେ ବ୍ୟବହାର୍ କିନାରା।

ପିଲିପିୟ 1:17

ମାତର୍ ନାଙ୍ଗେଙ୍ଗ୍ ଆକାର୍ ଆନି ମାନାୟ୍ ଜାର୍ ବିଷୟରେ ନେ ବାବିକିଜି ଖ୍ରୀଷ୍ଟ ବିଷୟତିଙ୍ଗ୍ ଶୁଣାୟ୍ କିନାରା। ଇନେସ୍‌କି ହେୱାର୍ ବନ୍ଦିତାକେ ମାନିହିଙ୍ଗ୍ ହେୱାର୍ ନାଙ୍ଗେଙ୍ଗ୍ କଷ୍ଟ ହିଦ୍‌ଦେଙ୍ଗ୍ ଇଚା କିନାରା।

ପିଲିପିୟ 1:7

ଆନେଙ୍ଗ୍ ମିଙ୍ଗେଙ୍ଗ୍ ଇ ଲେକେ ବାବି କିନାକା ଟିକ୍ ମାନ୍‌ଗାନାତ୍, ଆନେଙ୍ଗ୍ ଜଇଲ୍ ଇଞ୍ଜ ବନ୍ଦି ଆଜି ମାଚିସ୍ କି ହାର୍ଦିକାବୁର୍ ବିଷୟରେ ଜୁକ୍ତି ଆଜି ସତ୍ ଇଞ୍ଜି ପାର୍ମାଣ୍ କିନିହିଙ୍ଗ୍। ଏପେଙ୍ଗ୍ ଆରେ ଆନେଙ୍ଗ୍ ମାହାଆଜି ଯୀଶୁ ଖ୍ରୀଷ୍ଟ ବିଷୟରେ ଶୁଣାୟ୍ କିଦେଙ୍ଗ୍ ମାଙ୍ଗେଙ୍ଗ୍ ଈଶ୍ୱର ଦୟା କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି ୱିଜାକାରିଙ୍ଗ୍ ବେସି ଲାଡ୍ କିଦ୍‌ନାଙ୍ଗା।

୨ ତିମଥି 4:16

ନା ବିଚାର୍ ଆନି ଦିନ୍‌ନି ପାର୍ତୁମ୍ ଶୁଣାୟ୍ କିନିହିଙ୍ଗ୍ ଇନେର୍ ପା ନା ସପଟ୍ ଆଦ୍‌ୱାତାର୍, ମାତର୍ ୱିଜାକାର୍ ନାଙ୍ଗେଙ୍ଗ୍ ପିସ୍ତି ହାନ୍‌ଞ୍ଚାର୍। ଇଦାଙ୍ଗ୍ ହେୱାର୍ ବିରଦ୍‌ତାକେ ଈଶ୍ୱର ଗାଣା କିମେନ୍।