୧ କରନ୍ତିୟ 7:19 - New Testament in Pengo Parja Language

¹⁹ ଇନେସ୍‌କି ଯଦି ର ମାନାୟ୍ କାଜିଙ୍ଗ୍ ସୁନତ ଆନାକା କି ଆୱାକା ହେଦାଙ୍ଗ୍ ମୁକ୍ଯ ବିଷୟ ଆକାୟ୍, ମାତର୍ ଈଶ୍ୱର ଆଦେସ୍‌ତିଙ୍ଗ୍ ମାନିକିନାକା ନେ ମୁକ୍ଯ ବିଷୟ।

ସତ୍‌ ବଚନ୍‌ ପୁନି ନିୟମ୍‌

¹⁹ ସୁନ୍ନତ୍‌ ଆନାକା କି, ଆରେ ସୁନ୍ନତ୍‌ ଆକାୟ୍‌ ମୁଡ଼େ ଆକାୟ୍‌, କେବଲ୍‌ ଇସ୍ୱର୍ତି ବଲ୍‌ ପାଲି କିନାକା ନେ ଗାଜା ।

୧ କରନ୍ତିୟ 7:19 ပူးပေါင်းရင်းမြစ်များ

ମାତିଉ 5:19

ଇଦାଙ୍ଗ୍ କାଜିଙ୍ଗ୍ ଈଶ୍ୱର ହିତାକା ୱିଜୁ ଆଦେସ୍ ମାନିକିନି ଦରକାର୍। ଇନେସ୍‌କି ଦର୍‌କାର୍‌ଆୱି ହିରୁ ଆଦେସ୍‌ତିଙ୍ଗ୍ ପା ମାନିକିନି ଦର୍‌କାର୍। ଇମ୍‌ଣାକାନ୍ ଇ ଆଦେସ୍‌ତିଙ୍ଗ୍ ମାନିକିଉନ୍, ଆରେ ଜେକ ଲଗାଙ୍ଗ୍ ଆଦେସ୍‌ତିଙ୍ଗ୍ ମାନି କିଦେଙ୍ଗ୍ ବାଙ୍ଗାଇ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହିରୁକାନ୍ ଇଞ୍ଜି ଗାଣା କିୟିଆନାନ୍। ମାତର୍ ଇମ୍‌ଣାକାନ୍ ହେ ଆଦେସ୍‌ତିଙ୍ଗ୍ ମାନି କିନାନ୍ ଆରେ ଲକାରିଙ୍ଗ୍ ପା ହେ ୱିଜୁ ହିକ୍ଷା ମାନି କିଦେଙ୍ଗ୍ ୱେଚ୍‌ଚାନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ଗାଜାକାନ୍ ଇଞ୍ଜି ଗାଣା କିୟିଆନାନ୍।

ଜହନ୍‌ 15:14

ଏପେଙ୍ଗ୍ ଆନେଙ୍ଗ୍ ୱେଚ୍‌ଚିତି ଲେକେ କାମାୟ୍ କିୟାଟ୍, ଲାଗିଙ୍ଗ୍ ଏପେଙ୍ଗ୍ ନା ସାଙ୍ଗ ଆନାଦେର୍।

ରୋମିୟ 3:30

ଇନେସ୍‌କି ପୁର୍ତିତାକେ ର ଈଶ୍ୱରନେ ମାନାନ୍, ଆରେ ର ଉପାୟ୍ ମାନାତ୍ ତା ହୁଦାଙ୍ଗ୍ ଟିକ୍ ଆୟା ଆନାତ୍। ମା ପାର୍ତି କାଜିଙ୍ଗ୍ ହେୱାନ୍ ନେ ମାଙ୍ଗେଙ୍ଗ୍ ଟିକ୍ ମାନାୟ୍ କିଦ୍‌ନାନ୍, ଯିହୁଦି ଜାତିନି ମାନାୟାର୍ ଆଏର୍ କି ବିନ୍‌ଜାତିନି ମାନାୟାର୍ ଆଏର୍।

୧ କରନ୍ତିୟ 8:8

ମାତର୍ ଆସେଙ୍ଗ୍ ଚିଚି କାଦି କାଜିଙ୍ଗ୍ ଈଶ୍ୱରତାକେ ଜାର୍ ଲକ୍ ଆୟାଆଉତ୍‌, କି ହେ କାଦି ତିନ୍‌ୱିତିସ୍‌ ଈଶ୍ୱରତିଙ୍ଗ୍ ଅଲପ୍ ୱାରି କିୟାଆଉତ୍, ଆରେ ହେ କାଦି ଚିଚି କାଜିଙ୍ଗ୍ ଈଶ୍ୱର ଆଗେ ହାର୍ଦି ଲକ୍ ଆୟାଆଉତ୍‌।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ଗାଲାତିୟ 6:15

ସୁନତ ବିଦି ମାନିକିତିସ୍ କି କିୱିତିସ୍ ଇନାକା ଆକାୟ୍, ମାତର୍ ମୁଡ଼୍ ବିଷୟ ଇଦାଙ୍ଗ୍ ଯେ ପବିତ୍ର ଆତ୍ମାତାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁନି ମାନାୟ୍ କିତ୍‌ତାନ୍‌ନା।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

ହତ୍‌ତି 22:14

ଆରେ ଇମ୍‌ଣି ମାନାୟାର୍ ତା ହେନ୍ଦ୍ରାଙ୍ଗ୍ ମେଣ୍ଢା ଇନେର୍‌କି ଯୀଶୁ ନେତେର୍‌ତାକେ ନେ ନୁଜ୍‌ଦି ଡ଼ିଚ୍‌ଚାର୍‌ନା। ତା ଅର୍ତ ଇମ୍‌ଣି ମାନାୟାର୍ ତା ପାପ୍ ୱିଜୁ ନୁସ୍ତାର୍‌ନା, ଈଶ୍ୱର ହେୱାରିଙ୍ଗ୍ ଆଶ୍ରିବାଦ୍ କିତାନ୍‌ନା। ହେୱାର୍ ସହର୍‌ନି ଗେଟ୍‌ତିଙ୍ଗ୍ ହାଞ୍ଜେଙ୍ଗ୍ ଆଡ୍‌ନାର୍ ଆରେ ଜିବୁନ୍‌ହିନି ମାର୍‌ତାଙ୍ଗ୍ ପାଡ଼୍‌ତିଙ୍ଗ୍‌ ଚିଞ୍ଜେଙ୍ଗ୍ ଆଡ୍‌ନାର୍।