୧ କରନ୍ତିୟ 6:10 - New Testament in Pengo Parja Language

¹⁰ ଆଣ୍ଡ୍ରାଙ୍ଗ୍-ଆଣ୍ଡ୍ରାଙ୍ଗ୍ ବିତ୍ରେ ଦାରି କାମାୟ୍, ଚରି କିନାର୍, ଲକାର୍ ଦନ୍‌ତିଙ୍ଗ୍ ଲବ୍ ଆନାର୍, କାଲିଙ୍ଗ୍ ଉଣାର୍, ମାନାୟାରିଙ୍ଗ୍ ନିନ୍ଦା କିନାର୍, ଲକାର୍ ଦନ୍‌ତିଙ୍ଗ୍ ଟକାୟ୍ କିଜି ଅନାର୍, ଇଲେଗ୍‌ଦି ମାନାୟାର୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁର୍।

ସତ୍‌ ବଚନ୍‌ ପୁନି ନିୟମ୍‌

¹⁰ କି ମୁଟିଇଡ଼୍‌ନାକାନ୍‌ କି ଚରେନ୍‌ କି ଦାନ୍‌ ଲବ୍ରା କି ମଦ୍‌ୱା କି ବାନ୍ୟା ଲକାର୍ତି ଜିନିସ୍‌ ଚରି କିନାକାନ୍‌ ଇୱାର୍‌ ଇସ୍ୱର୍ତି ରାଜିତ ହେୱାର୍‌ ବାଗ୍‌ ପାୟା ଆଉର୍‌ ।

୧ କରନ୍ତିୟ 6:10 ပူးပေါင်းရင်းမြစ်များ

ମାତିଉ 21:19

ହେପାଦ୍ନା ହାଜି ଲାଗେ ଆକିଙ୍ଗ୍ ମାନି ର ତଗାମାର୍‌ତିଙ୍ଗ୍ ହୁଡ଼୍‌ତାନ୍। ଆରେ ହେ ତଗାମାର୍ ଲାଗାୟ୍ ହାଚାନ୍। ହେ ମାର୍‌ତ ଆପ୍‌କା ଆକିଙ୍ଗ୍ ପିସ୍ତି ଇନାକାପା ଗାଟାଆୱାତାନ୍। ଲାଗିଙ୍ଗ୍ ହେ ତଗାମାର୍‌ତିଙ୍ଗ୍ ୱେଚ୍‌ଚାନ୍, “ଆରେ ଇନାୱେଡ଼ାଙ୍ଗ୍ ପା ପାଡ଼୍‌ଆହ୍‌ମେତ୍।” ହେବେତାଙ୍ଗ୍ ହେ ତଗାମାର୍‌ ୱାଚ୍‌ଜି ହାଚାତ୍।

ମାତିଉ 23:13

ଏ ପଣ୍ଡିତ୍‌ ଆରେ ପାରୁସିଦଳ୍‍ନି ମାନାୟ୍ କାଦେର୍, ଇନେସ୍‌କି ଏପେଙ୍ଗ୍ ସେସ୍‌ଦିନ୍ କେତେକ୍ ବୟଙ୍କାର୍! ଆରେ ହାନି ପାଟ୍‌କାର୍ ମାନାୟ୍, ଈଶ୍ୱର ସାସନ୍ କିନି ରାଜିତାକେ ହାନି ହାଜି ବନ୍ଦ୍ କିତାଦେର୍‌ନା। ଜାର୍ ହେବେ ହାଲୁଦେରା ଆରେ ଇମ୍‌ଣାକାର୍ ହାଞ୍ଜେଙ୍ଗ୍ ଉପାୟ୍ କିନାରା, ହେୱାରିଙ୍ଗ୍ ହାଞ୍ଜେଙ୍ଗ୍ ହିଉଦେରା।

ମାତିଉ 23:33

ଏପେଙ୍ଗ୍ ରାଚ୍ ଲେକେ। ଏପେଙ୍ଗ୍ ବିଶ୍ ଆସ୍ତି ରାଚ୍ ଲାତ୍ରାତାଙ୍ଗ୍ ଜନମ୍ ଆତାଦେର୍‌ନା। ଏପେଙ୍ଗ୍ ଈଶ୍ୱରତାଙ୍ଗ୍ ରକ୍ଷା ପାୟା ଆଉଦେର୍। ଏପେଙ୍ଗ୍ ୱିଜାକାରିଙ୍ଗ୍ ଦସି ଇଞ୍ଜି ବିଚାର୍ କିନାଦେର୍। ଆରେ ଏପେଙ୍ଗ୍ ନରକ୍‌ତାକେ ହାନାଦେର୍।

ଜହନ୍‌ 12:6

ମାତର୍ ଇଷ୍କାରିତିୟ ଯିହୁଦା ଗରିବ୍ ଲକାର୍ କାଜିଙ୍ଗ୍ ଚିନ୍ତା କିୱାଦାଙ୍ଗ୍ ମାଚାନ୍। ହେୱାନ୍ ଚର୍ ମାଚିଲେ ଇ କାତା ୱେଚ୍‌ଚାନ୍। ହେୱାନ୍ ଚେଲାହିର୍ କାଜିଙ୍ଗ୍ ଡାବୁଙ୍ଗ୍ ପେଡ଼ି ତା ଲାଗାୟ୍ ଇଡ଼୍‌ଜି ମାଚାନ୍। ଆରେ ହେୱାନ୍ ଲାଗାୟ୍ ର ପେଡ଼ି ମାଚାତ୍, ଆରେ ପେଡ଼ିତାକେ ଚର୍ କିତି ଡାବୁଙ୍ଗ୍ ଇଡ଼୍‌ଜି ମାଚାନ୍।

ପକ୍ୟାତାକା 20:32

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱରତାକେ ଆରେ ତା ଦୟାକିନି କାତାତିଙ୍ଗ୍ ହାର୍‌ପି କିଜି ହିତ୍‌ତାଙ୍ଗ୍‌ନା। ଇନେସ୍‌କି ହେୱାନ୍ ମିଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାଇଜ କିଦ୍‌ନାନ୍। ହେୱାନ୍ ଇମ୍‌ଣାକାରିଙ୍ଗ୍ ଦରମ୍ ମାନାୟ୍ ରସ୍ତି ଆଦିକାର୍ ହିଦ୍‌ଦେଙ୍ଗ୍ କାତା ହିତ୍‌ତାନ୍‌ନା, ହେ ଆଦିକାର୍ ମିଙ୍ଗେଙ୍ଗ୍ ପା ହିଦ୍‌ନାନ୍।

୧ କରନ୍ତିୟ 15:50

ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍ ୱେଚ୍‌ଚେଦେଙ୍ଗ୍ ଇଚା କିନାଙ୍ଗା ଯେ, ମା ଇ ପୁର୍ତିନି ଗାଗାଡ଼୍ ହୁଦାଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହଲିଆ ଆଉତ୍, ଆରେ ଇ ହାଃନି ଗାଗାଡ଼୍ ୱିଜୁଦିନ୍ ମାନି ବାହାତାକେ ହାଲିଆ ଆଉତ୍।

୧ କରନ୍ତିୟ 5:11

ମାତର୍ ଆନେଙ୍ଗ୍ ଲେକିକିତାକା ଇଲେକେ ଯେ, ଯଦି ଇମ୍‌ଣି ମାନାୟ୍ ଖ୍ରୀଷ୍ଟଙ୍ଗ୍ ପାର୍ତି କିଜି ଦାରି କାମାୟ୍ କିନାନ୍, ଦନ୍ ସମ୍ଫତିତିଙ୍ଗ୍ ଲବ୍ ଆନାନ୍, ମୁର୍ତି ପୁଜା କିନାନ୍, ଲକାଙ୍ଗ୍ ନିନ୍ଦା କିନାନ୍, କାଲିଙ୍ଗ୍ ଉଣାନ୍ ଆରେ ଲକାର୍ ଦନ୍‌ତିଙ୍ଗ୍ ଚର୍ କିନାନ୍, ଇଲେକେ ମାନାୟ୍ ହୁଦାଙ୍ଗ୍ ମାହା ଆମାଟ୍ କି ତା ହୁଦାଙ୍ଗ୍ ମାହାଆଜି ତିନ୍‌ମାଟ୍‌।

ଗାଲାତିୟ 5:21

ଆରେ ମଦୁଆ ଆନାକା, କରାପ୍ ମାନାୟ୍ ହୁଦାଙ୍ଗ୍ ମାହାଆଜି ୱାରି କିନାକା, ଇଲେକେ ଜେକନି ପାପ୍ କାମାୟ୍ କିନାର୍। ଆନେଙ୍ଗ୍ ଆଗେ ମିଙ୍ଗେଙ୍ଗ୍ ଇନେସ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ହେଲେକେ ଆରେରଗ ୱେଚ୍‌ଚାନାଙ୍ଗା ଯେ, ଇମ୍‌ଣାକାର୍ ଇ ୱିଜୁ ପର୍‌କାର୍ କାମାୟ୍ କିନାର୍, ହେୱାର୍ ଈଶ୍ୱର ସାସନ୍ କିନି ରାଜିନି ଅଦିକାର୍ ଆଦେଙ୍ଗ୍ ଆଡୁର୍।

ଏପିସିୟ 4:28

ଚର୍ କାମାୟ୍ କିନାକାନ୍ ଆରେ ଚର୍ କାମାୟ୍ କିମେନ୍, ମାତର୍ ହେୱାନ୍ ନିଜେ କେଇଦାଙ୍ଗ୍ କାମାୟ୍ କିୟେନ୍। ଲାଗିଙ୍ଗ୍ ହେୱାନ୍ ଅବାବ୍ ମାନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଆଡ୍‌ନାନ୍।

ଏପିସିୟ 5:5

ଇନେସ୍‌କି ଏପେଙ୍ଗ୍ ହାର୍‌ଦାଙ୍ଗ୍ ପୁଚାଦେର୍‌ନା ଯେ, ଦାରି କାମାୟ୍ କିନି ମାନାୟ୍, କି କରାପ୍ ବ୍ଯବହାର୍ କିନି ମାନାୟ୍, କି ଦନ୍ ଲବ୍ରାର୍ କାଜିଙ୍ଗ୍, ଖ୍ରୀଷ୍ଟ ଆରେ ଈଶ୍ୱର ରାଜିତାକେ ଆଦିକାର୍ ଆକାୟ୍। ଦନ୍ ଲବ୍ରାର୍ ମୁର୍ତିତିଙ୍ଗ୍ ପୁଜା କିନାକାର୍ ଲେକେ।

୧ ଥେସଲନୀକିୟ 4:6

ଆରେ ଏପେଙ୍ଗ୍ ଜାର୍ ଟଣ୍ଡେନ୍ ଡକୃହିଙ୍ଗ୍ ଦାରି କାମାୟ୍ କିମାଟ୍, ଯଦି ଏଲେଙ୍ଗ୍ କିନାଦେର୍ ମାପୃ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ନାତ୍। ହେଦାଙ୍ଗ୍ ଆପେଙ୍ଗ୍ ଆଗେନେ ସାବ୍‌ଦାନ୍ ଆଜି ମାଞ୍ଜେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍।

୧ ପିତର 4:15

ଯଦି ମାନାୟାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍, ହେଦାଙ୍ଗ୍ ମାନାୟ୍ ଅସ୍ତି କାଜିଙ୍ଗ୍, ଚରି କିତି କାଜିଙ୍ଗ୍, ଗଣ୍ଡ୍‍ଗଲ୍ କିତି କାଜିଙ୍ଗ୍, କରାପ୍ ଜିନିଷ୍ କିତି କାଜିଙ୍ଗ୍, ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ମେର୍।