୧ କରନ୍ତିୟ 15:58 - New Testament in Pengo Parja Language58 ଲାଗିଙ୍ଗ୍, ଏ ଟଣ୍ଡାର୍କାଦେର୍, ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍, ଆରେ ମିଚ୍ ହିକ୍ଷା ଶୁଣାୟ୍ କିନି ମାନାୟାର୍ତାଙ୍ଗ୍ ଦେହା ହାଲ୍ମାଟ୍। ଇନେସ୍କି ତା କାମାୟ୍ କିଦେଙ୍ଗ୍ କଷ୍ଟ କିନାକା ବେକାର୍ ଆଉତ୍, ଇନେସ୍କି ଏପେଙ୍ଗ୍ ହାର୍ କିଜି ପୁଚାଦେର୍ନା ଯେ, ତା କାଜିଙ୍ଗ୍ କିନି କାମାୟ୍ ମି କାଜିଙ୍ଗ୍ ଲାବ୍ ଆଦ୍ନାତ୍। အခန်းကိုကြည့်ပါ။ସତ୍ ବଚନ୍ ପୁନି ନିୟମ୍58 ଲାଗିଂ, ଏ ନା ୱାରିନି ଟଣ୍ଡାର୍ ଆରି ତଣ୍ଦେକ୍, ମାପ୍ରୁତି ହେବାତ ମି କସ୍ଟ ପଲ୍ୟା ଆକାୟ୍, ଇଦାଂ ପୁଞ୍ଜି ମାପ୍ରୁତି କାମାୟ୍ତ ସୁସ୍ତାତାଂ ଆରି ତିର୍ ମାନାଟ୍ ନିତ୍ରେ ଆଦିକ୍ତାଂ ଆଦିକ୍ ଜାତୁନ୍ ଆଡୁ । အခန်းကိုကြည့်ပါ။ |
୧ କରନ୍ତିୟ 15:58
42 ပူးပေါင်းရင်းမြစ်များ
ଇମ୍ଣି ମାନାୟ୍ ମାର୍ ରୁସ୍ତାନ୍ନା ଆରେ ଇମ୍ଣି ମାନାୟ୍ ମାର୍ତିଙ୍ଗ୍ ଏଜୁଙ୍ଗ୍ ହିନାନା ହେୱାର୍ ର ଲେଗ୍ଦି କାମାୟ୍ କିନାରା। ହେଲେକେ ଆନେଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ୱେଚ୍ଚାତାଙ୍ଗ୍ ଆରେ ଈଶ୍ୱର କାତାତିଙ୍ଗ୍ ହିକାୟ୍ କିତ୍ତାଙ୍ଗ୍, ଆରେ ଆପୋଲ ପା ମିଙ୍ଗେଙ୍ଗ୍ ହିକ୍ଷା ହିତ୍ତାନ୍। ମାତର୍ ଆପେଙ୍ଗ୍ ରିୟାପ୍ ର ଲେଗ୍ଦି କାମାୟ୍ କିନାପା, ଆରେ ଆପେଙ୍ଗ୍ କଷ୍ଟ କିତି ଅନୁସାରେ ଈଶ୍ୱର ମାଙ୍ଗେଙ୍ଗ୍ ବିନ୍-ବିନ୍ ପୁରଷ୍କାର୍ ହିଦ୍ନାନ୍।
ଏ ନା ଲାଡ୍ନି ପାର୍ତିକିନି ଟଣ୍ଡାର୍କାଦେର୍, ଈଶ୍ୱର ମାଙ୍ଗେଙ୍ଗ୍ ତା ହିମ୍ଣାୱାକ୍ଡ଼ା ଆଦେଙ୍ଗ୍ ପାର୍ମାଣ୍ କିତ୍ତାନ୍ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ କରାପ୍ କାମାୟ୍ ୱିଜୁ କିନାକା ବନ୍ଦ୍ କିନି ଦର୍କାର୍ ଇମ୍ଣାକା ମା ଗାଗାଡ଼୍ତିଙ୍ଗ୍ ଆରେ ଆତ୍ମାତିଙ୍ଗ୍ କରାପ୍ କିନାତା। ଆରେ ଆସେଙ୍ଗ୍ ଈଶ୍ୱରତିଙ୍ଗ୍ ସନ୍ମାନ୍ କିଜି ମାନି କାଜିଙ୍ଗ୍ ଆସେଙ୍ଗ୍ ଈଶ୍ୱର ଇଚା କିନିଲେକେ କାମାୟ୍ କିନି ଦର୍କାର୍।
ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍ତାନ୍ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍କି ର ବାଡ଼୍କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍ଞ୍ଜି ଇମ୍ଣି ଆହା ପାୟା ଆତାଦେର୍ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।
ଆରେ ମାର୍ତି ଚିରା ଇନେସ୍ ମେଦ୍ନିତାକେ ହାଲ୍ଜି ଆଟ୍ୱା ଆଜି ମାନାତ୍, ହେଲେକେ ଏପେଙ୍ଗ୍ ହେୱାନ୍ତାକେ ବେସି ଆଟ୍ୱା ଆଜି ମାନାଟ୍। ମି ଜିବୁନ୍ ହେୱାନ୍ତାକେ ବାଡା ଆୟେତ୍, ଲାଗିଙ୍ଗ୍ ଏପେଙ୍ଗ୍ ଇମ୍ଣି ହିକ୍ଷା ପାୟା ଆତାଦେର୍ନା ହେ ଅନୁସାରେ ମି ପାର୍ତି ସତ୍ତାକେ ଆଦିକ୍ତାଙ୍ଗ୍ ଆଦିକ୍ ଆଟ୍ୱା ଆନାତ୍। ଆରେ ଆଦିକ୍ତାଙ୍ଗ୍ ଆଦିକ୍ ଏପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।
ଆରେ ଆପେଙ୍ଗ୍ ଏଚେପାଦ୍ନା ମା ଆବା ଈଶ୍ୱରତିଙ୍ଗ୍ ପାର୍ତାନା କିନାପା। ଏପେଙ୍ଗ୍ ପାର୍ତିତାଙ୍ଗ୍ କିନି କାମାୟ୍ତିଙ୍ଗ୍ ଏତ୍ କିନାପା, ଆରେ ଏପେଙ୍ଗ୍ ପାର୍ତିକିନି ମାନାୟାରିଙ୍ଗ୍ ଲାଡ୍କିନି କାଜିଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କଷ୍ଟ କିନାଦେରା। ଆରେ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି ଆହା କିନାଦେରା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ମାନାୟାର୍ ଦୁଃକ୍ କଷ୍ଟ ହିତ୍ତିସ୍ ପା ସମ୍ବାଲି କିନାଦେରା।
ကြော်ငြာတွေ