୧ କରନ୍ତିୟ 9:21 - New Testament in Pengo Parja Language

²¹ ହେଲେକେ ଆନେଙ୍ଗ୍ ଏଚେପାଦ୍ନା ବିନ୍‌ଜାତିନି ମାନାୟାର୍‌ତାକେ କାମାୟ୍ କିଜି ମାଚାଙ୍ଗ୍, ଆନେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ତାସିୱାନାଙ୍ଗ୍ ଦରମ୍ ସାସ୍ତରତିଙ୍ଗ୍ ମାନିକିୱି ବିନ୍‌ଜାତିର୍ ମାନାୟ୍ ଲେକେ ଜିବୁନ୍ କାଟିକିଜି ମାଚାଙ୍ଗ୍। ଆନେଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନିକିଜି ଜିବୁନ୍ କାଟିକିଜି ମାନାଙ୍ଗ୍, ଇନେସ୍‌କି ଆନେଙ୍ଗ୍ ଖ୍ରୀଷ୍ଟନି ନିୟମ୍ ତାରେନ୍ ମାନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

²¹ ହେ ଲାକେ ମସାତି ବିଦିୱିସ୍‌ତି ଲାବ୍‌ କିନି କାଜିଂ ଆନ୍‌ ହେୱାର୍‌ ବିତ୍ରେ କାମାୟ୍‌ କିନି ୱାଡ଼ାଙ୍ଗ୍‌ ପାର୍ତିକିୱି ଜିହୁଦିର୍‌ ଲାକେ ବିଦି ବାର୍ତ ବେବାର୍‌ କିନାଙ୍ଗା । ଇ ଅରତ୍‌ ଆକାୟ୍‌ ଜେ, ଆନ୍‌ ଇସ୍ୱର୍‌ତି ନିୟମ୍‌ ପାଲି କିଉଙ୍ଗ୍‌ । ହାତ୍‌ପାତ ଆନ୍‌ କ୍ରିସ୍ଟତି ବିଦି ତାରେନ୍‌ ଆତାଂ ।

୧ କରନ୍ତିୟ 9:21 ပူးပေါင်းရင်းမြစ်များ

ପକ୍ୟାତାକା 15:28

ମାନାୟାର୍ ମୁର୍ତିତିଙ୍ଗ୍ ପୁଜାକିତି କାଦିତିଙ୍ଗ୍ ତିନ୍‌ୱେଦେଙ୍ଗ୍, ଦାରି କାମାୟ୍ କିୱେଦେଙ୍ଗ୍, ହାକ୍ତ ମିନ୍‌ଞ୍ଜି ଅସ୍ତି ପଶୁ ଜେଇ ତିନ୍‌ୱେଦେଙ୍ଗ୍ ଆରେ ନେତେର୍ ତିନ୍‌ୱି ବିଷୟତିଙ୍ଗ୍ ମାନି କିୟାଟ୍। ଏପେଙ୍ଗ୍ ଇ ବିଷୟତିଙ୍ଗ୍ ନେ ମାନି କିଦେଙ୍ଗ୍ ପବିତ୍ର ଆତ୍ମା ଆରେ ଆପେଙ୍ଗ୍ ଇଚା କିନାପା।

ପକ୍ୟାତାକା 16:4

ଯିରୁଶାଲାମ ସହର୍‌ତାକେ ମାନି ବାଚିକିତି ଚେଲାର୍ ଆରେ ପ୍ରାଚିନାର୍ ଇମ୍‌ଣିୱିଜୁ ବିଦି ମାନାୟାରିଙ୍ଗ୍ ମାନି କିୟେର୍ ଇଞ୍ଜି ଇଚାକିଜି ମାଚାର୍, ହେ ୱିଜୁ ବିଷୟ ପାଉଲ ଆରେ ତା ହାଙ୍ଗ୍‌ଦାକାର୍ ସହର୍‌ତାଙ୍ଗ୍ ସହର୍ ହାଲ୍‌ଜି ପାର୍ତି କିନାକାରିଙ୍ଗ୍ ୱେଚ୍‌ଚି ମାଚାର୍।

ପକ୍ୟାତାକା 21:25

ଇମ୍‌ଣି ବିନ୍‌ଜାତିନି ମାନାୟାର୍ ପାର୍ତି କିତାର୍‌ନା, ତା ଲାଗାୟ୍ ଆପେଙ୍ଗ୍ ବିଚାର୍ କିଜି ଇ ବିଷୟରେ ଲେକିକିତାପ୍‌ନା। ମୁର୍ତିତିଙ୍ଗ୍ ପୁଜାକିତି କାଦିତିଙ୍ଗ୍ ତିନ୍‌ୱେଦେଙ୍ଗ୍, ନେତେର୍ ତିନ୍‌ୱେଦେଙ୍ଗ୍, ହାକ୍ ମିନ୍‌ଞ୍ଜି ଅସ୍ତି ପଶୁ ଜେଇ ତିନ୍‌ୱେଦେଙ୍ଗ୍, ଆରେ ଦାରି କାମାୟ୍ କିୱେଦେଙ୍ଗ୍।”

ରୋମିୟ 2:12

ବିନ୍‌ଜାତିନି ମାନାୟାର୍ ମଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ପାୟାଆୱାଦାଙ୍ଗ୍ ମାଚିସ୍ ପା ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ଆରେ ଯିହୁଦି ଜାତିନି ମାନାୟାର୍ ମଶା ନିୟମ୍‌ତିଙ୍ଗ୍ ପାୟାଆଜି ମାନିକିୱାଦାଙ୍ଗ୍ ପାପ୍ କିତିସ୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

ରୋମିୟ 2:14

ବିନ୍‌ଜାତିନି ମାନାୟାର୍‌ତାକେ ମଶା ନିୟମ୍ ହିଲିତିସ୍ ପା, ହେୱାର୍ ତା ମାନ୍ତି ଇଚା ଅନୁସାରେ ନ୍ୟାୟ୍ କାମାୟ୍ କିନାର୍, ହେୱାର୍ ଜାଣାୟ୍ କିନାରା ଯେ, ହେୱାର୍‌ତାକେ ପା ସତ୍ ନିୟମ୍ ମାନାତ୍।

ରୋମିୟ 7:22

ଆନେଙ୍ଗ୍ ନା ଗରବ୍‌ତାଙ୍ଗ୍ ଈଶ୍ୱର ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ଲାଡ୍ କିନାଙ୍ଗା,

ରୋମିୟ 7:25

ଆନେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ହେୱାନ୍ ନାଙ୍ଗେଙ୍ଗ୍ ଉଦାର୍ କିଦ୍‌ନାନ୍। ଆନେଙ୍ଗ୍ ନା ମାନ୍ତ ତା ଦରମ୍ ସାସ୍ତର୍‌ନି ନିୟମ୍ ମାନି କିଦେଙ୍ଗ୍ ଇଚା କିନାଙ୍ଗା, ମାତର୍ ନା ଗରବ୍‌ତାକେ କରାପ୍ ଇଚା ମାନି କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ପାତେକ୍ ପାପ୍ କିନାଙ୍ଗା।

ରୋମିୟ 8:4

ହେୱାନ୍ ଇଲେକେ କିଜି ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ମା କାଜିଙ୍ଗ୍ ପୁରା କିତାନ୍, ଆରେ ଆପେଙ୍ଗ୍ ମା ପାପ୍‍କିନି ଇଚା ଅନୁସାରେ ଜିବୁନ୍ କାଟି କିୱାଦାଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ଜିବୁନ୍ କାଟିକିନାପା।

ଗାଲାତିୟ 3:2

ଲାଗିଙ୍ଗ୍ ଆନେଙ୍ଗ୍ ରଞ୍ଜାଙ୍ଗ୍ ମିଙ୍ଗେଙ୍ଗ୍ ପଶ୍ନ ୱେନ୍‌ବାଆଦ୍‌ଦେଙ୍ଗ୍ ଇଚା କିନାଙ୍ଗା: ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିଜି କି ଏପେଙ୍ଗ୍ ପବିତ୍ର ଆତ୍ମା ପାୟାଆଜି ମାଚାଦେର୍? ଇଦାଙ୍ଗ୍ ଆକାୟ୍! ମାତର୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିତି କାଜିଙ୍ଗ୍ ଏପେଙ୍ଗ୍ ପବିତ୍ର ଆତ୍ମା ପାୟାଆତାଦେର୍।

ଗାଲାତିୟ 6:2

ଏଚେପାଦ୍ନା ଦୁକ୍‌କଷ୍ଟ ୱାନାତ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିବା ଆଡ। ଇଲେକେ ଏପେଙ୍ଗ୍ ଖ୍ରୀଷ୍ଟ ନିୟମ୍‌ତିଙ୍ଗ୍ ମାନି କିୟାଟ୍।

ଏବ୍ରି 8:10

ଆରେ ମାପୃ ୱେଚ୍‌ଚାନ୍, ସମୟ୍ ୱାନାତ୍ ଆନେଙ୍ଗ୍ ଇସ୍ରାଏଲନି ଲାତ୍ରା ହୁଦାଙ୍ଗ୍ ପୁନି ପାର୍ମାଣ୍ ରହ୍‌ନାଙ୍ଗ୍। ହେଦାଙ୍ଗ୍ ଇଦାଙ୍ଗ୍, ଆନେଙ୍ଗ୍ ହେୱାର୍ ମାନ୍ତ ନା ନିୟମ୍ ହିନାଙ୍ଗ୍, ଲାଗିଙ୍ଗ୍ ହେୱାର୍ ହେଦାଙ୍ଗ୍ ବୁଜା ଆନାର୍। ଆନେଙ୍ଗ୍ ହେୱାର୍ ଗରବ୍‌ତାକେ ନା ନିୟମ୍ ଲେକିକିନାଙ୍ଗ୍, ଲାଗିଙ୍ଗ୍ ହେୱାର୍ ହେଦାଙ୍ଗ୍ ମାନିକିନାର୍। ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍, ଆରେ ହେୱାର୍ ନାଲକ୍ ଆନାର୍।