୧ କରନ୍ତିୟ 5:5 - New Testament in Pengo Parja Language

⁵ ଇଲେକେ ମାନାୟ୍‌ତିଙ୍ଗ୍ ଏପେଙ୍ଗ୍ ମଣ୍ଡ୍‌ଲିତାଙ୍ଗ୍ ହପାଟ୍‌। ଆରେ ଶୟତାନ ତାଙ୍ଗେଙ୍ଗ୍ କଣ୍ଟ୍ରୁଲ୍ କିନି କାଜିଙ୍ଗ୍ ପିସ୍ତି ହିୟାଟ୍। ଲାଗିଙ୍ଗ୍ ହେୱାନ୍ ତା ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିନାନ୍, ଆରେ ମାପୃ ଯୀଶୁ ଆରେରଗ ପୁର୍ତିତାକେ ୱାନିହିଙ୍ଗ୍ ହେୱାନ୍ ରକ୍ଷା ପାୟା ଆନାନ୍।

ସତ୍‌ ବଚନ୍‌ ପୁନି ନିୟମ୍‌

⁵ ଇନେସ୍‌ ମାନାୟାରିଂ ଗାଗାଡ଼୍‌ନି ନାସ୍‌ କାଜିଂ ସୟ୍‌ତାନ୍‌ କେଇଦ ହେଲାୟ୍‌ କିନି ଲଡ଼ା, ଇନେସ୍‌ ମାପ୍ରୁ ଜିସୁତି ଦିନ୍ତ ତା ଜିବୁନ୍‌ ରାକ୍ୟା ପାୟାନାନ୍‌ ।

୧ କରନ୍ତିୟ 5:5 ပူးပေါင်းရင်းမြစ်များ

ମାତିଉ 4:10

ହେବେ ଯୀଶୁ ତାଙ୍ଗେଙ୍ଗ୍ ୱେଚ୍‌ଚାନ୍, “ନାବେତାଙ୍ଗ୍ ଦେହା ଆ ଶୟତାନ, ‘ଲାଗିଙ୍ଗ୍ ଈଶ୍ୱର ସାସ୍ତର୍‌ତାକେ ଲେକା ମାନାତ୍, ଏପେଙ୍ଗ୍ ଜାର୍ ମାପୃତିଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାଦେର୍, ଆରେ ହେୱାନିଙ୍ଗ୍‌ନେ ହେବା କିନାଦେର୍।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:31

ଶିମୋନ, ଶିମୋନ, ‘ହୁଡ଼ା ନିଙ୍ଗେଙ୍ଗ୍ ଶୟତାନ୍ ୱିଜାକାରିଙ୍ଗ୍ ପରିକ୍ଷା କିଦ୍‌ଦେଙ୍ଗ୍ ମାପୃ ତାକେଣ୍ଡାଙ୍ଗ୍ ଆଦେସ୍ ଏନ୍ତାତ୍‌ନା, ହାର୍ଦି ମାନାୟ୍‌ତାଙ୍ଗ୍ ବାନ୍ୟା ମାନାୟ୍‌ତିଙ୍ଗ୍ ଜେକ କିଦେଙ୍ଗ୍, ଇନେସ୍‌କି ଚାଷି ଗହମ୍‌ତାଙ୍ଗ୍ ପଲଙ୍ଗ୍ ଅଲ୍‌ଗା କିତିଲେକେ।’

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

୧ କରନ୍ତିୟ 1:8

ଈଶ୍ୱର ମିଙ୍ଗେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ୱାନିଦିନ୍ ପାତେକ୍ ପାର୍ତି କିଜି ମାନି କାଜିଙ୍ଗ୍ ସାଇଜ କିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ଦସି ଆଦେଙ୍ଗ୍ ହିଦୁନ୍।

୧ କରନ୍ତିୟ 11:32

ଯଦି ଈଶ୍ୱର ମାଙ୍ଗେଙ୍ଗ୍ ହେଲେକେ ଦଣ୍ଡ୍ ହିଦ୍‌ନାନା, ହେୱାନ୍ ମାଙ୍ଗେଙ୍ଗ୍ ହିକାୟ୍ କିଦ୍‌ନାନା, ଲାଗିଙ୍ଗ୍ ହେୱାନ୍ ତାଙ୍ଗେଙ୍ଗ୍ ଇ ପୁର୍ତିନି ପୁନ୍‌ୱିତି ମାନାୟାରିଙ୍ଗ୍ ବିଚାର୍ ହିନି ନାଞ୍ଜିଙ୍ଗ୍ ମାଙ୍ଗେଙ୍ଗ୍ ଦଣ୍ଡ୍ ହିଦୁନ୍।

୧ କରନ୍ତିୟ 5:13

ମାତର୍ ଈଶ୍ୱର ଖ୍ରୀଷ୍ଟଙ୍ଗ୍ ପାର୍ତିକିୱି ମାନାୟାରିଙ୍ଗ୍ ବିଚାର୍ କିନାନ୍, ଇନେସ୍‌ଲେକେ ଦରମ୍ ସାସ୍ତର୍ ୱେଚ୍‌ଚାତାନ୍‌ନା ଯେ, ହେଲେକେ କରାପ୍ କାମାୟ୍ କିନି ମାନାୟ୍‌ତିଙ୍ଗ୍ ମି ମଣ୍ଡ୍‌ଲିତାଙ୍ଗ୍ ହପାଟ୍‌।

୨ କରନ୍ତିୟ 10:6

ଏପେଙ୍ଗ୍ ଏଚେପାଦ୍ନା ଖ୍ରୀଷ୍ଟ କାତାତିଙ୍ଗ୍ ପୁରାପୁରି ମାନିକିନାଦେର୍, ତାପାଚେ ଆପେଙ୍ଗ୍ ଏଚେଜାଣ୍ ଖ୍ରୀଷ୍ଟଙ୍ଗ୍ ପୁନ୍‌ୱାତାର୍‌ନା ହେୱାରିଙ୍ଗ୍ ଦଣ୍ଡ୍ ହିନାପା।

୨ କରନ୍ତିୟ 12:7

ମାତର୍ ଈଶ୍ୱର ନାଙ୍ଗେଙ୍ଗ୍ ଚଚ୍‌ଚି ମାନ୍‌ଞ୍ଚି ଚାନିଆଆନି ବିଷୟରେ ଚଞ୍ଜିଆ ଆନି ଦର୍‌କାର୍ ଆକାୟ୍। ଇନେସ୍‌କି ଶୟତାନନି ଡାଣ୍ଡାସି ନା ଗାଗାଡ଼୍‌ତାକେ ର ୱାଡ଼ି କଷ୍ଟ ପାୟା ଆଦେଙ୍ଗ୍ ହିତ୍‌ତାନ୍‌ନା ଆରେ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବାଟ୍‌ପାଣ୍ ଆଦେଙ୍ଗ୍ ଆଡୁଙ୍ଗା।

୨ କରନ୍ତିୟ 13:10

ଆନେଙ୍ଗ୍ ଇ ଚିଟି ମିତାକେ ୱାୱି ଆଗେ ମି କାଜିଙ୍ଗ୍ ଲେକିକିନାଙ୍ଗା, ଆନେଙ୍ଗ୍ ଆହା କିନାଙ୍ଗା ଯେ ଏଚେପାଦ୍ନା ଆନେଙ୍ଗ୍ ମିତାକେ ୱାନାଙ୍ଗ୍ ମାପୃ ନାଙ୍ଗେଙ୍ଗ୍ ହିତ୍‌ତି ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଦଣ୍ଡ୍ ହିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ବିନାସ୍ କିଦ୍‌ଦେଙ୍ଗ୍ ଇଚା କିଉଙ୍ଗା, ମାତର୍ ହେ ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ଆଦିକ୍ ପାର୍ତିକିୟାଟ୍ ଇଞ୍ଜି ଆନେଙ୍ଗ୍ ସାଇଜ କିଦ୍‌ଦେଙ୍ଗ୍ ଇଚା କିନାଙ୍ଗା।

ପିଲିପିୟ 1:6

ଇନେସ୍‌କି ଆନେଙ୍ଗ୍ ଆହା କିନାଙ୍ଗା, ଈଶ୍ୱର ମି ବିତ୍ରେ ହାର୍ଦି ବିଷୟ ଆରମ୍ କିତ୍‌ତାନ୍‌ନା, ଆରେ ହେଦାଙ୍ଗ୍‌ତିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ ୱାନିଦିନ୍ ପାତେକ୍ ଟିକ୍‌କିଜି ପୁରା କିନାନ୍।

୧ ତିମତି 1:20

ହେୱାର୍ ବିତ୍ରେ ହୁମନାୟ ଆରେ ଆଲେକଜାଣ୍ଡ୍ରିଆ ମାନାୟାର୍ ମାଚାର୍। ଇୱାର୍ ଇନେସ୍ ଈଶ୍ୱରତିଙ୍ଗ୍ ନିନ୍ଦା କିୱେଦେଙ୍ଗ୍ ହିକାଆନାର୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାରିଙ୍ଗ୍ ମଣ୍ଡ୍‌ଲିତାଙ୍ଗ୍ ହପ୍‌ଚି ଶୟତାନ କେଇଦ ହିଜି ଦଣ୍ଡ୍ ହିତାଙ୍ଗ୍‌ନା।

୨ ତିମଥି 1:18

ବିଚାର୍‌କିନି ଦିନ୍‌ତ ମାପୃ ଅନିସିଫରତିଙ୍ଗ୍ ବେସି ଦୟା କିୟେନ୍। ଆନେଙ୍ଗ୍ ଏପିସ ସହର୍‌ତାକେ ମାନିହିଙ୍ଗ୍ ହେୱାନ୍ ନାଙ୍ଗେଙ୍ଗ୍ ବେସି ସାଇଜ କିତ୍‌ତାନ୍‌ନା, ହେଦାଙ୍ଗ୍ ଏପେଙ୍ଗ୍ ହାର୍‌ଦାଙ୍ଗ୍ ପୁଚାଦେର୍‌ନା।

୨ ପିତର 3:12

ଈଶ୍ୱର ଆରେରଗ ୱାଜି ପୁର୍ତିତିଙ୍ଗ୍ ବିଚାର୍‌କିନି ଦିନ୍‌ତିଙ୍ଗ୍ ଏପେଙ୍ଗ୍ କାସିମାନି କାଜିଙ୍ଗ୍, ଏପେଙ୍ଗ୍ ହାର୍‌ଦାଙ୍ଗ୍ ଜିବୁନ୍ କାଟିକିୟାଟ୍ ଇନେସ୍ ହେ ଦିନ୍ ବେଗି ୱାନାତ୍। ହେଦିନ୍‌ ଈଶ୍ୱର ସରଗ୍‌ତିଙ୍ଗ୍ ନାଣିତାଙ୍ଗ୍ କାଡିକିଜି ନଷ୍ଟ କିନାନ୍ ଆରେ ହେବେ ମାନି ୱିଜୁ ଜିନିଷ୍‌ତିଙ୍ଗ୍ ନାଣି ଗରମ୍‌ତାକେ ତର୍‌ଲାଇ କିନାନ୍।

୧ ଯୋହନ 5:16

ଯଦି ଏପେଙ୍ଗ୍ ମି ପାର୍ତିକିନି ଟଣ୍ଡେନିଙ୍ଗ୍ ହାଃନି ଦଣ୍ଡ୍ ପାୟାଆୱିଲେଗ୍‌ଦି ପାପ୍ କାମାୟ୍ କିନାକା ହୁଡ଼୍‌ନାଦେର୍, ଲାଗିଙ୍ଗ୍ ଏପେଙ୍ଗ୍ ତା କାଜିଙ୍ଗ୍ ପାର୍ତାନା କିୟାଟ୍। ଈଶ୍ୱର ତା ଜିବୁନ୍‌ତିଙ୍ଗ୍ ରକ୍ଷା କିନାନ୍। ଯଦି ଇନେର୍ ହାଃନି ଦଣ୍ଡ୍ ପାୟା ଆତିଲେକେ ପାପ୍ କାମାୟ୍ କିଜି ମାନ୍‌ଗାନାନ୍, ମାତର୍ ହେୱାନ୍ ହାଃନି ଦଣ୍ଡ୍ ପାୟା ଆତିଲେକେ ପାପ୍ କାମାୟ୍ କିନି ମାନାୟାର୍ କାଜିଙ୍ଗ୍ ଏପେଙ୍ଗ୍ ପାର୍ତାନା କିୟାଟ୍ ଇଞ୍ଜି ୱେଚ୍‌ଚୁଙ୍ଗା।