୧ କରନ୍ତିୟ 16:22 - New Testament in Pengo Parja Language

²² ମି ବିତ୍ରେତାଙ୍ଗ୍ ଇନେର୍ ଯଦି ମାପୃଙ୍ଗ୍ ଲାଡ୍ କିଉନ୍, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାତିସ୍ ହେୱାନ୍ ମିଙ୍ଗେଙ୍ଗ୍ ୱିଜୁ ଦିନ୍‌ତି ଦଣ୍ଡ୍ ହିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

²² ଜଦି ଇନେର୍‌ ମାପ୍ରୁଙ୍ଗ୍‌ ଜିଉନଉନ୍‌, ତେବେ ହେୱାନ୍‌ ରାଚ୍‌ଲାକେ ଆଏନ୍‌ ।

୧ କରନ୍ତିୟ 16:22 ပူးပေါင်းရင်းမြစ်များ

ମାତିଉ 10:37

ଇନେର୍ ପା ଆବା କି ଆୟା ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍। ମାତର୍ ଇନେର୍ ମେହିଙ୍ଗ୍ କି କଇଙ୍ଗ୍ ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍।

ଜହନ୍‌ 14:15

ନାଙ୍ଗେଙ୍ଗ୍ ଯଦି ଏପେଙ୍ଗ୍ ଲାଡ୍ କିଦ୍‌ନାଦେର୍, ଲାଗିଙ୍ଗ୍ ନା ଆଦେସ୍‌ତାଙ୍ଗ୍ ଏପେଙ୍ଗ୍ କାମାୟ୍ କିନାଦେର୍।

ଜହନ୍‌ 14:21

ଇମ୍‌ଣାକାନ୍ ନା ଆଦେସ୍‌ତିଙ୍ଗ୍ ପୁନାନ୍ ଆରେ ମାନି କିନାନ୍, ହେୱାନ୍ ହାତ୍‌ପା ନାଙ୍ଗେଙ୍ଗ୍ ଲାଡ୍ କିଦ୍‌ନାନା। ଆରେ ନାଙ୍ଗେଙ୍ଗ୍ ଲାଡ୍ କିଦ୍‌ନାକାର୍ ନା ଆବା ଈଶ୍ୱରତିଙ୍ଗ୍ ଲାଡ୍ କିନାନ୍। ଆନେଙ୍ଗ୍ ହେୱାନିଙ୍ଗ୍ ଲାଡ୍ କିନାଙ୍ଗ୍ ଆରେ ଜାର୍‌ତିଙ୍ଗ୍ ହେୱାନ୍‌ତାକେ ଚଚ୍‌ନାଙ୍ଗ୍।”

ଜହନ୍‌ 14:23

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଲାଗିଙ୍ଗ୍ ହେୱାନ୍ ନା ଆଦେସ୍‌ତିଙ୍ଗ୍ ମାନି କିନାନ୍। ଆରେ ନା ଆବା ଈଶ୍ୱର ହେୱାନିଙ୍ଗ୍ ଲାଡ୍ କିନାନ୍। ନା ଆବା ଈଶ୍ୱର ଆରେ ଆନେଙ୍ଗ୍ ହେ ମାନାୟ୍‌ତାକେ ୱାନାପ୍ ଆରେ ତା ହୁଦାଙ୍ଗ୍ ମାନ୍‌ଗାନାପ୍।

ଜହନ୍‌ 15:24

ଆନେଙ୍ଗ୍ ଇମ୍‌ଣି ଚାନିଆଆନି କାମାୟ୍ ହେ ମାନାୟାର୍ ବିତ୍ରେ କିତାଙ୍ଗ୍‌ନା, ହେଦାଙ୍ଗ୍ ଇମ୍‌ଣାକାନ୍ ପା ଇନାୱେଡ଼ାଙ୍ଗ୍ କିୱାତାନ୍‌ନା। ଆନେଙ୍ଗ୍ ଯଦି ହେ କାମାୟ୍ କିୱାତାଙ୍ଗ୍‌ମା, ଲାଗିଙ୍ଗ୍ ହେୱାର୍ ପାପ୍ କାଜିଙ୍ଗ୍ ଦସି ଆୱାତାର୍‌ମା। ମାତର୍ ହେୱାର୍ ନା ଚାନିଆଆନି କାମାୟ୍ କିତାକା ହୁଡ଼୍‌ତାର୍‌ନା। ହେୱାର୍ ନାଙ୍ଗେଙ୍ଗ୍ ଆରେ ନା ଆବା ଈଶ୍ୱରତିଙ୍ଗ୍ ଗିଣ୍ କିନାରା।

ଜହନ୍‌ 16:14

ଈଶ୍ୱରଆତ୍ମା ନା ଜୟ୍-ଜୟ୍ କିଦ୍‌ନାତ୍। ହେୱାନ୍ ଇନାକା ନାବେତାଙ୍ଗ୍ ୱେନ୍‌ଞ୍ଜି ହେ ସତ୍ ବିଷୟ ମିଙ୍ଗେଙ୍ଗ୍ ୱେଚ୍‌ଚାନାନ୍।

ଜହନ୍‌ 8:42

ଯୀଶୁ ହେ ଯିହୁଦି ନେତାରିଙ୍ଗ୍ ୱେଚ୍‌ଚାନ୍, “ଈଶ୍ୱର ଯଦି ମିଞ୍ଜ୍‌ବା ଆତାନ୍‌ମା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଲାଡ୍ କିତ୍‌ତାଦେର୍‌ମା। ଆନେଙ୍ଗ୍ ନିଜେ ୱାୱାତାଙ୍ଗ୍, ମାତର୍ ନାଙ୍ଗେଙ୍ଗ୍ ଈଶ୍ୱର ଇବେ ପକ୍ତାତାନ୍‌ନା।

ପକ୍ୟାତାକା 23:14

ହେ ମାନାୟାର୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରିର୍ ଆରେ ପ୍ରାଚିନାର୍ ଲାଗାୟ୍ ୱାଜି ୱେଚ୍‌ଚାର୍, “ପାଉଲତିଙ୍ଗ୍ ମାର୍ନେ ଅହ୍‌ୱି ପାତେକ୍ ଆପେଙ୍ଗ୍ ଆରାଣ୍ ଆସ୍‌ପୁପ୍ ଇଞ୍ଜି ଆଦିକ୍ ବାଡ଼୍‌କାସ୍ କିଜି ପାର୍ମାଣ୍ କିତାପ୍‌ନା।

୧ କରନ୍ତିୟ 12:3

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟା ଆତାକାର୍ ଯୀଶୁଙ୍ଗ୍ ଅବିଶାପ୍ ହିଦେଙ୍ଗ୍ ଆଡୁର୍, ଆରେ ପବିତ୍ର ଆତ୍ମାତିଙ୍ଗ୍ ଇନେର୍ ପାୟା ଆୱାତାର୍‌ମା ହେୱାର୍ ଯୀଶୁଙ୍ଗ୍ ମାପୃ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ଏପିସିୟ 6:24

ଇମ୍‌ଣାକାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ୱିଜ୍‌ୱି ଲାଡ୍‌ତାକେ ଲାଡ୍ କିନାର୍, ହେୱାରିଙ୍ଗ୍ ଈଶ୍ୱର ଦୟା କିନାନ୍।

ପିଲିପିୟ 4:5

ଏପେଙ୍ଗ୍ ହାର୍ଦି କାମାୟ୍ କିୟାଟ୍, ଇନେସ୍ ମିଙ୍ଗେଙ୍ଗ୍ ଦରମ୍ ମାନାୟ୍ ଇଞ୍ଜି ମାନାୟାର୍ ପୁଞ୍ଜ୍‌ନାର୍। ଇନେସ୍‌କି ଏପେଙ୍ଗ୍ ମାନ୍ତ ଇଟାଟ୍ ଯେ ମାପୃ ଇକାତାନେ।

ଏବ୍ରି 6:10

ଈଶ୍ୱର ନ୍ୟାୟ୍ ବିଚାର୍ କିନାକାନ୍। ଏପେଙ୍ଗ୍ କିଜିମାଚି କାମାୟ୍ ଆରେ ହେୱାନିଙ୍ଗ୍ ଲାଡ୍‌କିଜି ଜେକନିକାନିଙ୍ଗ୍ ସାଇଜ କିଜିମାଚି କାମାୟ୍‌ତିଙ୍ଗ୍, ହେୱାନ୍ ବାଣାଆଉନ୍। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ପାତେକ୍ ହେୱାରିଙ୍ଗ୍ ସାଇଜ କିନାଦେରା ଇଞ୍ଜି ହେୱାନ୍ ମାନ୍ତ ଏତୁ କିଦ୍‌ନାନ୍।

୧ ପିତର 1:8

ଏପେଙ୍ଗ୍ ଯୀଶୁଙ୍ଗ୍ ଇନାୱେଡ଼ାଙ୍ଗ୍ ପା ହୁଡ଼୍‌ୱାତାଦେର୍‌ନା, ମାତର୍ ନଙ୍ଗୟ୍ ପାତେକ୍ ହେୱାନିଙ୍ଗ୍ ଲାଡ୍ କିନାଦେରା। ଏପେଙ୍ଗ୍ ନଙ୍ଗୟ୍ ଯୀଶୁଙ୍ଗ୍ ହୁଡ଼୍‌ୱାତାଦେର୍‌ନା ମାତର୍ ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା। ଲାଗିଙ୍ଗ୍ ଏପେଙ୍ଗ୍ ବେସି ୱାରିୟା ଆନାଦେରା ହେଦାଙ୍ଗ୍ କାତା ୱେଚ୍‌ଚି ବୁଜାୟ୍ କିୟି ଆଉତ୍।

୧ ପିତର 2:7

ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି ମାନାୟ୍, ମି କାଜିଙ୍ଗ୍ ଇ କାଲ୍ ବେସି ମୁଲ୍ୟ ଆତାତ୍‌ନା। ମାତର୍ ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା ଇମ୍‌ଣି ମାନାୟାର୍ ଖ୍ରୀଷ୍ଟଙ୍ଗ୍ ପାର୍ତି କିଉରା, “ହେୱାର୍ ଇଲ୍ ରହ୍‌ନି ମାନାୟାର୍ ହେ କାଲ୍‌ଦିଙ୍ଗ୍ ପାଉଣ୍ଡେସେନ୍ କିନିହିଙ୍ଗ୍ ବ୍ୟବହାର୍ କିଦେଙ୍ଗ୍ ମୁନା କିତାର୍। ମାତର୍ ହେ କାଲ୍ ନଙ୍ଗୟ୍ ଇଲ୍ ରହ୍‌ନି ପାଉଣ୍ଡେସେନ୍‌ନି ୱିଜୁତାଙ୍ଗ୍ ମୁକ୍ୟ କାଲ୍ ଆତାତ୍‌ନା।”

୧ ଯୋହନ 4:19

ଈଶ୍ୱର ପାର୍ତୁମ୍ ମାଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାପା।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।

ହତ୍‌ତି 22:20

ଯୀଶୁ ନିଜେ ଇ ୱିଜୁ ବିଷୟ କାଜିଙ୍ଗ୍ ସାକି ହିଜି ୱେଚ୍‌ନାନା, “ଆଁ, ଆନେଙ୍ଗ୍ ବେଗି ୱାନାଙ୍ଗା। ଆନେଙ୍ଗ୍ ଯୋହନ ଉତର୍ ହିତାଙ୍ଗ୍, ଆମେନ୍! ମାପୃ ଯୀଶୁ ଏନେଙ୍ଗ୍ ବେଗି ୱା।”