୧ କରନ୍ତିୟ 8:10 - New Testament in Pengo Parja Language

¹⁰ ଏପେଙ୍ଗ୍ ପୁଚାଦେର୍‌ନା ଯେ, ଇ ମୁର୍ତିଙ୍ଗ୍ ସତ୍ ଈଶ୍ୱର ଆକାୟ୍, ଲାଗିଙ୍ଗ୍ ଏପେଙ୍ଗ୍ ମୁର୍ତିତିଙ୍ଗ୍ ପୁଜାକିତି କାଦି ପା ଚିଞ୍ଜେଙ୍ଗ୍ ଆଡ୍‌ନାଦେର୍। ମାତର୍ ଇମ୍‌ଣି ଟଣ୍ଡେନିଙ୍ଗ୍ ଅଲପ୍ ପାର୍ତି ମାନାତ୍, ଆରେ ହେୱାନ୍ ଏପେଙ୍ଗ୍ ହେ କାଦିତିଙ୍ଗ୍ ତିନାକା ହୁଡ଼୍‌ଦାନାନ୍। ଲାଗିଙ୍ଗ୍ ହେୱାନ୍ ମୁର୍ତିକାଙ୍ଗ୍ ହିତି କାଦି ତିନାକା ବୁଲ୍ ଇଞ୍ଜି ବାବିକିତିସ୍ ପା ଚିଞ୍ଜେଙ୍ଗ୍ ସାସ୍ କିନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁰ ଇନାକିଦେଂକି ଗିଆନି ଜେ ଏପେଙ୍ଗ୍‌, ମିଙ୍ଗେଙ୍ଗ୍‌ ଜଦି ଇନେର୍‌ ମନ୍ଦିର୍‌ ଇଞ୍ଜ ତିନିତାକେ କୁଚ୍‌ନାକା ହୁଡ଼୍‌ଦାନାର୍‌, ଲାଗିଂ ହେୱାନ୍‌ ନାଦାର୍‌ ଆଜ଼ି ମାଚିସ୍‌ ହେୱାନ୍ତି ବାବ୍‌ନା ଇନାକା ପେନ୍‍କୁ ଆକାତ୍‌ ଚିଜେଙ୍ଗ୍ ସାସ୍‌ ଆଉନ୍‌ ?

୧ କରନ୍ତିୟ 8:10 ပူးပေါင်းရင်းမြစ်များ

ପକ୍ୟାତାକା 15:20

ତା ବାଦୁଲ୍‌ରେ ମାନାୟାର୍ ମୁର୍ତିତିଙ୍ଗ୍ ପୁଜାକିତି କାଦିତିଙ୍ଗ୍ ତିନ୍‌ୱେଦେଙ୍ଗ୍, ଦାରି କାମାୟ୍ କିୱେଦେଙ୍ଗ୍, ହାକ୍‌ତ ମିନ୍‌ଞ୍ଜି ଅସ୍ତି ପଶୁ ଜେଇ ତିନ୍‌ୱେଦେଙ୍ଗ୍ ଆରେ ନେତେର୍ ତିନ୍‌ୱି ବିଷୟରେ, ଆସେଙ୍ଗ୍ ହେୱାର୍ ଲାଗାୟ୍ ରଞ୍ଜାଙ୍ଗ୍ ଚିଟି ଲେକିକିଜି ୱେଚ୍‌ଚିସ୍ ଆନାତ୍‌।

ରୋମିୟ 14:14

ଆନେଙ୍ଗ୍ ମାପୃ ଯୀଶୁ ଅଦିକାର୍‌ତାଙ୍ଗ୍ ହାର୍ କିଜି ପୁଚାଙ୍ଗ୍‌ନା ଯେ, ଇମ୍‌ଣି କାଦି ପା ତିନାକା ବୁଲ୍ ଆକାୟ୍। ମାତର୍ ଯଦି ଇମ୍‌ଣି ମାନାୟ୍ ୱିଜୁ କାଦି ତିନାକା ବୁଲ୍ ଇଞ୍ଜି ପାର୍ତି କିନାନା, ଲାଗିଙ୍ଗ୍ ହେଦାଙ୍ଗ୍ ତା କାଜିଙ୍ଗ୍ ବୁଲ୍।

ରୋମିୟ 14:23

ମାତର୍ ଇମ୍‌ଣି ମାନାୟାର୍ ତିନି କାଜିଙ୍ଗ୍ ରି ମାନ୍ୟା ଆନାର୍ ହେୱାର୍ ତିନ୍‌ୱି ଦର୍‌କାର୍। ନଇଲେ ହେୱାର୍ ଈଶ୍ୱରତିଙ୍ଗ୍ ପାର୍ତି କିଉରା ଇଞ୍ଜି ଦସି କିନାର୍। ଯଦି ଏପେଙ୍ଗ୍ ଇଦାଙ୍ଗ୍ ଟିକ୍ କାମାୟ୍ ଆକାୟ୍ ଇଞ୍ଜି ହେ କାମାୟ୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ପାପ୍ କିନାଦେରା।

୧ କରନ୍ତିୟ 10:32

ଆନେଙ୍ଗ୍ ଇମ୍‌ଣାକା ୱିଜୁକିନାଙ୍ଗା ୱିଜାକାର୍ ସାର୍‌ଦା ଆନିଲେକେ କିନାଙ୍ଗା। ଆନେଙ୍ଗ୍ ନା ଜାର୍ ହାର୍ କାଜିଙ୍ଗ୍ ଚିନ୍ତା କିଉଙ୍ଗା ମାତର୍ ୱିଜାର୍ କାଜିଙ୍ଗ୍, ଲାଗିଙ୍ଗ୍ ହେୱାର୍ ଉଦାର୍ ପାୟାଆନାର୍‌। ହେଲେକେ ଏପେଙ୍ଗ୍ ପା ଯିହୁଦି ଜାତିନିକାଙ୍ଗ୍ କି ବିନ୍‌ଜାତିନିକାରିଙ୍ଗ୍ କି ଈଶ୍ୱରନି ମଣ୍ଡ୍‌ଲିନି ମାନାୟାର୍ ଆୟେର୍ ପାପ୍ କାମାୟ୍ କିଦେଙ୍ଗ୍ ସାସ୍ ହିମାଟ୍।

୧ କରନ୍ତିୟ 8:4

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ମୁର୍ତିକାଙ୍ଗ୍ ପୁଜାକିତି କାଦି ତିନି ବିଷୟରେ ପୁନି କିଦ୍‌ଦେଙ୍ଗ୍ ଇଚା କିଦ୍‌ନାଙ୍ଗା। ଆପେଙ୍ଗ୍ ପୁଚାପ୍‌ନା ଯେ, ଚିକ୍‌ଲାତାଙ୍ଗ୍ ରସ୍ତି ମୁର୍ତିଙ୍ଗ୍ ୱିଜୁ ସତ୍ ଈଶ୍ୱର ଆକାୟ୍ ଆରେ ହେୱିକିୟାଙ୍ଗ୍‌ ଜିବୁନ୍ ହିଲୁତ୍ ମାତର୍ ରଞ୍ଜାଙ୍ଗ୍ ନେ ସତ୍ ଈଶ୍ୱର ମାନାତ୍।

୧ କରନ୍ତିୟ 8:7

ମାତର୍ କେତେକ୍ ପାର୍ତିକିନି ଟଣ୍ଡାର୍ ଇ ବିଷୟତିଙ୍ଗ୍ ପୁନ୍‌ୱାତାର୍‌ନା ଯେ, ମୁର୍ତିକାଙ୍ଗ୍ ଶାକ୍ତି ହିଲ୍‌ଗୁତ୍ ଇନେସ୍‌କି ହେୱାର୍ ଆଗେତାଙ୍ଗ୍ ମୁର୍ତିକାଙ୍ଗ୍ ପୁଜାକିନି ଅବ୍ୟାସ୍ ମାନାତ୍। ଲାଗିଙ୍ଗ୍ ଏଚେପାଦ୍ନା ହେୱାର୍ ମୁର୍ତିତିଙ୍ଗ୍ ହିତି କାଦିତିଙ୍ଗ୍ ତିନାର୍, ହେୱାର୍ ନିଜେ ବୁଲ୍‌ରେ ବାବିକିନାର୍ ଯେ ଆପେଙ୍ଗ୍ ନଙ୍ଗୟ୍ ପାତେକ୍ ମୁର୍ତି ପୁଜା କିନାପା ଆରେ ପାପ୍ କିତାପ୍ ଇଞ୍ଜି ତା ମାନ୍ତ ଆଦିକ୍ ଚିନ୍ତା କିନାର୍।

୧ କରନ୍ତିୟ 8:9

ମାତର୍ ଏପେଙ୍ଗ୍ ସାବ୍‌ଦାନ୍ ଆଜି ମାନାଟ୍ ଯେ, ଇମ୍‌ଣାକାର୍ ଅଲପ୍ ପାର୍ତିକିନାରା ହେୱାର୍ ଆଗେ ମୁର୍ତିକାଙ୍ଗ୍ ହିତି କାଦିତିଙ୍ଗ୍ ତିନ୍‌ମାଟ୍‌ ନଇଲେ ହେୱାର୍ ମାପୃଙ୍ଗ୍ ପାର୍ତି କିନାକା ବନ୍ଦ୍ କିନାର୍।