୧ କରନ୍ତିୟ 7:34 - New Testament in Pengo Parja Language

³⁴ ଆରେ ତା ମାନ୍‌ତିଙ୍ଗ୍ ରିପଣ୍ଡାଙ୍ଗ୍ କିଜି ମାନାନ୍। ହେଲେକେ ର କଗ୍‌ଲେ ଯଦି ବିବା ଆୱାତାତ୍‌ନା ଆରେ ବିବା ଆଉତ୍, ଲାଗିଙ୍ଗ୍ ହେଦେଲ୍ ମାପୃଙ୍ଗ୍ ଆଦିକ୍ ହେବା କିଦେଙ୍ଗ୍ ଆଡ୍‌ନାତ୍, ହେଦେଲ୍ ଜାର୍ ଗାଗାଡ଼୍ ଆରେ ଆତ୍ମାତିଙ୍ଗ୍ ପବିତ୍ର କିନାତ୍। ମାତର୍ ଇମ୍‌ଣି କଗ୍‌ଲେ ବିବା ଆତାତ୍‌ନା, ଇ ପୁର୍ତିନି ୱିଜୁ ବିଷୟ ଆରେ ୱିଜୁ ଦିନ୍‌ତି କାମାୟ୍ କିଦେଙ୍ଗ୍ ଆନାତ୍ ଆରେ ପା ହେଦେଲ୍ ତା ଡକ୍ରାହିଙ୍ଗ୍ ୱାରି କିଦେଙ୍ଗ୍ ଉପାୟ୍ କିନାତ୍।

ସତ୍‌ ବଚନ୍‌ ପୁନି ନିୟମ୍‌

³⁴ ଲାଗିଂ ହେୱାନ୍‌ନ୍ତି ମାନ୍‌ ରିବାଗ୍‌ ଆୟେତ୍‌ ଡିଣ୍ଡା କଗ୍‌ଲେ ଆରି ଜିପଲି ମାପ୍ରୁ କାମାୟ୍‌ ଗାଗାଡ଼୍‌ତ ଆରି ଜିବୁନ୍ତ ପୁଇପୁୟା ଆନି କାଜିଂ ମାପ୍ରୁତି ବିସ୍ରେ ଅଜ଼ି ଚିନ୍ତା ଆନାର୍‌; ମତର୍‌ ଇନ୍ଦେଲ୍‌ ଇଲା ଆତାକା, ହେଦେଲ୍‌ ଇନେସ୍‌ ଜାର୍‌ ଆଣ୍ଡ୍ରେନ୍ତି ମାନ୍‌ସତକ୍‌ କଗ୍‌ଲେ ଆନାତ୍‌, ହେଦାଂ କାଜିଂ ପୁର୍ତି ବିସ୍ରେ ଅଜ଼ି ଚିନ୍ତା ଆଡୁ ।

୧ କରନ୍ତିୟ 7:34 ပူးပေါင်းရင်းမြစ်များ

ଜହନ୍‌ 10:13

ହେୱାନ୍ ହଲିଆ କାଜିଙ୍ଗ୍ ମେଣ୍ଢାକାଙ୍ଗ୍ ପିସ୍ତି ହାନାନ୍, ଆରେ ହେୱାନ୍ ମେଣ୍ଢାକାଙ୍ଗ୍ ଇନସ୍ତା କିଉନ୍।

ରୋମିୟ 6:13

ଆରେ ମି ଗାଗାଡ଼୍‌ନି ଜିନିସ୍‌ତିଙ୍ଗ୍ ପାପ୍ କାମାୟ୍ କିନି କାଜିଙ୍ଗ୍ ହିମାଟ୍। ମାତର୍ ହାଃତି ମାନାୟାର୍‌ତାଙ୍ଗ୍ ଜିବୁନ୍ଆତି ମାନାୟ୍ ଲେକେ ଜାର୍-ଜାର୍ ଜିବୁନ୍‌ତିଙ୍ଗ୍ ଈଶ୍ୱରତିଙ୍ଗ୍ ହିୟାଟ୍। ଆରେ ମା ଜାର୍-ଜାର୍ ଗାଗାଡ଼୍ ଜିନିସ୍‌ତିଙ୍ଗ୍ ହାର୍ କାମାୟ୍ କିଜି ଈଶ୍ୱରତି ଗୌରବ କିଦେଙ୍ଗ୍ ବ୍ଯବହାର୍ କିୟାଟ୍।

୧ କରନ୍ତିୟ 6:20

ହେୱାନ୍ ମିଙ୍ଗେଙ୍ଗ୍ ବେସି ଦାମ୍ ହିଜି କଡ଼୍‌ଦାତାନ୍‌ନା। ଲାଗିଙ୍ଗ୍ ଏପେଙ୍ଗ୍ ମି ଗାଗାଡ଼୍‌ତାଙ୍ଗ୍ ଈଶ୍ୱରତିଙ୍ଗ୍ ଗୌରବ ହିନି ଦର୍‌କାର୍।

୧ କରନ୍ତିୟ 7:33

ମାତର୍ ରୱାନ୍ ବିବାଆତି ମାନାୟ୍ ଇ ପୁର୍ତିନି କାମାୟ୍ କିନି ବିଷୟରେ ଚିନ୍ତା କିଦେଙ୍ଗ୍ ଆନାତ୍ ଆରେ ତା ଡକୃହିଙ୍ଗ୍ ୱାରି କିଦେଙ୍ଗ୍ ଉପାୟ୍ କିନାନ୍।

୧ କରନ୍ତିୟ 7:35

ଆନେଙ୍ଗ୍ ମିଙ୍ଗେଙ୍ଗ୍ ହେଲେକେ କିୱେଦେଙ୍ଗ୍ ଆଦେସ୍ ହିଦୁଙ୍ଗା, ମାତର୍ ମି ଲାବ୍ କାଜିଙ୍ଗ୍ ୱେଚ୍‌ଚାନାଙ୍ଗା। ଇଦାଙ୍ଗ୍ ରଞ୍ଜି ବେସି ହାର୍ ଉପାୟ୍ ଯେ ଆସେଙ୍ଗ୍ ମା ମାପୃଙ୍ଗ୍ ହେବା ହାର୍‌କିଜି କିନି କାଜିଙ୍ଗ୍ ସାଇଜ କିଦ୍‌ନାତ୍।

୨ କରନ୍ତିୟ 11:28

ଲାଗିଙ୍ଗ୍ ଆନେଙ୍ଗ୍ ଇ ୱିଜୁ ବିଷୟରେ ଚିନ୍ତା କିଉଙ୍ଗା, ମାତର୍ ୱିଜୁଦିନ୍ ଆନେଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ କାଜିଙ୍ଗ୍ ଚିନ୍ତା କିନାଙ୍ଗା।

୨ କରନ୍ତିୟ 8:16

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ମା ପାର୍ତିକିନି ଟଣ୍ଡେନ୍ ତିତସ ନା ଲେକେ ମିଙ୍ଗେଙ୍ଗ୍ ଡାବୁଙ୍ଗ୍ ଅରାୟ୍ କିଦେଙ୍ଗ୍ ସାଇଜ କିଦ୍‌ନି କାଜିଙ୍ଗ୍ ବେସି ଇଚା କିନାନା।

ପିଲିପିୟ 1:20

ଆନେଙ୍ଗ୍ ଇମ୍‌ଣି ବିଷୟରେ ପା ଲାଜା ଆଉଙ୍ଗ୍ ଇଞ୍ଜି ଆନେଙ୍ଗ୍ ବେସି ଇଚା ଆରେ ଆହା କିନାଙ୍ଗା। ମାତର୍ ଆନେଙ୍ଗ୍ ନଙ୍ଗୟ୍ ପାତେକ୍ ଇନେସ୍ ଶୁଣାୟ୍ କିନାଙ୍ଗା, ହେଲେକେ ନେ ସାହାସ୍ ହୁଦାଙ୍ଗ୍ ଖ୍ରୀଷ୍ଟ ବିଷୟରେ ୱେଚ୍‌ନାଙ୍ଗ୍। ଆନେଙ୍ଗ୍ ଜିତିସ୍ କି ହାଃତିସ୍ ପା ନା ଗାଗାଡ଼୍‌ତାଙ୍ଗ୍ ଖ୍ରୀଷ୍ଟଙ୍ଗ୍ ସନ୍‌ମାନ୍ କିୟିକିନାଙ୍ଗ୍।

୧ ଥେସଲନୀକିୟ 5:23

ଶାନ୍ତି ହିଦ୍‌ନି ଈଶ୍ୱର ହେୱାନ୍ ନିଜେ ମିଙ୍ଗେଙ୍ଗ୍ ପୁରାପୁରି ବାବେ ପବିତ୍ର କିଦ୍‌ନାନ୍। ମି ଆତ୍ମା, ଜିବୁନ୍ ଆରେ ଗାଗାଡ଼୍ ଦସ୍ କିତାନ୍‌ନା ଇଞ୍ଜି ଇଞ୍ଜ୍‌ମେର୍, ମା ମାପୃ ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଆରେରଗ ପୁର୍ତିତାକେ ୱାନି ପାତେକ୍।

୧ ତିମତି 3:5

ଇନେର୍ ଯଦି ଜାର୍ ପରିବାର୍‌ତିଙ୍ଗ୍ ଟିକ୍‌କିଜି ଦାଇତ୍‌ପ ଅଦେଙ୍ଗ୍ ଆଡୁନ୍, ଲାଗିଙ୍ଗ୍ ହେୱାନ୍ ଇନେସ୍ କିଜି ଈଶ୍ୱର ମଣ୍ଡ୍‌ଲିତିଙ୍ଗ୍ ଦାଇତ୍‌ପ ଅଦେଙ୍ଗ୍ ଆଡ୍‌ନାନ୍?

୧ ତିମତି 5:5

ଇମ୍‌ଣି ରାଣ୍ଡି କଗ୍‌ଲେଙ୍ଗ୍ ସାଇଜ କିଦେଙ୍ଗ୍ ଇନେର୍ ହିଲୁର୍, ହେଦେଲ୍ ଈଶ୍ୱରତାକେ ଆହା କିଜି ୱେଡ଼ା ନାଣା ଗୁୱାରି କିଜି ଈଶ୍ୱରତିଙ୍ଗ୍ ତା ସାଇଜ କିଦେଙ୍ଗ୍ ପାର୍ତାନା କିୟା।

ତୀତସ 3:8

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇ ବେଣ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍‌ଦିୟାନ୍ ହିଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍‌କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।