୧ କରନ୍ତିୟ 4:19 - New Testament in Pengo Parja Language

¹⁹ ମାତର୍ ଯଦି ମାପୃ ଇଚାକିନାନ୍। ଆନେଙ୍ଗ୍ ମିଙ୍ଗେଙ୍ଗ୍ ହୁଡ଼୍‌ଗା ୱାଦେଙ୍ଗ୍ ବେଗି ୱାନାଙ୍ଗ୍, ଆରେ ଇମ୍‌ଣି ମାନାୟାର୍ ଗରବ୍ ଆଜି ଗାଜା-ଗାଜା କାତା ଇନାରା। ହେୱାର୍‌ତାକେ ହାତ୍‌ପା ଈଶ୍ୱର ଶାକ୍ତି ମାନାତ୍ କି ଆକାୟ୍ ଆନେଙ୍ଗ୍ ପୁନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹⁹ ମତର୍‌ ଜଦି ମାପ୍ରୁ ମାନ୍‌ କିନାନ୍‌ ଆନ୍‌ ମି ତାକେ ବେଗି ୱାନାଙ୍ଗ୍‌, ଆରେ ଇନେର୍‌ ଗରବ୍‌ କିନାରା, ହେୱାର୍‌ତି ବଚନ୍‌ ଆକାୟ୍‌, ମତର୍‌ ସାକ୍ତି ବୁଜା ଅନାଙ୍ଗ୍‌ !

୧ କରନ୍ତିୟ 4:19 ပူးပေါင်းရင်းမြစ်များ

ପକ୍ୟାତାକା 18:21

ମାତର୍ ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍, “ଈଶ୍ୱର ଇଚା କିତ୍‌ତିସ୍ ଆରେରଗ ଆନେଙ୍ଗ୍ ମି ଲାଗାୟ୍ ଲେଉଟା ଆଜି ୱାନାଙ୍ଗ୍।” ତାପାଚେ ହେୱାନ୍ ଏପିସ ସହର୍‌ତାଙ୍ଗ୍ ଜାଜ୍‌ତାକେ ଦୁମ୍‌ଜି ହାଚାନ୍।

ପକ୍ୟାତାକା 19:21

ଇୱିଜୁ ବିଷୟ ଗଟାଆତି ପାଚେ ପାଉଲ ମାକଦନିଆ ଆରେ ଆକାୟା ଜିଲ୍ଲାତାକେ ମାନି ପାର୍ତି କିନାକାରିଙ୍ଗ୍ ମେହାଆଜି ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ପବିତ୍ର ଆତ୍ମା ପାଉଲତିଙ୍ଗ୍ ୱେଚ୍‌ଚାନ୍। ହେୱାନ୍ ୱେଚ୍‌ଚାନ୍, ଆନେଙ୍ଗ୍ ହେବେ ହାଚି ପାଚେ ରୋମ ଦେସ୍‌ତାକେ ପା ହାନାଙ୍ଗ୍।

ପକ୍ୟାତାକା 20:2

ହେ ଜିଲ୍ଲାତାକେ ପାର୍ତିକିନି ମାନାୟାର୍ ମାନି ସହର୍ ବାହାକାଙ୍ଗ୍ ହାଲ୍‌ଜି, ହେୱାରିଙ୍ଗ୍ ସାହାସ୍‌ନି କାତା ୱେଚ୍‌ଚି ମାଚାନ୍। ତାପାଚେ ହେୱାନ୍ ଗ୍ରିସ୍ ଜିଲ୍ଲାତାକେ ଇକାତାନ୍।

ରୋମିୟ 15:32

ଲାଗିଙ୍ଗ୍ ଈଶ୍ୱର ଇଚା କିତିସ୍ ଆନେଙ୍ଗ୍ ୱାରିୟା ଆଜି ମିତାକେ ୱାଦେଙ୍ଗ୍ ଆଡ୍‌ନାଙ୍ଗ୍ ଆରେ ଆସେଙ୍ଗ୍ ଜାର୍-ଜାର୍‌ତିଙ୍ଗ୍ ସାସ୍ ହିୟାଆନାତ୍।

୧ କରନ୍ତିୟ 11:34

ଯଦି ମିଙ୍ଗେଙ୍ଗ୍ ନାସ୍‌କି କିଦ୍‌ନାତା, ମିଞ୍ଜ ଉଣାଟ୍। ଲାଗିଙ୍ଗ୍ ଏଚେପାଦ୍ନା ଏପେଙ୍ଗ୍ ର ବାହାତାକେ ରୁଣ୍ଡା ଆନାଦେର୍, ଏପେଙ୍ଗ୍ ହାର୍ କିଜି ବ୍ଯବହାର୍ କିନାଦେର୍ ଆରେ ଈଶ୍ୱର ମିଙ୍ଗେଙ୍ଗ୍ ବିଚାର୍ କିଦ୍‌ମେନ୍। ଆନେଙ୍ଗ୍ ମି ଲାଗେ ୱାତି ପାଚେ ଜେକନି ବିଷୟତିଙ୍ଗ୍ ହିକ୍ଷା ହିଦ୍‌ନାଙ୍ଗ୍।

୧ କରନ୍ତିୟ 14:5

ଏପେଙ୍ଗ୍ ୱିଜାଦେର୍ ବୁଜାଆୱି ବାଷାତାଙ୍ଗ୍ ବେଣ୍ କିତିସ୍ ଆନେଙ୍ଗ୍ ୱାରିୟା ଆନାଙ୍ଗ୍। ମାତର୍ ଏପେଙ୍ଗ୍ ଈଶ୍ୱର କାତା ୱେଚ୍‌ଚେଙ୍ଗ୍ ଶାକ୍ତି ପାୟାଆଡ ଇଞ୍ଜି ଆନେଙ୍ଗ୍ ଆଦିକ୍ ମାନ୍ କିନାଙ୍ଗା। ଇନେସ୍‌କି ବୁଜାଆୱି ବାଷାତାଙ୍ଗ୍ ଈଶ୍ୱର କାତା ୱେଚ୍‌ନାକା ମୁକ୍ଯ। ଯଦି ମଣ୍ଡ୍‌ଲିନିକାର୍ ଇନେର୍ ପା ହେୱାନ୍ ୱେଚ୍‌ଚି ବିଷୟନି ଅର୍ତ ବୁଜାୟ୍ କିତିସ୍ ଲାଗିଙ୍ଗ୍ ମଣ୍ଡ୍‌ଲିନି ୱିଜାକାର୍ ଆଦିକ୍ ପାର୍ତିକିନାର୍।

୧ କରନ୍ତିୟ 16:5

ଯଦି ମାପୃ ଇଚା ଆନାତ୍, ଲାଗିଙ୍ଗ୍ ଆନେଙ୍ଗ୍ ମାକଦନିଆ ସହର୍‌ତ ହାଲ୍‌ଜି ୱାତି ପାଚେ ଆନେଙ୍ଗ୍ ମିଙ୍ଗେଙ୍ଗ୍ ମାହା ଆଦ୍‌ଦେଙ୍ଗ୍ ୱାନାଙ୍ଗ୍। ଇନେସ୍‌କି ଆନେଙ୍ଗ୍ ମାକିଦନିଆ ସହର୍ ହିଜି ହାଞ୍ଜେଙ୍ଗ୍ ଉପାୟ୍ କିନାଙ୍ଗା।

୧ କରନ୍ତିୟ 16:7

ନଙ୍ଗୟ୍ ଆନେଙ୍ଗ୍ ଅଲପ୍‌ଦିନ୍ ମିହୁଦାଙ୍ଗ୍ ବେଟା ଆଜି ଲେଉଟା ଆଜି ହାଞ୍ଜେଙ୍ଗ୍ ୱାଉଙ୍ଗା, ମାତର୍ ଆନେଙ୍ଗ୍ କେତ୍‌ଦିନ୍ ମିହୁଦାଙ୍ଗ୍ ୱାଜି ମାଞ୍ଜେଙ୍ଗ୍ ଆହା କିନାଙ୍ଗା, ଯଦି ମାପୃ ଯୀଶୁ ନାଙ୍ଗେଙ୍ଗ୍ ଅଦିକାର୍ ହିଦ୍‌ନାତ୍।

୧ କରନ୍ତିୟ 2:6

ଆନେଙ୍ଗ୍ ଏଚେପାଦ୍ନା ଆଦିକ୍ ପାର୍ତିକିନି ଟଣ୍ଡାର୍‌ତାକେ ମାନାଙ୍ଗା, ହେପାଦ୍ନା ଆନେଙ୍ଗ୍ ହେୱାରିଙ୍ଗ୍ ବୁଦିନି କାତା ୱିଜୁ ୱେଚ୍‌ନାଙ୍ଗା। ହେୱାରିଙ୍ଗ୍ ଆନେଙ୍ଗ୍ ଇ ପୁର୍ତିନି ମାନାୟାର୍ ବୁଦିନି କାତାଲେକେ ୱେଚୁଙ୍ଗା, ଆରେ ଇ ପୁର୍ତିନି ସାସନ୍ କିନି ମାନାୟାର୍‌ଲେକେ ହିକ୍ଷା ହିଉଙ୍ଗା, ଇନେସ୍‌କି ହେୱାର୍ ହିକ୍ଷା ଆରେ ବୁଦି ଦିନେକ୍ ବେକାର୍ ଆନାତ୍।

୧ କରନ୍ତିୟ 4:18

ଆନେଙ୍ଗ୍ ପୁଚାଙ୍ଗ୍‌ନା ମି ବିତ୍ରେତାଙ୍ଗ୍ କେତେକ୍ ମାନାୟାର୍ ବାବିକିନାରା। ଆନେଙ୍ଗ୍ ଆରେ ମିଙ୍ଗେଙ୍ଗ୍ ହୁଡ଼୍‌ଗା ୱାଦେଙ୍ଗ୍ ୱାଉଙ୍ଗ୍, ଇନେସ୍‌କି ହେୱାର୍ ଗରବ୍ ଆତାର୍‌ନା।

୧ କରନ୍ତିୟ 4:6

ଏ ଟଣ୍ଡାର୍‌କାଦେର୍, ଆପୋଲ ଆରେ ଆନେଙ୍ଗ୍ ଜାର୍‌ତିଙ୍ଗ୍ ଚଚ୍‌ଚି, ହେ ଅର୍ତତିଙ୍ଗ୍ ବୁଜା ଆଦେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଦରମ୍ ସାସ୍ତର୍‌ତାକେ ଇନାକା ଲେକାଆତାତ୍‌ନା ତା ହାନ୍ଦିନି ବାର୍ତ ହାଲ୍‌ମାଟ୍। ଯଦି ଏପେଙ୍ଗ୍ ରକାନିଙ୍ଗ୍ ସନ୍‌ମାନ୍ ହିନାଦେରା ଆରେ ରକାନିଙ୍ଗ୍ ଇନସ୍ତା କିନାଦେର୍ ଲାଗିଙ୍ଗ୍ ଏପେଙ୍ଗ୍ ହେଦାଙ୍ଗ୍ ଟିକ୍ କିଉଦେରା।

୨ କରନ୍ତିୟ 1:23

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା ଆରେ ଈଶ୍ୱର ହେଦାଙ୍ଗ୍ ସାକି ମାନାନ୍। ଆନେଙ୍ଗ୍ ମି କରାପ୍ କାମାୟ୍ କାଜିଙ୍ଗ୍ ମିଙ୍ଗେଙ୍ଗ୍ ଦମ୍‌କାଇ କିଦ୍‌ଦେଙ୍ଗ୍ ମାନ୍ କିୱାଦାଙ୍ଗ୍ ମାଚାଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ କରନ୍ତିୟ ସହର୍‌ତାକେ ଆରେରଗ ଲେଉଟା ଆଜି ୱାୱାତାଙ୍ଗ୍।

୨ କରନ୍ତିୟ 10:9

ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ପାଣ୍ଡ୍ରୁ କିଦ୍‌ଦେଙ୍ଗ୍ ଇଲେକେ ଚିଟିତାକେ ଲେକିକିଉଙ୍ଗା।

ଏବ୍ରି 6:3

ଈଶ୍ୱର ଇଚା କିତିସ୍, ଆନେଙ୍ଗ୍ ମିଙ୍ଗେଙ୍ଗ୍ ପାର୍ତିତାଙ୍ଗ୍ ବାଡାଆନି ହିକ୍ଷା ବିଷୟରେ ହିକ୍ଷା ହିଦ୍‌ନାଙ୍ଗ୍।

ଜାକ୍‌ବ 4:15

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇଲେକେ ୱେଚ୍‌ନି ଦର୍‌କାର୍, “ମାପୃ ଇଚା ଆତିସ୍ ଆପେଙ୍ଗ୍ ଜିବୁନ୍ ମାନ୍‌ଞ୍ଜି ଇଦାଙ୍ଗ୍ କିନାସ୍‌କି ହେଦାଙ୍ଗ୍ କିନାସ୍।”