୧ କରନ୍ତିୟ 16:6 - New Testament in Pengo Parja Language

⁶ ଇଲେକେ ଯଦି ଆନାତ୍‌, ଲାଗିଙ୍ଗ୍ ପିନିମାସ୍ ୱିଜ୍‌ନି ପାତେକ୍ ଆନେଙ୍ଗ୍ ମିହୁଦାଙ୍ଗ୍ ମାନ୍‌ଗାନାଙ୍ଗ୍। ଲାଗିଙ୍ଗ୍ ଆନେଙ୍ଗ୍ ଇମେନିପଣ୍ ହାଚିସ୍ ପା ନାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍ କାଜିଙ୍ଗ୍ ଏପେଙ୍ଗ୍ ସାଇଜ କିଦ୍‌ଦେଙ୍ଗ୍ ଆଡ୍‌ନାଦେର୍।

ସତ୍‌ ବଚନ୍‌ ପୁନି ନିୟମ୍‌

⁶ ଆରେ, କାତେ ହିନା ମି ଲାହାଙ୍ଗ୍‌ କେତେକ୍‌ ଦିନା ମାନାଙ୍ଗ୍‌, କି ପିନିମାସ୍‌ ପା ଜିଉଣା କିନାଙ୍ଗ୍‌, ଇନେସ୍‌କି ଆନ୍‌ ଇମ୍‌ଣି ବାହାତ ହାନାଙ୍ଗ୍‌, ହେ ବାହାତ ହାନି କାଜିଂ ଏପେଙ୍ଗ୍‌ ନାଙ୍ଗ୍‌ ହାଜ଼ି ଚଚ୍‌ଚାନାଦେର୍‌ ।

୧ କରନ୍ତିୟ 16:6 ပူးပေါင်းရင်းမြစ်များ

ପକ୍ୟାତାକା 15:3

ଲାଗିଙ୍ଗ୍ ମଣ୍ଡ୍‌ଲିନି ମାନାୟାର୍ ହେୱାରିଙ୍ଗ୍ କେତେକ୍ ଡାବୁଙ୍ଗ୍ କର୍ଚ ହିଜି ପକ୍ତାର୍। ହେୱାର୍ ପୈନିକିଆ ସହର୍ ଆରେ ଶମିରଣିୟ ଜିଲ୍ଲା ନିପଣ୍ ଆଜି ହାନିହିଙ୍ଗ୍ ମଣ୍ଡ୍‌ଲିକାଙ୍ଗ୍ ବିନ୍‌ଜାତିନି ମାନାୟାର୍ ଇନେସ୍ ପାର୍ତି କିତାର୍ ହେ ବିଷୟରେ ୱେଚ୍‌ଚାର୍। ଇ କାତା ୱେନ୍‌ଞ୍ଜି ହେ ମଣ୍ଡ୍‌ଲିନି ଟଣ୍ଡାର୍ ୱାରି କିତାର୍।

ପକ୍ୟାତାକା 17:15

ପାଉଲତିଙ୍ଗ୍ ଇମ୍‌ଣାକାର୍ ଇଡ୍‌ଗେଦେଙ୍ଗ୍ ହାଲ୍‌ଜି ମାଚାର୍, ହେୱାର୍ ଏଥେନ୍‌ସ୍ ସହର୍ ପାତେକ୍ ଇଡ୍‌ଗାତାର୍। ଶିଲା ଆରେ ତିମତି ନା ହୁଦାଙ୍ଗ୍ ମେହାଆଦେଙ୍ଗ୍ ଏଥେନ୍‌ସ୍ ସହର୍‌ତାକେ ବେଗି ୱାୟେର୍ ଇଞ୍ଜି, ହେ ଇଡ୍‌ଗାତାକାର୍ ଲେଉଟା ଆନିହିଙ୍ଗ୍ ପାଉଲ ହେୱାରିଙ୍ଗ୍ ୱେଚ୍‌ଚାନ୍।

ପକ୍ୟାତାକା 20:38

ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦୁଦେର୍ ଇଞ୍ଜି ପାଉଲ ୱେଚ୍‌ଚି କାତାତିଙ୍ଗ୍ ହେୱାର୍ ବେସିଦୁକ୍ ଆଜି ମାଚାର୍। ପାଚେ ହେୱାର୍ ହେୱାନିଙ୍ଗ୍ ଜାଜ୍ ପାତେକ୍ ଇଡ୍‌ଗେଦେଙ୍ଗ୍ ହାଚାର୍।

ପକ୍ୟାତାକା 21:5

ହେବେ ସାତ୍‌ଦିନ୍ ମାଚି ପାଚେ ହେବେତାଙ୍ଗ୍ ମା ହାଜ୍‌ଦିଙ୍ଗ୍ ଆପେଙ୍ଗ୍ ହାଚାପ୍। ହେୱାର୍ ୱିଜାକାର୍ କଗ୍‍ଲେକ୍ ଆରେ ହିମ୍‌ଣାୱାକ୍‌ଡ଼ା ହୁଦାଙ୍ଗ୍ ସହର୍‌ନି ହାମ୍‌ଦୁର୍ କାଣ୍ଡିତାକେ ଇଡ୍‌ଗି ୱାତାର୍। ହେବେ ଆପେଙ୍ଗ୍ ମେଣ୍ଡାକୁନ୍ଦିକିଜି ପାର୍ତାନା କିତାପ୍।

ପକ୍ୟାତାକା 27:12

ହେ ସୁନ୍ଦର ଜାଜ୍ ଇଟ୍‌ନି ବାହା ପିନି ମାସ୍‌ତ ହେବେ ମାଞ୍ଜେଙ୍ଗ୍ ସୁବିଦା ହିଲାତାତ୍। ଲାଗିଙ୍ଗ୍ ବେସିହେନି ମାନାୟାର୍ ଜାଜ୍ ଚାଲାଇ କିଦେଙ୍ଗ୍ ୱେଚ୍‌ଚାର୍, ଇନେସ୍‌ଆଜି ପା ପୈନିକ୍‌ସ୍ ସହର୍‌ତାକେ ହାଲ୍‌ଜି ହେ ପିନିମାସ୍ କାଟି କିନାସ୍, ହେ ପୈନିକ୍‌ସ୍ ସହର୍ କ୍ରୀତି ଦ୍ୱିପ୍‌ନି ରଞ୍ଜାଙ୍ଗ୍ ଜାଜ୍ ଇଟ୍‌ନି ବାହା ମାଚାତ୍। ହେଦାଙ୍ଗ୍ ଉତ୍ତରପଶ୍ଚିମ ଆରେ ଦକ୍ଷିଣପଶ୍ଚିମ ନିପଣ୍ ମାଚାତ୍।

ପକ୍ୟାତାକା 28:11

ଇ ଦ୍ୱିପ୍‌ତାକେ ତିନିମାସ୍ ମାଚି ପାଚେ, ଆଲେକ୍‌ଜାଣ୍ଡ୍ରିଆ ସହର୍‌ତାଙ୍ଗ୍ ୱାନି ଜାଜ୍‌ତାକେ ଆପେଙ୍ଗ୍ ଦୁମ୍‌ତାପ୍, ଇ ଦ୍ୱିପ୍‌ତାକେ ଇ ଜାଜ୍ ପିନିମାସ୍ ୱିଜ୍‌ନି ପାତେକ୍ ମାଚାତ୍। ଇ ଜାଜ୍‌ନି ଆଗ୍‌ବାଗାୟ୍ ଜାଉଁଣା ପେନ୍‌ନି ଚିନା ମାଚାତ୍।

ରୋମିୟ 15:24

ଆନେଙ୍ଗ୍ ସ୍ପେନ୍ ଦେସ୍‌ତାକେ ହାନି କାଜିଙ୍ଗ୍ ଉପାୟ୍ କିନାଙ୍ଗା, ଆରେ ଆନେଙ୍ଗ୍ ଏଚେପାଦ୍ନା ହାନାଙ୍ଗ୍, ରମ ସହର୍‌ତାକେ ୱାଜି ମିଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ଆହା କିନାଙ୍ଗା। ଆରେ ମିହୁଦାଙ୍ଗ୍ ମାହାଆଜି ୱାରିକିତି ପାଚେ, ଆନେଙ୍ଗ୍ ସ୍ପେନ୍ ସହର୍‌ତାକେ ହାନାଙ୍ଗ୍।

୧ କରନ୍ତିୟ 16:11

ୱିଜାକାର୍ ତାଙ୍ଗେଙ୍ଗ୍ ଆହେର୍‌, ଆରେ ହେୱାନ୍ ନାବେ ଲେଉଟା ଆଜି ୱାନିହିଙ୍ଗ୍ ତାଙ୍ଗେଙ୍ଗ୍ ଦର୍‌କାର୍‌ଆନି ଜିନିଷ୍ ହିଜି ହାର୍‌ଦାଙ୍ଗ୍ ପକ୍ତାଟ୍। ଆନେଙ୍ଗ୍ ଆହା କିନାଙ୍ଗା ଯେ ହେୱାନ୍ ଜେକନି ପାର୍ତିକିନି ଟଣ୍ଡାର୍ ହୁଦାଙ୍ଗ୍ ୱାନାନ୍।

୨ କରନ୍ତିୟ 1:16

ଆନେଙ୍ଗ୍ ଇଲେକେ ଇଚା କିଜି ମାଚାଙ୍ଗ୍ ଯେ, ମାକଦନିଆତାକେ ହାନିହିଙ୍ଗ୍ ମିଙ୍ଗେଙ୍ଗ୍ ବେଟା ଆଦ୍‌ନାଙ୍ଗ୍‌ ଆରେ ମାକଦନିଆ ହାଲ୍‌ଜି ଆରେରଗ ମି ଲାଗେ ଲେଉଟା ଆଜି ୱାନାଙ୍ଗ୍। ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଯିହୁଦା ସହର୍‌ତାକେ ହାଞ୍ଜେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍ ସାଇଜ କିଦ୍‌ନାଦେର୍।

ତୀତସ 3:12

ଆନେଙ୍ଗ୍ ମି ଲାଗାୟ୍ ଆର୍ତ୍ତେମା କି ତୁକିକଙ୍ଗ୍ ପକ୍ତାନାଙ୍ଗ୍, ଏଚେକାଡ଼୍‌ଦ ହେୱାର୍ ବିତ୍ରେତାଙ୍ଗ୍ ରକାନ୍ ୱାଜି ଇକାନାନ୍, ଏପେଙ୍ଗ୍ ନା ଲାଗାୟ୍ ନିକପଲି ସହର୍‌ତାକେ ଏଚେକ୍ ବେଗି ୱାଦେଙ୍ଗ୍ ଉପାୟ୍ କିନାଦେର୍। ଇନେସ୍‌କି ନିକପଲି ସହର୍‌ତାକେ ପିନିମାସ୍ କାଟି କିଦେଙ୍ଗ୍ ଆନେଙ୍ଗ୍ ଉପାୟ୍ କିତାଙ୍ଗ୍‌ନା।