୧ କରନ୍ତିୟ 7:29 - New Testament in Pengo Parja Language

²⁹ ଏ ଟଣ୍ଡାର୍‌କାଦେର୍, ମା କାଜିଙ୍ଗ୍ ପୁର୍ତିତାକେ ବେସିଦିନ୍ ହିଲେତ୍। ହେଦାଙ୍ଗ୍ କାଜିଙ୍ଗ୍ ଡକ୍ରି ମାନାତ୍ କି ଆକାୟ୍ ଇଞ୍ଜି ଚିନ୍ତା କିମାଟ୍। ମାତର୍ ମାପୃ ଯୀଶୁଙ୍ଗ୍ ହେବା କିଦେଙ୍ଗ୍ ଚିନ୍ତା କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

²⁹ ମତର୍‌ ଏ ଟଣ୍ଡାର୍‌, ନା କାତା ମାନ୍‌ ଏଲେଙ୍ଗ୍‌, ସମୁ ବେସି ଉଣା, ଲାଗିଂ ଇମ୍‌ଣାକାର୍ତି ଡକ୍ରି ମାନାତ୍‌, ହେୱାର୍‌ ଡକ୍ରି ହିଲ୍‌ୱି ଲାକେ ଆଏର୍‌ ।

୧ କରନ୍ତିୟ 7:29 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:20

ଆରେ ରକାନ୍ ୱେଚ୍‌ଚାନ୍, ‘ଆନେଙ୍ଗ୍ ନଙ୍ଗୟ୍ ବିବା ଆତାଙ୍ଗ୍‌ନା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ୱାଦେଙ୍ଗ୍ ଆଡୁଙ୍ଗ୍।’

୧ କରନ୍ତିୟ 7:28

ମାତର୍ ଯଦି ଏପେଙ୍ଗ୍ ବିବା ଆନାଦେର୍, ହେଦାଙ୍ଗ୍ ପାପ୍ ଆକାୟ୍, ଆରେ ହେଲେକେ ଯଦି ର ୱାଟା ଗାଡ଼୍‌ଚେ ବିବା ଆନାତ୍‌, ହେଦାଙ୍ଗ୍ ପା ପାପ୍ ଆକାୟ୍। ମାତର୍ ବିବାଆତି ମାନାୟାର୍ ଇ ଜଗତ୍‌ତାକେ ତା ଜିବୁନ୍‌ତ ଦୁଃକ୍ କଷ୍ଟ ପାୟାଆନାର୍‌। ଆରେ ଏପେଙ୍ଗ୍ ହେ ଦୁଃକ୍‌କଷ୍ଟତାଙ୍ଗ୍ ଦେହା ମାନାଟ୍ ଇଞ୍ଜି ଆନେଙ୍ଗ୍ ଇଚା କିନାଙ୍ଗା।

୧ କରନ୍ତିୟ 7:30

ଯଦି ଏପେଙ୍ଗ୍ ଆଡ଼୍‌ବି ମାଚିସ୍ କି ୱାରି ମାଚିସ୍ କି ଜାର୍ କାଜିଙ୍ଗ୍ ଇନା ଜିନିଷ୍ କଡ଼୍‌ଜି ମାଚିସ୍, ଇଦାଙ୍ଗ୍‌ କାଜିଙ୍ଗ୍ ଚିନ୍ତା କିମାଟ୍। ଇନେସ୍‌କି ଇ ୱିଜୁ ବିଷୟ ଈଶ୍ୱରତିଙ୍ଗ୍ ହେବା କିଦେଙ୍ଗ୍ ବାଣାୟ୍ କିଦ୍‌ନାତ୍।

୧ କରନ୍ତିୟ 7:31

ମା କାଜିଙ୍ଗ୍ ଇ ପୁର୍ତିନି ୱିଜୁ ଜିନିଷ୍ ବେସି ମୁକ୍ୟ ଆକାୟ୍, ଇନାକା ୱିଜୁ ମା ତାକେ ମାନାତ୍ ଇନେସ୍‌କି ଇ ପୁର୍ତିନି ୱିଜୁ ଜିନିଷ୍ ବେସିଦିନ୍ ମାନୁତ୍।

୧ ପିତର 1:24

ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ମାନାୟାର୍ କାଚ୍ରା ଲେକେ ଆରେ ହେୱାର୍ ସୁନ୍ଦର ଜମିନି ପୁଇଲେକେ। ହେ କାଚ୍ରା ୱାଜ୍‌ଜି ହାନାତ୍ ଆରେ ହେ ପୁଇ ୱିଜୁ ହାଡ଼୍‌ନାତ୍‌,

୧ ପିତର 4:7

ଇ ପୁର୍ତି ବେଗି ସେସ୍ ଆନାତ୍‌ଦେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ପାର୍ତାନା କିଜି ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍।

୧ ଯୋହନ 2:17

ପୁର୍ତି ଆରେ ଜଗତ୍‌ନି ଜିନିଷ୍ ପାୟାଆନି ଆହା ଅଲପ୍‌ଦିନ୍ କାଜିଙ୍ଗ୍। ମାତର୍ ଇମ୍‌ଣି ମାନାୟ୍ ଆବା ଈଶ୍ୱର କାତାତିଙ୍ଗ୍ ମାନି କିନାନ୍, ହେୱାନ୍ ୱିଜୁଦିନ୍ ଜିଜି ମାନାନ୍।