୧ କରନ୍ତିୟ 7:17 - New Testament in Pengo Parja Language

¹⁷ ମାପୃ ମିଙ୍ଗେଙ୍ଗ୍ ଇମ୍‌ଣି ଅବସ୍ତାତାକେ ଇଡ଼୍‌ଜି ମାନ୍‌ଞ୍ଚିସ୍ ପା ଏପେଙ୍ଗ୍ ହେ ଅବସ୍ତାତାକେ ମାନାଟ୍। ଈଶ୍ୱର ମିଙ୍ଗେଙ୍ଗ୍ ଆଗେ ଇମ୍‌ଣି ଅବସ୍ତାତାକେ ହିର୍‌ବି ମାନ୍‌ଞ୍ଚାନ୍ ହେ ଅବସ୍ତାତାଙ୍ଗ୍ ଜିବୁନ୍ କାଟିକିଜି ମାନାଟ୍। ଆନେଙ୍ଗ୍ ଇ ନିୟମ୍‌ୱିଜୁ ମଣ୍ଡ୍‌ଲିକାଙ୍ଗ୍ ଆୟେତ୍ ଇଞ୍ଜି ଇଚା କିନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

¹⁷ କେବଲ୍‌ ମାପ୍ରୁ ଇନେରିଂ ଦାନ୍‌ ପାସ୍ପାତାନ୍ନା, ଇସ୍ୱର୍‌ ୱିଜ଼ାରିଂ ଇନେସ୍‌ କୁକ୍‌ତାନ୍ନା ହେୱାନ୍‌ ହେ ଲାକେ ଚିନ୍ତା କିଏନ୍‌ । ଆନ୍‌ ସବୁ ମଣ୍ଡ୍‌ଲିତ ଏଲେଙ୍ଗ୍‌ ବାନି ବଲ୍‌ ହିନାଂ ।

୧ କରନ୍ତିୟ 7:17 ပူးပေါင်းရင်းမြစ်များ

ମାତିଉ 19:12

ମାତର୍ ଇନେର୍ ତା ଆୟା ଗରବ୍‌ତାଙ୍ଗ୍ ବେଜୁ ଜନମ୍ ଆନାର୍। ଆରେ ଇନେର୍-ଇନେର୍ ମାନାୟ୍‌ତାଙ୍ଗ୍ ବେଜୁ କିୟାଆତାର୍‍ନା। ଆରେ ଇନେର୍-ଇନେର୍ ଈଶ୍ୱର ସାସନ୍ କିନି ରାଜି କାଜିଙ୍ଗ୍ ଜାର୍‌ତିଙ୍ଗ୍ ବେଜୁ ଆଜି ମାନ୍‌ଗାନାର୍। ଇମ୍‌ଣାକା ଇ ହିକ୍ଷାତିଙ୍ଗ୍ ୱେନ୍‌ଞ୍ଜି ବୁଜାଆନାଦେର୍ ହେ ହିସାବ୍‌ରେ ହେୱାନ୍ କାମାୟ୍ କିୟେନ୍।”

୧ କରନ୍ତିୟ 10:32

ଆନେଙ୍ଗ୍ ଇମ୍‌ଣାକା ୱିଜୁକିନାଙ୍ଗା ୱିଜାକାର୍ ସାର୍‌ଦା ଆନିଲେକେ କିନାଙ୍ଗା। ଆନେଙ୍ଗ୍ ନା ଜାର୍ ହାର୍ କାଜିଙ୍ଗ୍ ଚିନ୍ତା କିଉଙ୍ଗା ମାତର୍ ୱିଜାର୍ କାଜିଙ୍ଗ୍, ଲାଗିଙ୍ଗ୍ ହେୱାର୍ ଉଦାର୍ ପାୟାଆନାର୍‌। ହେଲେକେ ଏପେଙ୍ଗ୍ ପା ଯିହୁଦି ଜାତିନିକାଙ୍ଗ୍ କି ବିନ୍‌ଜାତିନିକାରିଙ୍ଗ୍ କି ଈଶ୍ୱରନି ମଣ୍ଡ୍‌ଲିନି ମାନାୟାର୍ ଆୟେର୍ ପାପ୍ କାମାୟ୍ କିଦେଙ୍ଗ୍ ସାସ୍ ହିମାଟ୍।

୧ କରନ୍ତିୟ 11:16

ଯଦି ଇମ୍‌ଣାକାନ୍ ଆନେଙ୍ଗ୍ ୱେଚ୍‌ନି କାତାତିଙ୍ଗ୍ ବୁଲ୍ ଇଞ୍ଜି ବାବିକିନାନା, ଲାଗିଙ୍ଗ୍ ଇ ରିତିନିତି ପିସ୍ତି ଆରେ ଜେକନିକା ହିଲେତ୍। ହେଦିଲିଙ୍ଗ୍ ଆପେଙ୍ଗ୍ ଆରେ ଈଶ୍ୱରତାକେନି ୱିଜୁ ମଣ୍ଡ୍‌ଲିନିକାର୍ ନେ ମାନି କିନାରା।

୧ କରନ୍ତିୟ 11:34

ଯଦି ମିଙ୍ଗେଙ୍ଗ୍ ନାସ୍‌କି କିଦ୍‌ନାତା, ମିଞ୍ଜ ଉଣାଟ୍। ଲାଗିଙ୍ଗ୍ ଏଚେପାଦ୍ନା ଏପେଙ୍ଗ୍ ର ବାହାତାକେ ରୁଣ୍ଡା ଆନାଦେର୍, ଏପେଙ୍ଗ୍ ହାର୍ କିଜି ବ୍ଯବହାର୍ କିନାଦେର୍ ଆରେ ଈଶ୍ୱର ମିଙ୍ଗେଙ୍ଗ୍ ବିଚାର୍ କିଦ୍‌ମେନ୍। ଆନେଙ୍ଗ୍ ମି ଲାଗେ ୱାତି ପାଚେ ଜେକନି ବିଷୟତିଙ୍ଗ୍ ହିକ୍ଷା ହିଦ୍‌ନାଙ୍ଗ୍।

୧ କରନ୍ତିୟ 14:33

ଇନେସ୍‌କି ଈଶ୍ୱର କଲ୍-କଲ୍ ଆନି ଈଶ୍ୱର ଆକାୟ୍, ମାତର୍ ଶାନ୍ତିନି ଈଶ୍ୱର, ଇନେସ୍ ୱିଜୁ ଈଶ୍ୱରନି ମଣ୍ଡ୍‌ଲିନି ମାନାୟାର୍ ପବିତ୍ର।

୧ କରନ୍ତିୟ 16:1

ଯିରୁଶାଲୋମନି ଈଶ୍ୱର ମାନାୟାର୍ କାଜିଙ୍ଗ୍ ଏପେଙ୍ଗ୍ ରୁଣ୍ଡାୟ୍ କିତି ବିଷୟରେ ଇମ୍‌ଣି ପ୍ରଶ୍ନ କିଜି ମାଚାଦେର୍, ହେ ବିଷୟରେ ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗ୍। ଏପେଙ୍ଗ୍ ଗାଲାତିୟ ମଣ୍ଡ୍‌ଲିନି ମାନାୟାର୍ କିତିଲେକେ କିୟାଟ୍, ଇନେସ୍ ଆନେଙ୍ଗ୍ ହେୱାରିଙ୍ଗ୍ କିଦେଙ୍ଗ୍ ୱେଚ୍‌ଚି ମାଚାଙ୍ଗ୍।

୧ କରନ୍ତିୟ 4:17

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି ଲାଗେ ତିମତିଙ୍ଗ୍ ପକ୍ତାନାଙ୍ଗା। ହେୱାନ୍ ନା ମାଜି ଲେକେ ତାଙ୍ଗେଙ୍ଗ୍ ଆନେଙ୍ଗ୍ ଲାଡ୍ କିନାଙ୍ଗା, ଆରେ ମାପୃ ତାଙ୍ଗେଙ୍ଗ୍ ଇନାକା ୱେଚ୍‌ନାତ୍‌ ହେଦାଙ୍ଗ୍ ହେୱାନ୍ କିନାନା। ଆନେଙ୍ଗ୍ ୱିଜୁ ମଣ୍ଡ୍‌ଲିତାକେ ଇନାକା ଯୀଶୁ ଖ୍ରୀଷ୍ଟ ବିଷୟରେ ହିକାୟ୍ କିନାଙ୍ଗା, ହେଦାଙ୍ଗ୍ ହେୱାନ୍ ମିଙ୍ଗେଙ୍ଗ୍ ମନେ ପକାୟ୍ କିଜି ହିଦ୍‌ନାନ୍।

୧ କରନ୍ତିୟ 7:18

ଯଦି ର ଯିହୁଦି ମାନାୟ୍ ମାପୃ ଯୀଶୁଙ୍ଗ୍ ପାର୍ତି କିନାନା, ଲାଗିଙ୍ଗ୍ ହେୱାନ୍ ଆନେଙ୍ଗ୍ ଯିହୁଦିନି ମାନାୟ୍ ଆକାୟ୍ ଇଞ୍ଜି ୱେଚ୍‌ମେନ୍‌। ହେଲେକେ ଯଦି ର ବିନ୍‌ଜାତିନି ମାନାୟ୍ ମାପୃ ଯୀଶୁଙ୍ଗ୍ ପାର୍ତିକିନାନ୍, ହେୱାନ୍ ଯିହୁଦି ମାନାୟ୍ ଆନି କାଜିଙ୍ଗ୍ ହେୱାନ୍ ସୁନତ ଆମେନ୍।

୧ କରନ୍ତିୟ 7:24

ଲାଗିଙ୍ଗ୍ ଏ ଲାଡ୍‌ନି ଟଣ୍ଡାର୍‌କାଦେର୍, ଏପେଙ୍ଗ୍ ଖ୍ରୀଷ୍ଟାନ୍ ଆତିହିଙ୍ଗ୍ ଆଗେ ଇନେସ୍ ମାଚାଦେର୍ ହେଲେକେ ମାନାଟ୍, ଆରେ ଈଶ୍ୱର ହୁଦାଙ୍ଗ୍ ମାହାଆଜି ମାନାଟ୍।

୧ କରନ୍ତିୟ 7:7

ଆନେଙ୍ଗ୍ ଇଚା କିନାଙ୍ଗା ଯେ, ନା ଲେକେ ବିବା ଆୱାଦାଙ୍ଗ୍ ମାନାଟ୍। ମାତର୍ ୱିଜୁଲକ୍ ହାମାନ୍ ଆକାୟ୍। ଈଶ୍ୱର କେତ୍‌ଜାଣ୍‌ତିଙ୍ଗ୍ ବିବାଆନି ଦାନ୍ ହିତାନ୍‌ନା, ଆରେ ବାକି ଲଗାଙ୍ଗ୍ ବିବା ଆୱି ଦାନ୍ ହିତାନ୍‌ନା।

୨ କରନ୍ତିୟ 11:28

ଲାଗିଙ୍ଗ୍ ଆନେଙ୍ଗ୍ ଇ ୱିଜୁ ବିଷୟରେ ଚିନ୍ତା କିଉଙ୍ଗା, ମାତର୍ ୱିଜୁଦିନ୍ ଆନେଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ କାଜିଙ୍ଗ୍ ଚିନ୍ତା କିନାଙ୍ଗା।

୨ କରନ୍ତିୟ 8:18

ଆପେଙ୍ଗ୍ ତିତସ ହୁଦାଙ୍ଗ୍ ଆରେ ରକାନିଙ୍ଗ୍ ମିତାକେ ୱାଦେଙ୍ଗ୍ ପକ୍ତାନାପା, ତାଙ୍ଗେଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ ଜୟ୍-ଜୟ୍ କିନାରା, ଇନେସ୍‌କି ହେୱାନ୍ ପା ଖ୍ରୀଷ୍ଟତି ହାର୍ଦିକାବୁର୍ ଶୁଣାୟ୍ କିନାନା।

ଗାଲାତିୟ 1:22

ଯିହୁଦା ଜିଲ୍ଲାତାକେ ମାନି ଖ୍ରୀଷ୍ଟତାକେ ପାର୍ତିକିନି ମଣ୍ଡ୍‌ଲିନି ମାନାୟାର୍ ନାଙ୍ଗେଙ୍ଗ୍ ପୁଞ୍ଜ୍‌ୱାଦାଙ୍ଗ୍ ମାନ୍‌ଞ୍ଚାର୍।

୧ ଥେସଲନୀକିୟ 2:14

ହେ ଟଣ୍ଡାର୍‌କାଦେର୍, ଯିହୁଦା ଜିଲ୍ଲାତାକେ ମାନି ଈଶ୍ୱର ମଣ୍ଡ୍‌ଲିନି ପାର୍ତିକିନି ମାନୟାର୍ ଯୀଶୁ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍। ଇନେସ୍ ହେୱାର୍ ତା ଜାର୍ ଯିହୁଦି ଜାତିନି ମାନାୟାର୍‌ତାଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚାର୍, ହେଲେକେ ଏପେଙ୍ଗ୍ ପା ଜାର୍ ଜାତିନି ମାନାୟାର୍‌ତାଙ୍ଗ୍ ଦୁଃକ୍ କଷ୍ଟ ପାୟା ଆତାଦେର୍‌ନା।

୨ ଥେସଲନୀକିୟ 1:4

ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚିସ୍ ପା, ସାସ୍ ଆଜି ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାଦେରା। ହେଦାଙ୍ଗ୍ କାଜିଙ୍ଗ୍ ଈଶ୍ୱରତିଙ୍ଗ୍ ପାର୍ତିକିନି ମଣ୍ଡ୍‌ଲିନି ମାନାୟାର୍ ଆଗେ ମି ବିଷୟରେ ଆପେଙ୍ଗ୍ ସାର୍‌ଦା ଆଜି ୱେଚ୍‌ନାପା।