୧ କରନ୍ତିୟ 4:21 - New Testament in Pengo Parja Language

²¹ ଏପେଙ୍ଗ୍ ଯଦି ନଙ୍ଗୟ୍ ପାତେକ୍ ହେଲେକେ କରାପ୍ କାମାୟ୍ କିନାଦେରା, ଲାଗିଙ୍ଗ୍ ଆନେଙ୍ଗ୍ ବାରମ୍-ବାରମ୍ କେତ୍‌ତାନାଙ୍ଗ୍‌। ମାତର୍ ଏପେଙ୍ଗ୍ ଯଦି ହେଲେକେ କରାପ୍ କାମାୟ୍ କିନାକା ବନ୍ଦ୍ କିତାଦେର୍‌ନା, ଲାଗିଙ୍ଗ୍ ଆନେଙ୍ଗ୍ ଦରମ୍‌ଆଜି ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

²¹ ମି ମାନ୍‌ ଇନାକା, ଆନ୍‌ ବାଡ୍‌ଗା ଆସ୍ତି ମି ଲାଗେ ହାନାଙ୍ଗ୍‌ କି ଜିଉନନାକା ଆସ୍ତି ଆରି କାଲେତାଙ୍ଗ୍‌ ଅଜ଼ି ହାନାଙ୍ଗ୍ ?

୧ କରନ୍ତିୟ 4:21 ပူးပေါင်းရင်းမြစ်များ

୧ କରନ୍ତିୟ 4:18

ଆନେଙ୍ଗ୍ ପୁଚାଙ୍ଗ୍‌ନା ମି ବିତ୍ରେତାଙ୍ଗ୍ କେତେକ୍ ମାନାୟାର୍ ବାବିକିନାରା। ଆନେଙ୍ଗ୍ ଆରେ ମିଙ୍ଗେଙ୍ଗ୍ ହୁଡ଼୍‌ଗା ୱାଦେଙ୍ଗ୍ ୱାଉଙ୍ଗ୍, ଇନେସ୍‌କି ହେୱାର୍ ଗରବ୍ ଆତାର୍‌ନା।

୧ କରନ୍ତିୟ 5:5

ଇଲେକେ ମାନାୟ୍‌ତିଙ୍ଗ୍ ଏପେଙ୍ଗ୍ ମଣ୍ଡ୍‌ଲିତାଙ୍ଗ୍ ହପାଟ୍‌। ଆରେ ଶୟତାନ ତାଙ୍ଗେଙ୍ଗ୍ କଣ୍ଟ୍ରୁଲ୍ କିନି କାଜିଙ୍ଗ୍ ପିସ୍ତି ହିୟାଟ୍। ଲାଗିଙ୍ଗ୍ ହେୱାନ୍ ତା ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିନାନ୍, ଆରେ ମାପୃ ଯୀଶୁ ଆରେରଗ ପୁର୍ତିତାକେ ୱାନିହିଙ୍ଗ୍ ହେୱାନ୍ ରକ୍ଷା ପାୟା ଆନାନ୍।

୨ କରନ୍ତିୟ 1:23

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା ଆରେ ଈଶ୍ୱର ହେଦାଙ୍ଗ୍ ସାକି ମାନାନ୍। ଆନେଙ୍ଗ୍ ମି କରାପ୍ କାମାୟ୍ କାଜିଙ୍ଗ୍ ମିଙ୍ଗେଙ୍ଗ୍ ଦମ୍‌କାଇ କିଦ୍‌ଦେଙ୍ଗ୍ ମାନ୍ କିୱାଦାଙ୍ଗ୍ ମାଚାଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ କରନ୍ତିୟ ସହର୍‌ତାକେ ଆରେରଗ ଲେଉଟା ଆଜି ୱାୱାତାଙ୍ଗ୍।

୨ କରନ୍ତିୟ 10:6

ଏପେଙ୍ଗ୍ ଏଚେପାଦ୍ନା ଖ୍ରୀଷ୍ଟ କାତାତିଙ୍ଗ୍ ପୁରାପୁରି ମାନିକିନାଦେର୍, ତାପାଚେ ଆପେଙ୍ଗ୍ ଏଚେଜାଣ୍ ଖ୍ରୀଷ୍ଟଙ୍ଗ୍ ପୁନ୍‌ୱାତାର୍‌ନା ହେୱାରିଙ୍ଗ୍ ଦଣ୍ଡ୍ ହିନାପା।

୨ କରନ୍ତିୟ 10:8

ମାପୃ ନାଙ୍ଗେଙ୍ଗ୍ ହିତ୍‌ତି ଅଦିକାର୍ କାଜିଙ୍ଗ୍ ବାଟ୍‌ପାଣ୍ ଆନାନା ଇଞ୍ଜି ଇଞ୍ଜେଙ୍ଗ୍ ଆଡ୍‌ନାଦେର୍। ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିନାକା ବନ୍ଦ୍ କିନି କାଜିଙ୍ଗ୍ ଆକାୟ୍, ମାତର୍ ଏପେଙ୍ଗ୍ ତାଙ୍ଗେଙ୍ଗ୍ ଆଦିକ୍ ପାର୍ତିକିନି କାଜିଙ୍ଗ୍ ନାଙ୍ଗେଙ୍ଗ୍ ଇ ଆଦିକାର୍ ହିତ୍‌ତାନ୍‌ନା। ଆରେ ଆନେଙ୍ଗ୍ ମି ପାର୍ତିତିଙ୍ଗ୍ ନଷ୍ଟ କିଜି ଲାଜ୍ ପାୟା ଆଦେଙ୍ଗ୍ ଇଚା କିଉଙ୍ଗା।

୨ କରନ୍ତିୟ 12:18

ଏଚେପାଦ୍ନା ଆନେଙ୍ଗ୍ ତିତସ ଆରେ ଜେକନି ଟଣ୍ଡାରିଙ୍ଗ୍ ମିତାକେ ୱାଦେଙ୍ଗ୍ ଗୁୱାରି କିତାଙ୍ଗ୍ ହେୱାର୍ ମିବେତାଙ୍ଗ୍ ଇନା ପାଇଦା ପାୟା ଆୱାତାର୍‌ମା, ଇନେସ୍‌କି ଆପେଙ୍ଗ୍ ରିୟାର୍ ମାନ୍ ରଲେକେ ଆରେ ଆପେଙ୍ଗ୍ ୱିଜୁ କାମାୟ୍ ରଲେକେ କିନାପା।

୨ କରନ୍ତିୟ 13:10

ଆନେଙ୍ଗ୍ ଇ ଚିଟି ମିତାକେ ୱାୱି ଆଗେ ମି କାଜିଙ୍ଗ୍ ଲେକିକିନାଙ୍ଗା, ଆନେଙ୍ଗ୍ ଆହା କିନାଙ୍ଗା ଯେ ଏଚେପାଦ୍ନା ଆନେଙ୍ଗ୍ ମିତାକେ ୱାନାଙ୍ଗ୍ ମାପୃ ନାଙ୍ଗେଙ୍ଗ୍ ହିତ୍‌ତି ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଦଣ୍ଡ୍ ହିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ବିନାସ୍ କିଦ୍‌ଦେଙ୍ଗ୍ ଇଚା କିଉଙ୍ଗା, ମାତର୍ ହେ ଅଦିକାର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ଆଦିକ୍ ପାର୍ତିକିୟାଟ୍ ଇଞ୍ଜି ଆନେଙ୍ଗ୍ ସାଇଜ କିଦ୍‌ଦେଙ୍ଗ୍ ଇଚା କିନାଙ୍ଗା।

୨ କରନ୍ତିୟ 2:1

ଏପେଙ୍ଗ୍ ଇନେସ୍‌କି ଆରେରଗ ଦୁଃକ୍ କଷ୍ଟ ପାୟା ଆଉଦେର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି ଲାଗେ ୱାୱେଦେଙ୍ଗ୍ ଇଚା କିତାଙ୍ଗ୍।

୨ କରନ୍ତିୟ 2:3

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇନେସ୍ କିଜି ମାଚାଙ୍ଗ୍ ହେଲେକେ ଆନେଙ୍ଗ୍ ନା ସେସ୍ ଚିଟିତାକେ ଲେକିକିତାଙ୍ଗ୍‌ନା। ଏଚେପାଦ୍ନା ଆନେଙ୍ଗ୍ ମିତାକେ ୱାନାଙ୍ଗ୍, ନାଙ୍ଗେଙ୍ଗ୍ ସାର୍‌ଦା କିଦ୍‌ନି ମାନାୟାର୍ କାଜିଙ୍ଗ୍ ଆନେଙ୍ଗ୍ ଦୁଃକ୍ ଆଉଙ୍ଗ୍ ଆରେ ଆନେଙ୍ଗ୍ ମିଙ୍ଗେଙ୍ଗ୍ ପୁରାପୁରି ବାବ୍‌ରେ ପାର୍ତି କିନାଙ୍ଗା। ଏପେଙ୍ଗ୍ ପା ନା ହୁଦାଙ୍ଗ୍ ମାହାଆଜି ୱାରିୟା ଆନାଦେର୍।

୨ କରନ୍ତିୟ 3:10

ଇନେସ୍‌କି ହେ ପାନି ପାର୍ମାଣ୍‌ନି ଗୌରବ ନଙ୍ଗୟ୍ ଆରେ ଗୌରବ ଲେକେ ଆକାୟ୍, ଇନେସ୍‌କି ହେ ପୁନି ପାର୍ମାଣ୍ ହେୱାନ୍‌ତାଙ୍ଗ୍ ଆଦିକ୍ ଗୌରବ ଆତାତ୍‌ନା।

ଗାଲାତିୟ 6:1

ଏ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ବ୍ଯବହାର୍ କିତିଲେକେ, ଏପେଙ୍ଗ୍ ଇଦାଙ୍ଗ୍ କିୟାଟ୍: ଯଦି ଇନେର୍ ଇମ୍‌ଣି ପର୍‌କାର୍ ପାପ୍ କାମାୟ୍‌ତାଙ୍ଗ୍ ଦରାପାଡ଼ା ଆନାନ୍। ଏପେଙ୍ଗ୍ ହେୱାନିଙ୍ଗ୍ ହାର୍ଦି ମାନ୍‌ତାଙ୍ଗ୍ ଟିକ୍ କିୟାଟ୍ ଆରେ ହାର୍ଦି ହାଜ୍‌ଦିଙ୍ଗ୍ ତାସି ୱାଦେଙ୍ଗ୍ ସାଇଜ କିୟାଟ୍। ଏପେଙ୍ଗ୍ ଇନେସ୍ ହେଲେଗ୍‌ଦି ପାପ୍‌ତାକେ ପଡ଼ାଆଉଦେର୍‌, ଇଦାଙ୍ଗ୍ କାଜିଙ୍ଗ୍ ଜାଗ୍ରତ୍ ଆଜି ମାନାଟ୍।

୧ ଥେସଲନୀକିୟ 2:7

ମାତର୍ ର ଆୟା ତା ମେହିଙ୍ଗ୍ ଜାତୁନ୍ କିନାତ୍, ତା ଲେକେ ଆପେଙ୍ଗ୍ ମିଙ୍ଗେଙ୍ଗ୍ ଜାତୁନ୍ କିତ୍‌ତାପ୍‌ନା,

ଜାକ୍‌ବ 3:17

ମାତର୍ ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ପାର୍ତୁମ୍‌ ହେୱାନ୍ ପବିତ୍ର ଆଜି ମାନାନ୍। ରି ନମ୍ବର୍ ତାକେ ହେୱାନ୍ ଶାନ୍ତିଆଜି ମାଞ୍ଜେଙ୍ଗ୍ ଇଚାକିନାନ୍, ସାଦୁ ଆଜି ମାନାନ୍, କାତା ମାନିକିଜି ମାନାନ୍, ୱିଜୁଦିନ୍ ହାର୍ଦି କାମାୟ୍ କିଜି ଦୟା କିନାନ୍, ବାଟ୍‌ପାଣିଆ ଆୱାଦାଙ୍ଗ୍ ଆରେ ମାନାୟ୍ ହୁଡ଼୍‌ଜି ପା ବ୍ଯବହାର୍ କିଉନ୍।