୧ କରନ୍ତିୟ 9:22 - New Testament in Pengo Parja Language

²² ଆନେଙ୍ଗ୍ ଏଚେପାଦ୍ନା ଅଲପ୍ ପାର୍ତି କିନାକାର୍ ହୁଦାଙ୍ଗ୍ ମାଚାଙ୍ଗ୍, ହେୱାର୍ ଇନେସ୍ ଖ୍ରୀଷ୍ଟଙ୍ଗ୍ ଆଦିକ୍ ପାର୍ତି କିଜି ଉଦାର୍ ପାୟା ଆଦେଙ୍ଗ୍ ଆଡ୍‌ନାର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ ଲେକେ ବ୍ୟବହାର୍ କିଜି ମାଚାଙ୍ଗ୍। ଆନେଙ୍ଗ୍ ଇନେସ୍ ୱିଜାକାରିଙ୍ଗ୍ ଖ୍ରୀଷ୍ଟତାକେ ତାସି ୱାଦେଙ୍ଗ୍ ଆଡ୍‌ନାଙ୍ଗ୍ ଇଦାଙ୍ଗ୍ କାଜିଙ୍ଗ୍ ହେୱାର୍ ଲେକେ ଜିବୁନ୍ କାଟିକିଜି ମାଚାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

²² ଇନେସ୍‌ ଆନ୍‌ ନାଦାରିକାଂ ଲାବ୍‌ କିଦେଙ୍ଗ୍‌ ଆଡ୍‌ନାଙ୍ଗ୍‌, ଇଦାଂ କାଜିଂ ଆନ୍‌ ନାଦାର୍‌ତି ଲାଗାଂ ନାଦାର୍‌ ଲାକେ ଆତାଙ୍ଗ୍‌; ଇନେସ୍‌ ଆନ୍‌ ଇମ୍‌ଣିବାନି କେତେଜାଣ୍‌ତିଂ ରାକ୍ୟା କିଦେଙ୍ଗ୍‌ ଆଡ୍‌ନାଙ୍ଗ୍‌, ଇଦାଂ କାଜିଂ ଆନ୍‌ ୱିଜ଼ାର୍‌ ଲାଗାଂ ସବୁବାନି ଆତାଙ୍ଗ୍‌ନା ।

୧ କରନ୍ତିୟ 9:22 ပူးပေါင်းရင်းမြစ်များ

ରୋମିୟ 11:14

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଉପାୟ୍ କିନାଙ୍ଗା ଯେ, ବିନ୍‌ଜାତିନି ମାନାୟାର୍ ଇନେସ୍‌ଲେକେ ଉଦାର୍ ପାୟାଆତାର୍, ହେୱାର୍ ପା ମା ଯିହୁଦି ଜାତିନି କେତେକ୍ ମାନାୟ୍ ଈଶ୍ୱରତାକେ ମାନ୍‌ବାଦ୍‌ଲାୟ୍ କିଜି ଉଦାର୍ ପାୟା ଆଏର୍।

ରୋମିୟ 14:1

ଇମ୍‌ଣି ଖ୍ରୀଷ୍ଟାନ୍ ଟଣ୍ଡାର୍‌ତି ପାର୍ତି ଉଣା ହେୱାରିଙ୍ଗ୍ ଏପେଙ୍ଗ୍ ଆହାଟ୍, ଆରେ ହେୱାର୍ ବାବି କିନାକା ଟିକ୍ କରାପ୍ ବିଷୟ କାଜିଙ୍ଗ୍ ଜିକାଟାଣା ଆମାଟ୍।

ରୋମିୟ 14:2

ଇନେସ୍‌କି ର ମାନାୟ୍ ଜେଇ ତିନାକା ଟିକ୍ ଇଞ୍ଜି ପାର୍ତି କିନାନା, ମାତର୍ ବିନେନିକାନ୍ ଇନେରିଙ୍ଗ୍ ଉଣା ପାର୍ତି କିନାନା ହେୱାନ୍ ୱାରା ପନି ପରିବା ନେ ତିନାନ୍।

ରୋମିୟ 15:1

ଆପେଙ୍ଗ୍ ପୁଚାପ୍‌ନା ଯେ, ଇ ୱିଜୁ ବିଷୟରେ ଇନା ଅର୍ତ ହିଲେତ୍, ମାତର୍ ଆପେଙ୍ଗ୍ ଜାର୍‌ତିଙ୍ଗ୍ ୱାରିକିନି କାଜିଙ୍ଗ୍ ଇ ୱିଜୁ କାମାୟ୍ କିୱି ଦର୍‌କାର୍। ମାତର୍ ଆସେଙ୍ଗ୍ ପାର୍ତିନି ଉଣା ମାନି ମାନାୟାର୍ ବିଷୟରେ ଚିନ୍ତା କିନି ଦର୍‌କାର୍, ଇମ୍‌ଣି ମାନାୟାର୍ ଇ ୱିଜୁ ବିଷୟତିଙ୍ଗ୍ ହାର୍ ଇଞ୍ଜି ବାବିକିନାରା।

ରୋମିୟ 15:2

ଆସେଙ୍ଗ୍ ଜେକନିକାରିଙ୍ଗ୍ ୱାରିକିନି ଦର୍‌କାର୍, ଯଦି ଆପେଙ୍ଗ୍ ଜେକନିକାରିଙ୍ଗ୍ ୱାରିୟା ଆନିଲେକେ ଆରେ ହେୱାରିଙ୍ଗ୍ ସାଇଜ କିନାପା, ଲାଗିଙ୍ଗ୍ ଆପେଙ୍ଗ୍ ମାପୃଙ୍ଗ୍ ଆଦିକ୍ ପାର୍ତିକିନି କାଜିଙ୍ଗ୍ ସାଇଜ କିୟାଆନାତ୍।

୧ କରନ୍ତିୟ 10:33

ହେଲେକେ ଆନେଙ୍ଗ୍ ପା ୱିଜାରିଙ୍ଗ୍ ୱିଜୁ ନିପଣ୍ ସାର୍‌ଦା କିନି କାଜିଙ୍ଗ୍ ଉପାୟ୍ କିନାଙ୍ଗା। ଆନେଙ୍ଗ୍ ନା ଜାର୍ ହାର୍ କାଜିଙ୍ଗ୍ ଉପାୟ୍ କିଉଙ୍ଗା, ମାତର୍ ମାନାୟାର୍ ରକ୍ଷା ପାୟାଆନି କାଜିଙ୍ଗ୍ ଇମ୍‌ଣାକା ହାର୍ ହେଦାଙ୍ଗ୍ କିନାଙ୍ଗା।

୧ କରନ୍ତିୟ 7:16

ଏ ଖ୍ରୀଷ୍ଟାନ୍ କଗ୍‌ଲେ କାଦେର୍, ମି କାଜିଙ୍ଗ୍ ମି ଆଣ୍ଡ୍ରାଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାର୍, ଆରେ ଏ ଖ୍ରୀଷ୍ଟାନ୍ ଆଣ୍ଡ୍ରାଙ୍ଗ୍ କାଦେର୍ ମି କାଜିଙ୍ଗ୍ ମି ଡକ୍ରିକ୍ ଖ୍ରୀଷ୍ଟାନ୍ ଆଦେଙ୍ଗ୍ ଆଡ୍‍ନିକ୍।

୧ କରନ୍ତିୟ 8:13

ହେଦାଙ୍ଗ୍ କାଜିଙ୍ଗ୍, ଯଦି ମୁର୍ତିତିଙ୍ଗ୍ ହିତି କାଦି ଚିଚି କାଜିଙ୍ଗ୍ ଜେକନି ପାର୍ତିକିନି ଟଣ୍ଡେନ୍ ପାର୍ତି କିନାକା ଅଲପ୍ ଆନାତା, ଲାଗିଙ୍ଗ୍ ଆନେଙ୍ଗ୍ ଜେକନି ପାର୍ତିକିନି ଟଣ୍ଡେନ୍ ପାର୍ତିତିଙ୍ଗ୍ ଅଲପ୍ କିଦେଙ୍ଗ୍ ଆନେଙ୍ଗ୍ ହେଲେକେ ମୁର୍ତିକାଙ୍ଗ୍ ହିତି କାଦି ତିନୁଙ୍ଗ୍।

୧ କରନ୍ତିୟ 9:19

ନାଙ୍ଗେଙ୍ଗ୍ ହେୱାର୍ ଡାବୁଙ୍ଗ୍ ହିଦ୍‌ନାରା ଇଞ୍ଜି ଆନେଙ୍ଗ୍ ଇନେର୍ ତାରେନ୍ ଦାସ୍ କାମାୟ୍ କିଉଙ୍ଗା, ମାତର୍ ଯୀଶୁ ଖ୍ରୀଷ୍ଟତାକେ ୱିଜାକାରିଙ୍ଗ୍ ତାସି ୱାଦେଙ୍ଗ୍ ଆନେଙ୍ଗ୍ ୱିଜାକାର୍ ଦାସ୍ ଆତାଙ୍ଗ୍‌ନା।

୧ କରନ୍ତିୟ 9:23

ଆନେଙ୍ଗ୍ ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍ ଆରେ ଆଶ୍ରିବାଦ୍ ପାୟାଆନି କାଜିଙ୍ଗ୍ ଇ ୱିଜୁ କାମାୟ୍ କିନାଙ୍ଗା।

୨ କରନ୍ତିୟ 11:29

ଇନେର୍ ଯଦି ଈଶ୍ୱରତିଙ୍ଗ୍ ପାର୍ତି କିନାକା ଦୁର୍‌ବଲ୍ ଆନାନା, ଲାଗିଙ୍ଗ୍ ଆନେଙ୍ଗ୍ ପା ଦୁର୍‌ବଲ୍ ଆନାଙ୍ଗା ଇଞ୍ଜି ପୁନାଙ୍ଗା। ଆରେ ଇମ୍‌ଣି ପାର୍ତିକିନି ଟଣ୍ଡେନ୍ ଜେକନି ପାର୍ତିକିନି ଟଣ୍ଡେନ୍ ବିରୁଦ୍‌ତାକେ ପାପ୍ କିତାକା ପୁନାଙ୍ଗା, ଲାଗିଙ୍ଗ୍ ଆନେଙ୍ଗ୍ ବେସି ରିସା ଆନାଙ୍ଗା।

ଗାଲାତିୟ 6:1

ଏ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ବ୍ଯବହାର୍ କିତିଲେକେ, ଏପେଙ୍ଗ୍ ଇଦାଙ୍ଗ୍ କିୟାଟ୍: ଯଦି ଇନେର୍ ଇମ୍‌ଣି ପର୍‌କାର୍ ପାପ୍ କାମାୟ୍‌ତାଙ୍ଗ୍ ଦରାପାଡ଼ା ଆନାନ୍। ଏପେଙ୍ଗ୍ ହେୱାନିଙ୍ଗ୍ ହାର୍ଦି ମାନ୍‌ତାଙ୍ଗ୍ ଟିକ୍ କିୟାଟ୍ ଆରେ ହାର୍ଦି ହାଜ୍‌ଦିଙ୍ଗ୍ ତାସି ୱାଦେଙ୍ଗ୍ ସାଇଜ କିୟାଟ୍। ଏପେଙ୍ଗ୍ ଇନେସ୍ ହେଲେଗ୍‌ଦି ପାପ୍‌ତାକେ ପଡ଼ାଆଉଦେର୍‌, ଇଦାଙ୍ଗ୍ କାଜିଙ୍ଗ୍ ଜାଗ୍ରତ୍ ଆଜି ମାନାଟ୍।