୧ କରନ୍ତିୟ 7:25 - New Testament in Pengo Parja Language

²⁵ ନଙ୍ଗୟ୍ ୱାଟା ଗାଡ଼୍‌ଚେକ୍ କାଜିଙ୍ଗ୍ ଆନେଙ୍ଗ୍ ୱେଚ୍‌ନାଙ୍ଗା। ହେ ଆଜ୍ଞା ଆନେଙ୍ଗ୍ ମାପୃ ଯୀଶୁତାଙ୍ଗ୍ ହେୱେକ୍ କାଜିଙ୍ଗ୍ ପାୟା ଆୱାତାଙ୍ଗ୍‌ନା, ମାତର୍ ମାପୃ ଯୀଶୁ ନାଙ୍ଗେଙ୍ଗ୍ ଦୟାକିଜି ମାନ୍‌ଚି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ବୁଦି ହିତ୍‌ତାନ୍, ହେ ବୁଦିତିଙ୍ଗ୍ ପାର୍ତି କିୟାଆନାତ୍ ଆରେ ଆନେଙ୍ଗ୍ ହେଦାଙ୍ଗ୍ ମିଙ୍ଗେଙ୍ଗ୍ ହିଦ୍‌ନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

²⁵ ଗାଡ଼୍‍ଚେକ୍ତି ବିସ୍ରେ ଆନ୍‌ ମାପ୍ରୁତାଂ ଇମ୍‌ଣାକା ପା ବଲ୍‌ ଗାଟାୱାତାଂନ୍ନା; ମତର୍‌ ମାପ୍ରୁତି ଦୟାତାଂ ପାର୍ତିଲଗୁ ଆଜ଼ି ଜାର୍‌ତିଂ କାତା ହିନାଙ୍ଗା ।

୧ କରନ୍ତିୟ 7:25 ပူးပေါင်းရင်းမြစ်များ

୧ କରନ୍ତିୟ 15:10

ମାତର୍ ତା ଦୟା କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ବାଚିକିତି ଚେଲା ଆତାଙ୍ଗ୍‌ନା, ହେୱାନ୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ୱିଜାର୍ ଚେଲାର୍ ଈଶ୍ୱରତି କାମାୟ୍ କିତିତାଙ୍ଗ୍ ଆନେଙ୍ଗ୍ ବେସି ଈଶ୍ୱର କାମାୟ୍ କିନାଙ୍ଗା। ଆଁ ହେଦାଙ୍ଗ୍ ଆନେଙ୍ଗ୍ ଆକାୟ୍, ମାତର୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ତା କାମାୟ୍ କିନି କାଜିଙ୍ଗ୍ ବ୍ୟବହାର୍ କିଦ୍‌ନାନା।

୧ କରନ୍ତିୟ 4:2

ଲାଗିଙ୍ଗ୍ ଇମ୍‌ଣି ମାନାୟ୍‌ତିଙ୍ଗ୍ ତା ମାଲିକ୍ କାମାୟ୍ ହିତାନ୍‌ନା, ହେୱାନ୍ ଦରମ୍‌ଆଜି ତା ଆଦେସ୍ ଅନୁସାରେ କାମାୟ୍ କିନି ଦର୍‌କାର୍।

୧ କରନ୍ତିୟ 7:10

ନଙ୍ଗୟ୍ ଆନେଙ୍ଗ୍ ବିବାଆତି ମାନାୟାର୍ କାଜିଙ୍ଗ୍ ର ଆଦେସ୍ ହିନାଙ୍ଗା ଯେ, ହେ ଆଦେସ୍ ମାପୃତାଙ୍ଗ୍ ୱାତାତ୍‌ନା ମାତର୍ ନା ଆଦେସ୍। ର କଗ୍‌ଲେ ତା ଡକ୍ରାହି ହୁଦାଙ୍ଗ୍ ପିସ୍‌ପା ଆମେର୍।

୧ କରନ୍ତିୟ 7:12

ନଙ୍ଗୟ୍ ଆନେଙ୍ଗ୍ ଅଲ୍‌ଗା ପାର୍ତିକିନି ମାନାୟାରିଙ୍ଗ୍ ୱେଚ୍‌ନାଙ୍ଗା, ଇଦାଙ୍ଗ୍ ମାପୃ ଯୀଶୁ ୱେଚୁନା। ଯଦି ରୱାନ୍ ପାର୍ତିକିନାକାନ୍, ଖ୍ରୀଷ୍ଟଙ୍ଗ୍ ପାର୍ତିକିୱି କଗ୍‌ଲେଙ୍ଗ୍ ବିବା ଆତାନ୍‌ନା, ଆରେ ହେ କଗ୍‌ଲେ ଯଦି ତା ହୁଦାଙ୍ଗ୍ ମାଞ୍ଜେଙ୍ଗ୍ ଇଚା କିନାତା, ଲାଗିଙ୍ଗ୍ ତା ଡକ୍ରାହି ତାଙ୍ଗେଙ୍ଗ୍ ପିହ୍‌ମେନ୍।

୧ କରନ୍ତିୟ 7:28

ମାତର୍ ଯଦି ଏପେଙ୍ଗ୍ ବିବା ଆନାଦେର୍, ହେଦାଙ୍ଗ୍ ପାପ୍ ଆକାୟ୍, ଆରେ ହେଲେକେ ଯଦି ର ୱାଟା ଗାଡ଼୍‌ଚେ ବିବା ଆନାତ୍‌, ହେଦାଙ୍ଗ୍ ପା ପାପ୍ ଆକାୟ୍। ମାତର୍ ବିବାଆତି ମାନାୟାର୍ ଇ ଜଗତ୍‌ତାକେ ତା ଜିବୁନ୍‌ତ ଦୁଃକ୍ କଷ୍ଟ ପାୟାଆନାର୍‌। ଆରେ ଏପେଙ୍ଗ୍ ହେ ଦୁଃକ୍‌କଷ୍ଟତାଙ୍ଗ୍ ଦେହା ମାନାଟ୍ ଇଞ୍ଜି ଆନେଙ୍ଗ୍ ଇଚା କିନାଙ୍ଗା।

୧ କରନ୍ତିୟ 7:34

ଆରେ ତା ମାନ୍‌ତିଙ୍ଗ୍ ରିପଣ୍ଡାଙ୍ଗ୍ କିଜି ମାନାନ୍। ହେଲେକେ ର କଗ୍‌ଲେ ଯଦି ବିବା ଆୱାତାତ୍‌ନା ଆରେ ବିବା ଆଉତ୍, ଲାଗିଙ୍ଗ୍ ହେଦେଲ୍ ମାପୃଙ୍ଗ୍ ଆଦିକ୍ ହେବା କିଦେଙ୍ଗ୍ ଆଡ୍‌ନାତ୍, ହେଦେଲ୍ ଜାର୍ ଗାଗାଡ଼୍ ଆରେ ଆତ୍ମାତିଙ୍ଗ୍ ପବିତ୍ର କିନାତ୍। ମାତର୍ ଇମ୍‌ଣି କଗ୍‌ଲେ ବିବା ଆତାତ୍‌ନା, ଇ ପୁର୍ତିନି ୱିଜୁ ବିଷୟ ଆରେ ୱିଜୁ ଦିନ୍‌ତି କାମାୟ୍ କିଦେଙ୍ଗ୍ ଆନାତ୍ ଆରେ ପା ହେଦେଲ୍ ତା ଡକ୍ରାହିଙ୍ଗ୍ ୱାରି କିଦେଙ୍ଗ୍ ଉପାୟ୍ କିନାତ୍।

୧ କରନ୍ତିୟ 7:40

ମାତର୍ ହେ କଗ୍‌ଲେ କାଜିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ, ହେଦେଲ୍ ବିବା ଆୱାଦାଙ୍ଗ୍ ୱାଟା ମାନାକା ବେସି ହାର୍, ଆରେ ଆନେଙ୍ଗ୍ ବାବିକିନାଙ୍ଗା ଯେ ଆନେଙ୍ଗ୍ ଇ ଉପାୟ୍ ଈଶ୍ୱରତି ପବିତ୍ର ଆତ୍ମାତାଙ୍ଗ୍ ୱେଚ୍‌ନାଙ୍ଗା।

୧ କରନ୍ତିୟ 7:6

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଉପାୟ୍ ୱେଚ୍‌ଚାନାଙ୍ଗା। ତା ଅର୍ତ ଇଦାଙ୍ଗ୍ ଆକାୟ୍ ଯେ, ଇଲେକେ କିନାକା ନେ ନିୟମ୍।

୨ କରନ୍ତିୟ 11:17

ଯଦି ଇଲେକେ ବାଟ୍‌ପାଣ୍ ଆନାଙ୍ଗା ହେଦାଙ୍ଗ୍ ମାପୃତାଙ୍ଗ୍ ଆକାୟ୍, ମାତର୍ ଆନେଙ୍ଗ୍ ବକ୍‌ୱାର୍ ଲେକେ ବ୍ୟବହାର୍ କିନାଙ୍ଗା।

୨ କରନ୍ତିୟ 2:17

ଆରେ ଏପେଙ୍ଗ୍ ପୁଚାଦେର୍‌ନା ଯେ, ଆପେଙ୍ଗ୍ ହେୱାନ୍ ପନି ମାନାୟାର୍‌ଲେକେ ଆକାୟ୍। ଇମ୍‌ଣି ମାନାୟାର୍ ଡାବୁଙ୍ଗ୍ କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାରା, ମାତର୍ ମାଙ୍ଗେଙ୍ଗ୍ ପକ୍ତିତି ଈଶ୍ୱର ଚଚ୍‌ଚାନାନା ଇଞ୍ଜି ପୁନ୍‌ଞ୍ଜି ଆପେଙ୍ଗ୍ ଦରମ୍‌ଆଜି ଖ୍ରୀଷ୍ଟ ଅଦିକାର୍ ହୁଦାଙ୍ଗ୍ ଈଶ୍ୱରତି ହାର୍ଦିକାବୁର୍ ଶୁଣାୟ୍ କିନାପା।