୧ କରନ୍ତିୟ 7:32 - New Testament in Pengo Parja Language

³² ଆନେଙ୍ଗ୍ ଇଚା କିନାଙ୍ଗା ଯେ, ଏପେଙ୍ଗ୍ ୱିଜୁଦିନ୍ କିନି କାମାୟ୍‌ନି ବିଷୟରେ ଚିନ୍ତା କିନି ଦର୍‌କାର୍ ଆକାୟ୍। ରୱାନ୍ ବିବା ଆୱିତି ମାନାୟ୍ ମାପୃ କାମାୟ୍ କିଜି ଜିବୁନ୍ କାଟି କିଦେଙ୍ଗ୍ ଆଡ୍‌ନାନ୍ ଆରେ ମାପୃଙ୍ଗ୍ ୱାରି କିନିଲେକେ କାମାୟ୍ କିଦେଙ୍ଗ୍ ଚିନ୍ତା କିନାନ୍।

ସତ୍‌ ବଚନ୍‌ ପୁନି ନିୟମ୍‌

³² ମତର୍‌ ଏପେଙ୍ଗ୍‌ ଇନେସ୍‌କି ଚିନ୍ତା କିମାଟ୍‌, ଇଦାଂ ନା ଇଚା । ଇନେନ୍‌ ୱାଟା, ହେୱାନ୍‌ ଇନେସ୍‌କି ମାପ୍ରୁତି ମାନ୍‌ସତକ୍‌ ଆନାଦେର୍‌, ହେଦାଂ କାଜିଂ ମାପ୍ରୁନି ବିସ୍ରେ ଆସ୍ତି ଚିନ୍ତା ଆଡୁ;

୧ କରନ୍ତିୟ 7:32 ပူးပေါင်းရင်းမြစ်များ

ମାତିଉ 13:22

ଆରେ କେତେକ୍ ମାନାୟ୍ ଈଶ୍ୱର କାତାତିଙ୍ଗ୍ ୱେନାର୍। ମାତର୍ ଦୁନିଆନି ଚିନ୍ତା, ହାଉକାର୍ ଆନି ଚିନ୍ତା, ଆରେ ବାରବିନି ଚିନ୍ତା ଇୱିଜୁ ଚିନ୍ତା ମାନ୍ତ ଆଜି ଈଶ୍ୱର କାତାତିଙ୍ଗ୍ ଡାବାଇ କିନାତ୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର କାତାତିଙ୍ଗ୍ ମାନିକିଉର୍। ହେଲେଗ୍‌ଦି ମାନାୟ୍ ୱାଡ଼ି ମାର୍‌କୁକାଙ୍ଗ୍ ଆର୍ଜିମାଚି ବିୟାନ୍ ଲେକେ।

ମାର୍କ 4:19

ମାତର୍ ଦୁନିଆନି ଚିନ୍ତା, ହାଉକାର୍ ଆନି ଚିନ୍ତା, ଆରେ ବାରବିନି ଚିନ୍ତା ଇୱିଜୁ ଚିନ୍ତା ମାନ୍ତ ୱାତିସ୍ ଈଶ୍ୱର କାତାତିଙ୍ଗ୍ ଡାବାଇ କିନାତ୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର କାତାତିଙ୍ଗ୍ ମାନିକିୱିତିସ୍ ହେୱାର୍ ପାଡ଼୍‌ ପା ଆହୁର୍।

ଜହନ୍‌ 10:13

ହେୱାନ୍ ହଲିଆ କାଜିଙ୍ଗ୍ ମେଣ୍ଢାକାଙ୍ଗ୍ ପିସ୍ତି ହାନାନ୍, ଆରେ ହେୱାନ୍ ମେଣ୍ଢାକାଙ୍ଗ୍ ଇନସ୍ତା କିଉନ୍।

୧ କରନ୍ତିୟ 7:33

ମାତର୍ ରୱାନ୍ ବିବାଆତି ମାନାୟ୍ ଇ ପୁର୍ତିନି କାମାୟ୍ କିନି ବିଷୟରେ ଚିନ୍ତା କିଦେଙ୍ଗ୍ ଆନାତ୍ ଆରେ ତା ଡକୃହିଙ୍ଗ୍ ୱାରି କିଦେଙ୍ଗ୍ ଉପାୟ୍ କିନାନ୍।

ପିଲିପିୟ 4:6

ଏପେଙ୍ଗ୍ ଇନା ବିଷୟରେ ପା ଚିନ୍ତା କିମାଟ୍। ମାତର୍ ୱିଜୁ ବିଷୟରେ ଈଶ୍ୱରତାକେ ପାର୍ତାନା କିୟାଟ୍। ଆରେ ମିଙ୍ଗେଙ୍ଗ୍ ଇନାକା ଦର୍‌କାର୍ ହେୱାନିଙ୍ଗ୍ ଗୁୱାରି ଆରେ ଦନ୍ଯବାଦ୍ ହିଜି ଏନାଟ୍।

୧ ତିମତି 5:5

ଇମ୍‌ଣି ରାଣ୍ଡି କଗ୍‌ଲେଙ୍ଗ୍ ସାଇଜ କିଦେଙ୍ଗ୍ ଇନେର୍ ହିଲୁର୍, ହେଦେଲ୍ ଈଶ୍ୱରତାକେ ଆହା କିଜି ୱେଡ଼ା ନାଣା ଗୁୱାରି କିଜି ଈଶ୍ୱରତିଙ୍ଗ୍ ତା ସାଇଜ କିଦେଙ୍ଗ୍ ପାର୍ତାନା କିୟା।