୧ କରନ୍ତିୟ 7:37 - New Testament in Pengo Parja Language

³⁷ ମାତର୍ ଯଦି ଇ ଗାଡ଼୍‌ଚେ ବିବା ଆୱେଦେଙ୍ଗ୍ ତା ମାନ୍ତ ଇଚା କିତାତ୍‌ନା ଆରେ ଯଦି ହେଲେକେ କିଦେଙ୍ଗ୍ ତାଙ୍ଗେଙ୍ଗ୍ ଇନେର୍ ଯବର୍ ଦସ୍ତ୍ କିୱାତାର୍‌ନା, ଲାଗିଙ୍ଗ୍ ହେଦେଲ୍ ଇନାକା ତା ମାନ୍ତ ବାବିକିଜି ମାନାତ୍ ହେଦେଲ୍ ହେଦାଙ୍ଗ୍ କିଦେଙ୍ଗ୍ ଅଦିକାର୍ ମାନାତ୍। ଆରେ ଯଦି ହେଦେଲ୍ ନିଜେ ବିବା ଆୱାଦାଙ୍ଗ୍ ମାଞ୍ଜେଙ୍ଗ୍ ଇଚା କିତାତ୍‌ନା, ଈଶ୍ୱର ଆଗେ ହେଦେଲ୍ ହାର୍ କାମାୟ୍ କିନାତା।

ସତ୍‌ ବଚନ୍‌ ପୁନି ନିୟମ୍‌

³⁷ ମତର୍‌ ଜେ ୱାସ୍କିତ ତିର୍‌ ମାନାତ୍‌, ଆରେ ଲଡ଼ା କିୱିତିସ୍‌, ଆରେ ଇନେର୍‌ତି ଜାର୍‌ ଇଚା ଲାହାଙ୍ଗ୍‌ କିଦେଙ୍ଗ୍‌ ଆଦିକାର୍‌ ମାଚିସ୍‌, ଆରେ ଇନେର୍‌ ଜାର୍‌ ଗାଡ଼୍‍ଚେଂ ଜିପଲି ଇଡ୍‌ଦେଂ କାଜିଂ ୱାସ୍କିତ ତିର୍‌ କିତାନ୍ନା, ହେଦେଲ୍‌ ହାର୍‌ କିତାତ୍‌ନା ।

୧ କରନ୍ତିୟ 7:37 ပူးပေါင်းရင်းမြစ်များ

୧ କରନ୍ତିୟ 7:1

ଏପେଙ୍ଗ୍ ଇମ୍‌ଣି ୱିଜୁ ବିଷୟ ନାଙ୍ଗେଙ୍ଗ୍ ଲେକିକିତ୍‌ତାଦେର୍‌ନା, ଇଦାଙ୍ଗ୍ ଇଲେକେ ଯେ, ଆଁ ଆସେଙ୍ଗ୍ ବିବା ଆୱାକା ହାର୍।

୧ କରନ୍ତିୟ 7:36

ମି ବିତ୍ରେତାଙ୍ଗ୍ ଇନେର୍ ଯଦି ତା ଗାଡ଼୍‍ହିଙ୍ଗ୍ ବିବା କିଜି ହିଉନେ, ଆରେ ହେୱାନ୍ ଟିକ୍ କିଉନା ଇଞ୍ଜି ବାବିକିନାନା, ଲାଗିଙ୍ଗ୍ ହେୱାନ୍ ଟିକ୍ ବାବିକିନି ବିଷୟତିଙ୍ଗ୍ କିନି ଦର୍‌କାର୍ ଯଦି ହେଦେଲ୍ ବିବା ଆଦେଙ୍ଗ୍ ମାନ୍ କିନାତା, ହେଦେଲ୍ ପାପ୍ କିଉତା। ହେୱାନ୍ ତା ଗାଡ଼୍‍ହିଙ୍ଗ୍ ବିବା କିଦେଙ୍ଗ୍ ଆଣ୍ଡ୍ରେନ୍ ଦାହ୍‌ନି ଦର୍‌କାର୍।

୧ କରନ୍ତିୟ 7:38

ଲାଗିଙ୍ଗ୍ ଇମ୍‌ଣି ମାନାୟ୍ ବିବା ଆଦେଙ୍ଗ୍ ଇଚା କିନାନା, ହେୱାନ୍ ହାର୍ କାମାୟ୍ କିନାନା, ଆରେ ଇମ୍‌ଣି ମାନାୟ୍ ବିବା ଆୱେଦେଙ୍ଗ୍ ଇଚା କିନାନା ହେୱାନ୍ ଆଦିକ୍ ହାର୍ କିନାନା।

୨ କରନ୍ତିୟ 9:7

ଲାଗିଙ୍ଗ୍ ଇନେର୍ ଯଦି ମିଙ୍ଗେଙ୍ଗ୍ ଦାନ୍ ହିଦେଙ୍ଗ୍ ଜବର୍ ଦସ୍ତ୍ କିଦ୍‌ନାର୍ ଏପେଙ୍ଗ୍ ହିମାଟ୍, ମାତର୍ ଏପେଙ୍ଗ୍ ନିଜେ ଇଚା କିଜି ଏଚେକ୍ ଦାନ୍ ହିନାଦେର୍ ଚିନ୍ତା କିୟାଟ୍, ଇନେସ୍‌କି ଇମ୍‌ଣି ମାନାୟାର୍ ୱାରିୟା ଆଜି ହିନାର୍ ଈଶ୍ୱର ହେୱାରିଙ୍ଗ୍ ଲାଡ୍ କିନାନ୍।

୧ ପିତର 5:2

ଇମ୍‌ଣାକାର୍ ଈଶ୍ୱର ଲକ୍ ଆତାର୍‌ନା ହେୱାରିଙ୍ଗ୍ ଜାତୁନ୍ କିୟାଟ୍, ଆରେ ଈଶ୍ୱର ଇନେରିଙ୍ଗ୍ ଜାତୁନ୍ କିଦେଙ୍ଗ୍ ମିଙ୍ଗେଙ୍ଗ୍ ହିତ୍‌ତାନ୍‌ନା। ଏପେଙ୍ଗ୍ ୱାରିୟା ଆଜି ହେୱାରିଙ୍ଗ୍ ଜାତୁନ୍ କିୟାଟ୍। ଆରେ ଈଶ୍ୱର ଇଲେକେ କିୟାଟ୍ ଇଞ୍ଜି ଇଚା କିନାନା। ଏପେଙ୍ଗ୍ ଡାବୁଙ୍ଗ୍ କାଜିଙ୍ଗ୍ ଆକାୟ୍, ମାତର୍ ହେୱାରିଙ୍ଗ୍ ସାଇଜ କିନି କାଜିଙ୍ଗ୍ ଜାତୁନ୍ କିୟାଟ୍।