୧ କରନ୍ତିୟ 16:18 - New Testament in Pengo Parja Language

¹⁸ ହେୱାର୍ ନାଙ୍ଗେଙ୍ଗ୍ ବେସି ସାସ୍ କିତ୍‌ତାର୍ ଇନେସ୍ ମିଙ୍ଗେଙ୍ଗ୍ ସାସ୍ ହିଜି ମାନ୍‌ଞ୍ଚାର୍, ଲାଗିଙ୍ଗ୍ ହେଲେକେ ହାର୍‌ଦାଙ୍ଗ୍ ହେବା କିନାକାରିଙ୍ଗ୍ ଦନ୍ଯବାଦ୍ ହିନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

¹⁸ ଲାଗିଂ ହେୱାର୍‌ ନାଦାଂ ଆରି ମି ଜିବୁନ୍ତିଙ୍ଗ୍‌ ଜଡ଼ାୟ୍‌ କିତାର୍ଣ୍ଣା; ଲାଗିଂ ଏପେଙ୍ଗ୍‌ ଏଲେଙ୍ଗ୍‌ବାନି ମାନାୟାରିଂ ଜଗ୍‌ ପୁଞ୍ଜି ମାନି କିୟାଟ୍‌ ।

୧ କରନ୍ତିୟ 16:18 ပူးပေါင်းရင်းမြစ်များ

ରୋମିୟ 15:32

ଲାଗିଙ୍ଗ୍ ଈଶ୍ୱର ଇଚା କିତିସ୍ ଆନେଙ୍ଗ୍ ୱାରିୟା ଆଜି ମିତାକେ ୱାଦେଙ୍ଗ୍ ଆଡ୍‌ନାଙ୍ଗ୍ ଆରେ ଆସେଙ୍ଗ୍ ଜାର୍-ଜାର୍‌ତିଙ୍ଗ୍ ସାସ୍ ହିୟାଆନାତ୍।

୨ କରନ୍ତିୟ 7:13

ଆପେଙ୍ଗ୍ ଇ ୱିଜୁ ବିଷୟ କାଜିଙ୍ଗ୍ ବେସି ସାସ୍ ଆତାପ୍। ମା ନିଜର୍ ସାସ୍ ହୁଦାଙ୍ଗ୍ ତିତସ୍‌ତିଙ୍ଗ୍ ଏପେଙ୍ଗ୍ ଆସ୍ତାଦେର୍ ଆରେ ତା ମାନ୍‌ତିଙ୍ଗ୍ ଏପେଙ୍ଗ୍ ୱାରି କିତାଦେର୍, ହେଦାଙ୍ଗ୍ ହୁଡ଼୍‌ଜି ଆପେଙ୍ଗ୍ ବେସି ୱାରିୟା ଆତାପ୍।

କଲସିୟ 4:8

ମାଙ୍ଗେଙ୍ଗ୍ ଇନାକା ୱିଜୁ ଗଟା ଆତ୍‌ତାତ୍‌ନା ହେ ବିଷୟରେ ଇନେସ୍ ଏପେଙ୍ଗ୍ ପୁନାଦେର୍। ଆରେ ହେୱାନ୍ ମିଙ୍ଗେଙ୍ଗ୍ ପାର୍ତିତାଙ୍ଗ୍ ମାଞ୍ଜେଙ୍ଗ୍ ଇନେସ୍ ସାହାସ୍ ହିଦେଙ୍ଗ୍ ଆଡ଼୍‌ଦାନାନ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାନିଙ୍ଗ୍ ମି କାଜିଙ୍ଗ୍ ପକ୍ତାତାଙ୍ଗ୍‌ନା।

୧ ଥେସଲନୀକିୟ 5:12

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଇମ୍‌ଣି ମାନାୟ୍ ମାପୃତି କାମାୟ୍ କିଦେଙ୍ଗ୍ ନେତା ଆତାନ୍‌ନା, ଆରେ ମିଙ୍ଗେଙ୍ଗ୍ ହାର୍ ହିକ୍ଷା ହିଦ୍‌ଦେଙ୍ଗ୍ କଷ୍ଟ କିନାନା, ହେୱାନିଙ୍ଗ୍ ସନ୍‌ମାନ୍ ହିୟାଟ୍।

ଫିଲୀମୋନ 1:20

ଲାଗିଙ୍ଗ୍ ଏ ନା ଟଣ୍ଡେନ୍ ନି କାଜିଙ୍ଗ୍ ନାଙ୍ଗେଙ୍ଗ୍ ମାପୃତାକେ ଲାବ୍ ଆଦେତ୍, ଖ୍ରୀଷ୍ଟତାକେ ର ପାର୍ତିକିନି ଟଣ୍ଡେନ୍ ଲେକେ ଆଜି ନାଙ୍ଗେଙ୍ଗ୍ ସାସ୍ କିଦା।

ଫିଲୀମୋନ 1:7

ଇନେସ୍‌କି ଏନେଙ୍ଗ୍ ଜେକନିକାରିଙ୍ଗ୍ ଲାଡ୍ କିତି କାଜିଙ୍ଗ୍ ଆନେଙ୍ଗ୍ ବେସି ୱାରି ଆରେ ସାହାସ୍ ପାୟାଆତାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଏ ଟଣ୍ଡେନ୍ ଏନେଙ୍ଗ୍ ଈଶ୍ୱର ମାନାୟାରିଙ୍ଗ୍ ସାହାସ୍ କିତାଇନା।

ଏବ୍ରି 13:7

ଇମ୍‌ଣାକାର୍ ମିଙ୍ଗେଙ୍ଗ୍ ଈଶ୍ୱର କାତା ୱେଚ୍‌ଚି ମାନ୍‌ଞ୍ଚାର୍, ହେ ନେତାରିଙ୍ଗ୍ ମାନ୍ତ ଏତୁକିୟାଟ୍। ହେୱାର୍ ଜିବୁନ୍‌ତାକେ ମାନି ହାର୍ଦି ଗୁଣ୍ ବିଷୟରେ ଚିନ୍ତା କିୟାଟ୍ ଆରେ ହେୱାର୍ ୱେଚ୍‌ଚିତି ଲେକେ ମାପୃତାକେ ପାର୍ତିକିୟାଟ୍।

୩ ଯୋହନ 1:4

ଏ ନା ମାଜିର୍ କାଦେର୍, ଏପେଙ୍ଗ୍ ଈଶ୍ୱର ହିକାୟ୍ କିତ୍‌ତି ସତ୍ କାମାୟ୍ କିନାଦେରା, ହେଦାଙ୍ଗ୍ ୱେନ୍‌ଞ୍ଜି ଆନେଙ୍ଗ୍ ବେସି ୱାରିୟା ଆତାଙ୍ଗ୍।