୧ କରନ୍ତିୟ 7:7 - New Testament in Pengo Parja Language

⁷ ଆନେଙ୍ଗ୍ ଇଚା କିନାଙ୍ଗା ଯେ, ନା ଲେକେ ବିବା ଆୱାଦାଙ୍ଗ୍ ମାନାଟ୍। ମାତର୍ ୱିଜୁଲକ୍ ହାମାନ୍ ଆକାୟ୍। ଈଶ୍ୱର କେତ୍‌ଜାଣ୍‌ତିଙ୍ଗ୍ ବିବାଆନି ଦାନ୍ ହିତାନ୍‌ନା, ଆରେ ବାକି ଲଗାଙ୍ଗ୍ ବିବା ଆୱି ଦାନ୍ ହିତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

⁷ ଆତିସ୍‌ପା, ଇନେସ୍‌ ସବୁ ଲଗୁ ନା ଲାକେ ଆନାର୍‌, ଇଦାଂ ନା ଇଚା । ମତର୍‌ ଇନେର୍‌ ଏପେଙ୍ଗ୍‌, ଇନେର୍‌ ହେ ଏଲେଂ, ଜାଣ୍‍କେ ଇସ୍ୱର୍‌ତାଂ ଦାନ୍‌ ପାୟାତାର୍ଣ୍ଣା ।

୧ କରନ୍ତିୟ 7:7 ပူးပေါင်းရင်းမြစ်များ

ପକ୍ୟାତାକା 26:29

ପାଉଲ ୱେଚ୍‌ଚାନ୍, “ଅଲପ୍ କାତା ଆୟେତ୍ କି ବେସି କାତା ଆୟେତ୍, ଏନ୍‌ଜାଣି ଆକାୟ୍, ମାତର୍ ଏଚେଜାଣ୍ ନା କାତା ନେଞ୍ଜେଙ୍ଗ୍ ୱେନାରା, ହେୱାର୍ ୱିଜାକାର୍ ବନ୍ଦି ଆୱାଦାଙ୍ଗ୍ ନା ଲେକେ ଯୀଶୁଙ୍ଗ୍ ପାର୍ତି କିଦେଙ୍ଗ୍ ଆନେଙ୍ଗ୍ ଈଶ୍ୱରତାକେ ପାର୍ତାନା କିନାଙ୍ଗା।”

ରୋମିୟ 12:6

ଈଶ୍ୱର ମା କାମାୟ୍ ହୁଡ଼୍‌ଜି, ମାଙ୍ଗେଙ୍ଗ୍ ବିନ୍-ବିନ୍ ଦାନ୍ କିନି କାଜିଙ୍ଗ୍ ହିତ୍‌ତାନ୍‌ନା, ଲାଗିଙ୍ଗ୍ ଯଦି ଈଶ୍ୱର କାତା ୱେଚ୍‌ନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଈଶ୍ୱର ୱେଚ୍‌ଚାତାନ୍‌ନା ଇଞ୍ଜି ପାର୍ତି କିଜି ୱେଚ୍‌ନି ଦର୍‌କାର୍।

୧ କରନ୍ତିୟ 12:11

ଇ ୱିଜୁ ପର୍‌କାର୍ ଦାନ୍ ପବିତ୍ର ଆତ୍ମା ତା ଇଚା ଅନୁସାରେ ୱିଜାରିଙ୍ଗ୍ ହିନାତା।

୧ କରନ୍ତିୟ 12:4

ୱିଜୁ ପର୍‌କାର୍ ଆତ୍ମାନି ଦାନ୍ ମାନାତ୍, ଆରେ ହେ ୱିଜୁ ଦାନ୍ ପବିତ୍ର ଆତ୍ମା ହିଦ୍‌ନାତ୍।

୧ କରନ୍ତିୟ 7:8

ନଙ୍ଗୟ୍ ଆନେଙ୍ଗ୍ ବିବା ଆୱାତାକାରିଙ୍ଗ୍ ଆରେ ରାଣ୍ଡି କଗ୍‍ଲେକାଙ୍ଗ୍ ୱେଚ୍‌ନାଙ୍ଗା ଏପେଙ୍ଗ୍ ବିବା ଆୱାଦାଙ୍ଗ୍ ନା ଲେକେ ଆଜି ମାନାକା ହାର୍।

୧ କରନ୍ତିୟ 9:15

ମାତର୍ ଆନେଙ୍ଗ୍ ହେ ଅଦିକାର୍ ପାୟାଆଜି ମାଚିସ୍ ପା ବ୍ଯବାହାର୍ କିୱାତାଙ୍ଗ୍‌ନା। ଆନେଙ୍ଗ୍ ଇ ୱିଜୁ ବିଷୟ ନାଙ୍ଗେଙ୍ଗ୍ ସାଇଜ କିଦାଟ୍ ଇଞ୍ଜି ଲେକିକିଉଙ୍ଗା, ଯଦି ମିବେତାଙ୍ଗ୍ ସାଇଜ ପାୟାଆନାଙ୍ଗ୍ ଲାଗିଙ୍ଗ୍ ହେଦାଙ୍ଗ୍ ନା କାଜିଙ୍ଗ୍ ହାଃନାକା ହାର୍। ଇନେର୍ ପା ନାଙ୍ଗେଙ୍ଗ୍ ବାଟ୍‌ପାଣ୍ ଆନାକା ବନ୍ଦ୍ କିଦ୍‌ଦେଙ୍ଗ୍ ଆଡ଼୍‌ଦୁର୍, ଇନେସ୍‌କି ଆନେଙ୍ଗ୍ ନିଜେ ଜାତୁନ୍ ଅନାଙ୍ଗା।

୧ କରନ୍ତିୟ 9:5

ଆପେଙ୍ଗ୍ ଖ୍ରୀଷ୍ଟାନ୍ କଗ୍‍ଲେକାଙ୍ଗ୍ ବିବାଆଜି ମାପୃ ଯୀଶୁ ବିଷୟରେ ଶୁଣାୟ୍ କିଜି ବୁଲା ଆନାକା ମା ଅଦିକାର୍ ମାନାତ୍। ଇନେସ୍‌ଲେକେ ମାପୃ ଯୀଶୁ ଟଣ୍ଡାହିର୍, କେପା ଆରେ ଜେକନି ବାଚିକିତି ଚେଲାର୍ ବିବାଆଜି ତା ଡକୃହିକ୍ ହୁଦାଙ୍ଗ୍ ମାପୃ ଯୀଶୁ ବିଷୟରେ ଶୁଣାୟ୍ କିଜି ବୁଲା ଆନାରା।