୧ କରନ୍ତିୟ 6:18 - New Testament in Pengo Parja Language

¹⁸ ଏପେଙ୍ଗ୍ ଦାରି କାମାୟ୍‌ତାଙ୍ଗ୍ ଦେହା ମାନାଟ୍, ଇମ୍‌ଣାକାନ୍ ୱିଜୁ ପାପ୍ କାମାୟ୍ କିନାନ୍ ହେୱାନ୍ ତା ଗାଗାଡ଼୍ ବାର୍ତ କିନାନ୍, ମାତର୍ ଦାରି କାମାୟ୍ କିନାକାନ୍ ତା ଜାର୍ ଗାଗାଡ଼୍‌ନି ବିରଦ୍‌ତାକେ ପାପ୍ କିନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁸ ଦାରିତାଂ ଦେହା ହାଲାଟ୍‌ । ମାନାୟ୍‌ ବିନ୍‌ ଇମ୍‌ଣାକା ପା ପାପ୍‌ କିତିସ୍‌, ହେଦାଂ ଗାଗାଡ଼୍‌ନି ବାର୍ତହତାକା; ମତର୍‌ ଇନେର୍‌ ଦାରି କିତାନ୍‌, ହେୱାନ୍‌ ଜାର୍‌ ନିଜ୍‍ ଗାଗାଡ଼୍‌ ବିରୁଦ୍‌ତ ପାପ୍‌ କିନାନ୍‌ ।

୧ କରନ୍ତିୟ 6:18 ပူးပေါင်းရင်းမြစ်များ

ରୋମିୟ 1:24

ହେଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ତା ଗରବ୍‌ନି କରାପ୍ ଚିନ୍ତା ଅନୁସାରେ କାମାୟ୍ କିନି କାଜିଙ୍ଗ୍ ପିସ୍ତି ହିତାନ୍, ଆରେ ହେୱାର୍ ଇନେସ୍‌କି ଜାର୍-ଜାର୍ ଗାଗାଡ଼୍ ବିରଦ୍‌ତାଙ୍ଗ୍ ଗିଣ୍ କାମାୟ୍ କିତାର୍।

୧ କରନ୍ତିୟ 6:9

ଏପେଙ୍ଗ୍ ତ ପୁଚାଦେର୍‌ନା ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍। ଏପେଙ୍ଗ୍ ଜାର୍‌ତିଙ୍ଗ୍ ଟକାୟ୍ କିୟାଆମାଟ୍। ଇନେସ୍‌କି ଇମ୍‌ଣି ମାନାୟାର୍ ହୁଞ୍ଜା ମାଗା ଆନି ପାପ୍, ମୁର୍ତି ପୁଜା, ଦାରି କାମାୟ୍, ଆଣ୍ଡ୍ରାଙ୍ଗ୍ ଦାରି କାମାୟ୍,

୨ କରନ୍ତିୟ 12:21

ମିତାକେ ୱାଦେଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା, ଈଶ୍ୱର ନାଙ୍ଗେଙ୍ଗ୍ ମି କାଜିଙ୍ଗ୍ ଦରମ୍ କିଦେତ୍। ନଇଲେ ଆନେଙ୍ଗ୍ ଦୁଃକ୍ ଆନାଙ୍ଗ୍, ଇନେସ୍‌କି ମିବେତାଙ୍ଗ୍ ବେସିହେନି ମାନାୟାର୍ ଇ ୱିଜୁ ପାପ୍, ଆରେ ପବିତ୍ର ଆୱାତାର୍‌ନା। ଆରେ ଦାରି କାମାୟ୍ କିନି ଇଚାତାଙ୍ଗ୍ ମାନ୍‌ବାଦ୍‌ଲାୟ୍ କିୱାତାଦେର୍‍ନା।

ଗାଲାତିୟ 5:19

ଏପେଙ୍ଗ୍ ଗାଗାଡ଼୍‌ନି ଇଚାନି କାମାୟ୍ ୱିଜୁ କିଲେର୍ କିଜି ପୁଚାଦେର୍‌ନା କି ଦାରି କାମାୟ୍, କରାପ୍ ଚିନ୍ତା।

ଏପିସିୟ 5:3

ଲାଗିଙ୍ଗ୍ ଦାରି, ୱିଜୁ ପର୍‌କାର୍ କରାପ୍ କାମାୟ୍ କି ଲବ୍ରା, ଇୱିଜୁ ମି ବିତ୍ରେ ବାହା ଆମେତ୍। ଇନେସ୍‌କି ହେଦାଙ୍ଗ୍ ସାଦୁ ମାନାୟାର୍ କାଜିଙ୍ଗ୍ ଟିକ୍ ଆକାୟ୍।

କଲସିୟ 3:5

ଲାଗିଙ୍ଗ୍ ପୁର୍ତିନି ପାପ୍‌ନି ୱିଜୁ ଗୁଣ୍‌ତିଙ୍ଗ୍ ପିହାଟ୍, ଇଦାଙ୍ଗ୍‌ନି ଅର୍ତ ଇୱିଜୁ ଗୁଣ୍, ଦାରି କାମାୟ୍, କରାପ୍ କାମାୟ୍, ଅପ୍‌ମାନ୍‌ନି କାମାୟ୍, ମାନ୍ ବିତ୍ରେ ଦାରି ଚିନ୍ତା କିନାକା, କରାପ୍ ଚିନ୍ତା, ଲବ୍ରା ଆନାକା। ରଞ୍ଜାଙ୍ଗ୍ ମୁର୍ତିତିଙ୍ଗ୍ ପୁଜା କିତିଲେକେ।

୧ ଥେସଲନୀକିୟ 4:3

ଈଶ୍ୱରତିଙ୍ଗ୍ ଇଚା ଯେ, ଏପେଙ୍ଗ୍ ପବିତ୍ର ଆଡ, ଇ ଅର୍ତ ଏପେଙ୍ଗ୍ ଦାରି କାମାୟ୍ କିମାଟ୍।

୧ ଥେସଲନୀକିୟ 4:5

ୱିଜାକାଦେର୍ ନିଜେ-ନିଜେତିଙ୍ଗ୍ ପବିତ୍ର କିୟାଟ୍। ଲାଗିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍, ଇଲେକେ ହାର୍ କାମାୟ୍ କିଜି ମାନାଟ୍।

୨ ତିମଥି 2:22

ମାତର୍ ଏନେଙ୍ଗ୍ ବେଣ୍ଡିଆ ୱେଡ଼ାତାଙ୍ଗ୍ କରାପ୍ କାମାୟ୍‌ତାଙ୍ଗ୍ ଦେହା ମାନା। ମାପୃତିଙ୍ଗ୍ ହାର୍ଦି ମାନ୍‌ତାଙ୍ଗ୍ ହେବାକିନି ମାନାୟାର୍ ହୁଦାଙ୍ଗ୍ ଏନେଙ୍ଗ୍ ଇ ୱିଜୁ ମାନି କିଦେଙ୍ଗ୍ ଉପାୟ୍ କିୟା ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା। ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା, ଆରେ ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

ଏବ୍ରି 13:4

ଏପେଙ୍ଗ୍ ବିବାଆନି ଜିବୁନ୍‌ତିଙ୍ଗ୍ ସନ୍‌ମାନ୍ କିୟାଟ୍, ଆରେ ଏପେଙ୍ଗ୍ ବିବାଆତି ଜିବୁନ୍‌ତାକେ ଜାର୍-ଜାର୍ ପବିତ୍ର ଆଜି ମାନାଟ୍। ଇମ୍‌ଣାକାର୍ ଦାରୁଲା ଆରେ ଜେକନି ମାନାୟାରିଙ୍ଗ୍ ଆଦିକ୍ ଇଚା ଆନାର୍, ହେୱାରିଙ୍ଗ୍ ଈଶ୍ୱର ବିଚାର୍ କିନାନ୍।

୧ ପିତର 2:11

ଏ ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ବିନ୍‌ଦେସ୍ ଆରେ ପୁନ୍‌ୱିତି ମାନାୟ୍ ଲେକେ ଇ ପୁର୍ତିତାକେ ମାନାଦେରା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା ଯେ, ଏପେଙ୍ଗ୍ ୱିଜୁ ପର୍‌କାର୍ ପାପ୍ କାମାୟ୍‌ତାଙ୍ଗ୍ ଦେହା ମାନାଟ୍, ଇନେସ୍‌କି ହେଦାଙ୍ଗ୍ ମି ଜିବୁନ୍ ବିରୁଦ୍‌ତାକେ ଜୁଜ୍ କିଦ୍‌ନାତ୍।