୧ କରନ୍ତିୟ 9:20 - New Testament in Pengo Parja Language

²⁰ ଏଚେପାଦ୍ନା ଆନେଙ୍ଗ୍ ଯିହୁଦି ମାନାୟାର୍ ହୁଦାଙ୍ଗ୍ ମାଚାଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ତାସି ୱାଦେଙ୍ଗ୍ ଯିହୁଦି ମାନାୟ୍ ଲେକେ ଜିବୁନ୍ କାଟିକିଜି ମାଚାଙ୍ଗ୍। ଆନେଙ୍ଗ୍ ଏଚେପାଦ୍ନା ହେ ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ମାନିକିନି ଯିହୁଦିର୍ ହୁଦାଙ୍ଗ୍ ମାଚାଙ୍ଗ୍, ଆନେଙ୍ଗ୍ ପା ହେ ଦରମ୍ ସାସ୍ତର୍‌ତିଙ୍ଗ୍ ମାନିକିଜି ମାଚାଙ୍ଗ୍। ହେ ଦରମ୍ ସାସ୍ତର୍‌ତିଙ୍ଗ୍ ମାନିକିନି ମାନାୟାର୍ ଖ୍ରୀଷ୍ଟତାକେ ତାସିୱାନି କାଜିଙ୍ଗ୍ ଆନେଙ୍ଗ୍ ଇଲେକେ କିତାଙ୍ଗ୍, ଆରେ ନାଙ୍ଗେଙ୍ଗ୍ ଦରମ୍ ସାସ୍ତର୍ ମାନିକିନାକା ଦର୍‌କାର୍ ହିଲାତାତ୍।

ସତ୍‌ ବଚନ୍‌ ପୁନି ନିୟମ୍‌

²⁰ ଇନେସ୍‌ ଆନ୍‌ ଜିହୁଦିରିଙ୍ଗ୍‌ ଲାବ୍‌ କିଦେଙ୍ଗ୍‌ ଆଡ୍‌ନାଙ୍ଗ୍‌, ଇଦାଂ କାଜିଂ ଜିହୁଦିର୍‌ ଲାଗାଂ ଆନ୍‌ ଜିହୁଦି ଲାକେ ଆତାଙ୍ଗ୍‌; ଇନେସ୍‌ ବିଦି ତାରେନ୍‌ ମାନି ମାନାୟାରିଂ ଲାବ୍‌ କିଦେଙ୍ଗ୍‌ ଆଡ୍‌ନାଙ୍ଗ୍‌, ଇଦାଂ କାଜିଂ ଆନ୍‌ ବିଦିନି ତାରେନ୍‌ ଆୱିତିସ୍ପା ବିଦି ତାରେନ୍‌ ମାନାୟାର୍‌ ଲାଗାଂ ବିଦି ବୁଇଁନି ଲାକେ ଆତାଙ୍ଗ୍‌ ।

୧ କରନ୍ତିୟ 9:20 ပူးပေါင်းရင်းမြစ်များ

ପକ୍ୟାତାକା 16:3

ପାଉଲ ତିମତିଙ୍ଗ୍ ତା ହୁଦାଙ୍ଗ୍ ଅସାହାଚାନ୍ ଆରେ ସୁନତ କିତାନ୍। ଇନେସ୍‌କି ହେ ଏରିୟାନି ଯିହୁଦି ଜାତିନି ମାନାୟାର୍ ଲାତ୍ରାହି ରକାନ୍ ବିନ୍‌ଜାତିନି ମାନାୟ୍ ଇଞ୍ଜି ୱିଜାକାର୍ ପୁନ୍‌ଞ୍ଜି ମାଚାର୍।

ପକ୍ୟାତାକା 18:18

ପାଉଲ ହେ ସହର୍‌ତାକେ କେତେକ୍ ଦିନ୍ ପାତେକ୍ ମାଚାନ୍। ହେବେ ମାନି ଟଣ୍ଡାରିଙ୍ଗ୍ ପିସ୍ତି କେଙ୍କ୍ରେୟା ସହର୍‌ତାକେ ପ୍ରିସ୍‌କିଲା ଆରେ ଆର୍କିଲା ହୁଦାଙ୍ଗ୍ ମେହାଆଜି ହାଚାନ୍। ର ମାନତ୍ ଇଡ଼୍‌ଜି ମାଚିଲେ ପାଉଲ ହେବେ କାପ୍‌ଡ଼ା କୁରାଇ କିୟାଆତାନ୍। ତାପାଚେ ହେୱାର୍ ସିରିୟା ଜିଲ୍ଲାତାକେ ହାଚାର୍।

ରୋମିୟ 11:14

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଉପାୟ୍ କିନାଙ୍ଗା ଯେ, ବିନ୍‌ଜାତିନି ମାନାୟାର୍ ଇନେସ୍‌ଲେକେ ଉଦାର୍ ପାୟାଆତାର୍, ହେୱାର୍ ପା ମା ଯିହୁଦି ଜାତିନି କେତେକ୍ ମାନାୟ୍ ଈଶ୍ୱରତାକେ ମାନ୍‌ବାଦ୍‌ଲାୟ୍ କିଜି ଉଦାର୍ ପାୟା ଆଏର୍।

ରୋମିୟ 3:19

ଲାଗିଙ୍ଗ୍ ଆପେଙ୍ଗ୍ ପୁଚାପ୍‌ନା ଯେ, ମଶା ଲେକିକିତି ଦରମ୍ ସାସ୍ତରନି ନିୟମ୍ ଇମ୍‌ଣି ମାନାୟାରିଙ୍ଗ୍ ହିତାତ୍‌ନା। ହେଦାଙ୍ଗ୍ ପୁର୍ତିନି ୱିଜୁ ମାନାୟାର୍ ମାନିକିନି ଦର୍‌କାର୍। ଏଚେଜାଣ୍ ଦରମ୍ ସାସ୍ତର୍‌ତିଙ୍ଗ୍ ପୁଚାର୍‌ନା। ହେୱାର୍ ୱିଜାକାର୍ ଈଶ୍ୱର ଆଗେ ଚିମ୍ରା ଆଜି ମାନାର୍ ଆରେ ଈଶ୍ୱର ହେୱାରିଙ୍ଗ୍ ତା ପାପ୍ କାମାୟ୍ କାଜିଙ୍ଗ୍ ଦଣ୍ଡ୍ ହିନାତ୍।

ଗାଲାତିୟ 2:19

ଆନେଙ୍ଗ୍ ଏଚେପାଦ୍ନା ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଉପାୟ୍ କିତାଙ୍ଗ୍, ଇଦାଙ୍ଗ୍ ନାଙ୍ଗେଙ୍ଗ୍ ଦସି କିତ୍‌ତାତ୍। ଆରେ ଆନେଙ୍ଗ୍ ନିୟମ୍ କାଜିଙ୍ଗ୍ ହାଃତାଙ୍ଗ୍‌ନା, ଲାଗିଙ୍ଗ୍ ଆନେଙ୍ଗ୍ ଇନେସ୍ ଈଶ୍ୱର କାଜିଙ୍ଗ୍ ଜିଜି ମାନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଆରେ ନିୟମ୍ ୱିଜୁତିଙ୍ଗ୍ ମାନି କିଦେଙ୍ଗ୍ ଉପାୟ୍ କିଉଙ୍ଗା।

ଗାଲାତିୟ 4:21

ଏପେଙ୍ଗ୍ ମୋଶା ଲେକିକିତି ନିୟମ୍ ସାସ୍ତର୍ ତାରେନ୍ ମାଞ୍ଜେଙ୍ଗ୍ ଇଚା କିନାଦେରା ଯେ, ନାଙ୍ଗେଙ୍ଗ୍ ୱେଚ୍‌ଚାଟ୍ ତ, ମୋଶା ଲେକିକିତି ନିୟମ୍ ସାସ୍ତର୍ ହାତ୍‌ପା ଇନାକା ୱେଚ୍‌ନାତା?

ଗାଲାତିୟ 4:5

ମୋଶା ଲେକିକିତି ନିୟମ୍ ସାସ୍ତର୍ ତାରେନ୍ ଆସେଙ୍ଗ୍ ଦାସ୍ ଲେକେ ମାଚାସ୍, ଆରେ ମାଙ୍ଗେଙ୍ଗ୍ ଇନେସ୍ ହେୱାନ୍ ମୁକ୍ତି କିଦ୍‌ନାନ୍ ଆରେ ମାଙ୍ଗେଙ୍ଗ୍ ତା ଜାର୍ ହିମ୍‌ଣା କିଜି ଅସାହାଞ୍ଜ୍‌ନାନ୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ଯୀଶୁଙ୍ଗ୍ ପକ୍ତାତାନ୍।

ଗାଲାତିୟ 5:18

ମାତର୍ ଯଦି ଏପେଙ୍ଗ୍ ପବିତ୍ର ଆତ୍ମାନି ସାଇଜତାଙ୍ଗ୍ ଜିବୁନ୍ କାଟିକିନାଦେର୍, ଲାଗିଙ୍ଗ୍ ଏପେଙ୍ଗ୍ ମୋଶା ଲେକିକିତି ନିୟମ୍ ସାସ୍ତର୍ ତାରେନ୍ ହିଲୁଦେର୍।